As novas de NOVA FANTASIA

Febreiro de 2006 - Xuño de 2006

Singer na Fuga de Logan

[21:27 13/02/2006] Bryan Singer (X-Men) dixo nunha recente entrevista que ven de se reunir co guionista de Sospeitosos habituais, Christopher McQuarrie, para esbozar un libreto para o remake de A Fuga de Logan, un filme que tivo que agardar mentres remataba o seu vindeiro Superman Returns. Singer engadiu que ten previsto comezar a produción neste ano 2006 para unha estrea prevista en 2008.
"Estamos a rematar o guión", dixo Singer o pasado 11 de febreiro no decurso da WonderCon celebrada en San Francisco, na que apareceu por sorpresa para promocionar o próximo regreso de Superman ás pantallas. Ademáis, engadiu que vai comezar o traballo dende o punto no que o tivo que deixar cando fora contratado para Superman Returns, e que incluirá escenas con imaxes xeradas por computador.
Segundo Singer, esta nova versión da clásica película de 1976 xuntará conceptos da versión orixinal e da interpretación que dela faga o mesmo Singer, e terá lugar "nun ambiente único, ún que non miramos nunha película aínda".
A Fuga de Logan é un libro clásico de ciéncia-ficción, escrito por William Logan, e que vai sobre unha sociedade futura na que a xente ten que morrer aos 21 anos; foi adaptada ao cinema en 1976 nun filme que protagonizou Michael York, ainda que na versión para as pantallas grandes a idade da morte foi subida até os 30 anos.

[19:21 18/02/2006] Paul Levitz, presidente e Editor da DC Comics, será o autor dun cómic da Liga da Xustiza de América (a JLA), protagonizado polos clásicos superheroes da DC. Levitz antes de executivo fora un dos guionistas mais respectados da indústria do cómic americano dos anos 70 e 80, e non é a primeira vez que se pon ao fronte dos guións da Sociedade da Xustiza. Xa a finais dos setenta estivo á fronte dos mesmos, cando contaba con pouco mais de 20 anos. A série pola que mais xente lle lembra é a sua longa etapa á fronte da Legion of Superheroes, título que tivo que abandoar cando foi ascendendo como executivo en DC e non tivo tempo material para seguir facendo cómics de maneira regular.

[3:45 17/02/2006] A protagonista de O Reino dos Ceos, Eva Green, será a vindeira "rapaza Bond" que interpretará xunto a Daniel Craig a vindeira película da saga de 007, Casino Royale, segundo anunciaron os produtores Michael G. Wilson e Barbara Broccoli nunha rolda de prensa o 16 de febreiro. Green, unha actriz francesa, dará vida a Vesper Lynd nun papel que seica non estivo moi disputado estes meses, porque foi rexeitado alomenos por tres actrices, pero que evidentemente moitas outras menos importantes querían para si. Outros actores que tamén entrarán no reparto serán Mads Mikkelsen no papel do "malo oficial" e Jeffrey Wright como o axente da CIA Felix Leiter.

[3:45 17/02/2006] O director George Lucas foi honrado polo presidente dos Estados Unidos, George W. Bush, polos seus méritos no eido da tecnoloxía. O realizador da saga da Guerra das Galáxias recebiu o luns unha Medalla da Ciéncia e a Tecnoloxía polos efectos visuais innovadores da súa compañía no cinema. Lucas e mais o presidente da Industrial Light and Magic, Chrissie England, estiveron entre os 15 premiados polo seu traballo nunha cerimónia celebrada na Casa Branca en Washington D.C.

[3:45 17/02/2006] Platinum Dunes, a compañia de Michael Bay, será a responsábel de traer de novo á vida a Jason Vorhees e resucitar a franquícia da saga de Venres 13 cunha precuela. O guión, de Mark Wheaton, está aínda por rematar, e non hai novas sobre o director nin sobre o reparto, pero xa se sabe que esta entrega será un prelúdio do filme orixinal de 1980.

[3:45 17/02/2006] No decurso da pasada WonderCon, Frank Miller falou da súa nova novela gráfica, na que regresa ao mundo de Batman e esta vez con Holy Terror, Batman!, un remedo da popular frase de Robin (que na TVG foi traducida como "Santos morcegos!"). A cuestión é que desta volta, Gotham City será atacada polos terroristas de Al Qaeda e Batman deberá defender a súa cidade ao longo das 200 páxinas que terá o libro. Miller non se mordeu a língua á hora de definir a súa obra como "un anaco de propaganda" onde "Batman bate no cú a Al Qaeda".

[3:55 16/02/2006] Os produtores de Harry Potter veñen de confirmar a Gary Oldman para que repita no seu papel de Sirius Black en Harry Potter e a Orde do Fénix, mália os informes que nun primeiro intre sinalaban o contrário. Oldman, que aparecera nas anteriores dúas entregas desta popular saga, ainda non asinara para a súa terceira participación (a cuarta película) e iso que a rodaxe xa escomezara. Pero o produtor David Heyman insiste que ainda fica moito tempo para que Oldman asine o seu contrato. O actor, de 47 anos, está arestora a rodar unha película en Los Angeles baixo a dirección do realizador David Fincher.

[3:55 16/02/2006] A Académia de Cinema de Ciéncia-Ficción, Fantasía e Terror ven de anunciar os nominados á 32ª entrega dos prémios Saturno, e nesa listaxe destaca o filme de George Lucas A Vinganza do Sith, con dez candidaturas. Os galardóns serán entregados o vindeiro 2 de maio en Universal City, Califórnia. Batman Begins levou nove nominacións, mentres que As Crónicas de Nárnia e Harry Potter e o Cáliz de Lume levaron oito cada unha. A listaxe completa dos candidatos a estes peculiares prémios podédela atopar no seu sítio web oficial.

Sinbad presentou-se en Marrocos en árabe

[3:46 17/02/2006] O rei de Marrocos inaugurou o 10 de febreiro o 12º Salón Internacional da Edición e do Libro que se celebra na cidade de Casablanca, onde adicou-se o mércores pasado ás letras galegas coa presentación da primeira tradución ao árabe de Si o vello Sinbad volvese ás illas, a clásica obra de Álvaro Cunqueiro, que levaron a cabo Larbi El Harti e dous dos seus ex alumnos, Abdelilah Haki e Badina Nahass, para a editorial Marsam. Na presentación estiveron o editor en árabe e mais Carlos Lema en representación da Editorial Galaxia (responsábel da edición orixinal), o escritor e Notário César Cunqueiro (fillo do autor homenaxeado) e a secretária xeral de Política Lingüística, Marisol López Martínez, aos que se sumarían os presidentes do Pen Clube marroquino e galego en dúas mesas redondas posteriores sobre Galiza e mais a nosa literatura.
Os dous mil exemplares deste lanzamento que se distribuirán no país marroquino e por diversos puntos do mundo árabe é todo un acontecemento que recollen con amplitude os medios de comunicación, porque hai que ter en conta que Marrocos edita menos de catrocentos títulos ao ano en todas as linguas - moi lonxe dos máis de mil que aparecen só en galego para unha poboación que non acada nin a décima parte da comunidade galega - mentres importa unha gran porcentaxe de libros de Franza.
Larbi El Harti salientou que "todo o que vertemos das diferentes linguas do Estado español ao árabe é moi importante porque entra de cheo no que eu chamo didáctica democrática. É coma un chisco para facerlle ver á nosa xente que se pode convivir na pluralidade, porque tamén Marrocos está na obriga de admitir algún día a súa diversidade". Ademáis, engadiu que "a capacidade fabuladora do Sinbad que é Cunqueiro está moi próxima á de personaxes que aínda viven hoxe en Marrocos. Hai moitos, sobre todo no norte".

Javier Negrete gaña o III Prémio Minotauro

[3:53 16/02/2006] O escritor madrileño Javier Negrete obtivo o terceiro Prémio Minotauro de ciéncia-ficción e fantasía, dotado con 18.000 euros, pola sua obra Señores del Olimpo, na que fusiona a mitoloxía grega e a narración de aventuras.
O xurado estivo composto polo filósofo Fernando Savater, os escritores Ángeles Vallvey, Marcial Souto, M. Ángeles Mercader, Pedro Matesanz, Laura Falcó Lara, Francisco García Lorenzana e Rodolfo Martínez, este último gañador da edición do ano pasado pola sua obra Sicarios del Cielo.
Javier Negrete, gañador de numerosos prémios desde que publicou a sua primeira novela en 1992, aborda con Señores del Olimpo o amplo tema dos mitos gregos e constrúe unha aventura de tintes fantásticos, na que se misturan intrigas e paixóns entre criaturas de numerosas razas ancestrais, desde deuses e xigantes, até sátiros e centauros.
Entre os seus traballos más recoñecidos destacan La mirada de las furias, Prémio Ignotus á millor novela en 1998; Buscador de sombras, gañador do Prémio UPC de novela curta do ano 2000; ou Estado crepuscular, Prémio Ignotus e Gigamesh ao millor relato en 1994.
Licenciado en Filoloxía Clásica e profesor de grego no Instituto de Educación Secundária "Gabriel y Galán" de Plaséncia, adicou-se tamén á literatura xuvenil, con obras coma Memoria de Dragón e Los héroes de Kalanúm.
O xurado do certame literário de Ciéncia-Ficción e Literatura Fantástica premiou a obra de Negrete despois de destacar a alta calidade literária das catro obras finalistas.
Na sua terceira edición, convocada por Ediciones Minotauro e Cafés Marcilla, estes xovencísimos prémios posicionan-se entre os máis salientábeis do panorama internacional de literatura fantástica e de ciéncia-ficción, sendo o certame deste xénero cun prémio máis importante económicamente.

V de Vendetta e o terrorismo na Berlinale

[1:28 15/02/2006] V de Vendetta, o filme de James McTeigue con factura de cómic e paralelismos cos atentados do 11-S e de Londres, apresentou-se na Berlinale envolto na polémica sobre a sua suposta xustificación do terrorismo para combater as ditaduras.
"Eu non vou ditar á xente como debe ver o meu filme. Espero que moitos o vexan como un entretimento, pero por suposto hai tamén unha parte de controvérsia que espero xere discusión", dixo o director.
O filme, con guión dos irmáns Andy e Larry Wachowski - os de Matrix - e baseado no clásico cómic dos 80 de Alan Moore, sitúa a un enmascarado xusticeiro nos limites difusos dun "Zorro" e un terrorista. O enmascarado, identificado cun "V", ameaza con voar o Parlamento inglés a relembranza de Guy Fawkes e a conspiración da pólvora. V é un heroe romántico e elocuente ao que nunca se verá a face, pero que namora a unha moza - Natalie Portman - e a convence da lexitimidade da sua loita.
O inimigo a eliminar é un ditador que trasladou a Inglaterra non só a estética de Adolf Hitler, se non tamén o propósito nazi de exterminar a estranxeiros, homosexuais e opositores, aos que tortura en campos de concentración. Ante esa situación, o "bó terrorista" V, vítima el mesmo dun dos delirantes experimentos da ditadura, chama á mobilización popular.
"O tema está aí e os paralelismos tamén, pero o filme estaba rematado antes que as bombas no metro de Londres (o pasado xullo) e o cómic era anterior ao 11 de setembro (de 2001)", dixo McTeigue após da exibizón do filme na sección oficial fóra de concurso.
Portman, que reapareceu co pelo curto tras o espectacular rapado que luce en V de Vendetta, aludiu á sua orixe israelí para dar a sua opinión sobre a violéncia: "No meu país é un tema de cada dia. É interesante que se prantexe no cinema".
John Hurt, intérprete do ditador británico, eludiu a pregunta de se o seu personaxe se inspira en Hitler, a ex primeira ministra británica Margaret Thatcher ou o presidente americano, George W. Bush, e dixo que simplesmente era un "líder feixista", quitado dun cómic e polo tanto cun tratamento chan, non tridimensional, como sería o caso dun político real.
A proxección de V de Vendetta en Berlín deu a oportunidade de ver o que durante todo o filme fica oculto: o rosto de Hugo Weaving, a quen compete a difícil tarefa de encher de expresión á sua ríxida máscara branca cun sardónico sorriso. "A miña tarefa consistía en transmitir unha idea, non un rosto. O meu instrumento foi a voz e nela centrei a miña interpretación", dixo, para engadir que desde o princípio aceitou sen pestanexar o arduo traballo de protagonizar un filme no que nunca se lle mira a face.

[2:14 24/02/2006] Un grupo de fans de James Bond veñen de lanzar unha web para protestar pola contratación de Daniel Craig como sustituto de Pierce Brosnan na saga de 007. Os fans están a chamar ao boicot para o filme de debut de Craig, Casino Royale, que está arestora a se rodar en Praga.

[18:16 22/02/2006] A secuela de Batman Begins podería converter-se nun asunto australiano, agora que Hugo Weaving e Hugh Jackman teñen posibilidade de interpretar ao malvados. Os dous actores australianos poderían ser o Joker e Harvey 'Dúas Faces' Dent na vindeira aventura do superheroe encapado. Os produtores ainda non teñen claro a quen contratar, e na listaxe de candidatos para Dúas Faces está o protagonista de Firewall Paul Bettany e outro australiano, Lachy Hulme, tamén está a ser considerado para interpretar ao Joker.

[18:16 22/02/2006] Os creadores da vindeira película de terror Stay Alive dixeron en várias entrevistas que algúns membros da equipa de rodaxe foran posuídos polo espíritu dunha tal "Condesa Sanguenta" Elizabeth de Bathory, unha nobre romena que disque asasinaba virxes para se bañar no seu sangue e que é a inspiración para o filme. O coguionista, William Brent Bell, que tamén dirixe esta fita, e mais o outro guionista, Matthew Peterman, están a falar desta suposta posesión coa non disimulada intención de que creando unha nova "lenda urbá" sexa máis doado atopar canles de distribución para o filme.

[18:16 22/02/2006] O director James Cameron ven de dicir que quere facer xa mesmo a súa película de ciéncia-ficción Project 880 e non a que todo o mundo agardaba, a adaptación do manga Battle Angel do xaponés Yukito Kishiro: "vimos de mover a Project 880 á primeira posición", dixo Cameron nunha revista. Este filme, cun guión e argumento de "alto segredo", podería ser unha versión de Avatar, unha história de amor ambientada nunha guerra interplanetária.

[13:09 21/02/2006] O novo James Bond, Daniel Craig, ficou sen dous dos seus dentes e coa boca pingando de sangue após dunha escena de loita que saiu mal durante a rodaxe de Casino Royale. O actor foi asistido polo seu dentista, quen tivo que voar dende Londres ainda que a rodaxe é en Praga. Craig terá que levar agora unha protección especial de goma durante as escenas. Un voceiro dixo que "Daniel levou a man á boca e o sangue comezou a lle esbarar entre os dedos. Foi horríbel".

[13:09 21/02/2006] Agárda-se que o traxe de Batman que levou George Clooney na súa película de 1997 Batman e Robin chegue aos 100.000 dólares nunha poxa organizada pola casa Profiles in History para finais de marzo xunto a unha manchea doutros obxectos de cinema. Joe Madalena, o voceiro da casa de poxas, dixo que "ainda que a película de Clooney foi un desastre, temos grandes esperanzas no bat-traxe". O traxe ven cunha lista de extras que inclúen os seus pezóns, a capa, a capucha, luvas, o cinto e por suposto, as bat-orellas.

[2:14 24/02/2006] O director Steven Spielberg podería comezar a rodaxe da cuarta entrega da saga de Parque Xurásico o ano que ven. Spielberg tamén está pendente de resucitar a série de Indiana Jones con Harrison Ford a finais deste ano. O produtor Frank Marshall confirmou que o guión para a seguinte versión dos filmes de dinosáuros está xa rematado: "Ten un bó guión xa, así que debemos telo preparado e en marcha o ano que ven, para estrear-se en 2008". Agárda-se que o persoaxe de Lexie, a neta do persoaxe de Sir Richard Attenborough, teña un papel protagonista no novo filme.

[2:14 24/02/2006] As cinzas do actor de Star Trek James Doohan serán por fin enviadasao espazo o mes que ven nun foguete e esparexidas por toda a galáxia. Doohan interpretaba ao enxeñeiro Montgomery Scott na clásica série de ciéncia-ficción da tele, coa que se acuñou a famosa frase "Beam me up Scotty" ("Telepórta-me Scotty", na versión galega). Unha compañía privada lanzará o foguete dende Cabo Canaveral, en Florida, xunto as cinzas doutras 185 persoas que pagaron entre 995 e 5.300 dólares para poder ser enviados ao espazo. O astronauta dos programas Mercúrio e Xéminis Gordon Cooper estará a bordo na que será a súa terceira viaxe ao espazo.

[2:14 24/02/2006] A Paramount Classics está en negociacións para mercar os dereitos sobre un guión dun thriller post-apocalíptico escrito polos irmáns Alex e David Pastor, con Alex desexando facer o seu debut na dirección. O proxecto vai sobre as aventuras de catro amigos que escapan dun andazo no oeste americano.

[0:30 03/03/2006] Seica a Paramount ven de deixar estancada a proposta 11ª película da saga de Star Trek, que estaba baseada nun guión de Erik Jendresen. Os rumores apuntan a que pasará moito tempo antes de que a Paramount apoie outro filme ou série de televisión baseados na franquícia Trek.

[0:30 03/03/2006] O clásico actor Christopher Lee ven de loubar ao irlandés Pierce Brosnan, afirmando del que é o millor actor que interpretou ao superespía James Bond. Lee, quen fixo o papel do inimigo de 007 no filme de 1973 O home da pistola de ouro e defendeu a Daniel Craig das críticas que está a levar, insitiu que Brosnan é o Bond imaxinado exactamente por Ian Flaming, o escritor das novelas que debuxaron ao axente secreto máis famoso do mundo.

[0:30 03/03/2006] O actor Ned Beatty, que interpretou a Otis, o axundante de Lex Luthor en Superman I e Superman II, será premiado co galardón "Master of Cinema" en Winston-Salem, Carolina do Norde, en marzo. Beatty tamén apareceu en filmes coma Capitán América, As viaxes de Gulliver, e outros filmes e séries de televisión do xénero fantástico.

[0:39 01/03/2006] Foram lançados recentemente no mercado português dois livros que se aproximam da literatura fantástica. A Pele Fria, de Albert Sánchez Piñol, conta a história de sobrevivência de duas pessoas num farol, perante as incursões de um grupo de fantásticas criaturas marinhas. Comparado aos escritos de Stevenson, Conrad e H.P. Lovecraft, este livro foi um dos grandes sucessos da literatura catalã. O Sotão, da autoria de Gabi Martinez, faz-nos acompanhar um personagem que se fechou num quarto para criar o videojogo absoluto em termos de imersão.

[0:39 01/03/2006] O actor Dennis Weaver ven de morrer aos 81 anos de idade por mor dun cancro o pasado venres na súa casa de Colorado. Coñecido sobre todo pola súa interpretación do comisário McCloud, é un rosto coñecido para os afeccionados ao xénero fantástico por ser o protagonista do primeiro e mítico filme de Steven Spielberg, Duel (El diablo sobre ruedas en España). Weaver foi presidente do Sindicato de Actores dende 1973 a 1975, e tamén foi un activista da protección do médio ambiente, loitou para combater á fame no mundo e construiu-se unha casa alimentada con enerxía solar en Colorado.

[0:39 01/03/2006] Un xogo de rol en galego está a ser deseñado por tres "blogueiros" dende unha bitácora na Rede. As Crónicas de Gáidil é unha visión idealizada da Galiza na época da Idade do Bronce ou do Ferro, do que ainda non temos moitos dados pero que de certo que ten moi boa fasquía polo que se desprende do devandito blog.

[0:38 01/03/2006] O xénero fantástico perdeu no mesmo día a tres dos seus máis senlleiros representantes, Darren McGavin e Don Knotts. Ambos os dous eran coñecidos nos Estados Unidos por interviren en películas e séries televisivas de xénero. Ademáis, Octavia Butler, gañadora dos prémios Hugo e Nebula que probabelmente era a máis famosa muller negra escritora de ciéncia-ficción finou na súa casa de Seattle o 25 de febreiro aos 58 anos.

[2:14 24/02/2006] A Warner Brothers está a planear xa as secuelas para Batman Begins e Superman Returns, cos seus respectivos directores Christopher Nolan e Bryan Singer dispostos para repetir, e iso que o filme do Home de Aceiro ainda está por se estrear. Os estudos xa contrataron a Jonah Nolan, o irmán de Christopher, para que escriba o guión da secuela de Batman, prevista para 2008, mentres que a de Superman vería a luz en 2009.

[22:07 06/03/2006] A nova entrega cinematográfica de Astérix, Astérix nos Xogos Olímpicos, que se rodará en xuño en Alicante (España), contará como convidados a Santiago Segura, quen interpretará o papel de Doctormabus e Elsa Pataky o de Danzarina. Nesta aventura, Astérix e Obélix deberán gañar os Xogos Olímpicos e permitir así que o xove Alafolix poida casar coa princesa Irina. Deste xeito, deberán loitar contra o terríbel Bruto, disposto a todo para gañar tamén os Xogos e desfacer-se de seu pai Xúlio César.

[13:51 05/03/2006] Unha imaxe de Spiderman 3 que foi publicada estes días pola Rede indica a posibilidade dunha muda no uniforme de Spidey, que pasaría do vermello ao negro. Tobey Maguire regresará como Peter Parker/Spiderman e Kirsten Dunst como a súa moza Mary Jane. A nova muller na vida de Peter será Bryce Dallas Howard como Gwen Stacy.

[13:50 05/03/2006] O escritor inglés de CF e fantasía Michael Moorcock ven de comentar nunha recente entrevista que a súa última novela, The Vengeance of Rome, non atopa un editor nos Estados Unidos por mor do seu protagonista, un embaucador, mentirán, xudeu antisemita e antiislámico, bisexual e simpatizanrte co feixismo, un persoaxe moi dificil de vender. Segundo Moorcok, a Random House, unha das suas habituais editoriais, renunciou a publicar o libro por "temor a unha reacción violenta dos fundamentalistas que non poderían aprezar a ironía que agocha o persoaxe".

[0:30 03/03/2006] Vários sítios da Internet están a espallar o rumor de que a vindeira película supersecreta do director James Cameron, Project 880, será, como se viña dicindo, unha versión modificada do seu antigo proxecto de ciéncia-ficción épica Avatar. O filme irá sobre un mundo álien no que hai un romance entre unha extra-terrestre e mais un ser humano.

[0:30 03/03/2006] Alfonso Cuaron, o director de Harry Potter e o Prisioneiro de Azkaban, dixo nunha recente entrevista que ainda non quere facer outro filme de Potter, pero que deixa a porta aberta para o futuro. Pois se segue agardando moito, se lle vai pasar a ocasión de repetir, porque xa quedan moi poucos libros sen película.

A maldizón de Superman?

[13:26 21/02/2006] Robert Meyer Burnett, ún dos membros da equipa de rodaxe do filme de Bryan Singer Superman Returns, dixo nunha recente entrevista que foi atracado en Sydney á saída dun bar o ano pasado durante a produción da película, ficando con tres costelas rotas, pero negou que isto forme parte da "maldizón de Superman". Burnett dirixiu os blogs de produción de Singer e producirá a vindeira edición especial en DVD.
A maldizón é un rumor que corre en Hollywood por mor dos accidentes e outros percances sofridos por membros da equipa de rodaxe dos distintos filmes do Home de Aceiro dende que o Superman orixinal, George Reeves, resultou morto dun disparo, e incrementados despóis co accidente que deixou inválido a Christopher Reeve.
A produción de Singer estivo chea de accidentes: un membro da equipa caiu nuns chanzos de cemento e outro saiu voando a través dunha fiestra de vidro e resultou cun pulmón perforado, ainda que xa están recuperados. O realizador Bryan Singer quixo restar importáncia a esta maldizón: "coido que só se refire á traxédia de George Reeves e ao accidente de Christopher Reeve, e coido que hai outros filmes que tiveron moitas máis mortes ao seu redor que Superman".

[1:12 09/03/2006] A revista TV Guide Magazine e mais o SCI FI Channel veñen de anunciar unha oferta pola que permitirán un máximo de 1.400.000 descargas gratuitas dun episódio da série Battlestar Galactica. Para elo os interesados deberán mercar o número desta semana da revista e facerse co cupón que lles permitirá facer a descarga completamente legal dende o iTunes. O episódio leva por título precisamente Downloaded, e conta como estrela convidada a Lucy Lawless.

[22:07 06/03/2006] A novela Air de Geoff Ryman foi a vencedora na edición deste ano do prestixioso Prémio Tiptree. Os outros finalistas foran Aimee Bender, por Willful Creatures, Margo Lanagan, por Wooden Bride, Vonda N. McIntyre, por Little Faces, Wen Spencer, por A Brother’s Price, Wesley Stace, por Misfortune e Mark W. Tiedemann, por Remains

Chega Harry Potter... e non en galego

[12:15 22/02/2006] As librarías de toda España recibirán mañán xoves a partir das seis e média do serán unha máis ca probábel avalancha de milleiros de rapaces e de pais, todos fans de Harry Potter. A esa hora porán-se á venda simultáneamente máis dun millón de exemplares en español da sexta e penúltima entrega da série da escritora inglesa J.K. Rowling, Harry Potter y el mistério del príncipe, tradución ao español de Harry Potter and the half-blood prince, editado por Ediciones Salamandra.
Dende hai xa quince días a meirande parte das librarías galegas exhiben nos seus escaparates un cartace que vai marcando a conta atrás xunto con outros que reproducen a figura de Potter. Para o xoves pola tarde, e coincidindo co comezo das festas do Entroido, numerosos establecementos organizaron concursos de disfraces e de deseño de portada, e ademáis contrataron actores que disfrazados dos persoaxes da série acompañarán e xogarán co lectores da obra de J.K. Rowling.
Na Casa do libro en Vigo celébra-se o Mes Harry Potter. O xoves 23 dende as 17:30 un meigo fará distintos trucos, e ás 18:30 erguerá-se a saba que cubre os libros. Está previsto un taller onde se pintará a famosa cicatriz no fronte de Harry Potter aos nenos, se lles fará unha foto e logo será enviada por correio.
Pola súa banda, a libraría Abraxas de Compostela terá o xoves un concurso de preguntas sobre Harry Potter, unha merenda con pastel "Harry Potter" e haberá bebidas máxicas.
Ainda que o libro aparecerá simultáneamente en catalán (Harry Potter i el misteri del Princep) polo de agora non existe nin a máis mínima previsión para a tradución ao galego desta sexta entrega da popular saga, nin ningunha editorial aparentemente interesada en publicala na nosa língua. En portugués si que hai xa tradución (Harry Potter e o Enigma do Príncipe) dende o pasado 26 de novembro, pero só se pode atopar en Brasil, ainda que pode mercar-se doadamente pola Internet a tan só 13 euros, menos da metade do que costa en España.

[1:12 09/03/2006] Seica a New Line Cinema proxecta un filme sobrenatural sobre Peter Pan, quen será un ladrón perseguido por un capitán de policía de nome Hook. O guión é de Ben Magid e a película chamará-se Pan.

[1:12 09/03/2006] As produtoras Sony e MGM están a planificar o que podería ser a terceira entrega de Jeeper Creepers. O guión foi ofrecido ao director Víctor Salva e a produción a Francis Ford Coppola.

[1:12 09/03/2006] Jaume García Arija, protagonista de Zulo, ven de obter o prémio ao Millor Actor na 25ª edición do Fantasporto. A película, dirixida por Carlos Martín Ferrera, producida por Discóbolo Films, vai sobre "un home calquera cunha vida calquera" que é secuestrado sen saber por qué. Este thriller psicolóxico tamén participara en Sitges 2005, onde recibiu a Mención Especial do Xurado.

O Fantasporto comezou xa

[1:28 15/02/2006] O millor cinema fantástico regresou ao Porto durante as dúas semanas de duración dun dos eventos do xénero máis importantes de cantos se celebran en Europa. O Fantasporto, Festival Internacional de Cinema do Porto, escomezou este luns e por primeira vez na súa história cun filme portugués: Coisa Ruim, de Tiago Guedes e Frederico Serra. O certame conta este ano coa única presencia galega do realizador vigués Juan Pinzás. O Fantasporto 2006, que se desenvolverá até o 5 de marzo tendo como sé principal o Rívoli Teatro Municipal, seleccionou a súa fita O desenlace para competir na sección "Director's Week". O realizador galego viaxará á cidade lusa para presentar o vindeiro 1 de marzo este filme, protagonizado por Pepe Sancho, Beatriz Rico e Javier Gurruchaga. Ademáis, a última película de Jaume Balagueró, Fráxiles, clausurará o certame o 4 de marzo.
O festival comezou a sua história como un evento non competitivo, pero agora xa conta cunha sección oficial para as producións de xénero fantástico e a Semana dos Directores para cinema que non encaixa nesta categoría. Na primera, ademáis de Coisa Ruim, está a coprodución lusofrancesa Animal, de Roselyne Bosch; a película sueca de vampiros Frostbiten , de Anders Banke, a primeira produción irlandesa de zombis, Dead Meat, de Conor McMahon; a canadiana Saints Martyrs des Damnés, de Robin Auber, e a brasileira Um Lobisomem na Amazônia, de Ivan Cardoso, un filme de baixísimo orzamento, que conta cun guión de pésima calidade pero con Paul Naschy entre os actores.
Unha tradición consolidada deste encontro coa fantasía é o Baile dos vampiros, a festa de clausura, que nesta ocasión albergará a madrugada do próximo sábado no Teatro Sá da Bandeira as actuacións de vários grupos e DJs nun ambiente que promete ser terrorífico.

[23:46 14/03/2006] Os fans de Star Trek xa teñen unha nova modalidade de atopar semellantes: unha empresa de Internet chamada TrekPassions.com ven de crear un sítio web de citas no que os fans poderán atopar outros supostos friquis coma eles. O sítio web asegura que non será só para os fans da famosa série de ciéncia-ficción, senón para todos os que gostan das películas e libros do xénero.

[23:46 14/03/2006] O museu da Ciéncia-Ficción e Salón da Fama anunciou onte as persoalidades que entrarán no Salón da Fama este ano 2006. George Lucas, Frank Herbert, Anne McCaffrey e Frank Kelly Freas serán homenaxeados durante a cerimónia de ingreso o vindeiro 17 de xuño. O escritor Neil Gaiman será o mestre de cerimónias para a ocasión. Este acto é só ún máis dentro do fin de semana dos Prémios Locus, presentados por Connie Willis.

[0:33 13/03/2006] Os Centros Socioculturais do Concello de Santiago de Compostela veñen de convocar os Certames Literários "José Saramago" de Relato curto e mais o Certame de Poesía "Aurelio Aguirre". Para os interesados, podedes consultar as bases completas en formato PDF nesta ligazón. Máis información nos Centros Socioculturais de Compostela, teléfone 981 528 740, e no correio electrónico bibliotecacsc@aytocompostela.es.

[19:44 12/03/2006] A Conferéncia episcopal dos Estados Unidos ven de lanzar un "contraataque" por Internet contra o seu odiado O Código da Vinci, a película que será estreada en maio baseada no famoso best-seller. Os bispos americanos veñen de crear un sítio web no que tentan "explicar" os seus motivos para se opoñeren tan furibundamente á novela de Dan Brown e ao filme: "O Código Da Vinci é un desastre, un conxunto de erros risíbeis e sérios. Case cada páxina contén ún", escribiron os bispos en Jesusdecoded.com.

[19:44 12/03/2006] O actor Sean Connery, intérprete de moitos persoaxes de xénero, coma James Bond ou o pai de Indiana Jones, ven de superar unha complicada operación para lle estirpar un ril hai catro semanas nun hospital privado de New York, ainda que anúncian que xa está pleamente recuperado. Sir Sean esá xa de volta na súa casa nas Bahamas e retomará axiña o seu traballo, que é gravar un vídeo para o Partido Nacionalista Escocés.

[1:12 09/03/2006] A editorial americana Dark Horse comenzará a publicar os tomos recopilatórios do cómic coas histórias de Star Wars: As Guerras Clon en español en xuño.

[1:12 09/03/2006] A novela Stardust de Neil Gaiman será levada ao cinema baixo a dirección de Matthew Vaughn, con guión do mesmo Matthew e mais de Jane Goldman. Stardust é a segunda novela de Gaiman, e vai sobre o xove Tristran Thorn, produto do cruce entre un humano e unha elfa. Tristran fai a promesa á rapaza máis fermosa da vila de lle traer unha estrela fugaz caída, para o que deberá entrar no mundo máxico que linda coa vila. Para o reparto soan actores coma Robert de Niro, Michelle Pfeiffer, Claire Danes, Sienna Miller e Charlie Coxx.

Amnistía Internacional contra os videoxogos

[23:54 25/02/2006] "A protección dos dereitos da infáncia está nas mans da voluntariedade das empresas que comercializan os videoxogos". Con esta rotunda frase arrinca o informe da sección española de Amnistía Internacional contra os videoxogos. Xa nun informe anterior defenderan que Warcraft III é un xogo racista porque a raza humana aniquila á raza dos urcos. E tamén criticaran outros coma September 12th – un videoxogo pacifista que é unha explicación das consecuéncias da guerra contra o terrorismo de Bush – por considerar que "normaliza os ataques á povoación civil".
Nunha nova edición do seu clásico informe anual, Amnistía segue a facer comentários tan abraiantes coma eses: grande parte das críticas desta ONG dirixen-se esta vez ás revistas e webs especializadas. Amnistía arremete contra elas por publicar anúncios de videoxogos recomendados para maiores de 18 anos mália que a Internet é un médio para todos os públicos.
Amnistía queixa-se tamén de que a autorregulación do sector – que etiqueta os videoxogos con adverténcias claras sobre a idade recomendada e o tipo de contidos – non é abondo. Piden que o Governo interveña e faga obrigatória esta regulación: "Os pontos de venda no Estado español non dispoñen de medidas para controlar o acceso dos menores de idade a estes videoxogos", segundo o seu disparatado informe.

[23:58 16/03/2006] A editorial Galáxia ven de abrir a súa renovada páxina web na Internet. No enderezo editorialgalaxia.es é posíbel acceder a información sobre a actividade do veterán selo, desde as biografías dos seus autores, o catálogo e novidades, ata datos en cifras; con estes últimos sabemos, por exemplo, que Galaxia publicou dende a súa constitución 2.294 títulos ou que a obra que máis ventas tivo o ano pasado foi Merlín e familia, de Álvaro Cunqueiro. Este libro ten un apartado especial, xa que a web inclúe información sobre a exposición que se lle dedicou á obra de Cunqueiro co gallo do seu cincuenta aniversário.

[23:46 14/03/2006] O pasado día 10, no marco das Trobadas de Matarò, entregou-se o Prémio Manuel de Pedrolo deste ano. Teresa Udina Abelló e Vladimir Hernández Pacín levaron o prémio na categoría de Novela Curta e Jordi Munnshe Colomé na de Relato. O prémio de novela ten unha dotacións de 3.000 euros, e o de relato de 1.200 euros.

[23:46 14/03/2006] O actor John Cusack protagonizará a adaptación á pantalla grande do conto de Stephen King 1408, que dirixirá o director de Sen control, Mikael Hafstrom. A película contará la história dun home que comeza a sufrir situacións paranormais cando se rexistra na habitación 1408 dun Hotel.

[23:46 14/03/2006] O luns anunciáron-se os candidatos aos prémios Lambda que prémian ao millor da literatura lesbiana, gai, bisexual e transexual aparecida en 2005 en múltiples xéneros. Dentro da literatura fantástica os nominados son: Fledgling da recentemente finada Octavia Butler, Shapers of Darkness de David B. Coe, Temple Landfall de Jane Fletcher, Daughters of an Emerald Dusk de Katherine Forrest e No Sister of Mine de Jeanne G’Fellers.

[23:46 14/03/2006] A actriz gañadora dun Oscar e dun Tony Maureen Stapleton, famosa entre os afeccionados ao xénero fantástico pola súa actuación en Cocoon, morreu o luns na súa casa de Lenox, Massachusetts, aos 80 anos por mor de causas naturais, segundo anunciou Ned Roche, director da axencia funerária de Lenox.

[23:46 14/03/2006] O filme King Kong de Peter Jackson foi nomeado como millor película do ano 2005 pola revista "Empire Magazine" no decurso da gala de entrega dos seus prémios. O cinema de xénero tamén tivo gañadores nas persoas de Johnny Depp pola súa actuación en Charlie e a fábrica de chocolate, mentres que o reparto dos filmes de Harry Potter foi honrado pola súa contribución salientábel á indústria cinematográfica inglesa.

Os cronocrimes interesan a Ridley Scott

[0:35 01/03/2006] Seica a produtora de Ridley e Tony Scott está interesada na primeira película de Nacho Vigalondo, director da curtametraxe 7:35 de la mañana, nominada o pasado ano aos Oscar. O argumento que nutrirá Los cronocrímenes está enchido de mistérios, fantasías e tolémia. A semana pasada desvearon-se algúns dos detalles que rodearán a primera película de Nacho Vigalondo, envolta do mesmo mistério que a sua trama.
A longametraxe comezará-se a rodar o 29 de maio en Cantábria (norde de España), durará ao redor de oito semanas e contará cunha financiación de 266.000 euros por parte do Governo rexional, o que supón un 10% do orzamento.
A estrea está prevista para o primeiro trimestre de 2007, ainda que a decisión final dependerá dos distribuidores e de se se pecha un acordo coa produtora dos irmáns Ridley e Tony Scott, coa que o cineasta cántabro e os seus produtores axuntarán-se en Los Angeles a vindeira semana. De que o proxecto logre esa importante dimensión internacional dependerá tamén o reparto da película e o idioma na que se rodará. Seica a decisión está máis preto de utilizar o inglés que o español, o que apunta á presenza dun importante actor americano como protagonista, ao que dará réplica o mesmo Vigalondo, quen reservou-se un papel importante.
Como xa adiantara NOVA fantasia hai meses, Los cronocrímenes é unha película de ciéncia-ficción pero sen efectos especiais, que se centrará en algo que a Nacho Vigalondo sempre lle interesou: as viajes no tempo. O seu protagonista é un home que emprende esa viaxe cara atrás pero só faino pouco menos dunha hora, para se topar consigo mesmo sesenta minutos antes, e aí empeza un lío que se irá complicando con xiros inesperados.

Finalistas dos Prémios Nebula

[19:30 26/02/2006] Veñen de se anunciar os finalistas dos prémios Nebula de 2005, uns galardóns que son votados e propostos polos miembros da Science Fiction and Fantasy Writers of America (SFWA). Os prémios anunciarán-se no decurso dunha cea de gala que terá lugar en Tempe, Arizona, o vindeiro 6 de maio. Os finalistas son:

Novela

Air, de Geoff Ryman

Camouflage, de Joe Haldeman

Going Postal, de Terry Pratchett

Jonathan Strange and Mr Norrell, de Susanna Clarke

Polaris, de Jack McDevitt

Orphans of Chaos, de John C. Wright

Novela Curta

Clay´s Pride, de Bud Sparhawk

Identity Theft, de Robert J. Sawyer

Left of the Dial, de Paul Witcover

Magic for Beginners, de Kelly Link

The Tribes of Bela, de Albert Cowdrey

Relato longo

The Faery Handbag, de Kelly Link

Flat Diane, de Daniel Abraham

Men are Trouble, de Jim Kelly

Nirvana High, de Eileen Gunn and Leslie What

The People of Sand and Slag, de Paolo Bacigalupi

Relato Curto

Born-Again, de K.D. Wentworth

The End of the World as We Know It, de Dale Bailey

I Live With You, de Carol Emshwiller

My Mother, Dancing, de Nancy Kress

Singing Down My Sister, de Margo Lanagan

Still Life With Boobs, de Anne Harris

There´s a Hole in the City, de Richard Bowes

Guión

Act of Contrition/You Can´t Go Home Again, de Carla Robinson, Bradley Thompson e David Weddle (episódio de Battlestar: Galactica)

Serenity, de Joss Whedon

Prémio Andre Norton

Amethyst Road, de Louise Spiegler

Siberia, de Ann Halam

Stormwitch, de Susan Vaught

Valiant: A Modern Tale of Faerie, de Holly Black

Proibidos os homosexuais en World of Warcraft

[0:01 26/02/2006] Blizzard, a compañía proprietária de World of Warcraft, o xogo de rol masivo en rede de mais éxito arestora, vetou a creación de grémios virtuais de usuários baseados en sexo, política ou relixión alegando que "os aspectos relacionados con temas sensíbeis do mundo real, como a relixión, a sexualidade ou a política, tenden a provocar relazóns entre xogadores que acaban en acoso".
A decisión da Blizzard saltou do universo virtual ao mundo real ao proibir a iniciativa de Sara Andrews, unha xogadora de World of Warcraft que pretendia crear un grémio exclusivo para homosexuais e bisexuais.
A Blizzard basea a sua decisión nun contravimento do contrato de uso do título por parte de Andrews, en concreto no apartado adicado ao tratamento da orientación sexual. A compañía alega que "ainda que a linguaxe en si mesma pode que non sexa ofensiva, si pode incitar determinadas respostas noutros xogadores que permitirán discusions que non consideramos adecuadas no noso xogo".
Organizacións para a defensa dos gais e lesbianas disenten desta política, que consideran discriminatória. Unha delas, Stonewall, afirma que iniciativas como a de Andrews deberían ser benvidas e non proibidas.
En declaracións a Games Industry, Jonathan Finney, voceiro da organización, anima a Blizzard a que "revise a sua política, para que se aplique onde debe aplicar-se en realidade" e non en actos inofensivos como o de Andrews.
A Blizzard practicamente veu dicir que a palabra "homosexual" en si mesma é un insulto, ao afirmar que "moita xente sínte-se insultada pola palabra homosexual ou calquera outra sobre a orientación sexual", para xustificar a sua decisión, e engadiu que a creación dun grémio destas características é en si mesma unha discriminación dos usuários segundo a sua orientación sexual. Andrews defende-se alegando que o grémio non excluiría a ninguén e que admitiría a calquera persoa independentemente das suas preferéncias sexuais.
Polo de agora a Blizzard non mudou a sua postura e segue a proibir este tipo de asociacións nunha comunidade que xa supera o millón de usuários só en Europa. World of Warcraft é un xogo de rol de fantasía e ten cinco millóns de afeizoados, que deben pagar 15 dólares ao mes para participar nas batallas multitudinárias a través da Internet.

[23:58 16/03/2006] Seica Tina Turner podería ser a encargada de compoñer a música para a cabeceira do novo filme de 007, Casino Royale. A estrela do rock, de 66 anos, xa gravara en 1995 a canzón orixinal do filme GoldenEye, e os produtores queren convencela para que repita.

[23:58 16/03/2006] O guionista de X-Men, Simon Kinberg, revelou nun encontro virtual cos fans que está a desenvolver actualmente o que podería ser unha película con Lanterna Verde de protagonista, e que mesmo está a pensar unha triloxía sobre o popular personaxe da DC Comics.

[23:58 16/03/2006] Novas declaracións de Harrison Ford ao respecto da tantas veces adiada cuarta entrega de Indiana Jones: "Steven Spielberg e mais eu xa temos un guión que nos gusta, dixo a unha revista alemá. "Coido que podemos escomezar coa rodaxe axiña". Non sabemos se o título do filme, a estas alturas, xa terá que ser Indiana Jones e a Xubilación.

[19:06 19/03/2006] Segundo o avogado da defensa no xuizo polo Código da Vinci en Londres, a demanda dos escritores Michael Baigent e Richard Leigh está "en farrapos". O xuizo ficou listo para sentenza o pasado venres e o veredicto agárda-se para a vindeira semana.

[23:58 16/03/2006] A Cartoon Network ven de pechar un trato polo que emitirá en exclusiva a nova série de debuxos animados sobre Os Catro Fantásticos, con episódios de média hora de duración cada ún. A série seré estreada en outono nos Estados Unidos.

[23:58 16/03/2006] O escritor de ciéncia-ficción Ronald Anthony Cross, famoso pola súa saga de novelas dos Gardiáns Eternos, aparecida por primera vez en 1994, finou o pasado 1 de marzo por mor dun ataque ao corazón na súa casa de Sherman Oaks, Califórnia, aos 68 anos de idade.

Unha biblioteca síria levará o nome de Cunqueiro

[0:35 01/03/2006] O responsábel do Instituto Cervantes, César Antonio Molina, ven de anunciar que nos vindeiros meses se inaugurará en Damasco, nun grande edifício, unha biblioteca que levará o nome de Álvaro Cunqueiro e que constituirá o referente da cultura galega para a rede de institutos que dirixe en todo o mundo.
Molina presentou hoxe en Mondoñedo, acompañado do presidente da Xunta, a primeira tradución ao árabe dun libro do polifacético escritor dunha das suas máis célebres novelas, Se o vello Sinbad volvese ás illas, que para o xefe do Executivo galego constitúe un "símbolo de paz".
A Xunta de Galiza, a través da Secretaría Xeral de Política Lingüística, e o Instituto Cervantes impulsaron a publicación do libro en árabe, a cargo da editorial marroquina Marsam e da que é autor o tradutor Larbi-el-Harti.
O Presidente galego, que redía homenaxe a Cunqueiro no 25º aniversário do seu pasamento, nun acto ao que asistiu a corporación de Mondoñedo e o César Cunqueiro, fillo do escritor, expresou que a tradución ao árabe da obra do xenial mindoniense constitúe "un convite ao diálogo e á amizade" porque leva consigo "unha mensaxe de paz e de toleráncia".
Pola sua banda, César Antonio Molina, director do Cervantes, que falou en galego, dixo que só lle quedaba este cargo para "axudar a que a sua grandísima literatura atravesase definitivamente as fronteiras de España", ao que se trata de contribuir coa tradución do seu libro ao árabe. "Sabedor do moito que lle interesaba o mundo e os mitos de oriente, a maior homenaxe que se lle podería rendir a el e á língua galega era poñer o seu nome á Biblioteca do Instituto Cervantes de Damasco, que inauguraremos nos vindeiros meses nun grande edifício", manifestou.
César Antonio Molina tamén lembrou que se publicou no centro virtual Cervantes unha extensa bibliografía e biografía sobre Cunqueiro, que recibiu nos últimos anos a visita de máis de 40 millóns de internautas de todo o mundo.

O pior do ano en Hollywood

[13:52 05/03/2006] Este ano o xénero fantástico saiu bastante indemne da 26ª gala dos prémios Razzie, celebrada esta noite no Ivar Theatre en Hollywood coma sempre xusto 24 horas antes dos Oscars, e foi o filme Dirty Love o grande protagonista dos galardóns da Golden Raspberry Foundation, que se outorgan ás piores producións do ano.
O actor Tom Cruise, nominado polo seu papel en A guerra dos mundos para o Razzie ao pior intérprete principal, librou-se de recibir un prémio que recaiu en Rob Schneider. Porén, Cruise si gañou nunha categoría recén creada, a do famoso máis pelma, por mor do exceso de publicidade do seu romance con Katie Holmes.
A multimillonária París Hilton foi a gañadora ao prémio á pior actriz secundária pola sua interpretación en House of Wax, do director catalán Jaume Collet-Serra.
Ademáis, Nicole Kidman e Will Ferrell foron seleccionados como a pior parella cinematográfica polo seu papel en Bewitched, mentres que Hayden Christensen levou o galardón ao pior actor secundário por A Vinganza do Sith.

Xuizo ao Código da Vinci

[0:35 01/03/2006] O escritor americano Dan Brown negou que plaxiara o seu famoso libro O Código da Vinci, do que xa vendeu máis de 30 millóns de cópias. Perante un tribunal inglés, Brown respondeu así ás acusacións de pláxio nunha demanda presentada por dous historiadores británicos que sosteñen que Brown copiou un dos seus ensaios.
Prevé-se que o xuizo, que comezou o luns, dure unhas dúas semanas, se é que antes non se chega a un acordo entre as partes. Brown sentou-se no banco dos demandados, enfrontándo-se a Michael Baigent e Richard Leigh, quen o acusan de "roubar a ideia" para a sua novela de conspiración clerical e asasinato de The Holy Blood and the Holy Grail, un libro de non-ficción que publicaron en 1982.
A demanda por violación de propiedade intelectual presentada polos historiadores está dirixida contra a editorial Random House, que publicou O código da Vinci, co que Brown gañou 80 millóns de dólares en só un ano.
A teoría prantexada polo libro de Baigent e Leigh é que Xesús casó con María Magdalena e que ambos tiveron un fillo cuxos descendentes chegaron até o presente. Traducido a más de 40 idiomas, O Código Da Vinci conta a história de como a Igrexa Católica intenta evitar que se revele o coñecemento dos descendentes de Xesús.
O avogado dos dous historiadores, Jonathan Rayner-James, afirmou no tribunal que "toda a ideia" e mais "a arquitectura" conspirativa do libro de Brown provén de The HolyBlood and the Holy Grail, que irónicamente, foi publicado tamén pola editorial Random House.
Brown "apropiou-se do tema central" do libro dos británicos, que "investiron moitos anos", de 1976 a 1981, na investigación desta obra, afirmou Rayner-James, observando que no só os seus clientes coidan que Brown plaxiou The Holy Blood and the Holy Grail, senón "moita xente no mundo".
A defensa alegou que a acusación refíre-se a ideais moi xerais, que non están protexidas pola propiedade intelectual. Brown admitiu que consultara o libro dos historiadores, pero dixo que non sabía nin sequera que existía até que o mirou mencionado noutros libros, cando estaba investigando para a sua novela. Brown cita The Holy Blood and the Holy Grail como fonte, así como fixo con outros libros, pero non-o copiou, segundo o avogado da defensa.

[16:03 21/03/2006] Bungie Studios, unha división de Microsoft, anunciou que xunto coa Marvel Comics vai publicar unha novela gráfica baseada no videoxogo Halo. O cómic terá 128 páxinas e sairá nos quiosques americanos en xullo.

[16:03 21/03/2006] O filme V de Vendetta acadou no seu debut chegar ao primeiro posto nas listaxes de filmes máis vistos nos Estados Unidos, con 26,1 millóns de dólares de recadación. The Shaggy Dog caiu até o terceiro posto, e The Hills Have Eyes tivo que seconformar co quinto lugar.

[16:03 21/03/2006] O cantante Isaac Hayes negou que renunciara ao seu traballo nas labouras de dobraxe na série South park por mor da súa pertenza á seita da Ciencioloxía, e dixo que foi porque ven de sofrir un ataque ao corazón. As novas destes días indicaban que Hayes renunciara porque nun episódio da popular série de debuxos animados criticába-se á seita á que tamén pertence Tom Cruise.

[19:06 19/03/2006] O sócio de George Lucas nas labouras de produción, Rick McCallum, dixo nunha recente entrevista á BBC que a vindeira série de televisión sobre a Guerra das Galáxias durará alomenos 100 episódios. O proxecto comezará a rodaxe en 2008 e estará xa listo ese mesmo ano. A série estará ambientada entre os episódios III e IV da saga e cobrirá os 20 anos da vida de Luke Skywalker mentres vai medrando.

[19:06 19/03/2006] A decisión da canle Comedy Central pola que pensan emitir de novo o episódio de South Park polo que o chef presentou a súa demisión, porque nel hai críticas á ciencioloxía, seita á que pertence o actor que dobraba a voz do Chef, ven de causar a ira de Tom Cruise, o máis salientábel membro da devandita seita. Cruise ameazou á produtora con non promocionar nas súas canles a película Misión Imposíbel III. Os creadores da série emitiron un comunicado no que din "Ciencioloxía, pode que gañaras esta batalla, pero a guerra dun millón de anos polo control da Terra ven de escomezar!".

E o gañador é... King Kong!

[22:04 06/03/2006] King Kong foi a abraiante gañadora na 78º gala dos Oscars celebrada esta noite en Los Angeles, con tres prémios que a fixeron empatar co outro filme protagonista da velada, Brokeback Mountain.
O filme de Peter Jackson, King Kong obtivo os prémios aos millores efectos visuais, á millor edición de són e aos millores efectos de mistura de són. Tráta-se obviamente de tres Oscars técnicos, dos considerados "menores", pero que tamén se teñen presentes á hora de facer o reconto.
Entre os filmes fantásticos, tamén houbo outros vencedores: As Crónicas de Nárnia levou o Oscar á millor maquillaxe, e Wallace e Gromit: a maldizón da lebre-lobo levou o prémio á millor película de debuxos animados.
Pola súa banda, A Vinganza do Sith, A Guerra dos Mundos, Harry Potter e o Cáliz de Lume, A Noiva Cadáver de Tim Burton e Howl's Moving Castle, ainda que estaban nominadas en distintas categorías, non levaron ren.
A gala deste ano foi a segunda menos vista da história dos Oscar, debido ao baixo interese que para o público americano teñen as películas que, paradoxalmente, interesan ou gostan máis á crítica especializada.

[16:04 21/03/2006] Comezou a rodaxe da comédia fantástica Evan Almighty, protagonizada por Steve Carell, Morgan Freeman e Lauren Graham, segundo anunciou a Universal Pictures. O filme será rodado en Los Angeles, Washington e partes de Virxínia. Esta película é a secuela de Coma Deus, que protagonizou en 2001 o cómico Jim Carrey e está dirixida polo mesmo realizador daquela, Tom Shadyac.

[16:04 21/03/2006] A Paramount Pictures ven de adquirir os dereitos sobre Stoneheart, a primeira entrega dunha proxectada triloxía de filmes que irán sobre estátuas antigas que cobran vida en Londres. Scott Rudin e Lorenzo di Bonaventura serán os produtores, e Charlie Fletcher escribirá o guión a partir da novela orixinal.

Finou a viuva de Chistopher Reeve

[22:37 07/03/2006] Dana Reeve, a viúva do actor Christopher Reeve, finou o luns aos 44 anos, vítima do cancro de pulmón que padecía. A que foi esposa do desaparecido Superman morreu tan só sete meses despóis de facer público que sufría esta enfermidade.
Dana atendeu ao seu home durante oito anos e apoiouno na procura dun tratamento para superar a sua parálise. "Estamos moi tristes pola muerte de Dana Reeve, a quen sempre lembraremos pola sua paixón, forza e coraxe", expresó nun comunicado Kathy Lewis, presidenta da Fundación Christopher Reeve.
O pasado agosto, Dana Reeve, que non era fumadora, anunciou que se lle diagnosticara a enfermidade e que estaba en tratamento. "Agora, máis ca nunca, sento que Chris está comigo ao facer fronte a este desafío. Coma sempre, véxoo como o millor exemplo de oposición á adversidade con forza, coraxe e esperanza", dixera daquela nun comunicado a tamén actriz.
Dana Reeve respaldou ao seu home, co que tiña dous fillos, cando unha caída dun cabalo deixouno postrado nunha cadeira de rodas durante oito anos.
Christopher Reeve morreu o 10 de outubro de 2004 e a sua viúva empezou a cobrar protagonismo a través da fundación para o tratamento da parálise e a sua aposta pola investigación con células nai.

[21:42 22/03/2006] O creador de V For Vendetta, o guionista de comics Alan Moore. está desesperado por separar o seu nome da película que se fixo baseada na súa obra, e está a supricar aos produtores que borren o seu nome do filme. Moore afirma que lle gostaría que non lle deran cartos por este filme, que segundo el "traviste, dilúe e deturpa" os seus personaxes e os seus diálogos.

[21:42 22/03/2006] Gary Oldman regresará definitivamente como Sirius Black na vindeira entrega da saga de Harry Potter, Harry Potter e a Orde do Fénix, segundo anunciaron os seus managers hoxe. Oldman aparecera na terceira e cuarta partes, pero no comezo da rodaxe da quinta ainda non estaba claro se o popular actor podería repetir o seu papel.

[16:04 21/03/2006] Na gala de entrega dos Prémios Mestre Mateo 2005 que se celebrou o domingo no Pazo de Exposicións da Coruña o sector audiovisual galego concedeu-se os seus galardóns anuais, que coma é habitual. deixan de lado ao xénero fantástico. Tan só O soño dunha noite de Sanxoán levou os de millor són, millor banda sonora e millor montaxe, ainda que este último compartido con outro filme.

[16:04 21/03/2006] A actriz Rosario Dawson ven de confirmar que Angelina Jolie asinará para facer a secuela de Sin City, ainda que a rodaxe comezará despóis de que dea a luz o fillo que espera de Brad Pitt. Esta segunda parte estará baseada nas novelas gráficas de Frank Miller A Dame to Kill For e Lost, Lonely and Lethal.

[16:04 21/03/2006] O realizador Brett Ratner está a negociar a súa incorporación á secuela mutante da saga de X-Men Wolverine [Lobeto], após de que seica impreionara aos produtores polo seu traballo en X-Men: The Last Stand. O director quere que Hugh Jackman repita o seu papel como superheroe neste proxecto, no que tamén entraría no papel de Juggernaut o actor Vinnie Jones.

Superman chegará antes aos comics

[23:55 16/03/2006] A DC Comics e mais a Warner Brothers Pictures veñen de anunciar que o director de Superman Returns, Bryan Singer, e mais os guionistas Michael Dougherty e Dan Harris fornecerán os argumentos para unha série de catro cómics que servirán como ponte entre a primeira película de Superman, de 1978, e a actual de Singer. Os cómics, de 40 páxinas, serán publicados o mesmo mes de xuño, cando sexa estreada o filme.
Os catro cómics comezarán con Superman Returns: Krypton to Earth, cunha história de Singer, Dougherty e Harris; guión de Jimmy Palmiotti e Justin Gray e portada de Adam Hughes. O cómic falará sobre as orixes do home de aceiro e amosa como mudou o mundo por mor da auséncia de Superman.
Superman Returns: Ma Kent será o seguinte, cunha história de Singer, Dougherty e Harris; guión de Marc Andreyko; debuxo de Karl Kerschl e capa de Hughes. Tratará sobre a vida da muller que criou a Clark e explora como sobreviviu nun mundo sen Superman.
O terceiro título será Superman Returns: Lex Luthor, con história de Singer, Dougherty e Harris; guión de Palmiotti e Gray; debuxo de Rick Leonardi e capa de Hughes. Centrará-se no malvado Luthor, quen sempre soñou cun mundo sen Superman.
E a cuarta entrega será Superman Returns: Lois Lane, con argumento de Singer, Dougherty e Harris; guión de Andreyko; debuxo de Wellington Dias e capa de Hughes. Irá sobre o verdadeiro amor de Superman, Lois Lane.

Dan Brown nega as acusacións de pláxio

[23:42 14/03/2006] O novelista americano Dan Brown amousou-se abraiado polas acusacións de pláxio verquidas por outros dous escritores contra a sua exitosa novela O código da Vinci, ún dos maiores éxitos de vendas das últimas décadas.
Nun comunicado difundido onte antes de prestar declaración perante un tribunal de Londres, o escritor asegurou que é "absurdo suxerir que eu organicei" os capítulos da novela "e presentéina dacordo aos mesmos princípios xerais" do libro de 1982 The Holy Blood and the Holy Grail.
Os autores Michael Baigent e Richard Leigh presentaron unha demanda contra a casa editorial Random House - que publicou en inglés O código da Vinci-, por violación dos derechos de propiedade intelectual. Na demanda, Baigent e Leigh acusan a Brown de "se apoderar da arquitectura" do seu libro.
En ambos traballos discúte-se a teoría de que Xesús casou con María Magdalena, que a pareja tivo un fillo e que esta liña sanguínea sobrevive até o presente.
Na declaración de 69 páxinas onde describe a creación da sua novela, Brown afirma que Baigent e Leigh "son só dous dunha série de autores que escribiron acerca da história da liña sanguínea e, nombergantes, fixen todo o posíbel para menciona-los por seren quen lograron atraer a atención do público en xeral" cara a dita hipótese, indicou o escritor. "Sínto-me abraiado pola reacción de Baigent e Leigh. Ademáis, non-a entendo", engadiu Brown na sua declaración escrita.
Os avogados de Random House sinalan que as ideais en disputa son tan xerais que no nestán protexidas polos derechos de propiedade intelectual. Tamén din que moitas das ideais presentes en The Holy Blood and the Holy Grail non aparecen na novela de Brown.

Demanda inchada de mais?

[1:10 09/03/2006] Un dos escritores que demandaron á editorial Random House pola publicación do superéxito O Código da Vinci ven de admitir no xuizo que se está a desenvolver nun tribunal de Londres que esaxerou deliberadamente as súas reclamacións na súa demanda, na que afirma que a novela é un pláxio da súa própria obra.
Os escritores Michael Baigent e Richard Leigh afirman que o núcleo central da súa novela de 1982 The Holy Blood and the Holy Grail (que por certo agora tentan facer pasar por "obra de non-ficción") foi plaxiado por Dan Brown ao crear a súa novela, que leva vendidos 40 millóns de exemplares en todo o mundo e foi convertida na película que axiña será estreada nos cinemas.
Baigent, en respostas ao avogado James Baldwin da Random House, contestou o martes perante o xuiz que 15 puntos centrais da súa novela foran plaxiados por Brown, pero despóis dixo que baseara a súa reclamación nas críticas literárias publicadas pola prensa sobre a novela O Código da Vinci. Cando o avogado lle dixo "iso é simplemente falso", suxerindo que moitas desas críticas non falan dos temas que el afirma que foron copiados da súa obra, Baigent respondeu: Nese caso, ten vostede razón... coido que as miñas verbas foron desafortunadas e teño que estar de acordo con vostede niso".
Após de que Baigent concedera que moitas das súas reclamacións poderían ser incorrectas, o xuiz Peter Smith preguntou-lle como é que se retractaba de algo que asinara tan só unhas horas antes. "Non lin as críticas coa asiduidade correcta como debería ter feito", dixo Baigent.
Os avogados da Random House afirman que as ideias sobre a vida e os herdeiros de Xesús Cristo son tan xerais que non poden ser protexidas polos dereitos de autor. Este libroi xa fora xulgado polo mesmo motivo o ano pasado nos Estados Unidos, e daquela un xuiz de New York estimou que a novela non infrinxe ningún copyright.
Agárda-se que Dan Brown testifique a finais desta semana.

[11:43 28/03/2006] John Malkovich interpretará a un magnate das finanzas do século XXIII xunto a Thomas Jane no vindeiro thriller de ciéncia-ficción de Simon Hunter, The Mutant Chronicles. O persoaxe de Malkovich, Constantine, será o xefe dun consello de catro megacorporacións que controlan todos os recursos naturais do planeta Terra.

[18:36 26/03/2006] A protagonista de Herbie: Fully Loaded, Lindsay Lohan, está desesperada por interpretar a Wonder Woman na vindeira versión para o cinema da clásica superheroina dos comics. A actriz, de 19 anos, que tamén protagonzara Freaky Friday, admite que o que lle gustaría é poder amosar o seu talento para outro tipo de públicos que non sexan o infantil e o adolescente: "Wonder Woman sería guai. Estou tentando atopar papeis que sexan distintos a calquera das cousas que fixen antes para poder amosar as miñas habilidades".

[18:36 26/03/2006] O pasado día 24 finou o director de cinema basco Eloy de la Iglesia, quen con 20 anos xa escribira, dirixira ou producira case cincuenta títulos para o médio televisivo. A súa única incursión no xénero fantástico foi a súa primeira película, unha triloxía composta por La doncella del mar, Los tres pelos del diablo e El mago de Oz, textos que formaron a sua primeira longametraxe Fantasía (1966), pero despóis daquela, xa non regresaría nunca ao fantástico.

[21:42 22/03/2006] A Universal Pictures ven de adquirir os dereitos para facer unha película coa clásica novela de ciéncia-ficción de 1955 As estrelas, o meu destino, de Alfred Bester. O libro vai sobre o supervivinte dunha nave espacial avariada que vai perdida polo espazo profundo. Cando unha nave que pasa por alí ignora o seu sinal de rescate, o náufrago comeza a tramar unha vinganza que mudará o decurso da história. Lorenzo Di Bonaventura e Raymond Wagner producirán o filme.

[21:42 22/03/2006] Kirstie Alley, outra famosa ciencióloga, ven de declarar que a revista Rolling Stone (que publicou no seu último número un artigo de investigación sobre a seita da ciencioloxía) "debería avergoñar-se" e que "caiu moi baixo". Janet Reitman, a reporteira que escribiu o artigo após de nove meses de investigación, dixo que a carta de Alley "exemplifica por que a igrexa da ciencioloxía ten un problema de imaxe".

[21:42 22/03/2006] A produtora da saga de James Bond, Barbara Broccoli, está tan segura de que Daniel Craig terá éxito interpretando a 007 que xa comezou a traballar nunha secuela para Casino Royale. O filme que está ainda en fase de rodaxe non se rematará até finais deste ano.

Xa está listo Gisaku

[23:55 16/03/2006] A primeira película anime española inclúe, entre outros, a catedral de Santiago como escenário. Os ollos de Yohei, un xove e valente samurai do século VII que após dun enmeigamento centeário acorda na España actual, percorren lugares tan emblemáticos coma a catedral de Santiago, a Xiralda, o Museu do Prado, a Sagrada Família, e mesmo o Guggenheim, e a Cidade das Artes de València.
Gisaku, ópera prima do catalán Baltasar Pedrosa, narra a história dunha loita entre o bien e o mal na que un grupo de persoaxes axunta as suas forzas para detér a Gorkan, amo da escuridade, no seu obxectivo de invadir o mundo coas suas hordas demoníacas. Para elo, Yohei e a sua tropa tratarán de protexer a Chave de Izanagi do mal. Un poderoso metal que pecha a porta que conduce ao umbral do mundo, e que, tras dunha batalla en Xapón hai 385 anos, fragmentou-se en cinco anacos que Yohai agochou en distintas partes dun país descoñecido e afastado: España.
Gisaku, producida pola Filmax Animation e a Sociedade Estatal para Exposicións Internacionais (SEEI), na que interviñeron 434 persons e 21 estudos de animación internacionais, además do estudo 3D de Santiago de Compostela, ún dos máis avanzados de Europa, tivo unha excelente acollida en Xapón.

O dragonciño vigués

[15:49 02/04/2006] O escultor Xaime Quessada asistiu antonte á inauguración da primera escultura súa que lucirá na cidade de Vigo, unha obra que, cando se lle preguntou, non dubidou en batizar coma "un dragonciño vigués". O conxunto escultórico, realizado en bronce con pátina verde, representa a unha fada que, ás carranchas dun dragón, sostén dúas frautas. Está orientada cara a bocana da Ría, en pleo mirador do paseo de Afonso XII, e repousa sobre unha columna de granito pulido de catro metros de altura. En total, a escultura érguese 5,5 metros sobre o chan.
Quessada, quen estivo acompañado no acto pola alcaldesa, polos seus irmáns e por amigos, familiares e representantes da política, cultura e sociedade viguesas, agradeceu ao Concello "o sítio tan fermoso" que escolleu para o emprazamento da sua "obra fantástica", a tan só quince metros da oliveira simbólica da cidade.
A obra de Quessada, fundida no taller Arte-Bronce de Goián, está adicada a Martín Códax, Pero Meogo, Mendinho e Paio Gómez Charino, rapsodas que cantaron as exceléncias do mar de Vigo.
No seu discurso, o artista ourensano defendeu "la fantástica cultura oral" de Galiza, "cuxa mitoloxía foi esmagada e marxinada" durante "a época escura da Guerra Civil". Asegureu que este dragonciño, "duns 5 millóns de anos" e carácter "moi tímido", probabelmente foi "visto polo capitán Nemo cando describiu a bahía de Vigo coma a máis fermosa do mundo". Sobre a fada -"que non é ninfa", precisou-, dixo que "canta á lírica galega".

Estréa-se Tirante o Branco

[22:45 30/03/2006] O director Vicente Aranda estreou hoxe a súa última película, Tirante el Blanco, na que puido adaptar á linguaxe cinematográfica o estilo e mais o argumento da novela homónima do século XV de Joanot Martorell.
Aranda definiu como "plaxiario" ao escritor valenciano na rolda de prensa ofrecida no Instituto Valenciano de Arte Moderno (IVAM) con motivo da estrea mundial da película, que tivo lugar esta noite no Palau de les Arts Reina Sofía. A versión deste primeiro pase oficial foi en catalán, mentres que la castelá terá mañán a sua primeira exhibición pública en Castellón, prévia á estrea en toda España o vindeiro 7 de abril. A versión orixinal da rodaxe, a inglesa, poderá verse no Festival de Cinema de Cannes, previsibelmente o 22 de maio.
Aranda estivo acompañado polo actor inglés que encarna a Tirante, Caspar Zafer, e polo bailarín español Rafael Amargo, que personifica ao Grande Sultán e inimigo do emperador de Bizáncio, que interpreta o italiano Giancarlo Giannini. Tamén asistiron as actrices Esther Nubiola (Carmesina, o amor virxinal do heroe) e Ingrid Rubio, a doncela Estefanía.
O guión foi escrito a partir da versión castelá de 1511, ainda que Aranda suliñou que o orixinal, escrito por Martorell en catalán e publicado en 1490, é máis rico en matices e vocabulário. Na rolda de prensa, Aranda comparou a Martorell con Cervantes, Borges, Stendhal e outros grandes escritores, e dixo que Martorell "sabíao todo" na sua época, que posuía "unha cultura inmensa" e que chegou ser "un plaxista xenial.
Este filme de aventuras eróticas custou 14 millóns de euros e é unha coprodución hispano-británica onde as produtoras Carolina Film, DeaPlaneta, Talen Films e Future Films contaron finalmente coa subvención da Generalitat valenciana de 100.000 euros e da Radiotelevisión Valenciana con 150.000 euros. A rodaxe transcurriu entre Madrid, Estambul, Palermo, Granada, Huelva, Barcelona e València ao largo dun total de 20 meses.

Finou Stanislaw Lem

[11:30 28/03/2006] Stanislaw Lem, ún dos principais mestres mundiais da ciéncia-ficción e autor de clásicos inesquecíbeis coma Solaris, ven de finar aos 84 anos na súa vila de Cracóvia (Polónia) após de anos loitando contra unha enfermidade coronária. O escritor levaba xa ingresado várias semanas na Clínica de Cardioloxía de Cracóvia.
Nado o 12 de setembro de 1921, Lem foi un escritor satírico, filosófico e de ciéncia-ficción. Os seus libros traducíran-se a 40 línguas e vendeu máis de 27 millóns de exemplares. É ún dos poucos escritores do xénero que mália non escribir en inglés goza de fama mundial.
Stanislaw Lem naceu en Lwów, Polónia (agora Lviv, Ucraina), fillo dun médico. Estudiou medicina na Universidade de Lwów pero a Segunda Guerra Mundial interrumpiu os seus estudos. Durante a guerra foi membro da resistenza (a sua família, de ascendéncia xudea, salvou-se do Holocausto grazas a unha documentación falsa que agochaba a súa orixe).
Co fin da Guerra, Polónia pasou para o control da Unión Soviética, unha situación que duraría mais de cincuenta anos. Para evitar ter que vivir baixo a dominación rusa, Lem mudou-se para Cracóvia, onde rematou os seus estudos na Universidade de Jagiellonianainda que non se presentou aos exames finais para evitar converter-se en médico militar e só recibiu un certificado de remate de estudos. Máis tarde recibiría gradacións honorárias do Politécnico de Wroclaw e das universidades de Opole, Lwów e Jagiellonian. Traballou como axudante de investigación nunha institución científica e comenzou a escribir narraciónes breves no seu tempo de lecer.
Nos anos 50 xurden as suas primeiras tentativas sérias no campo da ciéncia-ficción, coa publicación de Astronauci [Astronautas - 1951], Oblok Magelana [A Nube de Magallaes - 1955], e Edén, en 1959.
As suas primeiras novelas reflicten as responsabilidades do indíviduo cara ao progreso tecnolóxico e científico, pero non tardou moito en atopar campos cada vez mais experimentais, e axiña as suas visións, baixo a apariéncia de vivas fantasías, agochaban críticas incisivas e radicais ao réxime totalitário comunista. Nos anos 60 Lem viu nacer algunhas das súas millores obras: Memórias atopadas nunha bañeira, Regreso das Estrelas e Cyberiad .
Nos anos 70, creou o heroe dalgunhas das súas vindeiras novelas, o astronauta Ijon Tichy, que xurde en Dzienniki Gwiazdowe [Diários das Estrelas] e Congreso Futurolóxico, entre outros, e ven a amosar as suas capacidades para o misterioso e mais o humor negro.
Membro honorario da SFWA (asociación de escritores americanos de ciéncia-ficción) dende 1973, foi expulsado en 1976 após de expresar as súas críticas pola literatura dese xénero nos Estados Unidos. Daquela, a sua decepción coa ciéncia-ficción comeza a lle xerar problemas, relacionados co desprezo que sentia pola literatura americana e pola que sempre emitiu opinións moi negativas, o cal lle fixo ser de novo recoñecido e admirado polo réxime comunista soviético. O seu prémio foi precisamente a adaptación de Solaris ao cinema, a única vez que o cinema soviético fixo unha película de ciéncia-ficción.
Solaris, publicado en 1961, é a sua obra mais popular e a que o fixo ser internacionalmente recoñecido, especialmente por mor das súas dúas adaptacións cinematográficas; a primeira de Andrei Tarkovsky (1972) e a segunda realizada mais recentemente por Steven Soderbergh, en 2002. Ambas versións centran-se en aspectos particulares da obra, pero ningunha captou en toda a súa extensión a magnitude da novela.
Após da caída do comunismo en 1989, Lem deixou de escribir ciéncia-ficción e adicou-se a escribir estraños informes con predicións para o futuro próximo para governos e diferentes organizacións, que eran motivo de burlas sobre a súa saúde mental e que non contribuiron en absoluto a lle facer popular a el nin á ciéncia-ficción non americana. Ademáis, escribiu ensaios sobre crimes cibernéticos, así como sobre os problemas éticos e tecnolóxicos prantexados pola expansión da Internet.
Stanislaw Lem foi un escritor deses que fan que a ciéncia-ficción sexa considerada un xénero literário de verdade. Os seus temas foron realmente a filosofía, a cultura e a história, a crítica do antropocentrismo e a evolución biolóxica. Todo isto agochouno baixo unha face de fantasía e de futuro cuxa lectura non deixa nunca indiferente. Admirado por uns e considerado demasiado filosófico por outros, Lem foi-se nos seus anos máis escuros, sen recibir a homenaxe que o xénero fantástico lle debía.

Nominados aos Hugo

[21:45 22/03/2006] Veñen de se anunciar os nominados para os prémios Hugo e John W. Campbell deste ano. Os galardóns serán entregados no decurso da L.A.con IV, a 64ª convención mundial de ciéncia-ficción que terá lugar en Anaheim, Califórnia, do 23 ao 27 de agosto. De seguido presentámos-vos a listaxe completa de candidatos:

Millor Novela:

Learning the World, de Ken MacLeod

A Feast for Crows, de George R.R. Martin

Old Man´s War, de John Scalzi

Accelerando, de Charles Stross

Spin, de Robert Charles Wilson

Novela Curta:

Burn, de James Patrick Kelly

Magic for Beginners, de Kelly Link

The Little Goddess, de Ian McDonald

Identity Theft, de Robert J. Sawyer

Inside Job, de Connie Willis

Relato Longo:

The Calorie Man, de Paolo Bacigalupi

Two Hearts, de Peter S. Beagle

TelePresence, de Michael A. Burstein

I, Robot, de Cory Doctorow

The King of Where-I-Go, de Howard Waldrop

Relato Curto:

Seventy-Five Years, de Michael A. Burstein

The Clockwork Atom Bomb, de Dominic Green

Singing My Sister Down, de Margo Lanagan

Tk´tk´tk, de David D. Levine

Down Memory Lane, de Mike Resnick

Millor ensáio:

Transformations: The Story of the Science Fiction Magazines from 1950 to 1970, de Mike Ashley

The SEX Column and Other Misprints, de David Langford

Science Fiction Quotations, de Gary Westfahl

Storyteller: Writing Lessons and More from 27 Years of the Clarion Writers´ Workshop, de Kate Wilhelm

Soundings: Reviews 1992-1996, de Gary K. Wolfe

Millor película:

Batman Begins

As crónicas de Nárnia

Harry Potter e o cáliz de lume

Serenity

Wallace e Gromit na maldición das verduras

Millor curto ou episódio dunha série de TV:

Battlestar Galactica, episódio Pegasus

O Doutor Who, episódio Dalek

O Doutor Who, episódios The Empty Child e The Doctor Dances

O Doutor Who, episódio Father´s Day

Jack-Jack Attack

Lucas Back in Anger

Gala de retransmisión dos prémios Victor Hugo

Millor Editor Profesional:

Ellen Datlow

David G. Hartwell

Stanley Schmidt

Gordon Van Gelder

Sheila Williams

Millor ilustrador profesional:

Jim Burns

Bob Eggleton

Donato Giancola

Stephan Martiniere

John Picacio

Michael Whelan

Millor Semiprozine:

Ansible, de Dave Langford

Emerald City, de Cheryl Morgan

Interzone, de Andy Cox

Locus, de Charles N. Brown, Kirsten Gong-Wong e Liza Groen Trombi

The New York Review of Science Fiction, de Kathryn Cramer, David G. Hartwell e Kevin J. Maroney

Millor Fanzine:

Banana Wings, de Claire Brialey e Mark Plummer

Challenger, de Guy H. Lillian III

Chunga, de Andy Hooper, Randy Byers e Carl Juarez

File 770, de Mike Glyer

Plokta, de Alison Scott, Steve Davies e Mike Scott

Millor escritor afeccionado:

Claire Brialey

John Hertz

Dave Langford

Cheryl Morgan

Steven H Silver

Millor ilustrador afeccionado:

Brad Foster

Teddy Harvia

Sue Mason

Steve Stiles

Frank Wu

Prémio John W. Campbell ao millor escritor novel:

K.J. Bishop (2º ano de elixibilidade)

Sarah Monette (2º ano de elixibilidade)

Chris Roberson (2º ano de elixibilidade)

Brandon Sanderson (1º ano de elixibilidade)

John Scalzi (1º ano de elixibilidade)

Steph Swainston (2º ano de elixibilidade)

A categoría recén creada este ano de Millor Videoxogo Interactivo finalmente foi cancelada porque non houbo votos abondo para poder establecer segundo o regulamento as candidaturas precisas para facer un reconto.

Regresa o lobishome

[23:55 16/03/2006] A Universal Pictures está a desenvolver unha nova versión do seu clásico do terror O Lobishome, con Benicio Del Toro interpretando ao protagonista central. O guionista de Seven, Andrew Kevin Walker, comezou a escribir o libreto, e Scott Stuber, Rick Yorn, Mary Parent e o mesmo Del Toro producirán. Os estudos posúen os dereitos sobre o persoaxe.
O mesmo có orixinal de 1941 que protagonizara Lon Chaney Jr., a nova película estará ambientada na Inglaterra victoriana. Del Toro interpretará a un home que regresa dende America até o fogar dos seus devanceiros, onde é trabado por un lobishome que lle fai comezar unha existéncia peluda baixo a luz da lúia chea.
O trato pechou-se após dunha série de xuntanzas entre os produtores, Walker e Del Toro, quen é un coleccionista de artigos relacionados co lobishome.
Walker pasou vários meses traballando nalgúns novos xiros no argumento, para lle dar un toque familiar acorde cos novos rtempos que corren en Hollywood, engadindo novos persoaxes e tentando tirar vantaxe dos novos efectos visuais do século XXI.
Walker terá listo o primeiro esbozo do guión en primaveira, polo que os produtores e mais o estudo son optimistas para que a rodaxe comece a primeiros de 2007 e que a estrea se produza contra o verán de 2008.

[23:05 30/03/2006] Un dos dobres de Tom Cruise na película Misión Imposíbel 3 vai demandar ao actor por mor do accidente que sofriu no plató de rodaxe, con queimaduras e curtes no 60% do seu corpo. Segundo a demanda, as equipas de seguridade fallaron e unha bomba de gasolina estourou, enchendo o seu corpo de lume. O dobre e mais a súa muller acusan á compañía de Cruise de neglixéncia e piden ser compensados por unha cantidade ainda non especificada, entre outras cousas porque xa non poden manter "relacións matrimoniais".

[11:43 28/03/2006] O cantante de soul Isaac Hayes nega agora que deixara o seu posto na série South Park por cuestións de saúde relacionadas cun ataque ao corazón, coma se dixo dende o seu entorno para tratar de protexelo. Hayes dixo que todo é certo: que deixou a série porque non está de acordo coas ataques á ciencioloxía, unha seita que el considera demasiado sagrada como para poder facer burla dela.

[11:43 28/03/2006] Richard Fleischer, realizador que dirixiu moitos filmes de ciéncia-ficción coma 20.000 Légoas baixo o mar, Viaxe Fantástica, Conan o Destrutor, Red Sonja, Doutor Doolittle e Soylent Green finou o pasado día 25 por mor de causas naturais en Woodland Hills, Califórnia, aos 89 anos. O seu pai, Max Fleischer e mais o seus tíos Dave e Louis foron pioneiros do cinema nos anos 20 e 30 e chegaron a rivalizar con Walt Disney facendo os debuxos animados de Betty Boop e Popeye o Mariño.

Freddy vs. Jason vs. Carpenter?

[23:06 05/04/2006] Robert Englund, o actor que dera vida ao persoaxe de Freddy Krueger na saga de filmes Pesadelo en Elm Street, dixo nunha recente entrevista que está a manter conversas con John Carpenter, director e guionista doutra saga de filmes de terror, Halloween, para facer unha secuela do éxito de 2003 Freddy vs. Jason, pero esta vez engadindo ao "malo" de Halloween, Michael Myers.
Englund dixo que xa ten ideias de seu para o argumento e que lle gostaría sentar coa actriz Jamie Lee Curtis (a de Halloween) e co produtor Jeff Katz para discutilas: "a miña ideia tería lugar por suposto antes de que maten ao persoaxe de Jamie Lee en Halloween VIII", comentou.
Ademáis, Englund tamén confirmou que está a facer unha precuela de Pesadelo en Elm Street, que será dirixida por John McNaughton (o de Henry, retrato dun asasino). "Coido que debería ir na liña de C.S.I. e ser unha espécie de docudrama que mostre os seus crimes contra os nenos", bromeou Englund. "Logo contrataría a dous dos meirandes actores que poidas atopar para interpretar aos avogados que os ceiben. Iso, por suposto, salvaría a Freddy de ser queimado vivo".

Smallville en perigo

[23:05 05/04/2006] Un xuiz federal en Los Angeles considera que a série de televisión Smallville podería estar a infrinxir os de reitos de autor que posúen a viúva e mais a filla do creador de Superboy, Jerome Siegel, quen ideiou ao célebre persoaxe para a DC Comics nos anos 30. O xuizo prévio celebrado o pasado 23 de marzo confirmou que Joanne Siegel e Laura Siegel Larson sons os lexítimos proprietários do copyright sobre Superboy.
A sentenza deixa no aire polo tanto se se poden o u non seguir facendo episódios de Smallville, que está baseada nas histórias de Superman cando era un adolescente (Superboy). O xuiz negou o requerimento da Time Warner, da Warner Brothers e da DC Comics, que dicían que Smallville non infrinxe os dereitos de autor sobre Superboy. A Warner Brothers dixo en resposta que "está respectuosamente en desacordo" coa sentenza e que vai apelala.
Todo este asunto terá moita importáncia sobre a série Smallville, da que ainda non se sabe se poderá seguir emitíndose ou se se poderán rodar novos episódios. Actualmente atópa-se na súa quinta tempada e o xuizo podería demorarse ao longo dos vindeiros anos.

Un Cannes moi fantástico

[23:05 05/04/2006] O 59º festival anual de cinema de Cannes incluirá un pase da vindeira película de superheroes mutantes X-Men: The Last Stand e ademáis servirá para estrear The Fountain, protagonizadas por Hugh Jackman. X-Men III será estreada nos Estados Unidos o 26 de maio, durante a segunda semana do festival francés. The Fountain, do director Darren Aronofsky ainda non ten data de estrea fixada.
O festival abrirá-se o 17 de maio coa película de Ron Howard O Código da Vinci, protagonizado por Tom Hanks, Audrey Tautou e Jean Reno. Durante o festival tamén haberá ocasión de ver Over the Hedge, a última película de debuxos animados da factoría DreamWorks, coas voces orixinais de Bruce Willis, Garry Shandling e Steve Carell no papel de animais falantes.

[15:53 02/04/2006] A Paramount Pictures ven de adquirir os dereitos sobre H.I.V.E., unha novela para xoves adultos do escritor inglés Mark Walden que será producida por Lynda Obst. O título é o acrónimo de "Higher Institute of Villainous Education" (Instituto Superior de Educación Criminal), unha escola onde os rapaces con superpoderes reciben clases de como se converteren en supercriminais para loitar contra os superherois.

[15:53 02/04/2006] Robert Englund, coñecido como Freddie Krueger na popular franquícia de terror cómico Pesadelo en Elm Street, será o director de Killer Pad, unha comédia de terror producida por Wayne Rice e Avi Chesed. Agárda-se que o comezo da rodaxe sexa a finais do mes que ven en Los Angeles. Dan Stoller é o guionista deste filme, interpretado por Shane McRae, Eric Jungman e Daniel Franzese, con banda sonora do rapeiro Master P. A história vai sobre tres amigos que utilizan os cartos dun seguro para marchar da casa de seus pais e ir a vivir a unha casa enmeigada en Hollywood Hills.

[23:06 30/03/2006] Os plans da família do actor de Star Trek James Doohan de enviar as súas cinzas ao espazo foron novamente botados para atrás porque o foguete que debía levalo non despeagará en breve, após de que outro foguete semellante da mesma compañía, o consórcio Space X, tivera unha perda de combustíbel, estoupara e caira ao océano Pacífico.

[23:05 30/03/2006] Cada vez toman máis forza os rumores de que a moza de Tom Cruise, a tamén actriz Katie Holmes, está a asistir a clases onde lle aprenderán como ter un parto en absoluto silenzo. Segundo a doutriña da igrexa da Ciencioloxía, os nenos deben nacer sen ruidos exteriores, polo que teñen prohibido ás nais que digan nin unha soa verba durante o doroso proceso de dar a luz a un fillo, a fin de non "traumatizar" ao recén nacido.

[23:05 30/03/2006] Frank Coraci foi contratado para dirixir Hawaiian Dick, un thriller sobrenatural sobre un detective privado ambientado no Hawaii de 1953. Este detective fica atrapado no caso de secuestro dunha rapaza que seica estaba morta.

[23:05 30/03/2006] O pasado dia 28 finou o escritor de ciéncia-ficción española Pascual Enguidanos Usach no Hospital Arnau de València. Pascual Enguídanos (1923-2006) era o decano dos escritores españoles de ciéncia-ficción e co seu alcume de George H. White fíxose famoso ao crear a Saga dos Aznar, un conxunto de 51 novelas coas que recebiu o Prémio á Millor Série Europea de Ciéncia-Ficción na EuroCon de Bruxelas de 1978.

[23:05 30/03/2006] O produtor e director televisivo Dan Curtis finou aos 77 anos por mor dun tumor cerebral do que foi diagnosticado hai catro meses e tan só 20 días despóis de que a súa esposa morrera tamén, ela por un ataque ao corazón. O director será relembrado entre os afeccionados ao xénero fantástico polas súas películas de terror, como Burnt Offerings, Trilogy of Terror e Shadow Of Fear.

[23:05 30/03/2006] Brad Kern, o produtor executivo da série Charmed [Encantadas, na súa versión española], dixo nunha recente entrevista que non ten a menor intención de chamar a Shannen Doherty para facer un episódio especial no que aparecerían todas as irmás protagonistas desta série. O persoaxe de Doherty, Prue Halliwell, foi asasinado en 2001, após de que xurdiran fortes rifas entre a actriz e mais o produtor. Kern dixo que "hai moitos motivos polos que non vou pedir a Shannen que volva".

Rexeitada a demanda contra O Código da Vinci

[0:55 08/04/2006] Un xuiz do Tribunal Superior de Londres rexeitou hoxe a demanda de pláxio presentada contra a famosa novela O Código da Vinci (2003), de Dan Brown. Os demandantes consideraban que o escritor copiara as suas investigacións sobre un hipotético matrimónio de Xesús Cristo e María Magdalena.
Os autores Michael Baigent e Richard Leigh demandaran á Random House, editorial de O Código da Vinci, ao considerar que Brown copiara ideas do seu libro The Holy Blood and the Holy Grail (1982), publicada pola mesma casa.
Tras se coñecer o fallo, Dan Brown sinalou que as imputacións de Baigent e Leigh "non tiñan ningunha validez", e engadiu: "Ainda estou estupefacto polo feito de que estes autores decidisen apresentar a sua demanda".
Random House declarou que o dictame xudicial "garante que os novelistas seguen a ser libres para incorporar ideais e investigación histórica". Ambos libros abordan a tese de que Xesús Cristo e María Magdalena casaron, tiveron un fillo e a sua descéncia prolongou-se até a actualidade.
Baigent e Leigh argumentan que empregaron cinco anos de investigacións para escreber o seu libro e acusan a Brown de copiar as suas ideias co fin de evitar facer as suas próprias averiguacións para O Código da Vinci.
Nembergantes, Brown, que testemuñou durante o xuízo de tres semanas, tildou as acusacións de "rocambolescas". De dar o xuiz a razón aos litigantes, ese fallo poderia acarrear como consecuéncia a paralización da venda de O Código da Vinci e a estrea do filme baseado nesa obra no Reino Unido, previsto para o mes próximo.
A novela, da que se venderon mais de corenta millóns de exemplares en todo o mundo, reportou a Brown uns ingresos superiores aos 360 millóns de euros desde a sua publicazón en 2003, o que converteu ao autor americano no escritor mellor pagado da História.

[15:53 02/04/2006] O lendário gurú dos efectos especiais Ray Harryhausen recebirá o prémio Memorial George Pal na vindeira 32ª gala dos prémios Saturno que outorga a Académia de Cinema de Ciéncia-Ficción, Fantasía e Terror. Harryhausen é o realizador que fixo filmes coma Xasón e os Argonautas, A séptima viaxe de Simbad e Choque de Titáns.

Nominados aos Stoker

[11:48 12/04/2006] A Horror Writers Association (Asociación de Escritores de Terror) ven de anunciar os nominados para os prémios Bram Stoker 2005. Estes galardóns, que levan o nome do autor de Dracula, serven para premiar aos millores no eido da literatura de terror ao longo do ano. Os gañadores serán dados a coñecer no decurso do banquete de gala que terá lugar na conferéncia anual da HWA, que este ano se celebra en Newark, New Jersey, o vindeiro 17 de xuño.
A listaxe completa cos nominados vai de seguido:

Millor Novela: Creepers, por David Morrell, Dread in the Beast, por Charlee Jacob, Keepers, por Gary Braunbeck, November Mourns, por Tom Piccirilli

Millor Primeira Novela: The Hides, por Kealan Patrick Burke, Scarecrow Gods, por Weston Ochse, Siren Promised, por Alan M. Clark e Jeremy Robert Johnson

Millor relato longo: Best New Horror, por Joe Hill, In the Midnight Museum, por Gary Braunbeck, Some Zombie Contingency Plans, por Kelly Link, The Things They Left Behind, por Stephen King

Millor relato curto: As Others See Us, por Mort Castle, Haeckel's Tale, por Clive Barker, Times of Atonement, por Yvonne Navarro, We Now Pause for Station Identification, por Gary Braunbeck, Invisible, por Steve Rasnic Tem

Millor Antoloxía: Corpse Blossoms, por Julia e R.J. Sevin, Dark Delicacies: Original Tales of Terror and the Macabre, por Del Howison e Jeff Gelb, Outsiders, por Nancy Holder e Nancy Kilpatrick, Weird Shadows Over Innsmouth, por Stephen Jones

Millor Colección de Ficción: Haunted, por Chuck Palahniuk, Looking for Jake, por China Mieville, Magic for Beginners, por Kelly Link, Twentieth Century Ghosts, por Joe Hill

Millor obra de non-ficción: The Bradbury Chronicle, por Sam Weller, Horror: Another 100 Best Books, por Stephen Jones e Kim Newman, Morbid Curiosity number nine, por Loren Rhoads, More Giants of the Genre, por Michael McCarty, Why Buffy Matters: The Art of Buffy the Vampire Slayer, por Rhonda Wilcox

Millor obra Poética: Freakcidents, por Michael A. Arnzen, Seasons: A Series of Poems Based on the Life and Death of Edgar Allan Poe, por Daniel Shields, The Shadow City, por Gary W. Crawford, Sineater, por Charlee Jacob

Ghyslain "Maul" Raza, compensado

[11:48 12/04/2006] De certo que relembrades aquel vídeo dun rapaz gordecho canadiano xogando cun pau imitando a Darth Maul (o de A Ameaza Pantasma) frente a unha cámara. Catro anos despóis de ser gravado por primeira vez na Internet, e após de centos de versións cargadas de humor, o xove "protagonista" do vídeo, Ghyslain Raza, ven de aceptar un acordo económico polo que non demandará aos seus tres ex-compañeiros de clase que distribuíron as imaxes.
Raza e mais os seus pais escomezaran hai tres anos accións xudiciais contra os tres responsábeis de que o devandito vídeo fose distribuido. Solicitaban en total unha cantidade de 351.000 dólares canadianos (uns 300.000 euros) en concepto de danos. Non obstante, non se especificou a suma que finalmente cobrará Ghyslain en virtude do acordo extraxudicial.
Este é ún dos casos de "ciber-bullying" máis coñecidos, extendidos e publicitados até agora, xa que as sucesivas modificacións ridiculizaban máis e máis ao rapaz. Ainda que por suposto é tamén ún dos casos de popularidade na Internet máis notábeis que se relembran.
Os pais de Raza alegan a presión aturada polo seu fillo após de ser ridiculizado en todo o mundo a través da Rede, o que lle conduciu incluso a ser internado nunha institución psiquiátrica.
Nas imaxes orixinais, Ghyslain Raza, un rapaz gordecho, saía imitando ao persoaxe da Guerra das Galáxias Darth Maul co pau dun remo mentres danzaba e xiraba con certa torpeza. A partir daí, comezaron as modificacións do vídeo, ao que se lle engadiron efectos especiais, grazas ao traballo inicial de Bryan Dube.
Os vídeos baseados neste persoaxe son moi numerosos, e mesmo existe un videoxogo, Tony Hawk Underground 2, que lle fai unha chiscadela ao incluilo nunha das pantallas, mentres que foi proxectado en estádios e a CNET incluino no seu "Top 10" de temas máis populares da Rede. Tamén existe un episódio da série de debuxos animados Pai made in USA no que aparece o rapaz danzando nunha convención de "friquis" de ciéncia-ficción.

[15:54 02/04/2006] A encarnación humana de Lara Croft, Karima Adebibe, natural tamén de Londres, foi a estrela da presentación en España de Tomb Raider: Legend, primeiro episódio da saga con versión para consola de última xeración (Xbox 360) e portátil (PSP), ademáis de para PC, Xbox e PS2. Karima dixo rpresentar a un tipo de muller "sexi e feminina, pero un pouco rapazalo, coma min".

[15:54 02/04/2006] Ao redor de 20 minutos da vindeira Superman Returns serán unha "experiéncia IMAX 3D", segundo anunciaron a IMAX e mais a Warner Brothers. A versión IMAX do filme debutará o 30 de xuño, o mesmo día que o filme convencional de Bryan Singer chegue aos cinemas. "As escenas de proba que foron convertidas ao formato IMAX 3D, soan e semellan absolutamente abraiantes", dixo o director.

Trek 11 ainda respira

[22:37 17/04/2006] O guionista Erik Jendresen dixo nunha recente entrevista que a súa proposta de película Star Trek: The Beginning, a 11ª na popular saga trekkie, non está aínda morta, ainda que a Paramount tomou a decisión de non seguir adiante co filme.
O guión de Jendresen tería lugar despóis dos sucesos da série de TV Star Trek: Enterprise e antes dos da série orixinal, durante a guerra terrícola-romulá. O filme centraría-se nunha nave e nunha tripulación enteiramente novas, dirixidos por un capitán chamado Tiberius Chase. Este filme sería o primeiro dunha triloxía que remataría coa formación da Federación de Planetas Unidos.
"Queríamos revelar a verdadeira causa desa guerra, que foi abraiante para todos os implicados daquela", dixo Jendresen. "Simplemente queriamos revelar a verdade após dese alarmante incidente".
Jendresen era o encarregado de escribir un guión o ano pasado, pero daquela a franquícia caíu no esquecemento dos novos directivos, cando a compañía Paramount fusionou-se coa DreamWorks e mudou toda a equipa directiva. Polo de agora, a Paramount está ainda a evaluar o que facer coa súa saga máis produtiva e non saben se resucitarán o guión de Jendresen.

Cinema fantástico em Lisboa

[13:36 16/04/2006] Segundo informam os nossos amigos da Epica, para o final do mês de Abril, estão reservadas algumas boas surpresas para os cinéfilos de Lisboa. Dois festivais abrem as portas e são eles a III Edição do Indie Lisboa e o certame Fantasporto em Lisboa, uma selecção de alguns dos filmes que foram exibidos no último Fantasporto.
O Indie Lisboa vai de força em força e tem vindo a manter uma tradição de destaque ao melhor que se tem feito no cinema independente mundial. Este ano os interessados têm ao seu dispor uma vasta programação composta por 282 filmes e que decorre de 20 a 30 de Abril em locais como o Fórum Lisboa e os cinemas King e Londres, num total de seis salas de exibição.
Para além da secção de Competição Oficial de Longas e Curtas-Metragens que exibirá filmes nunca antes apresentados em Portugal, destaca-se o Observatório onde concorrem dúas obras que merecem a nossa atenção:
Mirrormask de Dave McKean, feito em colaboração com o argumentista e escritor Neil Gaiman conta a história de Helena, uma rapariga de quinze anos, que decide largar a sua vida no circo e ver o mundo "real". Mas, quando dá por si, já embarcou numa estranha viagem às Dark Lands, habitada por gigantes, Pássaros Macaco e perigosas esfinges. Para fugir das Dark Lands, Helena terá que alcançar a Mirrormask.
The Wild Blue Yonder do grande cineasta alemão Werner Herzog, parte da hipótese de um grupo de astronautas em missão espacial ser impedido de regressar à Terra. O planeta tornou-se inabitável (as razões não são explicadas) e a tripulação é obrigada a descobrir um local no espaço para aterrar. Entretanto, na Terra, um extraterrestre proveniente de um planeta que submergiu na água, revela estar a viver no nosso planeta há vários anos (a trabalhar ao serviço da CIA), e explica que descobrir um outro planeta habitável no espaço é uma missão talhada para o fracasso. Agora imaginem tudo isto ancorado em imagens dolorosamente belas.
Mantendo a onda alternativa, mas seguindo uma direcção decididamente fantástica, seja ela horror, fantasia ou Ficção Científica, temos o Fantasporto em Lisboa, uma iniciativa em cooperação com a Inatel e o cinema Quarteto, que decorre de 21 a 29 de Abril.
O filme de vampiros sueco Frostbiten, e vencedor do Grande Prémio do Fantasporto 2006, foi escolhido como filme de abertura numa programação composta por onze filmes de várias origens a que podem aceder no site oficial.
Para além do vencedor, outras obras curiosas como Fausto 5.0, Hair High e A Quiet Love podem ser vistos no final deste mês. A dificuldade está na escolha.

[11:51 12/04/2006] O protagonista de Cinderella Man, Paul Giamatti, axuntará-se con Vince Vaughn para interpretar a Santa Claus nunha vindeira comédia. O conto de nadal vai sobre o irmán malvado e refungón de Santa, que interpretará Vaughn, e que regresa ao Polo Norde após dunha longa auséncia. Nun princípio o filme había-se titular Fred Claus, pero por mor dun problema de dereitos de autor, o título será trocado. Dave Dobkin dirixirá.

[2:04 07/04/2006] Tom Cruise negou os rumores que apuntaban a que se lle proporcionaría un chupete para adultos á súa moza Katie Holmes, a fin de que non puidese berrar durante o parto. A actriz planea dar a luz co sistema da Ciencioloxía, que impide dicir nin unha soa verba durante o proceso do nacemento. Mentres, unha xornalista que a entrevistou para a revista Parade, revelou que Holmes semellaba atordoada, pasiva e ausente durante a entrevista: "ela non parou de sorrir en ningún intre... mesmo cando Cruise describiu como o seu pai batía nel". O "New York Times" describiu esta conduta como "espeluznante".

[2:04 07/04/2006] Mália os nosos millores esforzos por non cair en ningunha brincadeira do día dos parvos (o 1 de abril), colou-se unha nova falsa na nosa páxina. A nosa história de que Beckinsale úne-se á carreira por interpretar a Wonder Woman resultou ser incerta. Lamentamos os inconvintes que vos poideramos ocasionar.

[2:04 07/04/2006] A série Galactica: Estrela de combate gañou o prémio Peabody, que recoñece os méritos nos médios electrónicos. Estes galardóns, que son os máis antigos da súa espécie, non teñen categorías nin hai un número determinado de prémios a outorgar cada ano.

[23:08 05/04/2006] Kate Beckinsale ven de se unir á carreira por interpretar a Wonder Woman na vindeira película que sobre a superheroína dos cómics rodará o creador de Buffy Cazavampiros, Joss Whedon. A actriz inglesa está en conversas con Whedon, segundo informan algúns médios pola Internet, que engaden que Whedon está "moi contento" con Beckinsale e a rodaxe da película comezará en setembro. Outras das candidatas para este cobizado papel son Sarah Michelle Gellar, Charisma Carpenter e Lindsay Lohan, quen mesmo está agardando a ficar de novo embarazada para que lle dean antes o papel.

[23:08 05/04/2006] Na xuntanza da xunta directiva da AEFCFT do pasado martes, confirmou-se a celebración da HispaCon 2006 na cidade de Córdoba. Barállan-se dúas datas aproximadas para o evento: 3, 4 e 5 de novembro ou 10, 11 e 12 do mesmo mes, dependendo das dispoñibilidades de locais.

[23:08 05/04/2006] A secuela da película de debuxos animados Ice Age acadou unha 70,5 millóns de dólares de recadación nas billeteiras dos Estados unidos o pasado fin de semana, sobrepasando doadamente os 46,3 millóns que obtivera a primeira parte desta saga e rachando ademáis o récord para unha estrea no mes de marzo.

[15:54 02/04/2006] A compañía viguesa Pescanova negócia a compra da embarcación de vela "Piratas do Caribe", que compite na Volta ao Mundo de Vela baixo bandeira americana, a fin de utilizala, cando remate a regata, como enseña dos valores deportivos e saudábeis. Así o asegurou o presidente de Pescanova, Manuel Fernández de Sousa, durante a sua estanza en Río de Janeiro, cidade que acolleu a cuarta "marea marela" organizada pola compañía viguesa e mais a Disney (que á sua vez patrocina a vindeira estrea da segunda parte da película Piratas do Caribe) e que axuntou na cidade carioca a médio millar de nenos.

[11:50 12/04/2006] O director Don Coscarelli comentou nunha entrevista que os seus plans para facer Bubba Nosferatu, unha secuela do seu filme Bubba Ho-tep, están de novo en marcha após de que tivera que sortear unha série de dificultades. Primeiro , que os estudos que posuían os dereitos, a MGM, foron vendidos, e logo o coprotagonista Ossie Davis finou o ano pasado. Coscarelli escribiu e dirixiu o filme orixinal, unha comédia sobre un Elvis (interpretado por Bruce Campbell) e un John F. Kennedy negro (Davis) nun xeriátrico que loitan contra a maldizón dunha antiga mómia exípcia.

[11:50 12/04/2006] O especialista ruso en arte Mikhaíl Aníkin ven de acusar ao escritor americano Dan Brown de plaxiar as suas ideas no seu libro O código Da Vinci e ameazou con se querelar, se éste non lle compensa con todos os honorários recibidos. Aníkin, experto en arte europeo occidental do museo Ermitage de San Petersburgo, declarou que Brown roubou-lle tanto a sua interpretación da Gioconda, coma o própio término de "código Da Vinci", que el afirma ter inventado para definir o segredo dese cadro.

[11:50 12/04/2006] Agárda-se que Sir Sean Connery anúncie oficialmente a súa renúncia a continuar facendo películas no mesmo intre que recolla o seu prémio aos Logros dunha Vida a finais deste ano no American Film Institute. Connery, que está a se recuperar dunha operación cirúrxica que lle estirpou un tumor nun ril en xaneiro, planea pasar o seu tempo escribindo libros. Pola súa banda, Harrison Ford está a tentar convencelo para que regrese ás pantallas para a vindeira cuarta parte de Indiana Jones.

Cruise non para

[22:37 19/04/2006] A revista americana "Parade" ven de desbotar os resultados dunha enquisa que organizou sobre Tom Cruise, despóis de que os devanditos resultados producisen unha forte sospeita de estaren amañados.
O sítio web de "Parade" preguntou aos seus leitores a quen consideraban máis responsábel dos recentes escándalos que está a producir o popular actor, se el mesmo ou a prensa, pero cando chegaron os resultados segundo os cales o 84 por cento dos votantes botaba a culpa á prensa, o encargado de publicidade da revista, Alexis Collado, dixo que atopaba eses resultados un pouco sospeitosos, porque após de investigar neles, atoparon que máis de 14.000 votos (dun total de 18.000) foran enviados dende só dez ordenadores, ún dos cales emitiu el soliño máis de 8.000 sufráxios, todos a favor de Cruise.
Asimesmo, a revista tamén descubriu que outros dous computadores tamén emitiran un número extraordinário de votos, todo o cal fai sospeitar que alguén se tomou a moléstia de presentar a Tom Cruise coma a víctima da prensa do corazón e de lle poñer un pouco de luz positiva aos seus escándalos. Un voceiro de Cruise insistiu en que o actor non sabía ren deste asunto, polo que non tiña ren que comentar.
Mentres tanto, onte deu a luz a prometida de Tom, Katie Holmes, recentemente convertida de xeito oficial á fe da ciencioloxía. A recén nacida foi unha nena, á que chamarán Suri, que seica sinifica "princesa" en hebreo. É a primeira filla para a protagonista de Batman Begins, e o terceiro para Cruise, que xa é pai de dous nenos adoptados, Connor e Isabella.
O voceiro de Cruise non quixo dicir ren sobre o polémico parto, no que a nai tivo que ficar en silenzo total mália dar a luz sen anestésia, xa que a ciencioloxía prohibe o uso desas medicinas e ademáis obriga ás nais a calar para non amolar ao fillo recén nacido.

Chega o Sci Fi Channel

[22:38 19/04/2006] Segundo ven de informar Mundoplus.tv, todo está listo para que Sci Fi Channel, a canle da NBC/Universal, apareza no dial de Digital+ dende o vindeiro 1 de xuño. A canle, que se verá no dial 25 de Digital+, nutrirá-se nestes primeiros momentos das séries de ciéncia-ficción que son emitidas por Calle 13: Enterprise, a última série da franquicia Star Trek da que actualmente está a se emitir a terceira tempada e da que ainda resta unha cuarta por estrear; Galáctica: Estrela de combate, da que Calle 13 está a emitir a sua segunda tempada e que rematará o vindeiro 24 de maio; e Andrómeda, da que Calle 13 estreou a sua quinta e última tempada o pasado mes de marzo.
Asimesmo, na programación de Sci Fi Channel non só veremos as devanditas séries, senón que ademáis emitirán-se Johnny Smith e A zona morta, da que anova canle estreará a sua terceira tempada.
Sci Fi Channel España además ofrecerá a posibilidade de recuperar séries xa emitidas íntegramente por Calle 13 coma MutanteX, Starhunter ou Alén do límite, e será vehículo para que cheguen a Galiza producións tan diferentes coma Tripping the rift, série de animacion, ou Tremors, série baseada na película de terror de culto dos anos 90.
Tamén o cinema terá o seu lugar coa emisión tanto de títulos actuais coma de clásicos da ciéncia-ficción, e mesmo poderían-se emitir producións españolas, igual que en SciFi Channel de Franza.

Prémios da EuroCon 2006

[22:38 19/04/2006] O congreso europeo de ciéncia-ficción, a EuroCon 2006, celebrou-se en Quiev, a capital de Ucraina, durante a pasada fin de semana, aproveitando a festividade da Páscua e, como ven sendo habitual, entregaron-se os prémios europeos.
Estes foron os gañadores en cada unha das categorías:

Millor Autor: H.L. Oldie (Ucraina)

Millor Tradutora: Asta Morkuniene (tamén coñecida coma Anita Kapociute, de Lituánia)

Millor Promotor: Vladimir Borissov (Rúsia)

Millor Revista: "Mir Fantastiki" (Rúsia)

Millor Editor: Hekate (Letónia)

Millor Ilustrador: Róbert Odegnál (Hungría)

Millor autor teatral: Alexei Fedorchenko (Rúsia), por The First Men on the Moon

Millor revista non-comercial: "Shaltay-Boltai" (Russia)

Premios Encouragement: Sergei Slyusarenko (Ucraina), Camilla Wandahl (Dinamarca), Angelina Ilieva (tamén coñecido coma Johan Vladimir, de Bulgária), Marian Coman (Roménia), Jana Juzlova (República Checa), Julia Galanina (Rúsia), Tamás Szalai-Kocsis (Hungría), Dmitri Gradinar (Moldávia) e Dusan Fabian (Eslováquia)

Prémio Grande Mestre Europeo: Harry Harrison (Irlanda), e Arkadi e Boris Strugatski (Rúsia)

A EuroCon 2007 tená lugar en Copenhagen, Dinamarca, e polo momento confirmou-se xa que Anne McCaffrey e David A. Hardy serán os convitados de honra. Tamén acordou-se que a EuroCon 2008 se celebre en Moscova.
[13:39 16/04/2006] O actor Tom Hanks ven de aclamar ao clásico da ciéncia-ficción 2001: unha odiseia no espazo como o seu filme favorito de todos os tempos. O protagonista de Forrest Gump insiste en que todas as veces que viu a película de 1968 de Stanley Kubrick non son abondo, porque implica á audiéncia dun xeito único: "iso é o que estou a procurar cando vou mirar unha película, igual que calqueroutro afeccionado". Tamén mencionou o filme de 1972 O Padriño, Fargo, Elephant e Boogie Nights entre os seus cinco filmes favoritos de todos os tempos.

[13:39 16/04/2006] Emily Watson, Ben Chaplin e Alex Etel protagonizarán o filme fantástico The Water Horse, dirixido por Jay Russell e baseado na novela homónima de Dick King Smith. A rodaxe comezará en maio en Escócia e en Nova Celanda. The Water Horse narra a história dun rapaz solitário en Escócia (Etel) que atopa un misterioso ovo na beira dun lago. Cando o ovo ábre-se o que sae é un "cabalo de mar", un mítico monstro mariño das lendas escocesas. Os efectos especiais estarán a cargo de Weta Digital e Weta Workshop, os responsábeis das recentes King Kong e As crónicas de Nárnia.

[11:50 12/04/2006] A Disney ven de anunciar que ofrecerá episódio completos con publicidade incluida de catro séries da canle ABC, entre os que se inclúen Perdidos e Alias, todo elo na ABC.com e como parte dun experimento que há durar dous meses. Os actuais episódios de Perdidos, Mulleres desesperadas e Comandante en Xefe, así coma a tempada completa de Alias, estarán dispoñíbeis para que calquera con acceso á Internet poida baixalos dende o devandito sítio Web. e totalmente grátis durante maio e xuño.

[22:39 17/04/2006] O grupo integrista católico Opus Dei ven de esixir aos produtores do filme O Código da Vinci que inclúan unha renúncia de responsabilidade pola suposta falla de respecto ás súas crenzas. O filme retrata ao Opus Dei como un culto bárbaro e corrupto no centro dunha conspiración sobre a verdade da vida de Cristo.

[22:39 17/04/2006] A Universal Pictures ven de adquirir os dereitos sobre un guión de Lucas Sussman sobre unha película sobrenatural titulada The Hunt e xa pensan en Darren Aronofsky e Eric Watson para produci-lo. O filme vai sobre as aventuras do cazador máis grande do mundo, que tentará cazar ao máis perigoso de todos os animais: o mesmísimo demo.

[22:38 17/04/2006] A novela de M.M. Buckner War Surf foi a gañadora do prémio Philip K. Dick de novela de ciéncia-ficción 2005, que recoñece á millor novela publicada en formato "peto" ao longo do ano. O anúncio fíxo-se no decurso da Norwescon celebrada en Seattle. Asimesmo, houbo unha mención especial para Natural History de Justina Robson.

[22:38 17/04/2006] Un voceiro oficial do Vaticano emitiu un duro comunicado contra O Código da Vinci, ao que chamou "arte pseudo-histórico". O voceiro, que falou na presenza do papa Bieito o pasado 14 de abril, tamén condeou ao "Evanxeo de Xudas", recentemente sacado á luz pola canle National Geographic TV a semana pasada, e acusouno de ser unha "herexía".

[22:38 17/04/2006] Na pasada fin de semana concedéron-se en Glasgow os prémios da British SF Association (BSFA). Os gañadores foron: na categoría de millor ilustración, Pawel Lewandowski pola portada da revista "Interzone" número 200. Na categoría de millor relato, Kelly Link por Magic for Beginners, e na de millor novela, Geoff Ryman por Air.

Manga prohibido nas bibliotecas

[21:45 22/04/2006] Bill Postmus, presidente da comisión de censura do condado de San Bernadino en Califórnia, ven de dar a orde ás bibliotecas do condado que retiren de contado o libro Manga: Sixty Years of Japanese Comics da circulación. Nun comunicado na páxina web oficial do condado, Postmus calificou ao libro como "obsceno", decindo que "ese libro é absolutamente inapropiado para unha biblioteca pública, e en canto decateime da súa presenza onte, din orde de retiralo de contado".
O libro foi atopado por un rapaz de 16 anos nunha sección de libros para adultos dunha biblioteca en Victorville, e seica a nai do rapaz ficou horrorizada polo seu contido, segundo informou a prensa local, e escribiu unha carta no xornal da vila pedindo que o libro fose eliminado das bibliotecas, onde os rapaces non poideran telo ao seu alcance. O sistema de bibliotecas do condado dispuña dun total de trece exemplares do libro.
A coordinadora do sistema de bibliotecas do condado, Nannette Bricker-Barrett, dixo que é responsabilidade dos pais determinar se un menor pode botar unha ollada na sección de adultos dunha biblioteca: "a biblioteca non actúa como pai", dixo. "é responsabilidade da biblioteca ofrecer un amplo espectro de materiais, sen excluir ningún".
O libro en cuestión é un catálogo ilustrado do ano 2004, escrito por Paul Gravett e publicado por Harper Design, e vai sobre a história dos cómics xaponeses (manga), e inclúe en moitos capítulos algunhas fotos e texto de cómics para adultos que mostran escenas de sexos e violéncia. Ainda que Postmus dixo na súa declaración que o libro contiña sexo con animais, non hai probas que demostren que iso sexa certo.
Postmus tamén esixiu ás bibiotecas que deseñen un plan para protexer aos nenos dos libros inapropiados que ainda poidera haber nos andeis do sistema de bibliotecas público no seu condado.

O Paradiso Perdido

[0:03 21/04/2006] A Legendary Pictures está a desenvolver unha película con acción real baseada no clásico poema épico de John Milton O Paradiso Perdido, con Scott Derrickson (O exorcismo de Emily Rose) vencellado ao proxecto na dirección. Vincent Newman (Un home á parte) producirá xunto coa Legendary.
Paradiso Perdido, publicado en 1667, narra a história da fallida rebelión de Lucifer no ceo e o subseguinte papel que xogaron Adán e mais Eva no mito xudeocristián.
A Legendary é unha empresa respaldada por cartos de investimento privados que cofinanciou e coproduciu vários filmes de éxito da Warner Brothers, incluindo Superman Returns, Lady in the Water e 10.000 B.C.. Formou unha sociedade cos coñecidos estudos o ano pasado para coproducir e financiar alomenos 25 filmes nun periodo de 5 anos. A compañía tamén ten un acordo de distribución coa Warner.
Phil DiBlasi e Byron Willinger adaptaron Paradiso Perdido para a pantalla. Stuart Hazeldine desenvolverá o proxecto con Derrickson e fará-se cargo das obrigas adicionais co guión. A Warner anúncia que Derrickson estudou teoloxía nun seminário, polo que algo saberá sobre o demo.

[21:48 22/04/2006] Os expertos consultados por NOVA fantasia estiman que o nome da recente filla de Tom Cruise, "Suri", non é verdadeiramente hebreo e que non sinifica "princesa" nin "rosa vermella" coma afirmaron os seus pais. Seica o nome é unha deformación de "Sara", na pronúncia dos xudeus polacos, pero algúns especulan con que o nome fora escollido pola súa semellanza con Surrey, localdiade inglesa que foi o lugar de nacemento do líder da ciencioloxía L. Ron Hubbard.

[22:41 19/04/2006] O plató de rodaxe do filme de Mel Gibson Apocalypto foi destruido por un trebón en Sudamérica, obrigando asemade aos estudos Disney a abandoar os plans para unha estrea neste verán. O filme, que vai sobre as aventuras dun heroe maia nas selvas de México, había ser estreado en todo o mundo en agosto, pero agora terá que agardar alomenos até nadal.

[22:41 19/04/2006] A novo filme de Tom Cruise, Misión Imposíbel III, será estreado en Roma coa presenza do seu protagonista. Parte desta película fora rodada na capital italiana, que será a primeira do mundo en ver o filme. Seguirán-lle Londres, Paris e México. Nos Estados Unidos non poderán vela até o Tribeca Film Festival en New York City o 3 de maio.

[22:41 19/04/2006] A Columbia Pictures e mais Google veñen de anunciar o lanzamento de The Da Vinci Code Quest en Google, un xogo de 24 horas que comeza o 17 de abril, no 55º aniversário do nacemento de Leonardo da Vinci. Os que completen os crebacabezas e mais os desafíos do xogo poderán gañar importantes prémios, incluindo vacacións a New York, París, Londres e Roma, así coma televisións, ordenadores, cámaras, sistemas de navegación por satélite, home cinemas e máis desas cousas.

[22:41 19/04/2006] Renee Zellweger protagonizará o thriller de terror Case 39 para a Paramount Pictures. O filme comezará a se rodar o 31 de xullo en Vancouver, Canadá, mentres os estudos están ainda á procura dun director. Ray Wright escribiu o guión, que vai sobre unha traballadora social que salva a unha nena de dez anos dos seus pais, pero descubre que os pais non son o verdadeiro problema.

[22:41 19/04/2006] O reparto do filme Superman Returns tomará parte tamén no videoxogo que se fará sobre a película, gravando coas súas voces as accións dos persoaxes que se movan pola pantalla. Brandon Routh (Superman/Clark Kent), Kate Bosworth (Lois Lane), Kevin Spacey (Lex Luthor), Parker Posey (Kitty Kowalski) e Sam Huntington (Jimmy Olsen) terán intervención no videoxogo de Electronic Arts e Warner Brothers Interactive Entertainment, que será lanzado no verán.

[22:41 19/04/2006] Oded Fehr repetirá o seu papel na terceira entrega da saga Resident Evil, protagonizando o filme xunto a Milla Jovovich. As compañías Constantin Film (de Alemaña) e Impact Pictures serán as que produzan. Resident Evil: Extinction, adaptado da popular franquicia dos videoxogos, vai sobre a batalla entre a malvada Umbrella Corp. e os seus zombies contra Alice (Jovovich) e mais os seus aliados. A secuela comezará a se rodar en México en maio, cun guión de Paul W.S. Anderson e dirixida por Russell Mulcahy.

Outra demanda que non trunfa

[21:45 22/04/2006] A Segunda Corte de Apelacións do Circuito de New York ven de dictar unha sentenza na que afirma que Dan Brown non copiou elementos doutro escritor na súa novela O Código da Vinci.
É a segunda vitória legal para Brown este mes, após de que un tribunal de Londres rexeitara os cargos de pláxio dos que lle acusaban os autores doutro libro, The Holy Blood and the Holy Grail, de Michael Baigent e Richard Leigh. No caso de New York, o escritor Lewis Perdue aseguraba que o libro de Brown infrinxía os dereitos de autor sobre a súa novela Daughter of God, que foi publicada en 2000, e The Da Vinci Legacy, publicada en 1983.
A finais de agosto, o xuiz George Daniels do tribunal de Districto en New York dictou que "un observador razonábel non concluiría que 'O Código da Vinci' é substancialmente semellante a 'Daughter of God'", e engadía que "calquera elemento remotamente semellante está no nivel das ideias xerais ou das non protexidas [polos dereitos de autor]".
A editorial de Brown nos Estados Unidos, a Doubleday, dixo nun comunicado que a corte de apelacións federais en New York confirmara esa sentenza esta semana: "este veredicto rápido e unánime confirma, unha vez máis, que estas afirmacións nunca tiveron ningunha posibilidade".
Con máis de 40 millóns de cópias vendidas no mundo, O Código da Vinci fica ainda coma o libro máis vendido en case todas as listas deste xénero tres anos despóis de ser publicado. A versión para o cinema protagonziada por Tom Hanks e dirixida por Ron Howard será estreada este mesmo mes de maio.

Del Toro embárca-se

[21:45 22/04/2006] Guillermo del Toro (Hellboy) ven de asinar un contrato para producir A chamada do mar, un filme de terror que dirixirá o realizador chileno Jorge Olguin. Esta película será a terceira de Olguin, e estará protagonziada polos actores Leonor Varela e Santiago Cabrera.
O filme está baseado nunha lenda sobre un barco fantasma que navega polas frías augas dunha illa chilena na procura das almas dos pescadores locais. A história céntra-se nunha bióloga mariña (Varela) que descobre que moitas das lendas están relacionadas co pasado da súa família.
Del Toro ficou vencellado ao proxecto após de ler o guión de Olguin. A chamada do mar conterá elementos de máxia e fantasía e utilizará efectos dixitais de última xeración, modelos e maquillaxe de efectos especiais.

[23:16 27/04/2006] A actriz de Perdidos Michelle Rodriguez, que fora arrestada o pasado mes de decembro por conducir bébeda, declarou-se culpábel no xuizo e foi condeada a escoller entre facer 240 horas de servizos á comunidade ou a cinco días no cárcere. Rodriguez elixiu a condena na prisión.

[23:16 27/04/2006] A novela Air de Geoff Ryman gañou o prémio Arthur C. Clarke 2006, que se concede a obras publicadas durante o ano anterior. Esta obra xa gañara os prémios British SF Association e mais o James Tiptree Jr. Memorial. É a segunda vez que Ryman gaña o Clakre: en 1990 obtivéra-o con The Child Garden. O galardón consistiu nun suxeitalibros gravado e mais un cheque por 2.006 libras esterlinas (uns 2.800 euros).

[21:48 22/04/2006] Dan O'Bannon, guionista de filmes coma Alien, Alien vs. Predator e Desafío Total, escribirá e dirixirá o thriller de ciéncia-ficción They Bite. O ex-executivo da Paramount Brian Witten e mais Rob Gallagher tamén están na produción deste proxecto que comezará a se desenvolver este mesmo ano.

[21:48 22/04/2006] Nun comunicado oficial remitido a diversos médios de comunicación españois, o Coletivo Nemo de Fantasía e Ciéncia-Ficción quéixa-se amargamente polas durísimas críticas que o pasado 3 de nadal a xunta directiva da Asociación Española de Fantasía, Ciencia-Ficción e Terror (AEFCFT) emitiu e do que se fixeron eco case todos os médios informativos. Naquel comunicado, a AEFCFT criticaba a pésima organización da IberCon, e agora o Colectivo Nemo, (cinco meses despóis!) tenta lavar a súa cara con matizacións moi na liña do seu máximo dirixente, o ex-militar Ignácio Agulló.

J.J. Abrams reinventa Star Trek

[21:47 22/04/2006] Star Trek está morto. Longa vida a Star Trek. A Paramount quere resucitar a súa franquícia de Star Trek colocando ao director de Misión Imposíbel III, J.J. Abrams, para que produza e dirixa a undécima película da saga de Star Trek, e tela disposta para o lanzamento en 2008.
Abrams, quen fixo o seu debut na realización nada menos que coa agardada Misión Imposíbel III, é máis famoso por crear e producir séries de éxito coma Perdidos, Alias ou Felicity. Damon Lindelof e Bryan Burk, a equipa de produtores de Abrams en Perdidos, tamén participarán neste proxecto aínda sen título.
O proxecto, que será escrito polos guionistas de Abrams en Alias e Misión Imposíbel III, Alex Kurtzman e Roberto Orci, seica será unha precuela na popular franquícia, ambientando a história nos primeiros días da série orixinal, cos persoaxes de James T. Kirk e Mr. Spock, incluindo o seu primeiro encontro na Académia da Frota Estelar e a súa primeira misión ao espazo exterior.
Star Trek ven sendo a saga máis antiga e duradeira de Hollywood, deixando á parte a James Bond, e xa produciu dez películas que recadaron máis de mil millóns de dólares e 726 episódios de seis séries de televisión ao longo de cincuenta anos.
A decisión do relanzamento chega após dun ano de que a UPN cancelara a súa série Star Trek: Enterprise con baixos índices de audiéncia, e catro anos despóis de que Star Trek: Nemesis se convertise no filme con pior recadación dos dez producidos até agora, con tan só 43 millóns de dólares de recadación nos Estados Unidos.
Agárda-se que os produtores de toda a vida de Star Trek, Rick Berman e Brannon Braga, non estean vencellados a este proxecto, polo que os seus plans particulares para a 11ª película, incluindo o guión de Erik Jendresen, serán desbotados.

Adía-se a secuela do Código da Vinci

[21:45 22/04/2006] A secuela da novela O Código da Vinci de Dan Brown non estará lista a finais de ano, tal e coma estaba previsto. Larry Finlay, director xerente de Transworld Publishers en Londres, unha división da compañía propiedade de Bertelsmann Random House, dixo á prensa que a editorial non sabe cando vai aparecer o libro e que veñen de sacalo da axenda de lanzamentos para este ano. Nun primeiro intre agardaban telo para outubro ou novembro, pero agora coidan que será en 2007.
O libro, cuxo título e argumento están gardados baixo sete chaves, tantas coma as supostas seitas secretas das que escribe o autor, está ainda por rematar. No último ano, Brown estivo moi ocupado tendo que se defender de acusacións de pláxio en demandas ao longo do mundo que foron todas botadas abaixo, así como coa estrea do filme que vai protagonizar Tom Hanks. Nin Brown nin o seu axente en New York puideron ser localizados pola redacción de NOVA fantasia para comentar as razóns do atraso do libro.
O título de traballo da nova novela é polo de agora A chave de Salomón, ainda que xa se sabe que ése non será o título definitivo. Os autores de libros con títulos semellantes, coma Secrets of the Widow's Son e The Solomon Key and Beyond, así como fans en moitos sítios web, fican á espera para poder demandar a Brown en canto se coñeza o título e máis o contido do seu novo libro, obtendo así unha xugosa publicidade gratis. Polo de agora o único que se sabe é que os Masóns terán algo que ver co argumento.

[23:17 27/04/2006] A protagonista de Expediente X, Gillian Anderson, rachou co seu home Julian Ozanne, segundo anunciou-se o venres á noite. A actriz, de 37 anos, casara co xornalista gráfico e documentalista Ozanne en 2004, e marchou a vivir a Londres coa súa filla de once anos Piper (dun anterior matrimónio con Clyde Klotz). Un voceiro da actriz dixo que Gillian Anderson e mais o seu home anúncian que o seu matrimónio chegou ao seu final e que están en proceso de separación.

[23:17 27/04/2006] O produtor da polémica sesión de ouija con John Lennon que foi televisada nos Estados Unidos (en pago-por-visión, por certo) hai uns días defendeu a súa posición cargando contra os críticos, e afirmando cousas tales coma que os mortos teñen dereito a falar [por suposto, só no seu programa de TV] e que hai que lles permitir exercer tal dereito. A viúva de Lennon, Yoko Ono, criticou o programa, afirmando que o seu home non estaba interesado no suposto mundo paranormal, e que o programa foi sen gusto, chabacano e explotador.

[23:17 27/04/2006] David Morrissey (The Reaping) ven de asinar para interpretar xunto con Emily Watson e Alex Etel no filme fantástico de Jay Russell The Water Horse para as produtoras Walden Media, Beacon Pictures e Revolution Studios. Baseada nun libro para nenos de Dick King-Smith, o filme vai sobre un neno escocés que atopa un óvo do monstro do lago Ness.

[23:17 27/04/2006] A segunda tempada da série Perdidos rematará o vindeiro 24 de maio cun espectacular capítulo de dúas horas de duración, pero antes os produtores lanzarán The Lost Experience, un xogo interactivo e multiplataforma que comezará a estar en liña en maio. O xogo terá moitos dos ingredientes da série da tele e fará uso de mensaxes por e-mail, chamadas telefónicas, anúncios e moitas outras cousas.

[23:17 27/04/2006] A Walt Disney Co. ven de pechar un acordo que lle permitirá desenvolver unha série baseada en Perdidos, pero que só se poderá ver nos teléfones móbiles. A série titulará-se Lost Video Diaries e seica terá moito interese para o Sindicato de Actores, porque após de 13 semanas, os dereitos sobre cada episódio serán doados a esa organización.

[23:16 27/04/2006] John Morressy, escritor de fantasía e profesor de língua inglesa, finou na súa casa de Sullivan, New Hampshire, o pasado 20 de marzo por mor dun ataque ao corazón aos 76 anos de idade. Nunha carreira que se estendeu por riba das catro décadas, Morressy era moi coñecido polas súas novelas de fantasía en clave de humor sobre o meigo Kedrigern.

Abrams nega os rumores de Trek 11

[23:13 27/04/2006] O director de Misión Imposíbel III, J.J. Abrams, comentou nunha recente entrevista que a súa implicación na proposta de 11ª película da saga de Star Trek só serviu para crear titulares de prensa non autorizados, e que non pode confirmar os rumores de que o filme vaia sobre James T. Kirk e Spock cando eran mozos na Académia Estelar.
O creador de séries coma Alias está moi alporizado coa prensa por lanzar os rumores dun xeito tan prematuro e dixo que os detalles sobre o argumento eran incorrectos: "informou-se de todo este asunto sen a nosa cooperación".
A semana pasada a prensa de todo o mundo informou de que Abrams produciría a undécima entrega da franquícia trekkie, dando ademáis detalles sobre a mesma, pero agora Abrams néga-se a dicir se eses detalles son ou non certos, apuntandoen todo caso que os persoaxes de Kirk e Spock non aparecerán, ainda que outros sique poderían ter parte no guión.
O voceiro da Paramount, pola súa banda, confirmara previamente a veracidade dos rumores apuntados por NOVA fantasia a semana pasada.

[18:13 30/04/2006] A Asociación A Fouce de Ouro organiza o domingo 30 de abril a partir das 22:00 na praza de Chavián (Bertamiráns) un Lumepán, unha festa tradicional na que os protagonistas son o lume e os froitos da terra. Con moitas variantes pola zona occidental de Galiza, consiste fundamentalmente en facer unha fogueira e chantar nela unha árbore seca, do que se penduran xestas e toxos. Asimesmo, cántan-se canzóns alusivas á fertilidade da terra e ao desexo de prosperidade.

O Vaticano pide o boicot para O Código da Vinci

[18:11 30/04/2006] O secretário da Congregación para a Doutriña da Fe (o antigo Santo Ofício), o arcebispo Angelo Amato, pediu onte o boicot á película O código da Vinci, baseada na novela homónima de Dan Brown e moi criticada polo Vaticano.
Amato, colaborador de Bieito XVI, afirmou nunha ponéncia que a história de O código da Vinci é un conxunto de "ofensas, calúmnias, erros históricos e teolóxicos cara Xesús, os Evanxeos e a Igrexa". Aos asistentes á conferéncia, celebrada na Universidade Pontifícia da Santa Croce, instou-lles a "boicotear esa película", que se estreará o 19 de maio.
O arcebispo denunciou certa indiferéncia perante as "ofensas" contra a Iglexa católica, que segundo dixo, "se estivesen dirixidas contra o Corán ou o Holocausto xudeu provocarían xustamente un levantamento mundial".

Feira do Livro de Monção

[23:14 27/04/2006] Segundo informam os nossos amigos da Épica, a câmara de Monção, a só 40 kilómetros de Vigo, promove de 25 de Abril a 1 de Maio a sexta edição da Feira do Livro de Monção que irá coincidir com o segundo Congresso da Literatura da Associação de Jornalistas e Homens de Letras do Alto Minho.
Num notável esforço de divulgação cultural, a feira do livro promove vários debates e actividades sobre a literatura nacional, destacando a ficção científica portuguesa através das presenças de João Barreiros, Luís Filipe Silva e João Seixas que irão debater o tema "Porque ler ficção científica é ficção científica em Portugal?".
O convidado de honra será o escritor galês Rhys Hughes, o autor da Nova História Universal da Infâmia publicada em Portugal pela Livros de Areia, que assim dará o mote às comemorações dos vinte anos da morte do escritor argentino Jorge Luis Borges.

Smith é Lenda

[23:13 27/04/2006] Will Smith protagonizará I Am Legend, a longamente agardada adaptación da Warner Brothers da clásica novela homónima de ciéncia-ficción de Richard Matheson, e que será dirixida polo realizador de Constantine Francis Lawrence. Smith asinou un contrato polo que se non fai este filme tería que pagar unha indemnización. Arestora está a rodar Tonight, He Comes para a Sony.
Akiva Goldsman reescribiu o guión orixinal de Mark Protosevich. Agárda-se que comece a rodaxe a primeiros de 2007 na cidade de New York.
O filme translada a história dende Los Angeles a unha New York postapocalíptica e vai sobre o derradeiro home sán após de que un virus mortal rematara a case toda a poboación do mundo. Para sobrevivir, o protagonista deberá loitar contra mutantes que só saen polas noites.
Eu son Lenda estivo por se facer en 1997 con Ridley Scott vencellado ao proxecto na dirección e con Arnold Schwarzenegger como protagonista, pero daquela a Warner rompeu o trato porque o orazmento disparára-se por riba dos 108 millóns de dólares, unha cifra que daquela era moi alta.
O libro de Matheson foi a base para adaptacións prévias ao cinema, incluindo unha de Vincent Price (O derradeiro home na Terra) e outra de Charlton Heston (The Omega Man).

[22:41 04/05/2006] Os nosos reporteiros en Hollywood desvean o rumor de que o superheroe de culto máis carismático da Marvel Comic, Silver Surfer, terá unha aparición na vindeira secuela que se está a preparar do filme Os Catro fantásticos. O persoaxe, un tímido extra-terrestre que voa nunha táboa metálica e que está atrapado na Terra, foi creado polo debuxante Moebius nos anos 60 e é especialmente famoso en Europa.

[22:41 04/05/2006] A Hasbro, a empresa de xoguetes que fabrica a liña de "Star Wars", renderá unha homenaxe ao creador da saga George Lucas, facendo un boneco coa súa face, e vestido de soldado de infanteria da Guerra das Galáxias. Esta é a primeira vez que Lucas é convertido en figura de acción da súa saga, pero non a primera vez que se utiliza a súa face para fabricar un boneco, porque a Hasbro xa lanzara unha figura que se asemellaba a Lucas chamada George Sacul.

[13:04 01/05/2006] A AIMC (Asociación para a Investigación de Médios de Comunicación) ven de facer pública a primera vaga do EGM (Estudio Xeral de Médios) correspondente ao primeiro trimestre do ano. No apartado de canles temáticas, destaca o absoluto liderazgo de "Calle 13", a canle de suspense e acción producido pola NBC Universal Global Networks España. Segundo o estudo, "Calle 13" conta cunha audiéncia total de 2.872.000 espectadores, cunha diferéncia de 498.000 espectadores con respecto ao seu competidor máis cercano.

[13:04 01/05/2006] Adrien Brody e Lindsay Lohan protagonizarán a comédia romántica Speechless, baseada nun relato de 1952 do escritor fantástico L. Sprague de Camp. Brian Dannelly dirixirá esta produción da Sobini Films, que comezará a se rodar a finais deste ano. O filme é unha história ao xeito de Cyrano de Bergerac sobre un home moi tímido que é invitado a dar un discurso na voda do seu amigo.

[22:42 04/05/2006] Jack Black (King Kong) foi contratado para protagonizar a excéntrica comédia de ciéncia-ficción de Michel Gondry Be Kind Rewind, na que interpretará a un traballador adicto cuxo cerebro resulta magnetizado, o que destrúe todas as cintas de vídeo no videoclube do seu amigo, obrigándo-lles a rodar de novo todos os filmes.

[22:41 04/05/2006] Jon Voight, que ven de interpretar ao defunto papa Xohán Paulo II no cinema, confirmou que está moi preto de interpretar a un persoeiro moi distinto, xa que podería entrar a formar parte do reparto do filme de Michael Bay, Transformers, baseado nos populares xoguetes da Hasbro. Voight podería interpretar ao Secretário de Estado.

[22:41 04/05/2006] Kelsey Grammer interpretará ao Anxo da Morte nun vindeiro episódio da série Medium. Grammer é ún dos produtores executivos da série, emitida en Galiza pola canle "Cuatro" e protagonizada por Patricia Arquette no papel dunha vidente con poderes que axudan a resolver crimes á policía.

[22:41 04/05/2006] Batman Begins e King Kong foron os grandes trunfadores na 32ª gala anual de entrega dos prémios Saturno, levando tres estatuiñas cadansúa na cerimónia celebrada o pasado 2 de maio en Universal City, Califórnia. A série Battlestar Galactica foi a gañadora no apartado televisivo, conm outros tres prémios. Os Saturno son outorgados pola Académia americana de cinema de ciéncia-ficción, fantasía e terror.

[22:41 04/05/2006] A New Line está a desenvolver un novo filme, baseado no clásico de Jules Verne 20.000 légoas de viaxe submariña, cun guión de Craig Titley e produción de Sam Raimi, quen non sería o director. A Disney xa fixera unha versión desta novela en 1954, protagonizada por James Mason, Kirk Douglas e Peter Lorre. A novela 20.000 légoas de viaxe submariña é especialmente coñecida en Galiza por aparecer nela unha descrpción da ría e mais a cidade de Vigo.

[22:41 04/05/2006] Xa hai unha confirmación máis da nova que adiantou NOVA fantasía hai unhas semanas: está-se a planear unha novena entrega da saga Halloween, que sería unha precuela nesta popular franquícia de terror. Os plans para esta entrega foran aparcados cando o seu produtor, Moustapha Akkad, foi asasinado nos ataques terroristas de Xordánia do ano pasado, pero agora Jake Wade Wall confirmou que a saga volverá. A precuela irá sobre a vida do asasino en série Michael Myers cando era novo e antes de ser internado nunha institución psiquiátrica.

Petersen quere facer Ender

[22:39 04/05/2006] O director Wolfgang Petersen revelou nunha entrevista que o seu seguinte proxecto podería ser a devecida versión cinematográfica da novela de Orson Scott Card O xogo de Ender: "teremos o guión nunha semanas, e se todo vai ben e ese guión vai na dirección axeitada, podería ser o meu seguinte traballo", dixo Petersen mentres promocionaba o seu filme Poseidón.
Petersen engadiu que xa tivera un cásting con máis de 1.000 posíbeis candidatos a facer o papel de Ender, o neno xénio de Card, quen está a se adestrar para defender a terra contra a invasión dos áliens no século XXI. Pero Petersen coida que este filme podería ter tanto éxito coma a franquícia de Harry Potter.
No que respeita aos outros rumores sobre proxectos de grandes orzamentos para Petersen, hai ún que sería moi do seu agrado: Batman contra Superman. Petersen dixo que lle encanta este concepto, e que podería acontecer que o fixera, pero bromeou referíndo-se a que podería chegar-lle cando tivera xa 85 anos, dado que ainda está por estrear Superman Returns o vindeiro 30 de xuño.

O que se move na Marvel

[13:02 01/05/2006] Jon Favreau foi contratado para dirixir o filme de acción real da Marvel Studios Iron Man, que agora será distribuido pola Paramount, segundo un acordo ao que veñen de chegar ambas compañías. A Marvel desenvolverá os títulos de vários filmes, financiados de xeito independente polos 525 millóns de dólares que aportará a Merrill Lynch.
Todos os filmes serán distribuidos asemade pola Paramount baixo este novo acordo, agás a segunda parte do Incríbel Hulk, a secuela do éxito de 2003 Hulk.
Iron Man é arestora a máxima prioridade para a Marvel, e será escrito polos guionistas Arthur Marcum e Matt Hollaway.
O segundo filme de Hulk, pola súa banda, vai-se facer mália o fracaso que foi nas billeteiras o seu antecesor. Zak Penn (X-Men III) escribiriá o guión, e a Universal, que xa fixera o próprio coa primeira parte, distribuirá esta secuela.
David Self (Camiño á Perdición) foi contratado para escribir o guión da longamente agardada versión cinematográfica de Capitán América.
Edgar Wright (Shaun of the Dead) dirixirá e escrbirá o guión xunto con Joe Cornish do filme que se fará sobre o superheroe Ant Man, que conterá un toque humorístico.
Andrew Marlowe (O home sen sombra) escribirá o guión de Nick Fury, filme baseado no militar superespía da Marvel.
Finalmente, Mark Protosevich (Poseidon) escribirá Thor.
A Marvel ainda non puxo ningún destes filmes na súa axenda de producións, ainda que se agarda que o primeiro apareza contra 2008.

O Emperador Púrpura

[13:02 01/05/2006] A editorial Xerais anúncia a publicación de O Emperador Púrpura como novidade para este mes de maio, na súa colección infanto-xuvenil "Fóra de Xogo" e do autor clásico Herbie Brennan.
Hai unha lei universal que todos os elfos respectan: cando morre o emperador, o príncipe herdeiro debe ocupar o seu lugar. Mais que sucede se o emperador retorna da tumba? O pai de Pyrgus, a quen acaban de asasinar, resucita e presénta-se no Palacio Púrpura, onde se desencadea o caos. O Reino queda sumido na maior desorde e Pyrgus e a princesa Holly Blue están decididos a evitar que caia nas mans dos malvados elfos da noite. Sorte que contan coa axuda de Henry, chegado do mundo dos humanos descoñecendo que se adentra nun mundo diabólico.
O emperador púrpura é a segunda parte da saga que comezou con O portal dos elfos, e é unha historia épica, trepidante, con boas doses de humor e suspense, que entusiasmará aos lectores do xenial universo creado por Herbie Brennan. Unha novela considerada nos Estados Unidos como unha das mellores do ano 2005 para mozos e aclamada de forma unánime pola crítica internacional: "Fantasía con todos os ornamentos, un gran espectáculo, cheo de suspense", segundo o "The New York Times", e "O emperador púrpura é aínda mellor que O portal dos elfos", de "The Bookseller".

[23:10 06/05/2006] O creador de Spiderman e o Incríbel Hulk está a procurar no novo superheroe, pero desta volta quere atopalo nun reality na televisión. A lenda dos cómics Stan Lee dixo que o novo programa da canle Sci-Fi Channel "Who Wants to be a Superhero?" servirá para que o gañador do concurso, que deberá sair de entre os once participantes, sexa o protagonista du nnovo cómic que fará o mesmo Lee, de 83 anos de idade.

Concurso de literatura fantástica

[1:59 17/05/2006] A revista "Forum Estudante" comemora em 2006 15 anos de vida, e para celebra-lo, até dia 31 de Agosto de 2006 poderão-se enviar textos fantásticos. Trata-se de um concurso de literatura fantástica, em que os vencedores verão a sua história editada em livro.
O concurso consiste no envio de um texto, sem limite de páginas, que dará origem a um livro com a compilação das melhores histórias. A história tem de ser do género fantástico, tomando por exemplo o Harry Potter o Senhor dos Anéis ou o Eldest, entre outros.
Podem participar todas as pessoas com idade igual ou inferior a 21 anos. Cada candidato só pode apresentar um trabalho.
Os textos deverão ser enviados por correio postal ou entregues, em envelope fechado, identificado com o pseudónimo do autor, directamente na FORUM ESTUDANTE, com a indicação de: Concurso Jovem Escritor, contendo no interior uma disquete ou CD com o texto original [em formato Microsoft Word for Windows (.DOC) ou Rich Text Format (.RTF) e um envelope fechado com as indicações pessoais (nome, morada, data de nascimento, estabelecimento de ensino que frequenta no ano lectivo 2005/2006, ano de escolaridade, endereço de correio electrónico e número de telefone) do candidato. No exterior deste envelope deve também constar o pseudónimo do autor.
Serão aceites todos os trabalhos recebidos até 31 de Agosto de 2006, sendo válido o carimbo dos correios com esta data.
Só poderão ser submetidos a concurso textos inéditos, pelo que qualquer indício de plágio será punível com a desqualificação da obra. A morada de recepção dos trabalhos é: Press Forum, Comunicação Social, AS. Travessa das Pedras Negras, 1 – 4º. 1100-404 Lisboa.

Gañadores dos Prémios Nébula 2005

[23:33 10/05/2006] No decurso da fin de semana dos Nébula, entregáron-se estes salientábeis prémios, votados polos membros da asociación americana de escritores de ciéncia-ficción e fantasía, a SFWA. O acto tivo lugar o 6 de mayo en Tempe, Arizona, e Joe Haldeman foi o vencedor na categoría de novela e Kelly Link na de millor novela curta e millor relato.
A listaxe completa dos gañadores vai de seguido:

Millor Novela: Camouflage, de Joe Haldeman
Millor Novela Curta: Magic for Beginners, de Kelly Link
Millor Relato: The Faery Handbag, de Kelly Link
Millor Relato curto: I Live With You, de Carol Emshwiller
Millor Guión: Serenity, de Joss Whedon
Prémio Andre Norton: Valiant: A Modern Tale of Faerie, de Holly Black

Segundo se anunciara previamente, Harlan Ellison obtivo o prémio Damon Knight Memorial Grand Master, mentres que William F. Nolan foi nomeado Autor Emérito. Connie Willis oficiou como mestra de cerimónias.

Prémios Analog e Asimov

[23:33 10/05/2006] Os gañadores dos prémios das revistas Analog Science Fiction e Asimov's Science Fiction foron anunciados o pasado día 6 de maio no decurso dun almorzo que tivo lugar durante a fin de semana dos prémios Nébula en Tempe, Arizona. Os editores das dúas revistas, Stanley Schmidt e Sheila Williams, anunciaron os resultados e deron os diplomas aos gañadores que estaban presentes, Richard A. Lovett, David Bartell, George Krauter e Daryl Gregory. Tamén estiveron presentes os editores asociados de ambas revistas, así coma os escritores Joe Haldeman, Connie Willis e Cynthia Felice.
De seguido vai a listaxe dos gañadores destes prémios, que son concedidos por votación entre os leitores das revistas:
Analog Science Fiction:

Novela: Sanctuary, de Michael A. Burstein
Novela curta: NetPuppets, de Richard A. Lovett e Mark Niemann-Ross
Relato: Alphabet Angels, de Ekaterina Sedia e David Bartell
Artigo: Mission to Utah: A Science Fiction Writer’s Adventures at the Mars Society Desert Research Station, de Wil McCarthy
Capa: a do mes de novembro, por George Krauter

Asimov's Science Fiction:

Novela: Diving Into the Wreck, de Kristine Kathryn Rusch
Novela curta: Second Person, Present Tense, de Daryl Gregory
Relato: The Children of Time, de Stephen Baxter
Poema: Newton's Mass, de Timons Esaias
Capa: a do mes de xaneiro, de Michael Whelan

Festival de Cinema Fantástico en Bilbo

[23:34 10/05/2006] Entre o 10 e o 14 de maio está-se a desenvolver FANT 2006, a decimosegunda edición do Festival de Cinema Fantástico de Bilbo (Bizkaia). Durante 5 días alternarán-se estreas con clásicos de ciéncia-ficción e cinema de gángsters xaponés. Proxectarán-se un total de 41 películas, 11 delas na sección a concurso.
Dos 41 filmes seleccionados hai 28 longametraxes e 13 curtametraxes; a estes engadirán-se 9 cortas de animación e 10 de ficción que se proxectarán no concurso "A noite Nontzeberri", adicada aos traballos que se fan na Internet.
FANT 06 abriu a suas portas coa estrea en España da longa Tránsito, un thriller sobrenatural americano de 2005 dirixido por Marc Foster e guión de David Benioff, un filme que foi premiado no último festival de Berlín. Ademáis poderán-se ver The Proposition, o violento western co guión de Nick Cave; a coreana The doll Mastercon e mais a sueca de vampiros Frostbiten.
As funcións terán lugar en tres sedes: Cinemas Mikeldi, Salón El Carmen e no Centro Cívico Barrainkua, con prezos: de 3,5 euros por sesión.

A Dark Horse atrás de Fafhrd

[22:39 04/05/2006] Mike Richardson, presidente de Dark Horse Comics, informou de que a súa compañía ven de adquirir os dereitos de publicación e mesmo os cinematográficos para adaptar moitas das novelas fantásticas da saga de Fafhrd e o Ratoeiro Gris, de Fritz Leiber. Seica a súa intención e reimprimir as histórias orixinais, e ademáis o cómic de 1991 debuxado por Mike Mignola.
A Dark Horse vai editar unha nova colección adicada aos dous persoaxes, que incluirá adaptacións en forma de novelas gráficas das novelas orixinais de Leiber, así coma material orixinal. A súa intención é usar o mesmo formato que nas séries de Conan, é dixir, un cómic de tan só 25 centavos para o lanzamento.
As aventuras de Fafhrd e o Ratoeiro Gris son unha visión cun toque humorístico das clásicas histórias de fantasía heróica ou espada e bruxería, na que os persoaxes teñen histórias divertidas e lles acontecen cousas non sempre boas. Leiber calificara os seus relatos como "espada e bruxería para adultos".
Ao respeito dos dereitos cinematográficos, Richardson dixo que ainda non teñen plans para desenvolvelos, e que ainda é moi cedo para iso.

[0:21 19/05/2006] Guillermo del Toro unirá-se ao seu colega director mexicano Alfonso Cuarón para facer unha adaptación en inglés do libro de Roald Dahl de 1973 The Witches para a Warner Brothers. Del Toro dirixirá e seá o guionista, mentres que Cuarón producirá o filme a través da súa compañía Esperanto.

[0:21 19/05/2006] Segundo a revista española Qué Leer, este outono Roca Editorial lanzará unha nova colección de libros cuxa temática é a ciéncia-ficción co nome de Omicron. Os primeiros títulos que anúncian son: Inside Job de Connie Willis, The Proteus Operation de James Patrick Hogan e Parable of the Sower da recentemente falecida Octavia E. Butler.

[0:21 19/05/2006] A livraria Livros de Portugal convida-vos a visitar o seu endereço Web, em qualquer dia do ano e a qualquer hora do dia. A Livros de Portugal é uma livraria virtual onde encontra ao seu dispor um variado leque de obras de cariz generalista ou académico e onde pode também descobrir “aquele” livro que procura há tanto tempo e que a sua livraria tradicional não está em condições de localizar ou conseguir. Oferecemos automaticamente a todos os nossos clientes um desconto global de 10% sobre o preço de capa determinado pelos editores.

[1:56 17/05/2006] Nunha indústria que está a tirar cada vez máis do negócio das franquías, a New Line ven de anunciar que adquiriu os dereitos para facer unha película da novela de Steve Alten Meg (abreviatura de Carcharodon megalodon, o curmán prehisórico e xigantesco do actual tiburónb branco). A New Line asegúra-se asemade unha xugosa recadación, contando coas dúas secuelas da novela (unha xa no prelo e outra escribíndo-se arestora).

[1:56 17/05/2006] Ben Borth, produtor asociado do vindeiro lanzamento do videoxogo baseado nos libros de fantasía da saga de Eragon, revelou que o xogo contén dous niveis de acción: unha a pé e outra voando a lombos do dragón Saphira. Eragon leva dous anos en desenvolvemento, e contén unha chea de opcións de combate, pero seica só levan completado un 60% da programación polo de agora. Agárda-se que apareza en outubro para a PlayStation 2, Xbox, Xbox 360 e PC.

[1:56 17/05/2006] Segundo publica a prensa americana, o prémio literário Xatafi-Cyberdark, un novo galardón entregado en España, ven de anunciar aos seus nominados, todos eles estranxeiros: George R.R. Martin por O home con forma de pera, Richard Matheson por Duelo, Ian McDonald por A pequena deusa, Mike Resnick, por Toquei o ceo e O sumidoiro da memória, e Bruce Sterling, por Non opinamos o mesmo.

[1:56 17/05/2006] Os médios de comunicación chineses anúncian que por mor de que hai actrices desa nacionalidade ás que se lle miran as bragas en Misión: Imposíbel III, o filme de Tom Cruise podería ser prohibido na xigantesca república comunista.

[1:56 17/05/2006] O director de Superman Returns, Bryan Singer podería non dirixir a logamente agardada versión de A fuga de Logan. A Warner Brothers e mais o produtor Joel Silver querían comezar a rodaxe este outono, polo que Singer vería-se obrigado a adiar a secuela de Superman Returns. Nombergantes, Singer non fará pública a súa decisión até que se estree o filme de Superman o 30 de xuño.

[23:36 10/05/2006] Misión: Imposíbel III obtivo tan só 48 millóns de dólares de recadación no seu primeiro fin de semana nos Estados Unidos, moi por baixo dos 60 ou 70 que se agardaban. A anteriores entrega da saga recadaran 45,4 millóns e 57,8 millóns nos seus primeiros dous días, e iso sen contar coa propaganda que está a facer o cienciólogo Tom Cruise estes días.

[23:36 10/05/2006] A compañía Weinstein Co. está a desenvolver un filme baseado na série dos anos 80 O coche fantástico. A série estaba protagonizada por David Hasselhoff no papel dun policía ao que lle dan unha nova face, unha nova persoalidade e mais un novo nome, para que loite contra o crime axudado polo seu coche robótico K.I.T.T., dotado con intelixéncia artificial. A Weinstein mercou os dereitos ao seu creador, Glen A. Larson, quen dixo que espera que non só se faga unha película, senón que isto sexa o comezo dunha franquía. O que xa é case seguro é que o conflitivo Hasselhoff non está vencellado ao proxecto.

[23:36 10/05/2006] A série de culto O Doutor Who varreu e levou tres dos prestixiosos prémios BAFTA deste ano, a versión inglesa dos Emmys. O Doutor Who levou o prémio a millor série dramática, ao millor guión e o Prémio Pioneer da audiéncia polo millor programa de 2005.

[23:10 06/05/2006] Sissy Spacek, coprotagonista da vindeira película sobrenatural An American Haunting, confesou que tivo un pequeno problema durante un percorrido turístico preto do castelo de Drácula en Roménia: seica entrou no castelo con sua filla e cando sairon estaban pálidas por algo que lles acontecera dentro, xa a altas horas do serán. Sissy non quixo falar do tema ao sair.

[23:10 06/05/2006] Segundo informa a Asociación Española de Fantasía, Ciéncia-Ficción e Terror (AEFCFT), xa se encontra dispoñíbel a versión en portugués da súa web. Póde-se acceder a ela dende o sítio da Asociación en http://www.aefcft.com ou ben dende o vencello directo http://www.aefcft.com/index_pt.html.

Spotnitz quere facer Expediente-X 2

[0:06 24/05/2006] Frank Spotnitz, a mente mestra que hai atrás da série Expediente X, dixo nunha recente entrevista que asinou un contrato polo que axudará a escribir o guión da secuela da película baseada na popular série sobre conspiracións: "Ainda hai unha moi boa oportunidade de que fagamos outro filme de Expediente X", dixo Spotnitz, quen foi o produtor executivo da anterior película, que protagonizaran David Duchovny e Gillian Anderson.
O punto que impide que se faga este filme polo de agora é a rifa legal que mantén o creador da série, Chris Carter, coa 20th Century Fox por asuntos legais: "David, Gillian e eu, mesmo Chris Carter, temos interese no tema, e cando rematen as legalidades, iremos adiante".
Ainda que o guión non está ainda escrito, a idea xa está desenvolvida. Spotnitz engadiu que á Fox gósta-lle a ideia, que vai sobre argumentos de episódios autoconclusivos da série e non sobre conspiracións para cubrir a existéncia de extra-terrestres, que foi o argumento do anterior filme.

O Código da Vinci trunfa

[0:06 24/05/2006] O Código da Vinci, o controvertido filme histórico-relixioso de Ron Howard, conquistou como estaba previsto o liderazgo da billeteira americana esta fin de semana, segundo cifras provisórias divulgadas o domingo pola firma especializada Exhibitor Relations.
Nin as intensas protestas de entidades ultrarrelixiosas nin a crítica feroz á película lograron impedir que esta superprodución que reúne a Tom Hanks e Audrey Tautou, acumulara 77 millóns de dólares na sua primeira fin de semana nas salas dos Estados Unidos. En todo o mundo, a película recolleu uns 224 millóns de dólares.
O filme, adaptado do éxito editorial de Dan Brown, e dotado dun orzamento de produción de 125 millóns de dólares, viu-se favorecido pola colosal campaña de promoción que precedeu á sua estrea.
A película espertara a ira dos cristiáns católicos por postular que Xesús e María Magdalena casaran e concebiran descendentes, e foi obxecto dun trebón de críticas que viron nela "unha cousa torpe e sinistra" segundo dixo dela a revista "Variety".

Xornadas de portas abertas no MARCO

[2:00 17/05/2006] Unha vez máis, como cada ano dende 1977, o ICOM (Consello Internacional de Museos) convida a museos do mundo enteiro a celebrar o Día Internacional dos Museos, creado para promover o interese xeral pola xestión e as actividades dos museos e centros de arte.
Para cada edición, o ICOM elixe un lema que permite a todos os museos ter un elemento común de referencia, reflexión e inspiración para celebrar este día e organizar actividades. O lema elexido para o ano 2006 é "Museos e mocidade". A xente nova constitúe unha nova xeración de visitantes e tamén de futuros profesionais de museos.
Nos días próximos ao 18 de maio, o MARCO pon en marcha un conxunto de actividades, que comezan no festivo 17, Día das Letras Galegas, e que se desenvolven durante varias xornadas de portas abertas até o domingo 21.
"Museos e mocidade", o eslogan do Día Internacional dos Museos 2006, encaixa á perfección cos contidos da exposición URBANITAS, unha mostra colectiva de 30 novos artistas galegos que inspira moitas das actividades programadas para estas xornadas, destinadas a públicos de todas as idades pero con especial atención ao público infantil e xuvenil.
Entre as actividades que se desenvolverán salientamos o mellor de ArtFutura e Resfest, unha proxección en continuidade dunha selección dos mellores traballos das pasadas edicións dos festivais de cine dixital ArtFutura e Resfest, que terán lugar o mércores 17, o xoves 18, o venres 19, o sábado 20 e mais o domingo 21 de maio no salón de actos.
Desde o ano 2003, o MARCO ven sendo única sede en Galicia das proxeccións dos festivais de cine dixital ArtFutura e Resfest. Con motivo das celebracións do Día Internacional dos Museos ofrecemos en continuidade, no salón de actos, unha selección dos traballos de máis éxito ou máis salientables das pasadas edicións. Unha actividade dirixida a todos os públicos pero especialmente atractiva para xente nova.
As mañás están adicadas a ArtFutura, e poderemos ver ArtFutura Show, os mellores traballos de animación en 3D creados internacionalmente, e 3D Infografía en España, cos traballos da escena nacional. Rematamos as mañás con programas como Interstella 555 –que explora o DVD como medio de unión entre imaxes e música– Arte + Pensamento –voces como a de David Byrne, entre outros, percorren a historia do pensamento dixital– e The Corpse Bride, documental sobre o proceso de produción da película de Tim Burton.
Adicaremos as tardes a desfrutar de Resfest, excelentes os By Design, tres anos que forman o escaparate dos traballos producidos mundialmente no eido do "motion graphics", deseño gráfico en movemento e visuais para televisión. O mundo da curtametraxe nos programas "State of The Art", "Shorts I" e "A Bad Day". Ademais, tamén polas tardes, as retrospectivas Shynola Rarezas –videografía humorística do colectivo Shynola– os vídeos de música electrónica do selo inglés Warp Records, e os traballos para TV e vídeos do colectivo sueco Traktor.
O sábado non podes faltar ás retrospectivas de artistas como Chris Cunningham, Jonathan Glazer, Michael Gondry ou Beck, que falan por si mesmas, ou as curiosidades como Director’s Club, con traballos persoais non coñecidos de Spike Jonze e Mike Mills.
O domingo espertamos cos especiais Imagen Futura I, animación dixital de 1990 a 1997, Funnies Futura, curtas animadas de humor, e nos despedimos co fantástico traballo do holandés Theo Jansen, cos seus Strandbeest (bestas da praia), quince anos adicado en corpo e alma a crear unha forma de vida.
[22:11 25/05/2006] O gurú da ciéncia-ficción Val Guest pedeu a súa batalla contra o cancro de próstata que mantiña no hospital de Palm Desert, en California, e finou aos 94 anos de idade. O director e guionista, nacido en Inglaterra, é coñecido polos filmes The Quatermass Xperiment e The Day The Earth Caught Fire, pero tamén está entre os realziadores que fixeron o filme de 1960 como paródia de James Bond Casino Royale.

[0:09 24/05/2006] O coche voador roubado de Harry Potter foi atopado en perfecto estado preto dun castelo abandoado en Cornualles, Inglaterra. O vehículo máxico, conducido por Potter e Ron Weasley no filme de 2002 Harry Potter e a Cámara dos Segredos, desaparecera dos estudos de gravación o pasado outubro.

[0:09 24/05/2006] O actor inglés Ian McKellen está moi abraiado pola controvérsia xurdida ao redor do filme e do libro O Código da Vinci, e insistiu en que os cristians deberían estar contentos coa teoría de que Xesús Cristo casou e tivo fillos. O actor gai, que interpreta a Sir Leigh Teabing no filme de Ron Howard, apoia o argumento segundo o cal Xesús casou con María Magdalena, porque iso probaría que o profeta non era homosexual. McKellen dixo: "Estou moi contento d crér que Xesús casou. E sei que a igrexa católica ten problemas coa xente gai e isto probaría que Xesús non era gai".

[0:09 24/05/2006] O museu provincial de Lugo organizou o pasado venres "A noite dos fantasmas", unha ideia que consiste en que os visitantes, xoves e os que non-o eran tanto, elixiron un personaxe relacionado con algunha obra das que atesoura a institución, e cando caiu a escuridade, puideron percorrer o museu á procura das outras pantasmas, dende as 22:00 ás 23:30 horas. Como fin de festa, houbo unha actuación do grupo musical Color café e dos meigos David Méndez e Carlos Coira.

[0:09 24/05/2006] E ditorial española Alianza Editorial comeza a publicación de Runas, unha colección adicada exclusivamente á ciéncia-ficción e a fantasía. A súa liña editorial cubrirá todo o espectro temático do xénero ao redor de autores e libros que xa son clásicos ou que están destiñados a se-lo. Neste primeiro lanzamento presentan A espada rota de Poul Anderson, unha colección de relatos de Mike Resnick, ún dos autores máis premiados da ciéncia-ficción - Soños novos por vellos - , e unha "space opera" cunha galería de personaxes verdadeiramente fantástica: O Proxecto Ánfora de William Kotzwinkle.

[0:22 19/05/2006] As Crónicas de Nárnia: o Príncipe Caspian, a secuela do filme da Walt Disney Pictures O León, a bruxa e o armário, foi adiada até o vrao de 2008 no canto da súa data orixinal que había ser o nadal de 2007. A Disney tivo que facer este troco porque a Columbia Pictures fixo circular o rumor de que lanzará o 8 de nadal de 2007 o seu novo filme fantástico The Water Horse, baseado tamén nun conto para nenos e dirixido a unha audiéncia familiar.

[0:22 19/05/2006] A Mindfire Entertainment ven de anunciar os seus planos para converter o popular videoxogo da Eidos Fear Effect nun filme que probabelmente dirixirá Stanley Tong. O executivo da Mindfire Mark A. Altman coproducirá este filme xunto con Mark Gottwald e Chuck Speed, baseado nun guión de Steve Kriozere. Altman describiu o filme como unha mistura entre Misión Imposíbel e Silent Hill, e prometeu que seguirá o argumento do xogo da PlayStation.

[0:21 19/05/2006] Tom Cruise perdeu a súa batalla para evitar que sexa emitido en Inglaterra o capítulo de South Park onde el é tratado como gai e é ridiculizada a Ciencioloxía. O episódio, Trapped in the Closet, foi proxectado no National Film Theatre de Londres o pasado luns, e ademáis foi emitido pola canle Channel 4. Os organizadores fora ameazados por Cruise, pero o actor non puido intimidarlles abondo como para evitar a proxección, despois da cal foron distribuidas cópias gratuitas do episódio entre os asistentes.

[0:21 19/05/2006] O actor americano Frankie Thomas finou o pasado xoves aos 85 anos nun hospital de Los Angeles por mor dun fallo respiratório. Thomas comezou a actuar nos anos 30 en Broadway, antes de mudar-se a Hollywood, onde interveu nun grande número de filmes, pero sobre todo é coñecido por protagonizar a série dos anos 50 Tom Corbett, Cadete do Espazo. Cando a série foi cancelada, Thomas converteu-se en guionista de televisión e rádio e en novelista. Foi enterrado o martes vestido co seu uniforme de cadete do espazo.

[22:12 25/05/2006] O director de cinema Spike Lee reescribirá o guión de Selling Time, un thriller sobrenatural da 20th Century Fox que producirán John Davis e Jennifer Klein. Lee podería ser tamén o director deste filme, que vai sobre un home que vende anacos da súa vida nun ntento de modificar o que foio pior día da súa vida.

[22:11 25/05/2006] John Malkovich interpretará a un meigo en The Great Buck Howard, o drama que dirixirá Sean McGinly e que coprotagonizarán Colin Hanks e mais o seu pai Tom Hanks. O papel de Malkovich ía ser interpretado por Kevin Kline, pero finalmente a súa axenda de traballo impediu-lle facelo. No seu lugar, Malkovich interpretará a un meigo que está no final da súa carreira e que adopta a un xove axudante (Colin Hanks).

[22:11 25/05/2006] A cantante Madonna ven de encarrexar aos líderes da igrexa cristiana católica após de aparecer crucificada no escenário durante o seu novo "tour". na primeira noite da súa xira "Confessions" en Los Angeles a polémica artista montou unha cruz de seis metros e cantou a súa canción Live To Tell. A igrexa de Inglaterra tamén está furiosa coa montaxe, e acusou a Madonna de abusar da imaxinería relixiosa. Madonna xa amolara moito á igrexa católica en 1989 cando apareceu un Xesús negro no seu vídeo Like A Virgin.

[22:11 25/05/2006] A protagonista da série Perdidos Michelle Rodriguez terá que regresar á prisión após de ser condeada a un encarceramento de 60 días por violar a súa liberdade condicional. Rodriguez fora arrestada en decembro, acusada de conducir baixo os efectos do alcool en Honolulu, Hawaii. O xuiz Rex Heeseman condeou a Rodriguez a 60 días na prisión pero ademais debía pasar por un programa de rehabilitación de e outros 30 de servizos á comunidade.

X-Men 3 vence ao Código da Vinci

[23:52 01/06/2006] Os mutantes de X-Men: A decisión final impuxéron-se sobre O código da Vinci cos 107 millóns de dólares obtidos na billeteira americana, a cuarta millor estrea na história de Hollywood.
A cifra é tan só o comezo, dada a festividade que se celebrou nos Estados Unidos durante o fin de maio, o Memorial Day, unha data que coma todas as vacacións, anima ao público a encher as salas de cinema.
A terceira entrega desta saga de superheroes baseada nos persoaxes da editorial de cómics Marvel superou cos seus 107 millóns de dólares todas as expectativas, mesmo as dos estudos Fox, produtores da fita.
Bruce Snyder, presidente de distribución dos estudos Fox, sinalou o venres que se daría por contento cunha estreno semellante ao de Misión: Imposíbel III, dada a dura competéncia na billeteira da pasada fin de semana co O código da Vinci e co filme de animación Over The Edge.
Nembergantes, os 107 millóns recadados por X-Men: A decisión final colocan á fita moi por riba das súas predecesoras.
X-Men obtivo 54 millóns de dólares a fin de semana que se estreou en 2000, e rematou a súa exhibición cunha recadación de 157 millóns de dólares.
Tres anos máis tarde, X-Men 2 obtivo 86 millóns de dólares na sua estrea e rematou con 215 millóns de dólares nas súas arcas.
Polo de agora, a película dos mutantes xa ocupa o cuarto posto como a máis billeteira da história na súa estrea, tan só por atrás de Spiderman, que en 2002 recadou 114,8 millónes de dólares en tres días; Star Wars: A vinganza do Sith (con 108,4 millóns de dólares en 2005), e a infantil Shrek 2 con 108 millóns de dólares en 2004.
É dende logo un grande éxito para un filme que cun orzamento de 165 millóns de dólares tivo unha traxectória de produción máis ca dubidosa; primeiro perdeu ao home que levara a estes superheroes á pantalla grande, Bryan Singer, quen abandoou o proxecto para adicar as suas forzas ao retorno doutro heroe de papel á pantalla en Superman Returns.
E no derradeiro intre, os mutantes volveron perder ao seu novo realizador, Matthew Vaughn, sustituido dous meses antes de comezar a rodaxe por Brett Ratner, o director que había encargar-se de Superman no seu novo vóo antes de que chegara Singer.
Este baile de directores alomenos logrou manter o mesmo reparto das entregas anteriores, con Halle Berry como Trebón, Hugh Jackman como Lobeto ou Ian McKellen no papel de Magneto, entre outros.
Ainda así, dada a competéncia á hora da súa estrea, X-Men: A decisión final chegou a un número inferior de salas (3.689) nos Estados Unidos cá súa predecedora, que foi exhibida en 3.741 cinemas do país.

Blade Runner voverá cun novo final

[23:52 01/06/2006] O clásico da ciéncia-ficción Blade Runner, que durante anos ficou descatalogado, regresará nos vindeiros meses con dúas novas edicións en DVD e coa reestrea na pantalla grande co gallo do seu vintecinco aniversário.
Os estudos Warner anunciaron que en setembro sairá á venda por tempo limitado unha nova edición da película de Ridley Scott en DVD. Tráta-se do "director's cut", a versión que Scott montou de novo en 1992 sen a voz en off, novas imaxes e un final diferente ao da sua estrea nas salas en 1982.
A película baseada na novela de Philip K. Dick Soñan os androides con ovellas eléctricas? céntra-se na procura de androides (os replicantes) por parte dun detective ou "Blade Runner", interpretado por Harrison Ford, mentres descubre as suas propias orixes.
Protagonizada por Harrison Ford, Sean Young e Edward James Olmos, a película non foi moi billeteira e a súa recadación ficou nos 26,2 millóns de dólares, pero tanto a crítica como o público trátana coma un clásico.
Co gallo do seu 25º aniversário, que será para o ano vindeiro, a Warner tamén anunciou os seus plans de sacar en DVD outra versión á que chaman "final cut".
Ese DVD, que virá acompañado da reestrea de Blade Runner nos cinemas, será un cofre especial coa estrea orixinal, a versión internacional e a montaxe do director de 1992.
Blade Runner foi unha das primeiras películas en se editar neste suporte dixital en 1997, mesmo antes de que existira un estándar entre os diferentes estudos, pero de contado ficou descatalogada e a sua procura converteu-se nun tema recurrente nos foros de cinéfilos na Internet.

Pern á pantalla grande

[0:21 26/05/2006] Os Drangoneiros de Pern, a série de libros de ciéncia-ficción superéxitos de Anne McCaffrey, será adaptada á pantalla grande pola compañía canadiana Copperheart Entertainment.
A Copperheart, a produtora que estaba atrás do curto Ryan, gañador dun Oscar en 2005, obtivo os dereitos sobre a série, composta por 19 libros e que comezou coa publicación de Dragonflight en 1968. Os libros son coñecidos sobre todo poruq neles os seres humáns voan a lombos dos dragóns, aos que montan telepáticamente. Con Dragonflight, McCaffrey converteu-se na primeira muller que gañou un prémio Hugo por unha obra de ficción, e agora é recompensada coa súa introdución no Salón da Fama da Ciéncia-Ficción en 2006.
A Copperheart, dirixida por Steve Hoban, tamén produciu o filme en 3D en formato Imax Cyberworld.
A saga de Pern estivo moi preto de se converter en série de televisión en 2001 a mans do creador de Galactica: Estrela de Combate, Ronald D. Moore, pero a canle WB rexeitou o proxecto após de Moore non aceitara facer trocos no episódio piloto que rodaran, dado que consideraba que a integridade dos mitos de Pern estaba millor salvagardada coa súa ideia.

Da Vinci traerá Anxos

[22:09 25/05/2006] Cando aínda está recente o éxito do filme O Código da Vinci, a Sony ven de contratar ao seu guionista, Akiva Goldsman, para que adapte a anterior novela de Dan Brown, o thriller Anxos e Demos, unha precuela do megaéxito editorial que tamén foi xa traducida ao galego. O Código da Vinci xa leva recadados 231,8 millóns de dólares en todo o mundo en tan só cinco días de proxección.
O desenvolvemento de Anxos e Demos está ainda nas súas primeiras etapas, pero os estudos planean traer de novo á equipa que fixo O Código da Vinci, coa produción de Brian Grazer e John Calley.
Ainda non hai tratos para que o director de O Código da Vinci, Ron Howard, ou o seu protagonista, Tom Hanks, regresen para a precuela, pero sería posíbel que participasen no proxecto.
O Código da Vinci foi a segunda novela de Dan Brown centrada no persoaxe de Robert Langdon, un profesor de Harvard que é todo un experto en símbolos relixiosos. Anxos e Demos, publicada en 2000, foi a presentación do persoaxe de Langdon, quen tenta resolver un asasinato e desentrañar os mistérios que hai após dun grupo chamado Os Illuminati, que sabotean o Vaticano durante un cónclave papal.

Candidatos aos prémios Sturgeon e Campbell

[22:08 25/05/2006] Veñen de se facer públicas as candidaturas aos prémios John W. Campbell á millos novela do ano e Theodore Sturgeon ao millor relato. Os gañadores anunciarán-se na vindeira Conferencia Campbell que terá lugar en Lawrence, Kansas, entre o 6 e o 9 de xullo. Os candidatos son:
Para o Prémio Campbell:

Transcendent, de Stephen Baxter

The Meq, de Steve Cash

Child of Earth, de David Gerrold

Mind's Eve, de Paul McAuley

Seeker, de Jack McDevitt

Learning the World, de Ken Macleod

The summer isles, de Ian R. Macleod

Counting Heads, de David Marusek

Mindscan, de Robert J. Sawyer

Accelerando, de Charles Stross

The World Before, de Karen Traviss

Spin, de Robert Charles Wilson

Para o Prémio Sturgeon:

The calorie Man, de Paolo Bacigalupi

present Tense, de Darryl Gregory

Magic for Beginners, de Kelly Link

Keyboard Practice, de John G. McDaid

The Little Goddess, de Ian McDonald

Little Faces, de Vonda McIntyre

The Blemmye´s Stratagem, de Bruce Sterling

Panacea, de Jason Stoddard

The Inn at Mount Either, de James Van Pelt

Inside Jobs, de Connie Willis

[22:12 25/05/2006] John Moore, o director do vindeiro remake do clásico do terror A Profecía, confirmou nunha entrevista que utilizará material de rodaxe da traxédia do 11 de setembro de 2001 en New York. Algúns fanáticos tentaron agredir ao realziador por esta decisión, coa que Moore tenta amosar que o Apocalipse está xa entre nós. Igual cá orixinal de 1976, A Profecía céntra-se en Damien (Seamus Davey-Fitzpatrick), o fillo dun pai diplomático, Robert Thorn, e da súa esposa Katherine: cando cumpre seis anos, o rapaz convírte-se no Anticristo.

Batwoman sae do armário

[23:52 01/06/2006] A DC Comics resucitará o persoaxe de Batwoman cun xiro moi próprio do século XXI: a loitadora enmascarada contra o crime será unha persoa moi coñecida na boa sociedade... e lesbiana.
Após dunha auséncia de case 30 anos nas páxinas dos cómics, e após de meses de loucas teorías e especulacións xeradas entre os fans, Batwoman fará a súa aparición no número do mes de xullo dun cómic da DC titulado 52.
A identidade segreda da superheroína é a de Kathy Kane, descrita coma "unha persoa famosa da boa sociedade, lesbiana e que polas noites loita contra o crime". O nome de Kathy Kane xa era tamén o da Batwoman orixinal, que foi creada en 1956 por Bob Kane.
O persoaxe orixinal convertéra-se no aliado de Batman, pero sempre estivo á súa sombra, facendo aparicións ocasionais no cómic do famoso enmascarado de Gotham City. Na súa encarnación orixinal, Batwoman levaba un bolso e adoitaba pasar o rato coa súa sobriña, Batgirl, loitando xuntos todos como unha família de morcegos, acompañados de Robin. A Batwoman orixinal foi asasinada nos cómics en 1979.
O xornal The New York Times xa informara hai unhas semanas de que Batwoman había regresar en 52, un cómic que aparecerá este mes e no que se darán cita vários superheroes, incluindo a Batman, Superman e Wonder Woman.

[0:22 26/05/2006] O musical de Broadway Lestat, inspirado polo libro de Anne Rice Entrevista co Vampire, pechará este domingo por mor das baixas audiéncias e das malas críticas. O espectáculo, producido por Elton John e cun orzamento de dez millóns de dólares, estreou-se o pasado mes, pero fo idespedazado pola crítica e non puido atraer espectadores abondo. Mália todo, Lestat foi nominado para dous prémios Tony, os Oscar do teatro americano.

Da Vinci sobrepasa os 400 millóns de recadación

[23:52 08/06/2006] O Código da Vinci continúa liderando as billeteiras do mundo por terceira semana consecutiva, e xa leva recadados 410 millóns de dólares, máis do dobre que nos Estados Unidos, onde leva 172,7 millóns.
A Sony prognostica que a versión cinematográfica do bestseller de Dan Brown sobrepasará dentro dun par de días o récord que ostenta dende 2004 Spiderman 2, con 410,5 millóns, e chegará a ser a película máis exitosa dos estudos.
O Código da Vinci foi número 1 en Xapón, Itália, Alemaña, España e outros seis seis países europeos, así coma en Arxentina e Nova Celándia.
Nun segundo posto ficou X-Men 3: A decisión final, con 33 millóns de dólares na pasada fin de semana e un total de 134,5 millóns xa recadados en todo o mundo dende a súa estrea.
Poseidón apañou uns 23 millóns, cun total de 34,1 millóns en todo o mundo. Os millores mercados para esta nova versión da traxédia marítima foron Corea do Sul, Xapón e Inglaterra.
Over the Hedge, o filme de debuxos animados coa voz orixinal de Bruce Willis, non foi estreada ainda en moitos países, polo que a súa recadación ficou moi danada por ese motivo: 112 millóns nos Estados Unidos e 8,6 millóns no resto do mundo.
Finalmente, Misión: Imposíbel III gañou outros 6,6 millóns en todo o mundo na pasada fin de semana e leva xa 193 millóns dende a súa estrea. Os países onde tivo máis éxito o filme de Tom Cruise foron Xapón, China e Índia, ademáis dos Estados Unidos.

Lobeto, personaxe de ficción favorito

[23:52 08/06/2006] Lobeto, o superheroe interpretado por Hugh Jackman na série de filmes dos X-Men, foi elixido como o máximo representante dos personaxes de ficción, segundo a revista "Entertainment Weekly". A popular revista redatou a listaxe dos 10 personaxes de franquía máis importantes no seu
número máis recente, que sae á venda o luns. Lobeto venceu a Harry Potter, a Spiderman e a Bart Simpson, entre outros.
Lobeto é o noso personaxe favorito de Hollywood con base nun público consagrado e a axitación inicial que causaron os plans da sua apresentación cinematográfica como persoaxe en solitário, que podería acontecer xa en 2008. Agárda-se que Lobeto teña película de seu, pero ainda non se anunciaron detalles ao respeito.
O mutante con poutas de aceiro aparece na fita X-Men 3, que a semana pasada estreou-se cunha recadación nos Estados Unidos de 122,9 millóns de dólares en catro días.
Por baixo de Lobeto, en orden descendente, aparecen Harry Potter, Spiderman, Shrek, Robert Langdon (o personaje principal de O Código da Vinci), Jason Bourne (de The Bourne Identity e The Bourne Supremacy), James Bond, Jigsaw (o malo da saga de películas de terror Saw), Bart Simpson e Madea (a aboa de Tyler Perry).

Nova versión de Mulan

[23:51 08/06/2006] A actriz Zhang Ziyi protagonizará a nova versión cinematográfica de Mulan, lenda chinesa na que unha rapaza se viste de home para ir á guerra, segundo o médi ode comunicación comunista Sina.com.
Segundo o govern ochinés a xove Zhang, membro do xurado no recente Festival de Cannes, asinou ademáis outro contrato para actuar nunha nova versión do clásico de Akira Kurosawa Os sete samuráis, onde curiosamente tamén encarnará a unha campesiña que se disfraza de home para salvar a vida.
Nombergantes, outros médios de comunicación aseguran que o papel protagonista de Mulan non está ainda pechado, e a el tamén opta a maláia Michelle Yeoh, famosa pola sua participación en grandes superproducións asiáticas de artes marciais.
A nova versión comunista de Mulan, lenda que tamén foi levada á pantalla grande pola factoría Walt Disney, costará 20 millóns de dólares (15 veces menos cá versión animada) e correrá a cargo dos estudos pequineses City Glory, en colaboración co produtor americano Harvey Weinstein.
Weinstein, coñecido produtor en Hollywood, xa traballou en grandes éxitos internacionais coma O Señor dos Aneis e Kill Bill, y esta será a sua primeira colaboración cunha productora chinesa, segundo a axéncia oficial Xinhua.
Agárda-se que a nova versión sexa desposuída de todas as referéncias ao fantástico, por ser contrárias á férrea moral comunista oficial chinesa. A lenda de Mulan conta como hai 1.500 anos, nunha guerra entre China e os povos bárbaros do norde, o emperador ordea que un home de cada casa do país ingrese no exército.

[22:58 08/06/2006] O famoso animador e debuxante Alex Toth, a mente mestra que hai atrás do clásico da televisión Space Ghost, finou aos 77 anos mentres traballaba o pasado luns na súa casa de Califórnia. A súa longa carreira foi dominada polo seu traballo en Hanna Barbera, onde colaborou en séries de debuxos coma Os Superamigos, Jonny Quest e Os Herculoides. Paul Levitz, presidente e editor da DC Comics, dixo que "o seu traballo en Hanna Barbera conmoviu máis vidas que ningunha outra cousa que el fixera".

[22:58 08/06/2006] Veñen de se anunciar os finalistas dos prestixiosos prémios Myhtopoeic de 2006. Os candidatos no apartado de novela son: The Penelopiad de Margaret Atwood, The Hallowed Hunt, de Lois McMaster Bujold, Anansi Boys de Neil Gaiman, Metallic Love de Tanith Lee e The Strange Adventures of Rangergirl de Tim Pratt.

[22:58 08/06/2006] O filme O Código da Vinci foi tamén prohibido en Pakistán após de que fontes oficiais o tacharan de blasfemo e pouco respectuoso coa minoría cristiá do país. Ainda que ningunha escena da película foi rodada en Pakistán, Shahbaz Bhatti, o líder dos cristiáns daquel país dixo que o filme ten intencións malvadas, e que O Código da Vinci é "un acto sacrílego disfrazado de liberdade de expresión e deficción. Feríu os sentimentos relixiosos dos cristiáns e dos musulmáns de todo o mundo".

[22:58 08/06/2006] O famoso estafador Uri Geller, coñecido por afirmar falsamente que posúe poderes paranormais, non puido evitar, mália os seus supostos poderes, ser enganado hai uns días cando mercou por eBay unha casa que seica pertencera a Elvis Presley en Tennessee (EE.UU.) antes de se mudar a Graceland. Geller pagou 905.100 dólares pola casiña, pero seica antes de poder tomar posesión da mesma, o dono se lle adiantara e vendeuna antes ao produtor musical Mike Curb. Geller dixo que estaba moi alporizado e que pensaba demandar a alguén ,ainda que non tiña claro exactamente a quen.

[22:57 08/06/2006] X-Men 3: A decisión final caiu até o segundo posto nas billeteiras americanas após de lle arrebatar o primeiro lugar a semana pasada a O Código da Vinci. Esta vez, quen puido aos mutantes foi un filme non fantástico, pero X-Men 3 levaba xa recaddos 175,7 millóns de dólares. Over the Hedge, o filme de debuxos animados cque conta coa voz orixinal de Bruce Willis, ocupa o terceiro posto, mentres que O Código da Vinci, cun total de 172,7 millóns de dólares só nos Estados Unidos, ten que se conformar co cuarto posto.

[23:58 01/06/2006] Finou o actor Paul Gleason (1944-2006) o pasado 27 de maio por mor dun mesotelioma, unha forma de cancro moi agresivo. Gleason (non confundir con Paul Michael Gleason) era coñecido entre os fans do fantástico polas súas aparicións en séries de ciéncia ficción coma Lois e Clark e Dark Skies. No cinema, interveu no filme A batalla dos Ewoks.

[23:57 01/06/2006] Segundo informan os nosos colegas de Más Allá de Orión, o director español Daniel Calparsoro, que xa se introduciu no cinema de terror coa sua anterior película Ausentes, volve insistir no xénero, esta vez cunha película titulada Anvil. A produtora do filme é a Gold Circle Films, que xa produciu a recente Slither. Adam Sussman encargou-se do guión.

[23:57 01/06/2006] A actriz de Perdidos Michelle Rodriguez, que fora condeada a 60 días de cárcere en Los Angeles por violar a súa condicional, foi posta en liberdade após de pasar só unhas pocas horas na prisión, segundo dixeron fontes xudiciais porque as celas xa estaban demasiado cheas. En fin, que até agora sabiamos que hai quen se librou da "mili" por exceso de cupo, pero agora tamén se pode ún librar do cárcere polo mesmo motivo...

[23:57 01/06/2006] Escribiunos un e-mail Jeff Brookshire, da Silver Storm Productions, anunciando a vindeira estrea dun filme de terror titulado Awaken the Dead. Tráta-se dun filme independente, ao que Jeff denomina "híbrido" entre o cinema de zombies, espías, a comédia negra e a acción. Se queredes estar ao dia podedes botar unha ollada ao seu sítio web: www.awakenthedeadthemovie.com. Prometen un cura ex-asasino, unha testemuña de Xehová, un ex-marine, escolares xaponesas e moitas outras cousas ainda máis almodovariáns.

Regresa ao Índice do Arquivo de NOVAFANTASIA.COM

As novas de NOVA FANTASIA

Singer na Fuga de Logan

Sinbad presentou-se en Marrocos en árabe

Javier Negrete gaña o III Prémio Minotauro

V de Vendetta e o terrorismo na Berlinale

A maldizón de Superman?

Chega Harry Potter... e non en galego

O Fantasporto comezou xa

Amnistía Internacional contra os videoxogos

Os cronocrimes interesan a Ridley Scott

Finalistas dos Prémios Nebula

Proibidos os homosexuais en World of Warcraft

Unha biblioteca síria levará o nome de Cunqueiro

O pior do ano en Hollywood

Xuizo ao Código da Vinci

E o gañador é... King Kong!

Finou a viuva de Chistopher Reeve

Superman chegará antes aos comics

Dan Brown nega as acusacións de pláxio

Demanda inchada de mais?

Xa está listo Gisaku

O dragonciño vigués

Estréa-se Tirante o Branco

Finou Stanislaw Lem

Nominados aos Hugo

Regresa o lobishome

Freddy vs. Jason vs. Carpenter?

Smallville en perigo

Un Cannes moi fantástico

Rexeitada a demanda contra O Código da Vinci

Nominados aos Stoker

Ghyslain "Maul" Raza, compensado

Trek 11 ainda respira

Cinema fantástico em Lisboa

Cruise non para

Chega o Sci Fi Channel

Prémios da EuroCon 2006

Manga prohibido nas bibliotecas

O Paradiso Perdido

Outra demanda que non trunfa

Del Toro embárca-se

J.J. Abrams reinventa Star Trek

Adía-se a secuela do Código da Vinci

Abrams nega os rumores de Trek 11

O Vaticano pide o boicot para O Código da Vinci

Feira do Livro de Monção

Smith é Lenda

Petersen quere facer Ender

O que se move na Marvel

O Emperador Púrpura

Concurso de literatura fantástica

Gañadores dos Prémios Nébula 2005

Prémios Analog e Asimov

Festival de Cinema Fantástico en Bilbo

A Dark Horse atrás de Fafhrd

Spotnitz quere facer Expediente-X 2

O Código da Vinci trunfa

Xornadas de portas abertas no MARCO

X-Men 3 vence ao Código da Vinci

Blade Runner voverá cun novo final

Pern á pantalla grande

Da Vinci traerá Anxos

Candidatos aos prémios Sturgeon e Campbell

Batwoman sae do armário

Da Vinci sobrepasa os 400 millóns de recadación

Lobeto, personaxe de ficción favorito

Nova versión de Mulan