Luz e Escuridade
[23:52 08/06/2006] Após de case catro anos de probas e máis probas, Dark and Light, un novo xogo de rol fantasía multixogador, xa pode ver a luz do día. O xogo está en liña dende a semana pasada cun mundo onde caben até 500.000 habitantes xogando no mesmo servidor ao mesmo tempo. Stephane Quilichini, deseñador xefe do proxecto, dixo que os xogadores poden agardar "total liberdade". Ao comezo, os xogadores terán acceso a un sistema de combate experto, un sistema de navegación profunda e máis de 400.000 monstros presentes no campo. Tamén hai centos de vilas en todo o mundo e un denso e dinñamico sistema de transporte para axudar á exploración.
O mundo de Ganareth ten cinco reinos: Escuridade, Luz, Al Drifa, Ysatis e Agnar, cunha superfície aberta de 29.000 kilómetros cadrados, unhas 32 veces o tamaño do xogo Everquest, e iso após delle incluir os seus nove paquetes de expansión.
Ademáis do modo normal de xogo, de exploración, tamén hai dúas cousas que os xogadores poden facer: manter relacións sociais, enfocándose na política ou no comércio, ou guerrear. O sistema de oficios do xogo é moi profundo e crea un mundo completamente baseado na artesanía: "todos os obxectos están calificados cunha escala que vai de 0 a 100", dixo Quilichini a preguntas dos nosos reporteiros. "Só os obxectos de nivel 0 están dispoñibeis para os vendedores. Facer obxectos tamén require práctica. Para evitar asulagar a economía con obxectos inúteis, "Dark and Light" usa obxectos de práctica, que son necesários para facer cousas de verdade. Así, cantas máis luvas de práctica fagas, máis oportunidades terás de facer un par de luvas de verdade".
O argumento de Dark and Light está baseado nunha bíblia chamada Ganaptheron, que describe as orixes das faccións de Dark and Light. Detalla a era na que governaban os deuses e como 14 inmortais foron chamados para restaurar a paz e preservar a harmonía en Ganareth. Dark and Light está dispoñibel só para PC.
Carl Sagan en Everfree
[22:52 15/06/2006] O escritor de ciéncia-ficción Nick Sagan, fillo do célebre astrónomo Carl Sagan, dixo na presentación da súa última novela, Everfree ("Sempre libre"), que con ela remata a sua triloxía debut e que é un anaco de ciéncia ficción social: "A ciéncia-ficción social é o meu xénero favorito de ciéncia-ficción, e é un priviléxio poder escribir un libro coma este, especialmente nestes tempos perigosos", comentou Sagan nunha entrevista. "En "Cosmos", o meu pai dixo que non hai sinais óbvias de intelixéncia extra-terrestre, e isto fai preguntarnos se as civilizacións coma a nosa corren inevitábelmente cara aá súa autodestrución. Soño con iso... e ás veces son malos soños. Coido que todos soñamos sobre cara a onde nos diriximos como colectivo, e "Everfree" é a miña pequena contribución a ese diálogo".
A triloxía, que comezou en 2003 con Idlewild, narra a história dunha pandémia que mata a miles de millóns de persoas, deixando a nenos alterados xenéticamente como os únicos sobrevivintes. Criados en aillamento por intelixéncias artificiais, os nenos inmuno-optimizados chegan á idade de herdar unha Terra despoboada, onde deben afrontar as enormes tarefas de atopar unha cura para a enfermidade, e logo revivir aos humanos que foran crioxenizados. "É unha responsabilidade abrumadora, e ao longo da série hai unha loita entre o que queren acadar persoalmente e aquilo para o que foron deseñados".
Sagan dixo que en Everfree, os post-humáns xa teñen o andazo baixo control e están no proceso de resucitar a milleiros de humáns crioxenizados. Pero só os máis ricos e poderosos puideron pagar pola súa crioxenización, así que son os xefes das grandews compañías, os xefes de Estado e os ultra-privilexiados os que herdarán a Terra... E mentres que os nenos loitan por establecer unha sociedade igualitária, algúns dos resucitados teñen outras ideias e queren reistalar-se en posicións de poder. A cuestión é se esa sociedade terá os mesmos defectos cá anterior ou non caerá nas mesmas trampas.
Ainda que Everfree remata a triloxía, Sagan dixo que tiña plans para o futuro dos seus persoaxes. "Porque amo estes persoaxes e o universo que habitan, e é duro deixalos atrás. Sei que regresarei ás súas histórias nalgún intre máis adiante".
Candidatos aos IHG
[22:52 15/06/2006] A International Horror Guild ven de anunciar aos candidatos aos seus prémios de 2005 e nomeaou á autora Chelsea Quin Yarbro como Lenda Viva do xénero. Yarbro convírte-se asemade na primeira muller en recibir este galardón. Os prémios anunciarán-se na Convención Mundial de Fantasía que terá lugar ente os días 2 e 5 de novembro en Austin, Texas. Os candidatos nas principais categorías son:
- Millor novela:
- Brett Easton Ellis, por Lunar Park
- Elizabeth Kostova, por The Historian
- Hilary Mantel, por Beyond Black
- Peter Raftos, por The Stone Ship
- Carl-Johan Vallgren, por The Horrific Sufferings of the Mind-Reading Monster Hercules Barefoot, His Wonderful Love and His Terrible Hatred
- Millor Relato Curto
- Rick Bowes, por There´s a Hole in the City
- Brian Evenson, por The Third Factor
- China Mieville, por Go Between
- Steve Rasnic Tem, por Invisible
- Millor Relato Longo
- Laird Barron, por Proboscis
- Jeffrey Ford, por Boatman´s Holiday
- Joe Hill, por My Father´s Mask
- Caitlin Kiernan, por La Peau Verte
- Millor Novela Curta
- Laird Barron, por The Imago Sequence
- Gary Braunbeck, por Kiss of the Mudman
- Joe Hill, por Voluntary Committal
- Kim Newman, por The Serial Murders
- Millor Escolma
- Michael Cunningham, por Specimen Days
- Joe Hill, por 20th Century Ghosts
- Caitlin Kiernan, por To Charles Fort, with Love
- Kelly Link, por Magic for Beginners
Os prémios do Terror
[21:34 22/06/2006] Esta pasada fin de semana tivo lugar a Convención anual da HWA, a asociación americana de escritores de terror, e no decurso da mesma se fixo entrega dos prémios Bram Stoker. Os gañadores son:
- Novela (empate): Creepers, de David Morrell e Dread in the beast, de Charlee Jacob
- Novela Curta: In the midnight museum, de Gary Braunbeck
- Relato Longo: Best New Horror, de Joe Hill
- Relato Curto: We now pause for Station Identification, de Gary Braunbeck
- Antología : Dark Delicacies: Original Tales of terror and the Macabre, de Del Howison e Jeff Gelb
- Colección: Twentieth Century Ghosts, de Joe Hill
- Novela de debut: Scarecrow Gods, de Weston Ochse
- Ensaio: Horror: Another 100 best books, de Stephen Jones e Kim Newman
- Poesía: Freakcidents, de Michael A. Arnzen
Spielberg desafiará a gravidade
[22:53 15/06/2006] O cineasta Steven Spielberg regresará ao xénero da ciéncia-ficción cun proxecto ainda sen título pero que vai tratar sobre as teorías do físico do Caltech Kip Thorne sobre os campos gravitatórios.
Ainda que o proxecto está en fase embrionária, ainda sen guión, e que levará como pouco tres anos rematalo, Thorne xa escribiu un pequeno esbozo coa axuda da produtora e entusiasta da ciéncia Lynda Obst, para pedir a Spielberg que interveña. Obst producirá o filme a través da súa empresa.
Baseado en ciéncia real, o filme explorará o território ignoto dos buratos negros e das ondas de gravidade e tocará algunha das hipóteses que Albert Einstein sempre perseguíu pero nunca puido probar. Thorne, amigo de toda a vida de Obst, é ún dos líderes mundiais no eido da teoría da relatividade.
Ainda non se sabe como poderán evolucionar estas espesas teorías para se converteren en cinema, pero o proxecto xa foi definido como "semellante a 2001: unha odiseia do espazo".
Spielberg, que dirixiu o ano pasado o éxito A Guerra dos Mundos para a Paramount, está arestora envolto con outro proxecto de ciéncia-ficción, When Worlds Collide, para os mesmos estudos.
Ainda que non se sabe con que proxecto se vai embarcar despóis, Spielberg ten xa moitos filmes agardando na súa axenda Indiana Jones 4 para a Paramount e un filme ainda sen título baseado na vida de Abraham Lincoln para a DreamWorks.
A TVG estrea Dolmen
[22:52 15/06/2006] A produción europea, de seis capítulos, dará un toque de mistério ás noites do luns.
Estraños sucesos ocorren na Bretaña, país de lendas, entre dolmens e menhires, onde adoitan darse acontecementos dramáticos e de difícil explicación.
Nesta zona da Bretaña francesa, Marie Kermeur, oficial da policía xudicial en Brest, regresa á súa illa natal, Ty Kern, para casar con Christian Bréhat. Pero a véspera da súa voda, o seu irmán é atopado morto ao pé do cantil. Entón é cando rexorde unha vella lenda sobre náufragos, que implica á familia de Marie. Lucas Fersen, da Brigada Criminal de París, especializado en crimes rituais, desembarca na illa para se encargar das investigacións que, xunto con Marie, levará a cabo.
A beleza salvaxe da illa bretona de Ty Kern é o brutal teatro dos acontecementos tan estraños como dramáticos que están a se producir: numerosas mortes teñen lugar en circunstáncias misteriosas e seguindo un ritual que fai rexurdir unha vella lenda da illa.
Esta nova produción francesa realizada no ano 2005 está dirixida por Didier Albert e encabezada no reparto, entre outros artistas, por Ingrid Chauvin, Bruno Madinier, Yves Rénier, Xavier Deluc, Jean-Louis Foulquier, Manuel Gelin, Luc Thuillier e Nicole Croisille.
Agustín Agra obtén o Merlín
[22:52 15/06/2006] O autor Agustín Agra Barreiro foi o gañador do prémio Merlín que organiza cada ano a viguesa Edicións Xerais, co relato O tesouro da lagoa de Reid'Is.
Agra escribiu este texto para regalarllo a un sobriño seu, pero segundo dixo, "polo camiño decidín presentalo, pero non pensaba gañar [o prémio]".
A história que conta Agra, que xa foi gañador en 2004 do XXX certame nacional galego de narracións breves Modesto Rodríguez Figueiredo coa obra Os límites do inimaxinable, "mestura un pouco de lenda, un pouco de fantasía e outro pouco de mito artúrico". A história está orientada para os nenos de dez a doce anos "porque esa é a idade que ten o meu sobriño e sempre escribo pensando en alguén concreto".
Agustín Agra indicou ademais que "a história aproveita todas as características das lendas e da fantasía; en realidade é un avó que lle vai contando historias aos seus netos".
Agra indicou que se sentía "lixeiramente sobrepasado pola repercusión do prémio" e porque "en ningún momento pensei en sério que tivese oportunidade de gañalo". O gañador deste premio dotado con 7.500 euros sinalou: "Comecei a escribir para divertirme e para regalar o que escribía aos amigos e aos parentes, sen máis intención".
Gañadores dos prémios Locus
[21:34 22/06/2006] O pasado sábado anunciaron-se os gañadores dos prémios Locus no Salón da Fama. A listaxe completa de gañadores é a que segue:
- Novela de CF: Accelerando, de Charles Stross
- Novela de Fantasía: Anansi Boys, de Neil Gaiman
- Novela de debut: Hammered/Scardown/Worldwired, de Elizabeth Bear
- Novela xuvenil: Pay the Piper, de Jane Yolen e Adam Stemple
- Novela Curta: Magic for Beginners, de Kelly Link
- Relato Longo: I, Robot, de Cory Doctorow
- Relato Curto: Sunbird, de Neil Gaiman
- Revista: The Magazine of Fantasy and Science Fiction
- Editorial: Tor
- Antoloxía: The Year´s Best Fantasy and Horror: Eighteenth Annual Collection, de Ellen Datlow, Kelly Link e Gavin Grant
- Escolma: Magic for Beginners, de Kelly Link
- Editor: Ellen Datlow
- Ilustrador: Michael Whelan
- Ensaio: Storyteller: Writing Lessons and More from 27 Years of the Clarion Writers’ Workshop, de Kate Wilhelm
- Libro Ilustrado: Cathy & Arnie Fenner, eds. Spectrum 12: The Best in Contemporary Fantastic Art
Os fans de "Star Trek" non paran
[22:41 28/06/2006] Os fans de Star Trek celebran o corenta aniversário da série de ciéncia-ficción creando películas de seu e distribuíndoas gratuitamente pola Internet. Algunhas xa conseguiron millóns de descargas en todo o mundo.
Dende Finlándia chegara a paródia Star Wreck, que se convertiu na película máis popular de todos os tiempos nese país, superando os 2,8 millóns de espectadores.
Hai sete anos un grupo de cinco estudantes de Tampere se propuxeron rodar unha paródia da série no seu tempo de lecer. En outubro pasado vía a luz a película e foi un éxito de contado: na sua primeira semana foi descargada en 600.000 ocasións. Star Wreck distribúe-se gratuitamente baixo licenza "Creative Commons" e até se pode comprar un DVD con material extra por 9,90 euros.
Na película, creada por cinco estudantes, participan 300 extras. Case non gastaron ni un euro na produción: todos os decorados son virtuais e as localizacións realizaron-se en lugares públicos ou nos enderezos particulares dos seus actores. O máis caro foi mantér os computadores actualizados.
Pola súa banda, en 2003 un grupo de trekkies americanos decidiu proseguir as dúas tempadas da série que ficaran canceladas en 1969 para completar a misión de cinco anos da tripulación orixinal do USS Enterprise, e xa conseguiron que 30 millóns de internautas se descarguen diferentes capítulos gratuitamente e é tan popular que ten de estrelas convidadas a actores da série orixinal coma Walter Koening (Chekov) ou George Takei (Sulu).
Outro grupo de Los Ángeles creou máis de 40 capítulos e explorou mesmo unha temática gai. A tripulación do Starshipexeter.com ten a desgraza de ser convertidos en sal nun episódio orixinal que agora foi repoboado por texanos. E de Escócia tamén chega a USSintrepid.com.
Starship Farragut está a sero rodada arestora nos bosques de Virginia (Estados Unidos) por outra equipa de fans cunha cámara de 4.750 dólares. Dúas dúcias de filmes creados por trekkies están en distintasfases de produción no mundo nestes intres.
O 8 de setembro, data do aniversário oficial do lanzamento da série, chega Borg War, unha película de animación creada por un programador afeccionado a Star Trek utilizando os motores gráficos dos xogos Elite Force 2 e Starfleet Command III. A história da película narra unha invasión dos borg a grande escala no cuadrante Alpha contra a que a Federación terá que loitar.
A Paramount, que posúe os dereitos sobre Star Trek, tolera estas recreacións de fans da série mentres que os seus creadores non obteñan benefício comercial. Os estudos cinematográficos tamén aproveitan o filón que a mítica série esperta para sacar a poxa obxectos orixinais da saga cinematográfica e televisiva.
Rowling fará unha masacre final con Potter
[22:40 28/06/2006] Agárda-se que dúcias de millóns de nenos e adultos corran a mercar o libro séptimo e final da saga de novelas de Harry Potter cando estea rematado, o que acontecerá se cadra antes do previsto, por canto a súa autora, J.K. Rowling, xa dixo que o capítulo final do tomo séptimo está escrito dende hai moito tempo.
"O capítulo final está agocho, ainda que agora tiven que mudalo un pouquiño", dixo a escritora nunha entrevista concedida á canle inglesa Channel 4 o pasado luns. "Un persoaxe acada un indulto, pero teño que dicir que dous morren e eu non tiña intención de que morresen". Cando se lle pediu que fose máis específica, engadiu: "Non, non me vou traizoar, porque non quero que me cheguen ameazas ou algo así".
Rowling explicou que entendía o desexo dun escritor de matar ao persoaxe principal dunha série de éxito, o que dá poucas posibilidades de sobrevivir ao mesmísimo Harry Potter: "Nunca estiven tentada de matalo [a Harry] antes de rematar o libro séptimo, porque sempre planeei facer sete libros e aí é onda quero ir".
"Podo entender completamente, nombergantes, a mentalidade dun autor que se di: "Ben, vou matalo porque iso sinifica que non poderá haber secuelas... así que el rematará comigo, e despóis de que eu morra non poderán resucitar ao persoaxe".
Rowling, de 40 anos, escribiu a primeira aventura de Harry Potter cando era unha nai solteira e no paro, pero agora mesmo é unha das escritoras máis ricas da história, cunha fortuna persoal estimada en máis de 1.000 millóns de euros. A saga de Harry Potter vendeu máis de 300 millóns de cópias en todo o mundo.
Krrish, un superheroe na Índia
[21:34 22/06/2006] A Índia lanzará o seu primeiro filme de superheroes, Krrish, nunha estrea que terá lugar mañán día 23. A película, sobre un superheroe que non só captura aos malvados e salva ao mundo, senón que ademáis canta e baila coma en toda boa película índia, está a ser promocionada pola televisión e con abondoso merchandising naquel país.
O filme custou 10 millóns de dólares, unha cifra moi alta para os estándares habituais de Bollywood, e é unha secuela do ´xito de 2003 Koi ... Mil Gaya ("Atopei alguén"), considerado o primeiro filme hindú de ciéncia-ficción.
Nel, un álien cuspidiño a E.T. chega á Terra e é salvado por Rohit, un rapaz bondadoso pero imbécil. Antes de regresar á súa casa, o álien transforma ao nervoso, e encirrado Rohit nun poderoso superheroe que se vinga dos seus atormentadores e se liga á rapaza.
Krrish narra a história do fill ode Rohit, Krishna (Hrithik Roshan), quen nace con todos os superpoderes de seu pai pero non se decata deles até que atopa en Singapur á rapaza do filme, unha reporteira da televisión. A película está dirixida por Rakesh Roshan, que é o pai do actor protagonista, Hrithik Roshan.
Datas para Iron Man
[22:41 28/06/2006] É o Home de Aceiro? Non! Se cadra é o Guicho de Ferro. Confirmando anteriores novas do director Jon Favreau, a Marvel e mais a Paramount veñen de anunciar que Iron Man xa ten data de estrea: será o 2 de maio de 2008. Favreau aludira a esta data xa nun post no seu blog en MySpace.
A película da Paramount Pictures e a Marvel Entertainment será unha adaptación do famoso superheroe con armadura da Marvel Comics. O proxecto marca un fito: será a primeira longametraxe producida pola Marvel baixo a súa alianza cos estudos Paramount.
Iron Man é o primeiro filme que será producido independentemente pola Marvel Entertainment e tamén marca a primera produción que contará co antigo xefe executivo da Marvel Studios, Avi Arad, agora embarcado nunha compañía de seu, a Avi Arad Productions. Agárda-se contar cun finanzamento da Marvel de 525 millóns de dólares.
Futurama ten futuro
[22:41 28/06/2006] A canle Comedy Central ven de resucitar á antiga série de debuxos animados da Fox Futurama, encargando 13 novos episódios que debutarán en 2008. O trato enmárca-se dentro das novas adquisicións realizadas pols canle por cabo, cando o pasado outono mercou 72 episódios.
As discusións sobre o rexurdimento desta série de capítulos de média hora cadanseu comezara a primeiros deste ano cando a produtora de Futurama, a canle ultraconservadora 20th Century Fox Television e os creadores da série Matt Groening e David X. Cohen. O punto crucial foi que o reparto de voces orixinais para facer a dobraxe, que non traballaba dende o final da série orixinal en 2003, debería regresar íntegramente.
Os actores de dobraxe Billy West, Katey Sagal e John DiMaggio estarán de volta para os novos episódios, que continuarán as aventuras de Fry (West), un repartidor de pizza que foi conxeado accidentalmente en 1999 e que é espertado 1.000 anos despóis no futuro.
Botín histórico para Jack Sparrow
[1:59 14/07/2006] "Xa non se fan filmes de aventuras coma as de antes" é unha das frases mais ouvidas nos últimos anos na indústria do cinema. En 2003, a Disney conseguiu recuperar o espírito aventureiro e desenfadado das antigas produccións de aventuras e dos filmes de piratas en particular con Piratas do Caribe, a maldición da Perla Negra.
Como era de esperar, ante este éxito, a Disney comezou a preparar non só unha secuela, se non duas. A primeira en chegar ás pantallas, de momento só nos Estados Unidos, foi O cofre do home morto. E na sua primeira fin de semana rachou co récord de despacho de billetes cunha recadación de 135,6 millóns de dólares (106,5 millóns de euros). En Galiza poderá-se ver o filme a partir do 11 de agosto.
A segunda parte desta saga de pirataría que protagoniza Johnny Depp como o capitán Jack Sparrow, Orlando Bloom e Keira Knightley, rachou mais dun récord. Primeiro fixo história o venres cando nun só dia amasou 55,5 millóns de dólares, a recadación mais alta nunha sóa xornada. Para o sábado, os piratas desta fita xa conseguiran os 100,2 millóns de dolares, o primeiro filme que cruza a barreira dos 100 millóns de dólares en 48 horas. E rematada a fin de semana, O cofre do home morto quitou-lle 21 millóns de vantaxe aos 115 millóns de dólares recadados en 2002 polo anterior campeón do despacho de billetes, Spiderman I. De feito, o único récord que non conseguiu rachar foi o do millor sábado de todos os tempos, que continúa no poder de Shrek 2, ainda que por moi pouco.
"Sempre pensei que se trataba dun récord insuperábel, así que falar de 132 millóns de dólares me deixa boquiaberto", afirmou á prensa Chuck Viane, presidente de distribución dos estudos Disney, produtores da saga de Piratas do Caribe.
Os estudos Disney non quixeron entrar polo miudo sobre a posibilidade dunha cuarta entrega para este tesouro cinematográfico tan produtivo. Polo momento os seus protagonistas están a ponto de concluir a terceira entrega, rodada de maneira simultánea coa segunda, ambas por un orzamento de 450 millóns de dólares e que chegará ás pantallas en maio de 2007.
Os Emmys reparten nominacións
[18:38 08/07/2006] A série Perdidos (que en Galiza emite TVE) acadou seis nominacións, mentres que a série Battlestar Galactica (do SCI FI Channel) gañou outras tres candidaturas para a 58º edición anual dos prémios Emmy, os Oscars da televisión, que foran dados a coñecer o pasado 6 de xullo en Los Angeles. Os prémios cobren o periodo comprendido entre o 1 de xuño de 2005 e mais o 31 de maio de 2006, e poderán ver-se nunha retransmisión que terá lugar o 27 de agosto dende o Los Angeles Shrine Auditorium, presentados por Conan O'Brien (unha espécie de Pepe Navarro á americana). Perdidos e Galactica recebiron a maior parte das nominacións que puideron rabuñar as séries de ciéncia-ficción e fantasía, que coma sempre tiveron que se contentar coas candidaturas aos prémios "menores", de carácter técnico.
Galactica tivo nominacións a prémios técnicos, incluindo os millores efectos especiais, vestiário e mistura de són.
Perdidos foi recoñecido con candidaturas ao millor actor convidado (Henry Ian Cusick) polo papel de Desmond), guión (Carlton Cuse e Damon Lindelof polo episódio O Psalmo 23) e dirección (Jack Bender) por Vivir xuntos, morrer sós), así coma os millores efectos especiais, edición e mistura de són.
Outras nominación de interese para o xénero fantástico foran para as séries do SCI FI Channel The Triangle (millor tema musical e millor deseño de títulos), Stargate Atlantis pola composición musical e Mammoth polos efectos visuais. Ademáis, recebiron nominacións as séries Alias (da canle Cuatro), Smallville (TVE), Supernatural e The Ten Commandments.
Cameron planea dúas triloxías de ciéncia-ficción
[0:55 07/07/2006] James Cameron comentou nunha recente entrevista a unha coñecida televisión musical que non está a desenvolver ún, senón dúas triloxías, que comezarán co logamente agardado Proxecto 880: "teño dúas franquías, se queres, ou filmes que desenvolver dentro dun abano de filmes que vou facer", dixo Cameron durante a estrea de Piratas do Caribe 2: o cofre do home morto en Disneylándia a semana pasada. Cameron confirmou que non vai facelas xuntas, senón unha após doutra, e que logo poderían unha e outra desenvolver secuelas, dependendo de como vaia a primeira delas.
A primeira triloxía comezará cunha história de amor co decorado de fondo dun planeta no futuro. O realizadordixo que proabelmente Proxecto 880 será desenvolvido baixo o nome de Avatar: "Ainda non temos o título pechado, pero así é como lle estamos a chamar. Haberá posíbeis secuelas se todo vai ben; se estánca-se non". Cameron engadiu que xa está a traballar na preprodución e que el mesmo dirixirá todos os filmes.
A segunda triloxía comezaría coa xa anunciada Battle Angel, baseada na série de manga xaponés Battle Angel Alita creada por Yukito Kishiro: "Con "Battle Angel", tamén faremos a mesma cousa", dixo Cameron ao respeito deste thriller, que vai sobre unha muller cyborg no século XXVI. "Battle Angel está deseñada realmente como un cicl ode tres películas. Así que a lóxica di que hai que facer unha, e que se funciona, faremos as outras dúas".
Haberá coches no cinema
[0:54 07/07/2006] Cars, o novo e agardado produto da distribuidora americana Disney, entrará o vindeir xoves nas salas propiedade de Cinesa, Cinebox, Yelmo e Abaco.
As catro compañías líderes do sector da exhibición en Galiza proxectarán Cars após de chegar a un acordo coa Disney. O novo filme entrará o vindeiro xoves nas salas propiedade das empresas Cinesa, Cinebox, Yelmo e Abaco, as que se rebelaran contra a multinacional polas suas duras esixéncias económicas e non proxectaron Scary Movie 4.
A estrea de Cars, que hoxe 6 de xullo instalou-se en moitas pantallas nacionais, forzou as negociacións entre os exhibidores e a Disney, e após do plante con Scary Movie 4, emitirán o que é ún dos títulos máis agardados do verán. Pero hai diverxéncias sobre o grao de compromiso acadado coa multinacional americana porque cada unha das empresas negociou por separado. Así, mentres que ún dos responsábeis dunha das catro compañías manifesta que a situación non mudou, pero "por necesidade imos poñer "Cars" porque sen películas non hai cinema", fontes da Cinebox aseguran que a Disney accedeu a algunhas das súas peticións.
Johnny Deep úne-se a "Son Lenda"
[0:54 07/07/2006] O reparto de Son Lenda segue a medrar con actores de renome. Se Will Smith foi o primeiro en se sumar a este proxecto, agora é Johnny Depp o que se dispón a loitar contra os mutantes.
A fita ven-se fraguando dende hai vários anos, pero agora seica entrou na sua fase definitiva coa confirmación de que Francis Lawrence será o director da mesma.
A longametraxe presentará-nos un mundo post-apocalíptico no que un virus desencadeado por unha guerra bacteriolóxica provoca unha terríbel mutación nos humanos. Só uns poucos sobrevivirán na ciudad de New York, e deberán facer frente a múltiples perigos.
Johnny Deep asumirá o papel de Ben Cortman, o primeiro dos homes que se ve infectado polo virus. Deste xeito, Cortman converterá-se no líder dos vampiros, que sementarán o terror nas rúas. Frente a estes seres, algúns valentes coma Will Smith desatarán unha cruzada na procura da salvación da humanidade.
Akiva Goldsman, guionista de O Código da Vinci, será o encargado de desenvolver a trama da película a partir dunha novela de Richard Matheson.
Ecos, terror psicolóxico en Vigo
[9:19 29/06/2006] Cun orzamento de 800.000 euros, Ecos, o primeiro filme do director catalán Oriol Paulo, abriu a série de catro películas para televisión titulada A sombra do mistério, unha coprodución galego-catalá que ten ao terror psicolóxico como eixo central.
As actrices catalás Nùria Prims e Sílvia Sabaté e os actores galegos Chete Lera e Carlos Blanco encabezan o cartace de Ecos, unha história que arrinca co accidente de Alba (Núria Prims), que a deixa xorda, e a desaparición da sua filla de cinco anos, e que se vai adentrando nun inquedante mundo de ruidos e voces procedentes do pasado e que desacougan á protagonista.
Segundo Oriol Paulo, Ecos débelle moito a Ameaza na sombra (1973), de Nicolas Roeg, pero tamén ao cinema de mistério oriental: "O cinema xaponés ten un ritmo que me gusta moito e ese ritmo é o que quixen que adoptasen os actores", explicou o realizador, de 31 anos, quen eludiu moi coidadosa e específicamente a verba "fantástico" para se referir ao filme ou a calquera aspecto desta série que onte comezou. No tocantes ao reparto, recoñeceu sentirse encantado porque son os actores cos que quixo facer esta película.
Das catro histórias de "A sombra do mistério", dúas terán realizadores galegos e outras dúas, coma a estreada onte en Vigo, directores cataláns. As catro rodarán-se en castelán, ainda que serán dobradas ao galego para a sua emisión na Televisión de Galiza. Segundo adiantou o director de programas da TVG, Eduardo Galán, poderá mirar-se este filme a finais deste ano ou princípios do vindeiro.
Xavier Villaverde, produtor executivo, adiantou que a vindeira película desta série, O espello, que dirixirá o galego Álex Sampaio, comezará a se rodar este outono entre Barcelona e A Coruña. Ainda que está por decidir que realizador galego dirixirá Aire negro, baseada na novela homónima de Agustín Fernández Paz, Villaverde afirmou que probabelmente se trate, coma nas outras tres longametraxes, dun director novel.
"Temos unha nova xeración de directores enormemente intelixentes á hora de construir guións e visualmente moi preparados, e as películas para televisión lles permiten porse na tesitura de contar unha história para un público máis amplo, polo que coido que á un xénero de saida interesante para os novos directores", asegurou Villaverde, que tamén destacou a inclusión nos créditos dos dobradores: "Un acto de xustiza", dixo.
A sombra do mistério está coproducida polas televisións catalá e galega e polas produtoras Continental (Galiza) e Oriol (Cataluña), e conta coa colaboración da Xunta, a Generalitat e "Caixa Galicia".
Snyder dirixirá Watchmen
[22:41 28/06/2006] Zach Snyder ven de ser contratado para desenvolver e dirixir Watchmen, un filme baseado na série de cómics que Alan Moore e Dave Gibbons realizaron para a DC Comics nos anos 80. A Warner Brothers financiará este longamente agardado proxecto, que terá a Alex Tse como guionista e a Larry Gordon e Lloyd Levin como produtores.
Watchmen tivo un proceso de desenvolvemento case tan épico coma a história que conta o cómic. O proxecto xa pasou polos estudos Fox, Universal e Paramount e contou entre os seus posíbeis directores con Terry Gilliam, Darren Aronofsky, Paul Greengrass e mais co guionista David Hayter.
As nosas fontes aseguran que Snyder impresionou á Warner con 300, unha adaptación da novela gráfica homónima de Frank Miller, que el dirixiu e coguionizou. Snyder rodou este filme, unha fantasía épica grega sobre a batalla das Termópilas no ano 480 antes de Cristo, en escenários de Montréal, usando decordados parciais e pantallas verdes, un procedemento semellante ao utilizado por Robert Rodriguez en Sin City. Snyder tamén dirixiu o éxito de 2004 Dawn of the Dead.
Watchmen é unha das séries máis aclamadas pola crítica no xénero fantástico e é unha história de conspiracións e crimes que tentan botar unha ollada á "realidade" do que hai por atrás da vida dos superheroes máis arquetípicos.
Miller adaptará ao Spirit
[23:09 20/07/2006] Antes de que saia ao coñecemento público o vindeiro 22 de xullo na Comic-Con International en San Diego, xa vos podemos adiantar que Frank Miller (Sin City) adaptará e dirixirá para a pantalla grande o clásico cómic de Will Eisner, The Spirit.
Deborah Del Prete e Gigi Pritzker, da Odd Lot Entertainment, co-finanzarán e producirán The Spirit. Tamén producirá a compañía Batfilm Productions de Michael Uslan. O co-fundador da Batfilm, Benjamin Melniker, será o produtor executivo.
Ao contrário ca moitos heroes dos cómics, o Spirit (de nome real Denny Colt) non spoúe poderes especiais nin moitos cartos: é un tipo normal que seica morreu por mor dos experimentos levados a cabo por un superfalcatruán, pero que regresou da tumba para combater ao mal dende o seu agocho secreto no cemitério. Eisner creou o cómic hai máis de corenta anos.
A produción podería non comezar até dentro dun ano, pero ainda que Miller xa está a traballar nun borrador, prmeiro deberá rematar o seu traballo en Sin City 2.
Leterrier dirixirá o Incríbel Hulk
[23:09 20/07/2006] Continuando coa súa estratéxia de desenvolver e producir cinema baseado nos seus persoaxes, a Marvel Studios, unha compañía filial da Marvel Entertainment, Inc. contratou ao realizador Louis Leterrier para que dirixa a nova adaptación á pantalla grande do Incríbel Hulk, o lendário superheroe verde. O anúyncio realizouno hoxe Michael Helfant, Presidente de Marvel Studios e Kevin Feige, Presidente de Produción da mesma empresa.
Leterrier dirixiu recentemente Transporter 2, así coma a aclamada Unleashed, que protagonizaran Jet Li, Morgan Freeman e Bob Hoskins.
O Incríbel Hulk regresará ás raíces da súa série nos cómics, combinando un argumento baseado no persoaxe con moita acción e diversión, segundo dixeron. Zak Penn, quen xa colaborara préviamente coa Marvel en X2 e X-Men III: A decisión final, será o guionista. O proxecto será producido por Avi Arad, Kevin Feige e Gale Ann Hurd, coa produción executiva de Michael Helfant e Ari Arad. A Marvel Studios comezará o cásting de contado.
Del Toro producirá Deadman
[23:08 20/07/2006] A Warner Brothers adaptará o cómic da DC Comics Deadman á pantalla grande, coa produción de Guillermo del Toro (Hellboy), Don Murphy e a súa sócia na compañía Angryfilms Susan Montford.
O persoaxe é unha pantasma que cando estaba viva era un trapecista do circo chamado Boston Brand. Foi asasinado durante unha actuación por un descoñecido, pero o seu espírito ten agora o poder de posuir aos vivos para poder así procurar ao seu asasino e axudar aos inocentes.
Os produtores están a traballar para lle dar a Deadman un toque máis contemporáneo e están a procurar un guionista que lles adapte o cómic ao cinema.
A última película de Del Toro, O Labirinto de Pan, que competiu en Cannes, será estreada nos Estados Unidos dentro dun mes após da súa presentación no Festival de Cinema de Toronto (Canadá).
A Warner fará a Doom Patrol
[23:08 20/07/2006] A Warner Brothers quere dar-lle unha nova vida ao clásico da DC Comics Doom Patrol, un cómic sobre un grupo de superheroes con poderes moi estraños, con Akiva Goldsman producindo a adaptacion á pantalla grande a través da súa filial Weed Road Pictures. Os estudos xa contrataron a Adam Turner para que escriba o guión.
A Doom Patrol, ou Patrulla Condeada en versión española, debutou en 1963, e foi comparada moitas veces coa Patrulla X da Marvel, e isto por ser amábel, porque para moitos non é máis ca unha mala cópia. Ambos cómics van sobre un grup ode heroes condeados ao ostracismo por mor duns poderes que son alleos ao resto do mundo.
E o mesmiño cá Patrulla X, a Patrulla Condeada adíca-se a loitar contra o mal e é liderada por un xefe que vai nunha cadeira de rodas. Os persoaxes inclúen a Elasti-Girl, Negative Man e Robotman.
A série foi creada por Bob Haney, Arnold Drake e Bruno Premiani, e deixou de se publicar en 1968 após de fracasar nas súas vendas. A DC reviviu a série algunhas veces ao longo dos anos, pero con encarnacións moito máis escuras e tenebrosas, tentando cada vez máis imitar á Patrulla X.
Gañadores do Prémio Xatafi
[1:59 14/07/2006] Durante a Asturcon que se celebrou esta pasada fin de semana fíxo-se entrega dos Prémios Xatafi-Cyberdark da crítica de literatura fantástica, concedido ás mellores obras de literatura fantástica, ciéncia-ficción e terror editadas durante 2005 segundo un xurado. Os gañadores foron:
- Novela española (prémio dotado con 350 euros): Eduardo Vaquerizo, por Danza de tinieblas.
- Novela estranxeira: Kazuo Ishiguro, por Nunca me abandones.
- Relato español (dotado con 150 euros): Lorenzo Luengo, por A cotorra de Humboldt.
- Relato estranxeiro: Mike Resnick por Toquei o ceo.
- Iniciativa editorial destacada do ano: Gigamesh, por Ven e tolea, e outros contos de marcianos e Lua de mel no inferno, e outros contos de marcianos, de Frederic Brown.
Stephen King pide a J.K. Rowling que Potter non morra
[22:23 03/08/2006] Dous dos escritores máis famosos dos Estados Unidos, John Irving e Stephen King, pediron antonte á autora dos libros de Harry Potter, a inglesa J.K. Rowling, que non mate ao seu personaxe principal na que será a derradeira novela do neno meigo. Rowling contestou que non pode prometer nada. "Os meus dedos están cruzados por Harry", dixo Irving nunha rolda de prensa prévia a un acto de caridade no que participaron os tres escritores. Rowling está xa a traballar no séptimo e derradeiro libro da série de Harry Potter e anunciou hai unhas semanas que dous dos personaxes principais morrerían.
Stephen King, autor de Carrie, It ou O relostro, dixo que confía en que Rowling sexa "xusta" co seu heroe. "Non quero que el (Harry Potter) vaia á fervenza de Reichenbach", dixo King en referenza ao lugar fictício no que Arthur Conan Doyle tentou rematar coa sua maior creación, Sherlock Holmes. A presión dos seguidores do detective máis famoso da literatura obrigaron a Conan Doyle a resucitar a Holmes nun libro posterior.
A escritora inglesa, que xa vendeu máis de 300 millóns de cópias en todo o mundo dos seus libros de Harry Potter, dixo que o derradeiro libro está xa nun proceso moi avanzado. "Sínto-me bastante liberada", dixo. "Agora podo resolver a história e é divertido dunha forma que antes non-o era porque finalmente cheguei a unha solución, e coido que a algunhas persoas o odiarán e a otras lles encantará, pero así é como debería de ser".
"Estamos a traballar co final que tiña planeado, pero un par dos personaxes principais que pensaba que ían sobrevivir morreron e outro foi indultado", comentou Rowling sen ganas de profundizar. Preguntada pola conveñéncia de matar aos seus personaxes fictícios, Rowling dixo que non disfrutou matando ao personaxe que morre no sexto libro pero que as convencións do xénero lle pedían que o heroe avanzara na história só. "Entiendo por que un autor pode matar a un personaxe dende o punto de vista de non permitir a outros continuar escribindo despóis de que o autor orixinal morra", dixo a escritora, deixando a porta aberta aos piores medos dos seguidores da saga, que Harry morra.
A escritora destacou que Irving, nas suas novelas, matou a máis personaxes ca ela. "Cando os fans me acusan de sadismo, algo que non acontece tan decote, sinto que os estou a endurecer para que vaian e lean libros de John (Irving) e Stephen (King)", comentou Rowling. "Coido que se teñen que endurecer dalgunha forma. Hai un mundo cruelmente literário aí fóra".
Roger Corman de novo en marcha
[22:22 03/08/2006] O lendário produtor e guionista de filmes "B" Roger Corman, dixo nunha recente entrevista que ainda ten vários filmes no peto e que non pensa na retirada, mália levar máis de 50 anos ao pé od canón con toda caste de películas de terror ás súas costas: "Veño de rematar un filme titulado 'Super Gator'", dixo Corman mentres promocionaba os seus novos proxectos na recente Comic-Con International en San Diego a semana pasada. "Ten unha orixe estraña. Mirando cara atrás, xusto antes de 'Parque Xurásico', eu fixen unha película chamada 'Carnosaur', que era unha história semellante, pero baseada nunha novela escrita realmente antes de 'Jurassic Park'. O que aconteceu é que fixemos todos os filmes até 'Carnosaur 4: Raptor'. Funciona moi ben que fagas o primeiro filme e que os benefícios sexan os máis altos, e co derradeiro, o benefício é o mesmo cós gastos que custou facelo. Así que con 'Carnosaur 4: Raptor', tivemos un longo camiño... e nunca faremos 'Carnosaur 5'. Hai dous anos mirei un artigo en L.A. Times sobre científicos que atoparon o fósil dun crocodilo prehistórico dúas veces máis grande có crocodilo actual, e pensei 'Xa estamos de novo en marcha!'".
Super Gator, o filme do crocodilo, está interpretado por Brad Johnson (O vóo do Intruder) e Kelly McGillis (Top Gun)
Kenan na cidade de Ember
[0:18 28/07/2006] O director de Monster House, Gil Kenan, dixo que o seu seguinte proxecto, The City of Ember, baseado no libro de 2003 de Jeanne DuPrau, será un filme de ciéncia-ficción con actores reais: "É ciéncia-ficción, e iso é todo o que vou dicir", dixo nunha recente entrevista, pero logo engadiu que "é un filme post-apocalíptico de nenos".
Kenan dixo que estará fortemente baseado na novela. A história será adaptada pola guionista de Eduardo Manstesouras e O cadáver da noiva, Caroline Thompson, e será producido pola Playtone e por Walden Media (As crónicas de Nárnia).
A novela The City of Ember ten lugar no futuro, cando a superfície da Terra foi destruida por axentes tóxicos e os humanos viven baixo terra. Dous rapaces de 12 anos, Doon Harrow e Lina Mayfleet, deciden que van ir á superfície cando a súa única fonte de luz comeza a decair. Nunca ninguén se venturara fóra da seguranza de Ember, pero a vida na cidade está a se esgotar e alguén ten que facer algo.
Kenan dixo que o filme asemélla-se a Monster House e ao seu curto The Lark, que teñen grandes obxectos inanimados que se apoderan da alma dos humáns. "Xa sabes que "Monster House" vai sobre unha casa que é un personaxe na história". E este montro dá un pouco máis de medo có de Monster House, engadiu.
Brad Pitt, o curioso caso
[0:18 28/07/2006] Brad Pitt comprometeu-se a protagonizar The Curious Case of Benjamin Button, baseado nunha história de F. Scott Fitzgerald sobre un home que ao chegar aos 50 anos comeza a cumprir anos ao revés, é dicir, a perdelos.
Esta coprodución da Paramount e da Warner Brothers será o seguinte filme de Pitt após de que unha vez máis volvaa facer o mesmo papel no filme de Steven Soderbergh, Ocean's Thirteen.
Button volverá a unir a Pitt co director de O Clube da Loita, David Fincher e con Cate Blanchett, a coprotoagonista de Babel. O proxecto foi desenvolvido ao longo de máis dunha década baixo diferentes encarnacións.
Cun guión de Eric Roth, O Curioso caso de Benjamin Button será producido por Kathleen Kennedy e Frank Marshall e comezará a súa andaina a finais de outono.
Singer quere que Superman regrese... en 2009
[0:18 28/07/2006] O realizador Bryan Singer, quen abandoou a súa exitosa saga mutante X-Men para se facer cargo da franquía de Superman, falou cos fans na Comic-Con International en San Diego e dixo que xa mantivera conversas coa Warner Bros. ao respeito de dirixir unha secuela, que chegaría ás salas de cinema en verán de 2009: "planeo poñer toda a ira de Khan nisto", dixo Singer, abraiando á súa audiéncia ciéncia-ficcioneira.
Superman Returns, con Brandon Routh echendo as mallas que préviamente levara postas Christopher Reeve, e con Kate Bosworth como Lois Lane, e Kevin Spacey coma Lex Luthor, acadou 21 millóns de dólares de recadación no seu primeiro día de estrea no cinema o pasado 28 de xuño, e 52,1 millóns de dólares na súa primeira fin de semana.
Pero mália as boas críticas, Superman Returns non puido facerse co primeiro posto nas listas dos filmes máis vistos. A súa recadación é boa, pero non salientábel, e após dun mes nas carteleiras, xa leva 170 millóns recadados só nos Estados Unidos, ainda moi lonxe dos 250 millóns que a distribuidora, a Warner Bros, consideraba xa tería a estas alturas.
Ainda que a Warner iniciara o desenvolvemento dunha secuela mesmo antes de que a primeira parte se rematara de rodar, asumindo que o filme acadaría o nivel da saga de Spiderman, Singer admite agora que o futuro non é tan bó como debería: "ainda non temos un trato, dixo o director, quen engadiu que se a secuela recibe a luz verde, a intención é facela contra 2009. E daquela, Singer sinalou a súa intención de poñerse após das cámaras.
"Eu só sei que hai certas cousas que se estableceron neste filme, certos aspectos das relación entre os persoaxes", dixo Singer en declaracións aos xornalistas. "Agora que o persoaxe foi establecido, gostaría ter a oportunidade de traer un elemento máis ameazador, un elemento máis terríbel, un elemento premonitório".
Pero o realizador non quixo mollar-se cando foi cuestionado acerca de se o persoaxe favorito dos fans, o malvado Brainiac, sería o seguinte en medir as súas forzas co Home de Aceiro na pantalla grande, e limitou-se a dicir que "quizais".
Singer podería recrutar a Brainiac, a Bizarro, a Doomsday e mesmo a Mister Mxyzptlk, pero agora mesmo Superman ten que se enfrontar a un inimigo moito pior e case imbatíbel: unha escasa audiéncia, moi lonxe das espectativas do xefes dos estudos.
Segundo fontes ben informadas, a Warner agarda a ver se Superman Returns cruza a nestes intres case imposíbel barreira dos 200 millóns de dólares de recadación nos Estados Unidos antes de tomar unha decisión.
Abrams confírmao: haberá outro filme de Star Trek
[21:15 21/07/2006] O realizador de Misión: Imposíbel III, J.J. Abrams, ven de confirmar que está disposto a salvar a franquía de Star Trek após de asinar o contrato polo que se compromete a producir a vindeira entrega desta popular saga de ciéncia-ficción. O creador de séries coma Perdidos, de 40 anos de idade, é un fan de toda a vida de Star Trek e das séries e filmes posteriores, e está a considerar dirixir el mesmo en persoa a seguinte película trekkie.
Nunha entrevista, Abrams dixo: "É un pouco surrealista pero marabilloso. Vou producir e pode que dirixir. Teño todos os DVDs de todos os episódios de Star Trek de todas as séries. Non mirei todos os episódios de todas as séries pero de certo que a coñezo abondo para traballar no filme". Abrams, que axiña há-se axuntar co tamén fan de Star Trek e co-creador de Perdidos Damon Lindelof para este novo proxecto, amolára-se moito cando fora cuestionado inicialmente sobre a súa participación neste filme, pero seica foi porque el non-o anunciara ainda. Agora admite que lle levou un tempo convencer-se de entrar no proxecto: "Xa goubo dez películas e todas esas séries de televisión, así que era unha cuestión de descubrir o que agardaban os directivos da Paramount".
Abrams insiste en que o culto que hai arredor da súa série Perdidos axudou-lle a tomar decisións sobre o argumento que deberá seguir a nova película de Star Trek. Segundo dixo, "Os fans de "Perdidos" non son comparábeis aos fans de "Star Trek", pero traballar en "Perdidos" dá-me un punto de vista sobre o importante que é respectar aos fans".
Tim Allen quere unha secuela de Galaxy Quest
[1:40 11/08/2006] Tim Allen comentou nunha recente entrevista que lle encantaría facer unha secuela da súa comédia de ciéncia-ficción Galaxy Quest, e que o seu vindeiro filme, Zoom, contén parte do humor que levou a aqueloutro filme de 1999 a se converter nun éxito.
"Si, ["Zoom"] vai sobre todo iso, pero foi moi difícil porque "Galaxy Quest" foi moi delicada, unha paródia e a realidade sobre ela", dixo Allen. "Digo que hai que respectar á Sony, porque foi duro dicirlles sobre vai todo isto, porque estaba aqueloutro filme por atrás. Ainda son conservador, pero hai un 85% de "Galaxy Quest" neste filme de superheroes. Querían que lle désemos un xiro de máis para que os nenos non-o entenderan, pero deixamos unha chea de referéncias adultas nela".
Galaxy Quest, unha paródia sobre o mundo da ciéncia-ficción, estivo protagonizada por Sigourney Weaver, Sam Rockwell, Tony Shalhoub e Alan Rickman, interpretando ao reparto xa maduro dunha série de CF cancelada hai moito tempo, e que de súpeto atópan-se envoltos nun conflito intergaláctico auténtico. Allen dixo que presentara unha secuela á DreamWorks, pero ainda non tivo resposta.
"Teredes que preguntar aos da DreamWorks", dixo Allen aos xornalistas. "Hai ún aí. Até hoxe, non entendo de que vai isto. Pero son todo movidas dos estudos. Realmente teño que afastarme destas cousas". really have to stay out of that stuff."
Zoom está coprotagonizado por Courteney Cox, Chevy Chase, Rip Torn e Spencer Breslin e vai sobre un grupo de rapaces con super-poderes que se axuntan nunha escola especial baixo a titelaxe dun superheroe anticuado (Allen) e deben salvar ao mundo. A súa estrea será este venres.
Candidatos aos Prémios Mundiais da Fantasía
[1:40 11/08/2006] Veñen de se anunciar os candidatos aos Prémios Mundiais da Fantasía 2006, cuxos gañadores serán dados a coñecer no decurso do Congreso mundial de Fantasía que terá lugar en Austin, Texas entre o 2 e o 5 do vindeiro mes de novembro.
Este ano o xurado está composto por Steve Lockley, Barbara Roden, Victoria Strauss, Jeff VanderMeer e Andrew Wheeler.
A listaxe completa dos finalistas vai de seguido:
- Novela:
- Kafka on the Shore, de Haruki Murakami
- The Limits of Enchantment, de Graham Joyce
- Lunar Park, de Brent Easton Ellis
- Odd Magic, de Patricia A. McKillip
- A Princess of Roumania, de Paul Park
- Vellum, de Hal Duncan
- Novela curta:
- Another War, de Simon Morden
- The Imago Sequence, de Laird Barron
- In the Machine, de Michael Cunningham
- Magic for Beginners, de Kelly Link
- UOUS, de Tanith Lee
- Voluntary Committal, de Joe Hill
- Conto:
- Best New Horror, de Joe Hill
- CommComm, de George Saunders
- The Other Grace, de Holly Phillips
- La Peau Verte, de Caitlin R. Kiernan
- Two Hearts, de Peter S. Beagle
- Antoloxía:
- Adventure Vol. 1, de Chris Roberson
- The Fair Folk, de Marvin Kaye
- Nova Scotia: New Scottish Speculative Fiction, de Neil Williamson e Andrew J. Wilson
- Polyphony 5, de Deborah Layne e Jay Lake
- Weird Shadows Over Innsmouth, de Stephen Jones
- Escolma de relatos:
- 20th Century Ghosts, de Joe Hill
- In the Palace of Repose, de Holly Phillips
- The Keyhole Opera, de Bruce Holland Rogers
- Magic for Beginners, de Kelly Link
- To Charles Fort, with Love, de Caitlin R. Kiernan
- Artista:
- Kinuko Y. Craft
- James Jean
- Dave McKean
- Edward Miller (Les Edwards)
- John Jude Palencar
Potter 6, en novembro de 2008
[1:39 11/08/2006] Ainda que sen un director para o proxecto e co reparto por confirmar, a Warner Brothers ven de anunciar que o 21 de novembro de 2008, o Día de Acción de Grazas nos Estados Unidos, será a data de estrea da sexta parte da saga de Harry Potter no cinema, Harry Potter e o príncipe de sangue mesturado.
A Paramount Pictures, pola súa banda, tamén puxo na súa axenda para o 8 de novembro de 2008, o lanzamento para a secuela do filme de debuxos animados da DreamWorks Madagascar. Ben Stiller, Chris Rock, Jada Pinkett-Smith e David Schwimmer repetirán os seus papeis facendo as voces dos persoaxes na versión orixinal, que coma sempre non poderemos ver en Galiza.
A data en novembro para a estrea do filme de Harry Potter sinifica un regreso ao mes de Acción de Grazas para a franquía do neno meigo, xa que a quinta entrega, Harry Potter e a Orde do Fénix, será estreada no vindeiro mes de xullo. Das catro películas xa estreadas, tan só a terceira tivo unha data de estrea que coincidira cos meses do verán.
O biopic de PKD
[1:39 11/08/2006] O actor Paul Giamatti (O show de Truman, O planeta dos símios) está en negociacións para interpretar ao mítico escritor de ciéncia-ficción Philip K. Dick nunha película biográfica que axiña será producida pola compañía Touchy Feely Films xunto coa Anonymous Content.
A biografía autorizada tamén contará co apóio financeiro dos herdeiros de Philip K. Dick a través dunha emprsa que montaron hai temp oe que se chama Electric Shepherd Productions. Tony Grisoni (Medo e Noxo en Las Vegas) escribirá o guión.
Dick, quen finou en 1982, escribiu máis de catro dúcias de libros e numerosas histórias curtas, das que alomenos sete xa foron adaptadas á pantalla grande, incluindo Blade Runner, Desafío Total, Minority Report e A Scanner Darkly, ainda por estrear en Galiza.
O filme será, segundo din, "non tradicional" e nel terán lugar as moitas e moitas veces absurdas andainas deste escritor ao longo da súa vida real, que se misturará con elementos de ficción extraídos da súa última novela sen rematar, The Owl in Daylight.
A produción executiva correría a cargo do mesmo Giamatti mais aos propietários da Anonymous Content, Steve Golin e Lenny Bekerman. Giamatti está arestora nas pantallas de médio mundo por ser o protagonista do filme de M. Night Shyamalan Lady in the Water, ademáis de ter prevista axiña a estrea do seu filme O Ilusionista.
Shatner procura persoalidades de CF
[1:39 11/08/2006] A estrela protagonista da série orixinal de Star Trek, William Shatner, vai patrocinar un concurso on-line para atopar á persoalidade con máis talento da ciéncia-ficción nos Estados Unidos. Para participar, os concursantes deberán crear un vídeo clip no que tenten explicar por que eles son o perfeccto herdeiro do capitán James Kirk.
Os finalistas serán elixidos polo público, e os dez máis votados serán os candidatos aos que se lles dará a oportunidade de gañar o Desafío de Ciéncia-Ficción de William Shatner.
Sete xuices elixirán cadenseu finalista (o que fará un total de 17 candidatos), e o mesmo Shatner en persoa elixirá ao gañador. Entre os xuices haberá reprsentantes de sítios web adicados ao mundos fantástico, coma StarTrek.com, Ain't It Cool News, Planet Magazine, The Slice of Sci-Fi Podcast e VideoDetective.com, así coma a protagonista de Star Trek: Deep Space 9 Chase Masterson e Patrick Lee, editor de SCI FI Wire.
O gañador do grande prémio recebirá unha importante recompensa en metálico e será nomeado voceiro oficial do clube de DVD de Ciéncia-Ficción de William Shatner.
Director para Halo
[1:39 11/08/2006] Microsoft ven de anunciar que o director Neill Blomkamp dirixirá a moi agardada versión para a pantalla grande do seu videoxogo Halo. O realizador sudafricano fará asemade o seu debut en longametraxes, xa que até agora só dirixira anúncios e algunhas curtas.
Halo estará producido por Peter Jackson e Fran Walsh baixo a súa compañía WingNut Films para a Universal Pictures e a 20th Century Fox. Os efectos especiais, as miniaturas e mais o deseño de creaturas correrá a cargo da empresa de Jackson situada en Nova Celándia Weta Digital e Weta Workshop (as de O Señor dos Aneis).
Blomkamp dirixiu a curtametraxe de 2005 Alive in Joburg, que debuxaba un futuro no que os extra-terrestres se convertiran en refuxiados. Blomkamp tamén chegou a dirixir un episódio da série de televisión Dark Angel.
Halo ten data de estrea fixada para o verán de 2008 e será rodada en Wellington, Nova Celándia.
Volven os nenos do Brasil
[1:39 11/08/2006] Brett Ratner (X-Men: a decisión final) dirixirá un remake do clásico filme de ciéncia-ficción de 1978 Os nenos do Brasil para a New Line Cinema. Richard Potter e Matthew Stravitz escribirán o guión.
A New Line negociou a compra dos dereitos á Granada Films, que os adquirira cando mercou un paquete da ITC. Os nenos do Brasil será producida por Rob Green da Granada, xunto cos sócios da Rat Entertainment, Ratner e Ray Stern.
Baseada nunha novela de Ira Levin, o filme orixinal estaba protagonizado por Laurence Olivier no papel dun home que debía encubrir un complot mundial organizado polos nazis para revivir ao terceiro Reich usando clons de Adolf Hitler. Gregory Peck interpretaba ao maléfico doutor Josef Mengele.
Os guionistas farán un libreto o máis cercano posíbel ao orixinal de Levin, pero ambientndo a acción no presente.
Christensen telepórta-se
[0:15 18/08/2006] A estrela da Guerra das Galáxias, o actor Hayden Christensen (Anakin Skywalker) protagonizará Jumper, un filme de grande orzamento de ciéncia-ficción producido pola Regency Enterprises e dirixido por Doug Liman. A Regency asociou-se coa 20th Century Fox para finanzar a produción, que contará cun orzamento de ao redor de 100 millóns de dólares.
A contratación de Christensen fai escomezar asemade a produción, que tiña previsto escomezar a rodaxe a princípios deste verán pero que foi adiándo-se. Tom Sturridge era quen ía interpretar o papel protagonista de David, que agora fará Christensen, xa que a decisión foi contratar a un actor máis importante. Samuel L. Jackson, Jamie Bell e Teresa Palmer ainda están entre os membros do reparto.
O filme, que a Regency e mais a Fox esperan que se convirta no primeiro dunha triloxía, comezará a se rodar a finais deste mes en Toronto, Roma e Tóquio.
Baseada na novela de Steven Gould, Jumper vai sobre un rapaz procedente dunha família rota que descobre que ten o poder de se teleportar. Na súa procura do home que coida que é o responsábel da morte da súa nai, o rapaz chamará a atención da Axéncia Nacional de Seguranza (NSA) e doutro rapaz coas mesmas habilidades.
Christensen fai o papel do xove que pdoe teleportar-se. Jackson fai dun axente da NSA, e Bell é o chimpador (jumper) que aprende a usar a Christensen os seus poderes.
Lucas Foster e Simon Kinberg serán os produtores xunto con Jay Sanders. Ralph Vicinanza e Vince Gerardis serán os produtores executivos. David Goyer (Batman Begins) escribiu o guión orixinal, que foi reescrito por Kinberg (O Sr. e a Sra. Smith).
Piratas do Caribe 2 bate todos os récords
[0:15 18/08/2006] O cofre do home morto bateu todos os récords de billeteira en España ao recadar 8.822.111 euros tan só na súa primeira fin de semana de exhibición, unha cifra astronómica coa que se impón a O código da Vinci, que acadara 8,7 millónes, e que até agora mantiña o récord.
A segunda entrega da saga dos Piratas do Caribe fíxo-se nada menos que co 76% da recadación nas billeteiras totais da fin de semana, periodo no que levou ás salas a 1,6 millóns de persoas. A superprodución interpretada por Johnny Deep e Orlando Bloom lanzou-se con 787 cópias o pasado venres, día no que fixo unha recadación de 2,6 millóns de euros, a millor apertura da história.
Segundo dados da distribuidora Buena Vista, as novas aventuras do capitán Jack Sparrow, que nos Estados Unidos xa traspasou a barreira dos 400 millóns de dólares, polo que a sua recadación mundial ascende a 809 millóns de dólares, conquistaron á case totalidade do público que acudiu a unha sala de cinema en España. Nun complexo en Madrid, por exemplo, das 40.000 persoas que pasaron polo multicinema, 31.000 elixiron O cofre do home morto. En Marbella (no sur de España), o cinema que proxectaba una cópia en versión orixinal, acadou unha recadación histórica de 6.700 euros en só tres días.
McCormack entrará na habitación 1408
[0:15 18/08/2006] Mary McCormack protagonizará para a Dimension Films a adaptación da novela de Stephen King 1408, sobre un hotel enmeigado.
A protagonista de Anatomía de Grey, Kate Walsh, non será a protagonista por mor da incompatibilidade co seu papel para a série de televisión. A Touchstone advertíra-lle que o seu papel televisivo tiña releváncia sobre calquera outro, pero a actriz aceptara protagonizar o filme de todos os xeitos coidando que a súa axenda permitiríallo. 1408 comezará a se rodar o ano que ven en Inglaterra.
John Cusack e Samuel L. Jackson tamén están no reparto deste filme, que vai sobre un escéptico adicado a demostrar a falsedade dos trucos dos videntes, que un día atópa-se envolto nun terror auténtico na habitación 1408 do hotel Dolphin. Walsh ía interpretar á ex-muller de Cusack.
O relato 1408 de Stephen King foi publicado orixinalmente como parte dun libro en áudio.
007 terá outra novela
[0:15 18/08/2006] En 2008 aparecerá unha nova novela da saga de James Bond para celebrar o centenário do nacemento do seu creador, Ian Fleming, pero a identidade do seu escritor fica polo de agora no segredo.
Fleming escribiu alomenos 13 das 14 novelas de Bond, comezando con Casino Royale en 1953 e rematando con Octopussy e Living Daylights en 1966, dous anos antes de morrer. A autoría da novela que faría o número 14, Thunderball, ainda está en disputa.
Ian Fleming Publications non identificou ainda ao editor do libro, que aparecerá en maio de 2008, e o seu autor seguirá no segredo até a súa publicación.
O anúncio chega un día despóis de que Michael Wilson e Barbara Broccoli, produtores da saga de filmes de James Bond, anunciaran os seus plans para que a 22ª entrega desta franquía vexa a luz contra o mesmo mes de maio de 2008.
O actor inglés Daniel Craig protyagonizará a vindeira versión de Casino Royale, prevista para o mes de novembro, e regresará co papel de 007 neste 22ª película,que pol ode agora ainda non ten título.
Vários escritores foron autorizados pola Ian Fleming Publications para escribir novelas de James Bond dende que Fleming finou en, incluindo a Kingsley Amis e John Gardner.
Novo videoxogo de Star Trek
[0:15 18/08/2006] Os cinco capitáns que pasaron pola nave Enterprise, Kirk, Picard, Sisko, Janeway e Archer embarcaron-se nunha nova misión: a de Star Trek: Legacy, o novo videoxogo que sobre a famosa saga galáctica conmemora o 40 aniversário da franquía e chegará ás tendas o próximo mes de outubro.
Producido polos estudos Bethesda Softworks, o xogo é o primeiro proxecto que conta coa colaboración simultánea dos cinco intérpretes que deron vida a algúns dos capitáns mais famosos da história da televisión, os que desfiaron polo universo Star Trek.
Os xogadores poderán navegar en até 60 naves distintas na sua loita contra inimigos como os Klingons ou os Borg.
William Shatner, Patrick Stewart, Avery Brooks, Kate Mulgrew e Scott Bakula emprestarán as suas voces aos personaxes que interpretaron na popular série: os Capitáns James T. Kirk, Jean-Luc Picard, Benjamin Sisko, Kathryn Janeway e Jonathan Archer, respectivamente.
Aproveitando o lanzamento da Legacy, Shatner, que manifiestou a sua intención de se introducir no mundo dos videoxogos da man do seu neto, espera que o novo produto sirva para manter viva a etiqueta trekkie: "O interese por Star Trek esvaeceu-se nos últimos anos. Mantivo-se durante longo tempo, está totalmente vencellado á vida americana e coido que necesitamos algo novo e diferente que o relance", afirmou o actor, que admite que non puido resistir-se a interpretar unha vez mais o papel que lle valeu a fama mundial: "Non podia imaxinar-me a ninguén mais facendo do Capitán Kirk, nen sequera nun videoxogo, asi que se pode dicir que me vovín un pouco territorial".
Tanto Shatner coma o resto dos intérpretes que compoñen o reparto non terán unha presenza real no xogo de estratéxia: serán os seus alter-egos animados os que coas suas voces oferecerán consello e detalles ao xogador sobre o desenvolvemento da trama.
"Se é un bo xogo, que se manteña fiel aos personaxes na medida do posíbel, e cunha história complexa, coido que será unha boa forma de aportar unha nova frescura a unha franquía como esta", declarou Shatner, que xa emprestou a sua voz para un videoxogo sobre a série editado en 1997, Star Trek: Starfleet Academy.
Non é a primeira vez que o intérprete participa nos esforzos por insuflar nova vida á franquía. Shatner escribeu nove novelas de Star Trek que detallan as viaxes de Kirk e os seus sócios na procura de novas civilizacións.
Desde a sua creazón, a carrego do autor Gene Roddenberry, en 1966, Star Trek deu lugar a seis tempadas da série de televisión, dez filmes e toda unha comunidade de seguidores, os "trekkies", que dotaron de estatus de culto á saga.
Ademais da Legacy, outros títulos de vindeira aparición sobre o universo Star Trek inclúen un xogo online no que multitude de xogadores poderán unir-se na procura de novas civilizacións e formas de vida.
Gellar fica adicta
[1:23 01/09/2006] Sarah Michelle Gellar (Buffy Cazavampiros) protagonizará Addicted, outro filme de terror sobrenatural baseado nunha película asiática, coa finanzación do Yari Film Group e a produción de Vertigo e Spitfire. Addicted será unha adaptación americana do filme surcoreano de terror de 2002 Jungdok.
Joel Bergvall e Simon Sandquist, que dirixiron o acalamado filme sueco O Invisíbel, dirixirán a partir dun guión de Michael Petroni.
Este filme xira ao redor dunha muller cuxo home e cuñado fican en coma após dun terríbel accidente. Cando o cuñado esperta, di que é o seu verdadeiro marido.
O proxecto reúne a Gellar coa Vertigo, a produtora que fixo The Grudge (baseado na xaponesa Ju-On) e a vindeira The Grudge 2, que se estreará o 13 de outubro. Vertigo tamén produciu The Ring e The Ring 2.
Gellar (The Grudge) tamén foi a protagonista do thriller sobrenatural The Return, que será estreado en novembro.
Plutón xa non é un planeta
[0:51 25/08/2006] Após de tensas xuntanzas e dispares teorías para intentar achar tanto unha denominación axeitada de planeta coma a cantidade dos mesmos no Sistema Solar, seica os membros da Unión Astronómica Internacional xa se puxeron de acordo.
Finalmente, a IAU (Unión Astronómica Internacional) decidiu que o número de planetas do noso Sistema Solar non se ampliará a 12, coma se propuxera na reunión que mantiveron os seus membros en Praga, senon que debe reducir-se de 9 a 8. O "prexudicado" deste novo orde cósmico é, novamente, o polémico Plutón, cuxo pequeno tamaño, inferior ao da nosa Lúa, levou aos membros da IAU a exclui-lo definitivamente da súa nova definición de planeta.
Após de ser coñecido como un planeta dende o seu descobremento nos anos 30, Plutón deberá conformar-se coa sua nova denominación de "planeta anano".
"O Sistema Solar terá oito planetas e alomenos dous planetas ananos", asegurou Junachi Watanabe, voceiro do Observatório Nacional de Astronomía de Xapón e membro do Comité da IAU para a Definición dun Planeta.
Pero os auténticos prexudicados serán, lóxicamente, os paifocos que acreditan na Astroloxía e que coidaban estar baixo a influenza de Plutón. Agora que xa non é un planeta, deberán atopar refúxio nalgunha outra rocha do espazo.
Malos tempos para os Cruise
[0:51 25/08/2006] Malos tempos para os fanáticos da Ciencioloxía: a Tom Cruise se lle remataron os tempos de pallasadas públicas, porque a Paramount Pictures, os estudos onde traballaba dende hai 14 anos, cansáron-se de tantas parvadas e decediron despedilo, por amosar unha "conduta improcedente". As malas línguas din que a verdade é que a súa película Misión Imposíbel 3 foi un fracaso, e que por riba Cruise esixía cobrar demasiado (un mínimo do 15% dos benefícios da paramount). Un voceiro do actor dixo que non houbo despido senón demisión, pero o certo é que Cruise ainda non deu a cara públicamente.
Por outra banda, entre os primeros "afortunados" que verán á esquiva filla de Tom Cruise e Katie Holmes están os Beckham, pero xunto ao convite tamén recibiron un estrito manual de instruccións para se dirixiren ao bebé. Non poderán fotografala, o cal semella unha precaución comprensíbel tendo en conta a expectación xerada, pero é que tampouco poderán tocala e nin sequera poderán falar-lle. A Ciencioloxía, da cal Cruise é un devoto seguidor, non permite arrolar aos bebés porque cré que afecta ao desenvolvemento do neno.
Os Beckham admitiron estar un pouco abraiados, pero ainda así consideran "unha honra" o convite. Din que as estritas restricións do cienciólogo Cruise serán difíciles de cumplir para Victoria, xa que a ex spice "pija" adora os bebés e ademáis nestes intres está a tentar ter unha nena con David. Cruise, de 44 anos, e Holmes, de 27, mantiveron a Suri afastada da opinión pública dende o seu nacemento, hai catro meses, o que disparou todo tipo de teorías da conspiración. Nombergantes, un feixe de amigos da parella aseguran que xa miraron á nena.
Daniel Craig na brúxula de ouro
[0:51 25/08/2006] Daniel Craig, o máis recente James Bond, fará novamente equipa con dúas estrelas femininas para a vindeira película de fantasía épica da New Line, The Golden Compass, un filme dos de grande orzamento.
Esta será a primeira entrega dunha nova triloxía (seica agora en Hollywood colléron-lle gusto ao número tres) baseada na série de Philip Pullman His Dark Materials. Chris Weitz será o guionista e o director.
Craig interpretará a Lord Asriel, un temerário e misterioso aventureiro que é o tío de Lyra Belacqua, a rapaza que viaxa a un universo paralelo para salvar á súa millor amiga. O persoaxe aparece nos tres libros.
Os vindeiros filmes de Craig píntan-se moi fantásticos: primeiro será James Bond en Casino Royale coa actriz francesa Eva Green e logo fará The Visiting, un remake de A invasión dos ultracorpos coa actriz australiana Nicole Kidman. Tanto Green coma Kidman xa foron asignadas para interpretar senllos papeis en Compass, cuxa rodaxe escomezará o vindeiro 4 de setembro en Inglaterra.
Craig rodará as súas escenas neste filme e logo regresará ao seu traballo como James Bond para a vindeira 22ª entrega da saga de James Bond, prevista para maio de 2008.
O McGuffin de Lucas
[0:51 25/08/2006] George Lucas dixo nunha recente entrevista que el, o director Steven Spielberg e mais o actor Harrison Ford teñen xa previsto comezar a cuarta entrega da saga de Indiana Jones contra meiados do ano que ven, 2007, sempre coa vista posta nun lanzamento para o 2008. Pero engadiu que axuntar aos tres non vai ser nada doado.
"Antes eu só traballaba con Steven e Harrison", dixo Lucas. "Agora todo o mundo é unha superestrela, así que é un pouco máis difícil do que era daquela".
No tocantes á história, Lucas dixo crípticamente que "básicamente imos facer a Ameaza Pantasma", referíndo-se ao Episódio I da Guerra das Galáxias. "A expectación da xente é moito máis alta do que podes alcanzar. Poderían-te matar polo que fagas... faríamo-lo só por nos divertir e por aceptar o desafío dos críticos e dos fans... pero ninguén quere ir adiante con isto se non está contento".
Lucas engadiu, cada vez máis misterioso: "A situación de que é malo se o fas, e malo se non-o fas, liberou unha ideia para un argumento que orixinalmente era demasiado incendiário. Descobrín un McGuffin... falei aos rapaces sobre iso, e estaban un pocuo dubidosos, pero é o millor que temos atopados... lamentabelmente, estaba demasiado "conectado" para os outros. Temían o que podería pensar a crítica. Dixeron: 'non-o podemos facer con outro McGuffin? Non podemos facer isto?' e eu dixen non. Así que estivemos enfrascados con iso durante un par de anos. E daquela Harrison realmente quería facelo, e Steve dixo que vale. Eu dixen que tiñamos que voltar a aquel McGuffin orixinal e quitar-lle as partes que poderían ofender ao público, e ainda usaremos esa área do sobrenatural para tratar con elo".
Os soños de South Park producen Monstros
[0:51 25/08/2006] Os creadores de South Park, os corrosivos Trey Parker e Matt Stone, farán un filme titulado Giant Monsters Attack Japan!, con guión de J.F. Lawton (Alerta máxima) que combina acción real coas técnicas de traxes de goma tan populares no mercado asiático (por exemplo, en Godzilla ou en Power Rangers).
Este lanzamento será ún dos dous que a produtora de Parker e Stone, a Important Pictures, fará para a Paramount Pictures.
Parker dirixirá e Stone producirá, e ambos os dous traballarán co guionista. Sean Daniel e a Nickelodeon tamén producirán aos Giant Monsters.
Parker e Stone están pensando no comezo da produción contra o 2007, xusto durante un intervalo que disporán na produción de South Park, a súa série na canle Comedy Central coa que levan xa dez anos.
Os irmáns Polish voan no tempo
[0:50 25/08/2006] Os irmáns realizadores Michael e Mark Polish veñen de vender dous dos seus proxectos á Warner Brothers, que eles mesmos dirixirán, guionizarán e producirán. Ún deses proxectos é o drama de ciéncia-ficción How Time Flies.
How Time Flies [Como voa o tempo] é unha ollada de causa-efecto a un mundo onde as viaxes no tempo fan-se accesíbeis ao home común e o fráxil que daquela se volve a realidade.
Michael dirixirá os filmes, mentres que tanto el coma Mark escribirán os guións e producirán. Lynn Harris supervisará os proxectos para os estudos.
Os irmáns xemelgos Polish están arestora na fase de post-produción do seu drama The Astronaut Farmer, protagonizado por Billy Bob Thornton e Bruce Willis.
Finou o lendário actor Glenn Ford
[1:24 01/09/2006] O mundo do cinema ven de perder a unha das súas derradeiras grandes estrelas de todos os tempos, o actor Glenn Ford, quen finou o xoves na súa residéncia de Beverly Hills (Califórnia) aos 90 anos de idade. Ford sofría problemas cardíacos dende os primeiros anos da década pasada. Eses mesmos problemas impedíron-lle asistir o pasado 1 de maio a un acto que se realizou no Egyptian Theatre de Hollywood para render tributo á sua traxectoria.
Nunha carrera de máis de médio século, Ford participou en 85 películas entre 1939 e 1991. Coñecido sobre todo polos seus westerns e por multitude de dramas, os fans do fantástico sempre o lembraremos pola súa interpretación do pai de Clark Kent, Jonathan, no filme Superman de 1978.
Fillo dun obreiro dos camiños de ferro de raíces galesas, Ford naceu en Quèbec o 1 de maio de 1916, co nome de Gwyllyn Samuel Newton Ford. Despóis de participar en obras teatrais en New York, a sua primeira aparición no cinema produciu-se en 1939 cando protagonizou o filme Heaven With a Barbed Wire Fence.
Ford casou e divorciou-se tres veces, e só tiña un fillo, Peter, froito do seu matrimónio coa actriz e bailarina Eleanor Powell.
Así foi a Worldcon
[1:24 01/09/2006] Máis de 6.000 profesionais e afeccionados da ciéncia-ficción axuntáron-se para celebrar a 64º Convención Mundial de Ciéncia-Ficción, a Worldcon, que tivo lugar entre o 23 e o 27 de agosto en Anaheim, Califórnia, coa presenza de convidados de honra coma Connie Willis, James Gurney, Howard DeVore ou Frankie Thomas.
Outros convidados especiais foron os escritores Harlan Ellison, George R.R. Martin, Larry Niven e Robert Silverberg. Todos uníron-se a guionistas de Hollywood, produtores e actores, entre os que non fallou Walter Koenig e Marina Sirtis (de Star Trek) e o produtor executivo de Battlestar Galactica Ronald D. Moore.
Celebráron-se centos de mesas redondas e conferéncias con profesionais da ciéncia-ficción e a fantasía falando de todo o divino e o humano. Moitos eventos estiveron adicados á série Star Trek, para conmemorar o seu 40º aniversário, cumprido este ano.
Os fans votaron que Denver (Colorado) será a sede da vindeira Worldcon 2008. A de 2007 terá lugar en Iocohama, Xapón, do 30 de agosto ao 3 de setembro.
Gañadores dos Prémios Hugo
[1:24 01/09/2006] Os ganadores dos Prémios Hugo 2006 e do Prémio John W. Campbell para o millor novo escritor foron anunciados o sábado no decurso da cerimónia de entrega de prémios da L.A.Con IV, a WorldCon 2006, congreso mundial da ciéncia-ficción, que tivo lugar en Anaheim, Califórnia (EE.UU). Velaquí vai a listaxe completa cos gañadores:
- Novela: Spin, de Robert Charles Wilson
- Novela curta: Inside Job, de Connie Willis
- Relato: Two Hearts, de Peter S. Beagle
- Relato curto: Tk'tk'tk, de David D. Levine
- Ensaio: Storyteller: Writing Lessons and More from 27 Years of the Clarion Writers' Workshop, de Kate Wilhelm
- Director editorial profesional: David G. Hartwell
- Ilustrador Profesional: Donato Giancola
- Longametraxe: Serenity, escrita e dirixida por Joss Whedon
- Capítulo de série de TV: The Empty Child e The Doctor Dances, (da série Doutor Who) dirixido por James Hawes e escrito por Steven Moffat
- Revista semiprofesional: Locus, de Charles N. Brown, Jennifer A. Hall e Kristen Gong-Wong
.- Revista non-comercial: Plokta, editada e dirixida por Alison Scott, Steve Davies e Mike Scott
.- Escritor non-profesional: David Langford
- Ilustrador non-profesional: Frank Wu
- Prémio John W. Campbell para novos escritores (Non é un Hugo): John Scalzi
Máis trepamuros no cartafol
[1:23 01/09/2006] Kevin Feige, o novo presidente de produción da Marvel Studios, dixo nunha recente entrevista concedida a través de Internet que o vindeiro filme de Spiderman, que será a terceira entrega da saga, non será o derradeiro.
"Haberá moitos máis filmes de Spiderman por vir", prometeu Feige. "Xa temos as primeiras ideias para o seguinte grazas ao valor das histórias dos cómics. Poderíamos estar facendo filmes de Spiderman durante so vindeiros 20 anos, baseándonos nos 50 anos de história de Spiderman que temos".
Os rumores que corrían até de agora indicaban que o vindeiro filme de Spiderman, o terceiro, dirixido por Sam Raimi, sería o derradeiro. O que non está nada claro é que Tobey Maguire, o protagonista desta saga, e mais os seus compañeiros de reparto, continúen en seguintes entregas máis aló de Spiderman 3.
"Cando estás concentrado nun só filme de cada vez, hai un comezo, un médi oe un remate nese proceso", dixo Feige. "Temos ido facendo cada ún deles a medida que nos topábamos con eles, [e se iso acontece de novo], será o intre para esas discusións". Spiderman 3 estreará-se o vindeiro mes de maio.
Nutter dirixirá o piloto de Connor
[1:23 01/09/2006] A Warner Brothers TV ven de nomear a David Nutter para que dirixa o episódio piloto de The Sarah Connor Chronicles, outorgando asemade a luz verde oficial á Fox Broadcasting neste novo proxecto baseado na saga de filmes de Terminator, da que xa vos anticipamos moitas cousas hai un ano en NOVA fantasia.
Nutter (Expediente X) é un especialista en converter episódios piloto en séries recoñecidas, xa que os seus últimos 12 proxectos chegaron a se converter en série de televisión. El mesmo será o produtor executivo, mentres que Andy Vajna e Mario Kassar, da C2 Pictures, os míticos produtores de Terminator: o auxe das máquinas, coproducirán este episódio xunto á Warner Brothers TV.
A Fox xa tiña previsto facer esta série dende outono do ano pasado, cando volo anunciamos en NOVA, recollendo o guión que tiña o produtor executivo Josh Friedman (A Guerra dos Mundos). Kassar e Vajna tamén serán produtores executivos.
O casting para As crónicas de Sarah Connors comezará de contado, e a rodaxe espéra-se que escomece o ano que ven en New Mexico.
Nutter tamén dirixiu entre outros os episódios piloto de Smallville e Supernatural, así como o da série Dark Angel, que é orixinal de James Cameron, director de Terminator, así que todo fica en casa máis ou menos.
Os problemas de Rowling no avión
[14:27 15/09/2006] O único exemplar do que será a derradeira entrega da saga de Harry Potter non pode estar lonxe das mans da sua autora, J.K.Rowling. Iso é o que lles debeu dicir aos axentes de seguranza do aeroporto de New York, cando a convidaron a que facturara o seu libro no canto de o levar na man, pois as novas normas de seguranza aérea nos Estados Unidos así o obrigan.
Nombergantes, a escritora insistiu en levar o seu manuscrito con ela, debido a que non existe cópia da maioría do texto, como explica a autora no diário da sua páxina web oficial.
"Non sei o que faría se non me chegan a deixar levar o libro; probábelmente, volver en barco", dixo Rowling.
Afortunadamente para a escritora inglesa, finalmente os axentes permitiron que o transportara consigo, ainda que suxeito con gomas elásticas. O que será o derraideiro libro da saga de Harry Potter xa está case rematado, e a autora está ultimando o seu título: "estou tentando decidir entre dous", explica na sua web. Decidiráo cando o teña case escrito.
Schumacher dirixirá Town Creek
[14:27 15/09/2006] Joel Schumacher vend e chegar a un acordo que lle permitirá dirixir o thriller sobrenatural da Gold Circle Films Town Creek, que será distribuido pola Lionsgate.
Dave Kajganich escribiu o guión, que vai sobre dous irmán atrapados nun espantoso experimento de ocultismo. A rodaxe comezaría en marzo, xa baixo a finanzación da Gold Circle.
Na parte meramente económica hai moito que repartir: o presidente da Gold Circle, Paul Brooks, producirá xunto con Tom Lassally (da 3 Arts Entertainment) e Robyn Meisinger (de Madhouse Entertainment). Scott Niemeyer e Norm Waitt, productores executivos da Gold Circle tamén entran no contrato, pero aí non remata a cousa, porque tamén hai un anaco do pastel paraa compañía Zak Kadison e outro para a Mandate Pictures.
Schumacher está arestora na post-produción do filme de Jim Carrey The Number 23 para a New Line Cinema, e os créditos de Kajganich incluen o filme de ciéncia-ficción ainda por estrear da Warner Brothers The Visiting, que protagonizará Nicole Kidman.
Van Damme en loita contra as árbores
[23:53 07/09/2006] O actor Jean-Claude Van Damme tivo un accidente, sen graves consecuéncias, cando conducía o seu automóbil e chocou contra unha árbore na localidad costeira de Knokke-Heist (noroeste de Bélxica), onde viven os seus pais.
O protagonista de Cyborg, Soldado Universal ou Xusta vinganza, entre outras xoias da cinematografía mundial, ía só no intre do accidente, que aconteceu a primeira hora da mañán do domingo, segundo informou a axéncia de novas Belga.
Van Damme, de 45 anos, xa tivera no pasado importantes problemas co alcool e as drogas, e nesta ocasión tivo que pasar por un test de alcoolémia, cuxo resultado non foi divulgado pola Policía.
Bond 22 adiado
[23:52 07/09/2006] A estrea da 22ª entrega da saga cinematográfica de James Bond, a que virá despóis do filme Casino Royale, foi adiada ao 7 de novembro de 2008, no canto de ser o 2 de maio de 2008 coma estaba previsto nun primeiro intre. O atraso permitirá que haxa un lapso de dous anos entre os filmes de 007, de acordo coa recente tradición desta popular franquía.
O cineasta inglés Roger Michell mantivo conversas para dirixir o filme, pero recentemente anunciou-se que el e a Eon Productions chegaran a un punto morto, polo que están a procura dun novo director.
A rumoroloxía suxire que o vindeiro filme de James Bond será unha continuación directa do que sevai estrear en novembro, Casino Royale, con 007 (Daniel Craig) loitando cunha misteriosa organización terrorista que atopa en Royale. Seica a 22ª entrega da saga estará baseada nunha ideia do produtor da série Michael G. Wilson, quen xa escribira o guión de Licenza para matar, Só para os teus ollos, The Living Daylights, Octopussy e Panorama para matar.
Lavado de face en Star Trek
[23:52 07/09/2006] A série orixinal de Star Trek dos anos 60 recebirá unha boa dose de maquillaxe de alta tecnoloxía e regresará ás pantallas de televisión por primeira vez nos últimos 16 anos nos Estados Unidos, con episódios remasterizados dixitalmente. En conmemoración do 40º aniversário do show, a CBS Domestic Television relanzará os 79 episódios con novos efectos especiais e música en 200 emisoras de televisión locais a partir do 16 de setembro. O primeiro lote de episódios será elixido entre unha listaxe de favoritos votados polos fans.
Os efectos especiais orixinais serán sustituidos con imaxes xeradas por ordenador, incluindo o exterior da nave espacial Enterprise, baseado nas medidas exactas da maqueta orixinal, que se atopa na Smithsonian Institution en Washington, D.C. A secuéncia da cabeceira será feita outra vez con efectos novos e unha nova banda sonora gravada en estéreo dixital, cunha orquestra e unha cantante feminina. A voz orixinal de William Shatner, aquela que dicía no monólogo da versión galega "O espazo, a fronteira final..." foi remasterizada e continuará a abrir cada episódio.
Todas as escenas espaciais, as paisaxes extra-terrestres e as naves, incluindo a Ave de Présa romulana e mais o Cruceiro de batalla Klingon serán remodelados tamén. Os episódios remasterizados foron convertidos dende a película orixinal nun formato de alta definición, que dará aos espectadores unhas imaxes máis claras, menos borrosas e máis vibrantes, mesmo se dispós dun televisor con definición estándar.
Podería haber Hobbit en 2007
[23:52 07/09/2006] O popular sítio web de fans TheOneRing.net publicou un rumor segundo o cal The Hobbit, a comentada precuela á triloxía de Peter Jackson O Señor dos Aneis, ven de atopar un espazo na apretada axenda dos estudos cinematográficos New Line Cinema para o 2007.
Segundo unha mensaxe de correio electrónico enviada por unha fonte anónima, o título estaba claramente escrito nunha listaxe de asuntos pendentes nas oficinas da New Line en New York. "Eu estaba nas oficinas da New Line [en New York] para discutir de asuntos vindeiros cando ollei algo moi intrigante nun calendário anual", dixo esta fonte anónima ao sítio Web. "O Hobbit estaba claramente marcado no que semellaba ser o mes de xullo de 2007. Non puiden aproveitar nin un intre para investigar o calendário habendo tanta xente na habitación, pero definitivamente alí poñía O Hobbit".
Nimoy e Shatner en Trek 11?
[23:52 07/09/2006] Leonard Nimoy, quen interpretaba ao Sr. Spock na série orixinal de Star Trek, dixo nuna recente entrevista que os directivos da Paramount contactaron con el para ver as posibilidades de intervir na vindeira undécima entrega da saga no cinema da popular série televisiva, que será dirixida por J.J. Abrams.
Nimoy dixo: "Os xefes de produción da Paramount chamaron á miña axéncia para lles falar deste proxecto, seica están interesados na participación de William Shatner e na miña á franquía, e queren saber se nós estabamos interesados neste desenvolvemento. Foi todo moi, moi xenérico. Pode que queiran que Bill e mais eu participemos nalgún flashback da história. Pero isto xa son conxecturas pola miña banda".
Ven-se rumoreando que o filme tratará sobre o primeiro encontro duns xoves Spock e James T. Kirk na Académia da Flota Estelar, pero nin Abrams nin os guionistas Alex Kurtzman e Roberto Orc confirmaron ningunha especulación sobre a premisa ou o argumento deste secuela.
A Revolta Irmandiña tomará Monterrei
[1:24 01/09/2006] Irmandiños: A Revolta é un xogo de rol en vivo organizado pola Vicepresidencia da Igualdade e do Benestar da Xunta de Galiza, a través da Dirección Xeral de Xuventude e Solidariedade. O xogo, ambientado no século XV, durante a Segunda Revolta Irmandiña, está escrito e dirixido por 13Negativo, asociación formada por membros fundadores da equipa organizadora da macro-partida de Vampiro: A Mascarada celebrada o ano pasado en Santiago de Compostela, na que participaron preto de 600 persoas.
O xogo comezará o venres 22 de setembro ás 12 da mañán e rematará o domingo 24 sobre as 6 do serán. Os xogadores pasarán a noite en tendas de campaña, para compartir todos e cada ún dos momentos desta fascinante experiéncia que se desenvolverá no castelo de Monterrei (preto de Verín) e nos seus arredores.
Poderán participar xoves de entre 18 e 30 años. A cota de participación é de 24€, con rebaixa do 25% para os posuidores do carné xove e do carné máis. Esta cota inclúe a participación e as comidas durante todo o xogo, así coma o desprazamento en autobús até a zona de xogo.
A reserva de prazas para este acontecemento único poderá realizarse do día 1 de setembro até o día 15 do mesmo mes, e hai dispoñibeis prazas para un máximo de 500 xogadores.
Finou Charles L. Grant
[23:20 21/09/2006] Charles L. Grant, ún dos máis premiados e influentes escritores de fantasía e terror da xeración da post-guerra, finou por mor dun ataque ao corazón na súa casa de Newton, New Jersey, o pasado n Sept. 15, de setembro após dunha longa enfermidade. O martes pasado tería cumprido os 64 anos.
Grant, escritor e editor, foi se cadra especialmente coñecido polos seus relatos de fantasía escura e terror. Escribiu máis de 100 libros e 200 contos en moitos xéneros e baixo distinos alcumes, como Felicia Andrews, Lionel Fenn, Simon Lake, Deborah Lewis e Geoffrey Marsh.
Grant foi o primeiro secretário executivo da SFWA (Asociación de Escritores de Ciéncia-Ficción dos Estados Unidos) e recebiu os prémios Nebula por A Crowd of Shadows e A Glow of Candles, a Unicorn's Eye. A súa obra estivo nominada para outros vinte prémios, e ademais recebiu tres veces o prémio Mundial da Fantasía, o prémio especial da British Fantasy Society e da Horror Writers Association e o prémio Grande Mestre da Convención Mundial do Terror.
A Grant sobrevíve-lle a s úa esposa, Kathryn Ptacek, o seu irmán John Grant, un fillo, Ian Grant, unha filla, Emily Stalnaker, e dous netos.
A família solicita que na súa honra se fagan doazóns á Fundación que leva o seu nome, para axudar a desenvolver as carreiras de xoves escritores e editores de fantasía e terror.
Novo escándalo coa HispaCon
[14:28 15/09/2006] O mundo do fantástico español non gaña para sustos. Após dos escándalos que protagonizou o Colectivo Nemo coa organización o ano pasado da Hispacon e da Ibercon en Vigo, agora temos que aturar moitos máis problemas.
A Editorial Berenice emitiu un comunicado no que se laian de que "debido a temas alleos á sua vontade" renúncian á organización da Hispacon 2006, que se ía celebrar en Córdoba. O motivo da suspensión é a falta de médios económicos, posto que os compromisos acadados entre a organización e diversas institucións locais ficaron mermados no caso do patrocinador principal a tan só un 10% da cantidade inicialmente presupostada.
Pola súa banda, a xunta directiva de Pórtico/Asociación Española de Fantasía Ciéncia-Ficción e Terror informou aos seus sócios e aos afeccionados da súa postura mediante outro comunicado. Segundo a xunta directiva, a HispaCon de Córdoba concedeu-se á devandita vila porque ningún colectivo propuxo unha candidatura para 2006. Na HispaCon de Vigo, cando a xunta ainda non tiña o mandado dos sócios, houbo contactos con membros da editorial Berenice que informaron da posibilidade de que Córdoba acollera a sede de 2006. A partir de novembro, antes mesmo da toma de posesión do cargo, o Presidente da asociación mantivo contactos cos representantes de Berenice que lle aseguraron que podían, e querían, facer-se cargo da organización.
Nombergantes, a partir de xuño, e vendo que se demoraban os comunicados e informacións por parte da organización, a xunta instou-lles a se decidir se o proxecto era factíbel ou polo contrário non se seguía con el, ante o que os organizadores deron unha série de dados á xunta que "semellaban fiábeis e concretos". Non se soubo ren mais da organización até o día 11 de setembro, cando a editorial comunicou que se desvencellaba da mesma.
Para a AEFCFT, o comunicado que a organización deu a coñecer é tardío e escaso de convición no tocante aos motivos da sua retirada. O orzamento é sempre importante, pero non é o máis importante, segundo din. A AEFCFT afirma que "seica non se investiu ilusión e ganas abondo no proxecto, deixando á sorte e á improvisación algo que se debe facer fixando uns obxectivos claros e realistas. A decepción foi moi grande, xa que esta xunta, e os afeccionados, contaban xa coa espléndida cidade de Córdoba para a nosa xuntanza anual".
O remédio, a estas alturas, é moi complicado, porque só queda un mes para o comezo da HispaCon. A AEFCFT di que está a tentar corrixir este fracasado proxecto e intentar ter unha HispaCón, ainda que sexa "de mínimos", para poder continuar a tradición destes anos.
Ensaio sobre a cegueira
[14:28 15/09/2006] O cineasta brasileiro Fernando Meirelles, director de Cidade de Deus (2002) e O xardineiro fiel (2005), levará á pantalla Ensaio sobre a cegueira, novela do prémio Nobel de Literatura 1998, José Saramago.
Nunhas declaracións publicadas por un xornal paulista, Meirelles confirmou que foi escollido para dirixir a película - cuxo título provisional en inglés é Blindness - pola produtora inglesa Potboiler.
Meirelles xa intentara adquirir en 1997 os derechos para levar a novela ao cinema, pero o mesmo Saramago negou-se, co argumento de que sería difícil traducir en imaxes unha história sobre a cegueira. Os derechos adquiriunos finalmente a produtora canadiana Rhombus Media, que coproducirá o filme con empresas de Brasil, Inglaterra e Xapón.
"Chamáron-me en xuño do ano pasado para me falar do guión de "Blindness", pero non me dixeron que era o libro de Saramago e eu non me decatei pola diferéncia do nome do libro en portugués", explicou Meirelles ao xornal "Folha de São Paulo".
"Cando comecei a le-la, de contado interesei-me", dixo. "O millor é que será unha produción internacional independente, sen ningún estudo. Brasil aportará talento e cartos dunha lei de incentivo; Canadá o proxecto e o guión, Xapón moitos cartos e os ingleses cartos e mais o marco xurídico", engadiu.
Meirelles anticipou que a película se filmará a partir de mediados do vindeiro ano na cidade brasileira de São Paulo e na canadiana de Toronto.
A película terá un orzamento de preto de vinte millóns de dólares e a intención dos produtores é que se estree en marzo do 2008. A novela do escritor portugués conta a história dunha plaga inexplicábel e incurábel que causa cegueira e se expande por todo un país.
O heroe de todos
[14:28 15/09/2006] O último proxecto cinematográfico do defunto Christopher Reeve, a película de debuxos animados Everyone's Hero, debuta hoxe nos cinemas dos Estados Unidos, case dous anos despóis da morte do actor que dera vida a Superman.
O actor, que nos últimos anos da súa vida tivo que ficar atrapado nunha cadeira de rodas, tivo o traballo de dirixir este filme para nenos, e estivo á fronte do proxecto até o día da súa morte, en 2004 por mor dun ataque ao corazón.
En Hollywood, a maioría de filmes que se curtan á metade pola morte do seu produtor e realizador, fican tamén arquivados nun andel e xa ninguén mais se lembra deles, pero este caso foi moi disinto. Como tributo á vida do home que o fixo posíbel, un home que nunca renunciou, que nunca perdeu a esperanza, o traballo en Everyone's Hero continuou adiante.
O filme está ambientado nos anos da Grande Depresión nos Estados Unidos, e o seu protagonista é un neno fan do béisbol chamado Yankee Irving que, mália os seus millores esforzos, non pode bater unha bóla. Pero o mesmo cá determinación de Reeve por loitar contra a súa leixón medular que o deixou cuadripléxico, o neno non quere abandoar o seu soño de xogar nas grandes ligas.
Reeve chegou ao estrelato cando interpretou a Superman no filme homónimo de 1978. Este filme tivo tres secuelas, todas elas interpretadas por Reeve, quen se converteu na imaxe do superheroe. Pero mentres montaba a cabalo en 1995, Reeve sofriu un accidente que o deixou paralisado do pescozo para abaixo, precisando mesmo axuda mecánica para poder respirar. Nembergantes, nunca deixou de traballar. El e a súa muller, Dana Reeve, convertéron-se nos principais avogados das vítimas das leixóns medulares e loitaron para que o Congreso dos Estados Unidos aprobase leis que fixeran posíbel investigar con células-nai, mália que o Presidente Bush opón-se por motivos relixiosos a ditas investigacións. Dana finou por mor dun cancro o pasado mes de marzo.
Christopher Reeve coñeceu a história de Everyone's Hero [O heroe de todos], e xunto cos seus produtores, recrutou ao veterán guionista de séries de televisión Rob Kurtz para que fixese un guión. Kurtz dixo que pasou oito meses traballando canda Reeve nun guión que explorase as relacións familiares e que lle dixese aos nenos que continuasen a loitar contra as adversidades.
"Esta era realmente a mensaxe que quería lanzar: que nunca renúncies", dixo Kurtz ao respeito da visión de Reeve sobre o proxecto.
Desvélan-se dados sobre Terminator 4 e mais o Hobbit
[14:27 15/09/2006] A MGM quere regresar á picota do negócio de facer películas, e comezar pola porta grande, con proxectos sobre unha cuerta entrega da saga de Termitator e un ou dous filmes baseados no libro O Hobbit, que o estudo desexa que dirixa o mesmísimo Peter Jackson.
Ao longo dos vindeiros anos, a MGM planea lanzar unha média dúcia de grandes proxectos, con orzamentos entre 150 e 200 millóns de dólares. Os estudos tamén teñen anunciado unha secuela da Panteira Rosa e a 22ª entrega da saga de James Bond en novembro de 2008.
Os filmes propostos son todos franquías das que a Metro é posuidora dos dereitos (e ten os dereitos dunhas 4.000 películas máis). O obxectivo é lanzar unha o u dúas grandes películas ao ano, todas as cales aparecerán coa axuda de sócios financeiros, incluindo cartos de Wall Street ou doutros estudos.
Piratas 2, a 3ª millor
[14:27 15/09/2006] Piratas do Caribe: O COfre do Home Morto converteu-se no terceiro filme máis importante de toda a história ao sobrepasar os mil millóns de dólares de recadación en todo o mundo. A secuela protagonizada por Johnny Depp xa levaba 1,003 miles de millóns de dólares vendidos en entradas oficialmente o pasado 8 de setembro, segundo informou a Walt Disney Co. nun comunicado, pero é moi difícil que poida subir máis alto, porque Titanic, a número ún, ten o récord con 1,8 miles de millóns, e O Señor dos Aneis: O Retorno do Rei é a segunda con 1,1 miles de millóns.
A predecesora de Piratas do Caribe: O COfre do Home Morto, A maldición da Perla Negra, obtivera 656 millóns de dólares de recadación en todo o mundo, e a terceira entrega desta saga pirata, At World's End, está xa a se rodar en Los Angeles, coa vista posta nunha estrea para o vindeiro mes de maio.
Jackson fai-se Temerário
[14:27 15/09/2006] O director da saga do Señor dos Aneis, Peter Jackson, está desexando facer unha película baseada na série Temeraire, unha saga histórica e fantástica da novelista Naomi Novik.
A saga do Temeraire reimaxina o mundo das guerras napoleónicas engadíndo-lle unhas pingas de emoción: uns cantos dragóns conducidos por valentes pilotos. As novelas céntran-se nun capitán da Mariña inglesa, Will Laurence, que captura un barco francés no que descobre o óvo dun dragón, regalo do emperador de China ao seu colega galo. Cando o óvo ábre-se o capitán deberá abandoar a súa carreira no mar e iniciar outra a lombos do dragón, ao que bautiza como Temeraire.
Jackson tamén quere converter os libros en videoxogos. De feito, seica Novik era unha programadora de computadores que traballou no deseño de Neverwinter Nights: Shadows of Undrentide. Ela escribiu o primeiro tomo da saga Temeraire en 2004, e cando na famosa editorial Del Rey lle botaron unha ollada, decediron mercalo, pero mesmo pedíndo-lle dous tomos máis. A série aparece esta primavera e Novik está a escribir a cuarta entrega da série.
Jackson xa quixera previamente facer unha película con libro de Alice Sebold The Lovely Bones e está a escribir a adaptación coas súas sócias Fran Walsh e Philippa Boyens, agardando que poidan falar despóis coas distribuidoras.
Keith Richards, expulsado da rodaxe por bébedo
[23:47 28/09/2006] Segundo informou a prensa de todo o mundo, o baixista dos Rolling Stones Keith Richards foi expulsado da rodaxe de Piratas do Caribe III por se presentar no estudo de rodaxe bébedo.
Keith Richards presentou-se totalmente alcoolizado no set de filmación. O mesmo director da película, Gore Verbinsky, tivo que axudalo a se manter en pe. Richards interpreta ao pai de Jack Sparrow, o personaxe de Johnny Depp.
Seica tan bébedo estaba que nin sequera lembra o que aconteceu. Precisamente foi ideia de Depp incluir ao vello rockeiro no reparto. O actor inspirou-se no acenos e na actitude vital de Richards para dar forma ao personaxe de Sparrow. Segundo revelou Bill Nighby, ún dos actores que traballan na película, Keith, de 62 anos, estaba tan bébedo que chegou a berrar: "Se querían a un anxiño da caridade, contrataron á persona equivocada".
Craven dirixirá terror de novo
[23:46 28/09/2006] Wes Craven ven de selar un acordo coa Rogue Pictures para escribir e dirixir o seu primeiro proxecto de filme de terror nos últimos doce anos e tamén creou a Midnight Pictures, unha compañía con capital da Rogue que producirá filmes de terror con orzamentos por baixo dos 15 millóns de dólares.
Craven contratou a Marianne Maddalena, quen produciu moitos dos filmes de Craven, para que dirixa a Midnight Pictures. Os plans da parella son producir conxuntamente pero tamén por separado, xa que Maddalena posúe unha compañía de seu.
Craven fixo os dous acordos após de lle entregar o proxecto a Andrew Rona, quen coma vicepresidente da Dimension Films traballou en moitos filmes de Craven cando o director tiña un pacto coa Miramax.
O novo filme, ainda sen título, é un conto sobrenatural cun protagonista de 16 anos, e será máis semellante a O Sexto Sentido que aun filme con moito sangue, segundo revelou Craven. A película será distribuida pola Rogue, pero non baixo o selo da Midnight Pictures. Craven espera comezar a rodaxe en primavera.
Homenaxes en Sitges
[23:46 28/09/2006] O director de cinema Alejandro Amenábar recibirá o 12 de outubro, durante o Festival de Cinema de Catalunya que se celebra en Sitges do 6 ao 15 de outubro, o prémio Máquina do Tempo "pola sua contribución á difusión do cinema de xénero español" (Os outros, Abre os ollos, Tese).
Segundo informaron os organizadores do certame, ademáis de Aménabar recebirán o prémio o responsábel de maquillaxe Howard Berger, o director e escritor Alejandro Jodorowsky e mais o director xaponés Kiyoshi Kurosawa.
Berger, Oscar en 2006 á millor maquillaxe por As Crónicas de Nárnia, recibirá a Máquina do Tempo o día 8 de outubre, antes da proxección dos episódios de Masters of Horror Cigarette Burns e Homecoming das que é responsábel, xunto a Grec Nicotero (ambos da KNB EFX Gropu) dos efectos especiais de maquillaxe.
O mesmo día 12 recibirá o prémio á sua traxectória Jodorowsky, recoñecemento que se lle entregará durante unha sesión de Cabaret Místico.
O director Kurosawa será obxecto dunha retrospectiva en Orient Express, que inclúe a estrea de Retribution, o venres 13 de octubre, día no que se lle entregará a "Máquina do Tempo".
Por outra banda, Sitges 06 otorgará o día 6 de outubre a María Honorífica á Distribución de Cinema Fantástico a Lluís de Val López, presidente de Manga Films. O festival catalán entrega estes prémios a personajes destacados do cinema fantástico cada ano.
Resolta a crise da Hispacon 2006
[23:21 21/09/2006] Segundo informou nun comunicado a Asociación Española de Fantasía, Ciéncia-Ficción e Terror, o congreso español de ciéncia-ficción terá lugar na vila sevillana de Dos Hermanas, após de que a semana pasada fallara a candidatura de Córdoba. E todo elo respetando as mesmas datas, os días 3, 4 e 5 de novembro. A sede da convención será a "Biblioteca Pedro Laín Entralgo", situada no centro da vila.
A AEFCFT propón unha inscrición de 10 euros que dará dereito ao pack de benvida. A cea de gala celebrara-se nun restaurante da localidad e o importe da mesma se avisará mais adiante.
En apenas seis días a nova Hispacon xa ten dous informes de progresos, o póster oficial e mais o sítio web do congreso. Todo un récord que pon en evidéncia a nefasta actuación do ano pasado en Vigo, cando ao longo de ano e médio os organizadores foran incapaces de facer nin a metade destas cousas.
No programa xa hai previstas conferéncias, mesas redondas e actos paralelos. Ademáis prometen, ao contrário que o ano pasado, que calquera ideia que os sócios e afeccionados queiran aportar será estudada. No segundo informe, a AEFCFT anúncia que os escritores estranxeiros convidados serán Kiril Yeskov, Richard Morgan, Ian Watson e máis o mexicano Bernardo Fernández (BEF).
Anunciada a película de Namor
[23:21 21/09/2006] Tal e coma vos adiantamos hai meses, a Marvel ven de anunciar que o director Jonathan Mostow (Terminator 3), escribirá e dirixirá Sub-Mariner, a adaptación ao cinema do superheroe máis antigo da Marvel.
A primeira aparición de Namor foi en 1939, cando a Marvel ainda se chamaba Timely, e o príncipe submariño permaneceu nos cómics da Marvel até os nosos dias, con série de seu e en aparicións por todo o universo Marvel, especialmente nos 4 Fantásticos.
A liña argumental da película amosará como un rapaz descubre que é o príncipe de Atlantis e se convirte na peza fundamental da batalla entre o mundo da superfície e o mundo submariño.
Serpes no avión
[23:21 21/09/2006] A New Line Cinema ven de asinar un contrato de dous anos para producir películas co protagonista de Snakes on a Plane, Samuel L. Jackson.
Jackson e a súa compañía (que ainda non ten nome) establecerán oficinas en Los Angeles. O actor está á procura dun executivo que dirixa a súa nova empresa e agárda-se que comece axiña a contratar persoal.
A New Line achegou-se a Jackson após de Snakes on a Plane se convertira nun éxito na Internet, onde xa é un auténtico fenómeno social. Ainda que a película non tivo moito éxito nas billeteiras, acadou 33 millóns de dólares de recadación, que xa é algo.
A compañía gosta da vista de Jackson polo material comercial, así coma o seu currículo enchido de filmes que van dende as películas de flocos de millo até as máis sérias. As películas que produza Jackson serán unha mistura con algunhas que el mesmo protagonizará e outras que desenvolva a súa compañía. Seica Jackson estará moi ao tanto do material que se faga.
Nestes intres Jackson está a producir e a dobrar coa súa voz ao persoaxe principal dun filme de debuxos animados titulado Afro Samurai, que aparecerá na Spike TV, unha canle por cabo nos EE.UU.
Brad Pitt sustituirá a Tom Cruise en Misión Imposíbel?
[23:21 21/09/2006] Corre o rumor pola Internet segundo o cal Brad Pitt está a se perfilar coma o más firme candidato a sustituir a Tom Cruise á frente da vindeira entrega da saga de Misión Imposíbel. De se confirmar, Pitt actor se convertiría no actor millor pagado da história.
Após da recente ruptura de Tom Cruise coa Paramount, os estudos responsábeis da popular franquía, a compañía prantéxa-se recurrir a Pitt para encarnar a ún dos axentes da Forza Misión Imposíbel. Os estudos estarían decididos a manter viva a série após os ingresos da sua terceira e até agora última entrega nos despachos de billetes. Case 315 millóns de euros recudou Misión Imposíbel III, frente aos 430 que fixo a sua predecesora.
"Misión Imposibel 4 non incluirá ao personaxe de Cruise, o axente Ethan Hunt. Está-se a considerar menciona-lo brevemente e dicir que se retira a vivir coa sua nova esposa", afirmou un voceiro dos estudos. "Están decididos a que Brad encarne a un novo e audaz líder de operacións que reclute ao seu propio equipo de especialistas", engadiu este suposto voceiro.
As mesmas fontes anóminas din que a Paramount está disposta ao que sexa para acadar a Pitt, ainda que elo supoña converte-lo no actor millor pagado da história, cun salário que podería rondar os 32 millónes de euros. Afirman tamén que con Cruise fóra da franquía, Pitt é a opción natural para protagonizar a série e a meirande estrela vencellada ao estudo.
Nolan fala de Batman
[23:49 05/10/2006] Christopher Nolan, o realizador que dirixirá a secuela de Batman The Dark Knight, confirmou nunha recente entrevista que o persoaxe do fiscal de distrito Harvey Dent, quen tamén é o malvado Duas Faces, aparecerá no filme. "Non quero entrar en moitos detalles, pero si, aparecerá", dixo Nolan após de que se proxectase o seu primeiro filme, Following, no Teatro Exípcio de Hollywood. Ainda non hai ninguén para o cásting, segundo engadiu.
No tocante á secuela, Nolan dixo que ainda non ten rematado o guión: "Supon-se que debería estar a facerlo arestora... É unha continuación directa dende onde rematou o último filme, e a derradeira escena de "Batman Begins" suxire de por si unha forte dirección de por onde queremos que vaia a história. É unha continuación das mesmas cuestións temáticas e esperamos que as leve a algún lugar novo". A escena final da anterior película mostra a Batman (Christian Bale) examininando unha carta coa imaxe do Joker.
Nolan tamén falou brevemente dos seus plans de adaptar o clásico inglés da TV O prisioneiro. "O prisioneiro é algo no que levo interesado dende hai moito tempo, e coido que teño que invntar o xeito de me achegar a el", dixo. "A releváncia disto hoxendía é grandísima. David e Janet Peoples son fantásticos, quen xa sabes escribiu Blade Runner e Doce Monos... toda clase de grandes películas. Están a traballar no guión agora mesmo. Non querería falar por eles. Estou moi emocionado por ver con que nos saen".
Jones e a Weta en 4F2
[23:48 28/09/2006] Confirmou-se que Doug Jones proporcionará as referéncias precisas de comportamento e movementos para Silver Surfer na vindeira secuela dos Catro Fantásticos e que a compañía novacelandesa Weta Digital será a encarregada de facer os efectos especiais para o filme da Fox.
Jones tomará parte nun proceso moi semellante ao que levara a Andy Serkis en O Señor dos Aneis a interpretar a Gollum. A voz para Silver Surfer ainda ten que se determinar.
Weta (os mesmos de King Kong) desenvolveu un programa capaz de xerar gráficos animados por computador que emprega técnicas de captura de movemento e engadirá dimensionalidade ao heroe de pel de metal líquida.
Nos cómics dos Catro Fantásticos, Silver Surfer é o heraldo dun ser cósmico coñecido coma Galactus, unha entidade que devora mundos. Coñecido pola súa pel prateada e pola súa táboa de surf, Silver Surfer viaxa pola galáxia na procura de mundos para que Galactus poida comer. Cando chega á Terra e decide que é un mundo axeitado para o seu amo, os Catro Fantásticos entran en acción.
Jones é moi coñecido por anteriores interpretacións xa agocho baixo peles falsas e máscaras grosas. É un actor habitual nos filmes de Guillermo del Toro, quen lle deu papeis no seu filme de 1997 Mimic e no de 2004 Hellboy. Jones tamén coprotagonizou o filme de del Toro O Labirinto de Pan (absurdamente coñecida en Galiza coma O labirinto do fauno, no dobre papel de Pan e do infame Home Pálido.
Jones tamén repetirá o seu papel de Abe Sapien na vindeira Hellboy II: O Exército Dourado, que comezará a súa produción en abril.
Wong dirixirá The Watch
[23:47 28/09/2006] O guionista e director de Final Destination, James Wong, reescribirá e dirixirá The Watch, un filme de terror sobrenatural ambientado na Segunda Guerra Mundial. Matt LeBlanc e John Goldstone producirán baixo a súa compañía Fort Hill Productions.
É a segunda oportunidade para este filme da New Line, que mercou o proxecto en 2001 como guión de John Claflin e Daniel Zelman, e coa produción da Middle Fork. Os estudos daquela decidiron aparcar este traballo, pero agora atópa-se de novo na liña de saída.
O argumento xira ao redor dunha equipa de soldados enviados a unha misión que podería rematar coa Segunda Guerra Mundial e a loitar contra unha forza sobrenatural.
Os Ignotus 2006
[23:47 28/09/2006] Após de non pouco esforzo por obtela, a listaxe completa e definitiva de candidatos aos Prémios Ignotus 2006 é a que vai deseguido:
- Millor Novela:
- Mundos y demonios, de Juan Miguel Aguilera
- Danza de tinieblas, de Eduardo Vaquerizo
- Perros bajo la piel, de Luis Ángel Cofiño
- Esperando la marea, de Joaquín Revuelta
- Sherlock Holmes y las huellas del poeta, de Rodolfo Martínez
- Millor novela curta:
- Requiescat in pace, de Eduardo Gallego e Guillem Sánchez
- La traición de Judas, de Joaquín Revuelta
- Esencia divina, de Joan Antoni Fernández
- La mirada del abismo, de Joan Antoni Fernández
- Conto:
- La cotorra de Humboldt, de Lorenzo Luengo
- Margabarismos, de Felix J. Palma
- Dragón podrido, de Juan Díaz Olmedo
- El hombre de la pala, de Alfredo Álamo
- Días de otoño, de Santiago Eximeno
- Antoloxía:
- Paura vol 2, de vários autores
- Postales desde La Habana, de vários autores
- Artifex 3ª época vol 1, de vários autores
- Artifex 3ª época vol 2, de vários autores
- Ven y enloquece, de Fredric Brown
- Libro de ensaio:
- Jabberwock 1, de vários autores
- Idios Kosmos, de Pablo Capanna
- Ed Wood: platillos volantes y jerseys, de David G. Panadero e Miguel Ángel Parra
- Tim Burton: Diario de un soñador, de David G. Panadero e Miguel Ángel Parra
- Paradojas II, de Miquel Barceló
- Artigo:
- Luz, más luz, de Santiago L. Moreno
- Ha ganado el cosmos, de Fernando Ángel Moreno
- Crónicas Marcianas, de Alfonso Merelo
- Los seriales de ciencia ficción, de Alfonso Merelo
- ¿Pueden jugar también las niñas?, de Thomas M. Disch
- Ilustración:
- Gigamesh 41, de Alejandro Terán
- CineBote - Autocine valerano, de Pedro García Bilbao
- Mundos y demonios, de Juan Miguel Aguilera
- Sherlock Holmes y las huellas del poeta, de Alejandro Terán
- Cismatrix, de Alejandro Terán
- Produción auduiovisual:
- Frágiles (Cine), de Jaume Balagueró
- Cálico Electrónico (Web), de Nikodemo Animation
- El crucero estelar (presentación de Hispacon), de Alfonso Seijas
- La caída Fingolfin (Estelcon), de Cormallen
- Cómic:
- La legión del espacio, de Alfredo Álamo
- Lidia y las canicas, de Txisko e Ferrán Clavero
- Obra poética:
- On / Off, de Gabriella Campbell
- Fantasma, de Alfredo Álamo
- Stillborn universe, de Marco Antonio Raya
- Revista:
- Asimov CF (Robel)
- Gigamesh (Gigamesh)
- Galaxia (Equipo Sirius)
- Solaris (La Factoría de Ideas)
- Vortice en línea (Ediciones Parnaso)
- Novela estranxeira:
- Jonathan Strange y el señor Norrel, de Susanna Clarke
- Nunca me abandones, de Kazuo Ishiguro
- La conjura contra América, de Philip Roth
- Tormenta de Espadas, de George R.R. Martin
- Conto estranxeiro:
- El sumidero de la memoria, de Mike Resnick
- No opinamos lo mismo, de Bruce Sterling
- He tocado el cielo, de Mike Resnick
- El hombre con forma de pera, de George R.R. Martin
- Duelo, de Richard Matheson
- Millor sítio Web:
- Sitio de ciencia-ficción, de Fco. José Suñer Iglesias (www.ciencia-ficcion.com)
- BEM On Line, de Interface Grupo Editorial (www.bemonline.com)
- Stardust, de Javier Romero (www.stardustcf.com)
- NGC 3660, de Pilar Barba (www.ccapitalia.net/ngc)
Caviezel protagonizará Outlander
[23:47 28/09/2006] Jim Caviezel ven de asinar o contrato polo que protagonizará Outlander, unha aventura de ciéncia-ficción que dirixirá Howard McCain para a Weinstein Co. Sophia Myles e Jack Huston están en negociacións para se unir ao reparto.
A história céntra-se nun home doutra galáxia que se estrela contra a Terra durante a época dos viquingos. Por accidente, trae consigo a un depredador álien que deberá destruir coa axuda dunha tribo viquinga. McCain escribiu o guión xunto a Dirk Blackman.
A compañía Ascendant Pictures de Chris Eberts, Kia Jam e Chris Roberts producirá este filme, xunto con Barry Osborne. Don Carmody, Andreas Grosch, Karen Loop e John Schimmel serán os produtores executivos.
Karl Urban ten moitas posibilidades de ser o director, pero ainda está por confirmar. O que si se sabe é que a rodaxe terá lugar en Nova Celanda.
Caviezel ten pendente de estrear o thriller Unknown (o vindeiro 7 de novembro), e ademáis interpreta xunto con Denzel Washington o filme de Tony Scott Deja Vu, que se estreará o 22 do mesmo mes.
Gañadores dos prémios británicos da fantasía
[23:47 28/09/2006] O pasado domingo 24 de setembro foron anunciados os gañadores dos British Fantasy Awards, durante a FantasyCon 30 que se celebrou en Nottinghan. A listaxe de galardonados é a seguinte:
- Novela (Prémio August Derleth): Neil Gaiman por Anansi Boys
- Novela curta: Stuart Young, por The mask behind the face
- Antoloxía: Allen Ashley por The Elastic book of numbers
- Colección: Joe Hill, por Twentieth Century Ghosts
- Relato: Joe Hill por Best New Horror
- Ilustrador: Les Edwards
- Editor afeccionado: Peter Crowther da PS Publishing
- Prémio especial Karl Edward Wagner a Stephen Jones
Robert Downey Jr. será Iron Man
[23:50 05/10/2006] O nominado ao Oscar de Hollywood Robert Downey Jr. fará o papel dun dos meirandes superheroes da Marvel, asinando como protagonista da logamente agardada versión de Iron Man para a Marvel Studios. Este proxecto, o primeiro filme que producirá independentemente a Marvel Entertainment, será estreado nas salas de cinema o 2 de maio de 2008, dirixido por Jon Favreau e distribuido pola Paramount Pictures.
Downey é ún dos actores máis versátiles de Hollywood e o mesmo có seu novo persoaxe tamén é un grande afeccionado ao alcool e ás drogas. Nominado ao Oscar polo seu papel de Charlie Chaplin no filme Chaplin, Downey interveu en máis de 50 películas e entre os seus vindeiros papeis están Fur xunto a Nicole Kidman, A Guide to Recognizing Your Saints, e o dirixido por David Fincher Zodiac. Entre os filmes nos que ten intervido están A Scanner Darkly, The Shaggy Dog, Good Night and Good Luck, Kiss Kiss Bang Bang, Gothika, The Singing Detective e Wonder Boys.
Baseado no famoso superheroe da Marvel, Iron Man narrará a história de Tony Stark, un industrial millonário e inventor xenial que é secuestrado e obrigado a construir un arma devastadora. Pero axudado pola súa intelixéncia e inxénio, Tony inventa unha armadura de alta tecnoloxía e fuxe do seu cativério. Cando regresa a América, Tony deberá enfrontar-se ao seu pasado. Cando descubre un malvado plan con implicacións mundiais, pon-se a súa armadura e xura protexer o mundo baixo o alcume de Iron Man.
"Robert Downey Jr. é ún dos actores con máis talento e máis aclamados desta xeración. A súa versatilidade distíngueo e faino ideal pra interpretar un papel tan complexo coma Iron Man. Non podiamos pensar noutro actor máis axeitado para traer unha das xoias da coroa da Marvel á pantalla grande e para ser a peza central da nosa primeira película producida independentemente" dixo Kevin Feige, Presidente de Produció da Marvel Studios.
A Marvel Studios está a se encargar de procurar a todos os membros do reparto. A filmazón podería escomezar en Los Angeles en febreiro de 2007.
Iron Man será producida por Feige e Avi Arad. Os produtores executivos serán Michael Helfant, Ari Arad, Favreau, Louis D'Esposito e Peter Billingsley.
Superman contra os piratas chineses
[23:50 05/10/2006] Para combater a piratería de DVDs na China, a CAV Warner Home Entertainment ven de anunciar que distribuirá a versión neste formato de Superman Returns na República Popular Chinesa dous meses antes cá no resto do mundo. Nos Estados Unidos, por exemplo, haberán de agardar até o 28 de novembro.
Os discos chineses levarán un prezo de entre 1,80 e 2,80 dólares, comparabeis aos prezos dos piratas, perocunha tecnoloxía de encriptado que fai moi difícil crear unha cópia de boa calidade. O DVD estará dispoñíbel en moitas tendas, algunhas das cales xa distribuiron filmes de Hollywood pirateados anteriormente.
Os DVDs piratas das millores películas americanas adoitan estar á venda na China frecuentemente nun prazo de só unhas horas despóis de que aparezan oficialmente no mercado legal occidental.
A CAV Warner Home Entertainment, unha empresa na que están asociados a Warner Home Video e a China Audio Video, dixo que xa está dispoñíbel a versión en chinés mandarín de Superman.
Xogos de Guerra 2
[23:49 05/10/2006] O director de TV Stuart Gillard (Embruxadas) foi contratado para realizar a secuela do clásico da ciéncia-ficción de 1983 protagonizado por Matthew Broderick Xogos de Guerra.
Randall M. Badat é o autor do guión desta segunda parte, Xogos de Guerra 2: The Dead Game, que está destiñado a comezar a rodaxe da fotografía principal a meiados de novembro en localidades polos arredores de Montrèal.
O argumento vai sobre un hacker cuxo mundo se volve do revés após de que xoga cun simulador de ataques terroristas contra un supercomputador do governo deseñado para atopar a potenciais terroristas. Pero o Departamento de Seguridade Interna ficará convencido de que é un ataque real e de que el é un terrorista tentando destruir a sociedade.
John M. Ford morreu
[23:49 05/10/2006] O gañador do prémio Mundial da Fantasía John M. Ford foi atopado morto por mor de causas naturais na súa casa en Minneapolis a primeiras horas do pasado 25 de setembro, aos 49 anos de idade. Ford era diabético e insulina-dependente dende os 11 anos e sofríu problemas de saúde toda a súa vida. En 2000 recebiu un transplante de ril.
Ford era coñecido sobre todo polo seu libro de fantasía histórica de 1983 The Dragon Waiting, que gañou o prémio Mundial da Fantasía, pero tamén escribiu moitos outros libros, entre eles dúas novelas da saga de Star Trek, The Final Reflection e How Much for Just the Planet?; a novela de ciéncia-ficción Growing Up Weightless, coa que obtivo o prémio Philip K. Dick; a fantasía urbá The Last Hot Time; e a colección de contos Heat of Fusion and Other Stories.
A finais dos 70 e primeiros 70 escribiu unha manchea de contos, moitos dos cales apareceron na revista Asimov's Science Fiction. Foi coautor, xunto con George H. Scithers e Darrell Schweitzer, de On Writing Science Fiction: The Editors Strike Back.
A meiados dos 80 e ao longo do resto da súa carreira, Ford escribiu ou contribuiu a moitos libros de rol e suplementos de xogos de rol, especialmente para a compañía Steve Jackson Games.
Nova cruzada contra Harry Potter
[23:50 05/10/2006] Un condado das afóras de Atlanta, Georgia, que xa espertou unha grande controvérsia hai tempo cando eliminou as subvencións para os libros de ficción en español, está agora a pedir que se prohiban os libros de Harry Potter das súas escolas.
Laura Mallory, nai de catro fillos, dixo perante a xunta de Educación do condado de Gwinnett que os populares libros de fantasía son un "malvado intento" de adoutriñar aos nenos na relixión Wicca, que é a que pratican supostamente os bruxos.
Pero a avogada da xunta de Educación, Victoria Sweeny, replicou perante a Prensa que se as escolas tiveran que eliminar todas as referéncias á bruxería, deberían escomezar por Macbeth e A Cincenta.
En xuño, a comisión de bibliotecas do mesmo condado xa eliminara os 3.000 dólares que pagaba como subvención para que as bibliotecas da zona mercasen libros de ficción en español para o ano seguinte. Un membro da comisión dixo que tomaran esa decisión porque un membro do comité explicou que non quería pagar dólares dos seus impostos para os lectores que poderían ser inmigrantes ilegais. Días despóis, o comité tivo que anular a súa decisión entre acusación de que eran uns anti-hispanos.
Paisaxe Máxica
[21:51 12/10/2006] Con motivo da exposición "Deseño escandinavo. Alén do mito", a Fundación Pedro Barrié de la Maza ven de incorporar a obra "Paisaxe de fantasía" na súa sede de Vigo na rúa Policarpo Sanz, 31, en horário de 10:00 a 13:00 e de 17:30 a 20:30. A entrada é coma sempre gratuita.
Esta peza do coñecido deseñador danés Verner Panton converteu-se en todo un símbolo dos anos sesenta e nunha exploración emocional da iluminación.
A peza, instalada na Caixa Máxica da fundación, poderá ser visitada por todo o público e especialmente disfroitada nos talleres didácticos que se ofrecen como actividade complementária á exposición.
Panton é coñecido internacionalmente pola Cadeira Panton, a primeira cadeira en voladizo monobloque, moldeada en plástico, e que logrou crear ún dos deseños máis célebres do pasado século XX, que tamén se poderá ver na exposición.
Arranca a edição de 2006 do Fórum Fantástico
[21:51 12/10/2006] Anúnciam os nossos amigos da Épica que o blogue do Fórum Fantástico 2006, a decorrer de 16 a 19 de Novembro, irá reunir nas próximas semanas todas as novidadades e informações relativas ao evento.
Este ano ocorreu uma mudança de local. À semelhança do ano passado, nos dias 16 e 17 o evento realiza-se na Biblioteca Municipal Orlando Ribeiro, em Telheiras. Sábado, dia 18, as conferências realizam-se o dia todo no auditório do IPJ, na zona norte do Parque das Nações. O programa de dia 19 ainda se encontra por definir.
Cháma-se a atenção para o Call for Abstracts, já anunciado no blogue, em que se revelam as temáticas que irão orientar as conferências deste ano. Podem esperar nas próximas semanas informações sobre os autores convidados, os livros que irão ser lançados, os temas que irão ser discutidos. Muito brevemente, será também revelado o cartaz.
Todos são bem vindos a colaborar e a fazer contribuições para uma convenção que seja do agrado de todos e, por isso, não hesitem em expor as vossas questões, sugestões ou recomendações. Podem contactar-nos através de epicapt@gmail.com ou forumfantastico@gmail.com.
A poxa de Star Trek acada 7 millóns de dólares
[21:49 12/10/2006] Os fans de Star Trek de todo o mundo gastaron máis de 7 millóns de dólares en recordos e obxectos diversos da saga de películas e séries de televisión que se puxeron a subhasta durante tres días en New York co gallo do seu 40 aniversário. A venda de artigos de ciéncia-ficción rematou o pasado sábado con máis de 1.000 lotes, incluindo traxes, modelos e obxectos procedentes dos decorados que pasaron polo martelo da casa Christie's.
A meirande de artigos sobrepasaron os seus prezos iniciais. O obxecto que acadou un prezo máis alto foi un modelo da nave espacial Enterprise, que chegou aos 576.000 dólares, ainda que só tiña un prezo de saida de 25.000. Un modelo doutra Enterprise, neste caso da clase E, vendeu-se por 132.000 dólares, e un cubo dos Borg procedente do filme Star Trek: Primeiro Contacto chegou aos 96.000 dólares. Os dous partiran cun prezo inicial de 8.000 e 1.000 dólares respectivamente. A cadeira do capitán Jean-Luc Picard vendeu-se en máis de 62.000 dólares, mentres que o lote final da poxa, un modelo da Enterprise-A, chegou aos 284.000 dólares. John Wentworth, vicepresidente executivo de comunicación da CBS Paramount Television, dixo: "Estabamos emocionados por poder darlle aos fans anacos tanxibeis e desexábeis da nosa benquerida Star Trek, e agora xa posúen a súa própia história trekkie e fixeron desta poxa un grande éxito".
Howard chega a Iron Man
[21:49 12/10/2006] Terrence Howard foi contratado para unir-se a Robert Downey Jr. en Iron Man, o filme de superheroes que dirixirá Jon Favreau. A Paramount Pictures ten prevista a história para o 2 de maio de 2008.
Howard interpretará a Jim "Rhodey" Rhodes, a íntima amiga da identidade secreta de Iron Man, Tony Stark, interepretado por Downey. Rhodes, unha militar de aviación de alto rango, dirixe a equipa que desenvolverá a armadura robótica que permite ao malpocado Stark voar e loitar contra os malos.
Na série dos cómics da Marvel na que está baseada o filme, o persoaxe de Rhodes chega a acadar unha armadura de seu e convérte-se nun perosaxe inimigo do protagonista, chamada Máquina de Guerra. Seica esa evolución se gardará para a secuela do filme, porque nesta parte Iron Man loitará contra o maléfico Mandarin. A rodaxe comezará en febreiro en Los Angeles.
Máis sobre O Hobbit
[21:49 12/10/2006] Algúns sítios Web na Internet anunciaron que a MGM ven de confirmar que xa comezaron as conversas con Peter Jackson, director de O Señor dos Aneis, para que se encargue asemade dun filme baseado no libro de J.R.R. Tolkien O Hobbit. A MGM fixo os comentários nunha carta enviada o pasado 22 de setembro pola New Line en resposta á petición dun fan, que levaba máis de 39.000 sinaturas solicitando que os estudos fixesen unha versión do famoso libro dirixida por Jackson.
A carta dicía, entre outras cosas: "Gostaríanos ofrecerte a declaración oficial de Rick Sands, [oficial operativo xefe] da Metro-Goldwyn-Mayer Studios Inc. ... o fenomenal éxito de Peter Jackson coa triloxía de "O Señor dos Aneis" faino a primeira e ideial escolla para dirixir "O Hobbit". ... A MGM estará encantada de colaborar co director gañador do Oscar da Académia nesta nova produción da MGM New Line Cinema. E estou seguro de que para delícia dos 50.000 espectadores que nos pediron nestas semanas que realizásemos este filme, xa mantivemos unhas pequenas conversas iniciais sobre o proxecto cos representantes do Sr. Jackson".
Pola súa banda, a New Line, os estudos que produciron os filmes dos Aneis, non responderon ainda á petición dos fans.
Rol en Compostela nesta ponte
[21:48 12/10/2006] Segundo informan en Vieiros, o rol chegará a Compostela grazas á Asociación Cultural Casco Vello Libredón. Durante as xornadas do venres e do sábado, os que o desexen poderán participar nos I Encontros de Rol e de Xogos de Estratexia Ludus Stellae. De todos os estilos e temáticas, os organziadores pensaron tamén nos máis pequenos ao lles prepararen partidas para eles, ademais de achegar este tipo de xogos aos non iniciados a través de diversos obradoiros.
Os devanditos encontros están organizados coa colaboración coa Concellaría de Cultura e A Chocolataría e desenvolveranse os días 13 e 14 de outubro. O antigo recinto fabril da rúa das Orfas servirá de escenário a estas xornadas, que se inaugurarán o venres 13 ás 12:30 na sala principal coa presentación dunha exposición de carteis e miniaturas e cunha conferencia arredor do vencello entre o rol e a literatura.
Segundo explica a presidenta da asociación, Conchi Méndez, os Ludus Stellae teñen tres eixos temáticos fundamentais coincidentes coas principais liñas dos xogos de rol e de estratexia. Falariamos do terror gótico - baseado nos relatos de H.P. Lovecraft e do mundo das tebras-, da ciencia ficción -baseada en Star Wars ou Blade Runner - e queles encadrados na temática medieval-fantástica -coa obra de Tolkien como inspiración fundamental-. Arredor destes alicerces desenvolveranse as partidas abertas ao público cunha sección especial de 'rol para nenos' - que terá lugar o sábado pola mañá- e a sección de 'rol express', na que os visitantes deste espazo de arte e creación contemporánea poderán xogar partidas breves e coñecer a dinámica deste tipo de xogos.
Estes serán dous días nos que A Chocolataría cambiará os seus visitantes habituais por bandoleiros de 'Alatriste, vampiros do século XV de Vampiro. A Mascarada, elfos do Bosque Negro de O Señor dos Aneis, investigadores privados de A chamada de Cthulhu ou cabaleiros Jedi da mítica saga de Star Wars; sen esquecer as miniaturas de Warhammer 40K ou de O Señor dos Aneis.
A Asociación Cultural Casco Vello-Libredón naceu en Compostela en xuño do presente ano, e ten como obxectivos fundamentais a promoción de actividades culturais e de lecer vencelladas aos xogos de rol e de estratéxia, aínda que tamén aos relacionados coa literatura histórica, fantástica e de ciéncia-ficción. Procuran do mesmo xeito estar pendentes e reflectir nas súas actividades as recreacións históricas sen esquecer a promoción da língua en todas as súas actividades.
Peter Pan chega a fin de semana a Vigo
[23:50 05/10/2006] O teatro-sala de concertos do Centro Cultural Caixanova en Vigo acollerá esta fin de semana unha nova representación do musical Peter Pan, galardoado co premio Max das artes escénicas como mellor obra de teatro musical no ano 1998. Tras máis de 500 representacións, os seus escenários móbiles, que sitúan o espectador en lugares tan dispares coma Londres ou a selva do País de Nuncaxamáis, dotan ao espectáculo dun grande dinamismo que axuda ao público a viaxar no tempo e o espazo dunha forma absolutamente sutil e críbel. Así mesmo, a utilización de efectos especiais consegue un impresionante impacto visual.
Beowulf en 3D
[22:38 26/10/2006] A vindeira película de Robert Zemeckis, o filme de animación por computador Beowulf, baseada no poema épico anglosaxón do século XII, proxectará-se en 3D en máis de 1.000 salas de cinema nos Estados Unidos cando sexa estreada en novembro do ano que ven.
O filme, que fai uso de tecnoloxías de captura de imaxes en 3D, será distribuido pola Paramount e a Warner Brothers e utilizará os mesmos sistemas de animación que xa puidemos ver en filmes recentes coma Monster House, Chicken Little e a película de Tim Burton Pesadelo antes de Nadal.
O filme de Zemeckis Polar Express, rodado cunha tecnoloxía en 3d moi semellante, foi un grande éxito nos cinemas IMAX en 2004, pero non tivo tanto éxito nas salas normais de cinema.
T4 non contará con Arnold
[22:38 26/10/2006] A MGM fará unha cuarta entrega de Terminator, pero sen o protagonista orixinal e actual governador de Califórnia Arnold Schwarzenegger, segundo confirmou o xefe dos estudos Rick Sands perante os donos de salas de cinema na convención anual que celebraron en Orlando, Florida.
"Vai-se titular Terminator e algo, non catro", dixo Sands aos presentes. E polo que respeita ao novo protagonista do filme, engadiu: "É coma a franquícia de Batman ou Superman, que valen por si mesmas mália teren diferentes actores nos papeis protagonistas".
Sands tamén está en negociacións coa New Line Cinema para mercar os dereitos para producir dúas precuelas á saga do Señor dos Aneis, baseadas na novela de J.R.R. Tolkien O Hobbit.
Requiem, millor filme no Festival de Sitges
[23:31 19/10/2006] O filme Requiem, de Hans-Christian Schmid, gañou o prémio á millor película da Sección Oficial Fantástico do Festival de Cinema de Sitges. O filme, mália que vai sobre unha estudante atormentada pola sua familia, a relixión e os ataques de epilépsia, que xustificarán un exorcismo, é difícilmente encadrábel no xénero fantástico, o que supuxo un escándalo para moitos afeccionados. O filme está gravado coma se fose un documental, destacando o seu ton realista.
O xurado, formado por Monte Hellman, Leticia Dolera, Carlos Losilla, Pilar Pedraza e Tom Schiller, concedeu tamén a Requiem o prémio á millor actriz na figura de Sandra Hüller. Ademáis tamén levou o Prémio da Crítica.
A outra grande trunfadora da sección oficial do festival foi a tamén alemá Grimm love story (Rothenburg), que revive o caso do caníbal de Rotemburg e que foi prohibida en Alemaña. O filme obtivo o galardón ao millor director (Martin Weisz), millor actor (ex aequo para Thomas Krestchmann e Thomas Huber) e millor fotografía (Jonathan Sela).
No resto do palmarés, o xurado repartiu os prémios entre as películas Homecoming, de Joe Dante, que levou o de millor guión e mais un prémio especial do xurado; Time, de Kim Ki-Duk, á maquillaxe; The host, de Bong Joon-Ho, polos efectos especiais; Tzameti (13), á millor banda sonora, e The bothersome man, de Are Sjaastad, polo deseño de produción.
O xurado oficial concedeu o seu prémio á millor curtametraxe "ex aequo" para A for(r)est in thr des(s)ert, de Luiso Berdejo, e Handyman, de Simon Rumley. Ademáis de a Requiem, o xurado concedeu un Prémio da Crítica a Rian Johnson pola dirección de Brick. Pola sua banda, o xurado novo do certame premioo a Exiled, de Johnnie To, da Sección Oficial Fantàstic, e a What is it?, de Crispin Glover, da Sección Midnight Express.
Bilson salta a Jumper
[23:31 19/10/2006] Rachel Bilson (da série de TV O.C.) será a coprotagonista feminina xunto a Hayden Christensen na aventura de ciéncia-ficción da Regency Enterprises e a 20th Century Fox Jumper, que será dirixida por Doug Liman.
Bilson recolle así o papel que deixou Teresa Palmer (The Grudge 2), quen tivo que abandoar porque o papel é para unha rapaza de 25 anos e non de 20.
Este é o segundo troco de papeis que acontece neste filme, porque en agosto, Christensen xa sustituira a Tom Sturridge. Samuel L. Jackson e Jamie Bell continúan no reparto desta película que xa se está a rodar en Toronto.
Planeada coma unha triloxía, Jumper é o seguinte proxecto da equipa creativa da Regency que xa produciu Mr. & Mrs. Smith: Liman e mais os produtores Lucas Foster e Simon Kinberg.
Baseada na novela homónima de 1992 de Steven Gould, Jumper vai sobre un rapaz que procede dun fogar inestábel e que descobre que ten o poder de se teletransportar. Na procura do home que el coida que é o responsábel do asasinato da súa nai, esperta a atención da Axéncia Nacional de Seguranza (NSA) e doutro home que posúe os mesmos poderes. David Goyer (Batman Begins) adaptou a novela á pantalla grande, e o guión foi reescrito por Jim Uhls e Kinberg.
Berg nun filme de Will Smith
[23:31 19/10/2006] A Columbia Pictures ven de contratar a Peter Berg para que dirixa Tonight, He Comes, o longamente agardado filme que protagonizará Will Smith no papel dun superheroe cunha crise existencial.
O filme comezará a se rodar en maio coa ollada posta nunha estrea en 2008. Akiva Goldsman, Michael Mann, James Lassiter e o mesmo Smith producirán esta película.
Berg é o terceiro director asociado a este proxecto, pero desta volta os produtores coidan que este é o definitivo e que será quen de rematar o proxecto após de que Jonathan Mostow e Gabriele Muccino renunciaran previamente alegando diferéncias creativas.
O filme leva nos caixóns uns dez anos, dende que Vincent Ngo fixera o primeiro esbozo de guión, e até que Vince Gilligan (de Expediente X) o refixera por completo. O cuarteto de produtores supervisaron moitas veces o traballo de Gilligan, para que acentuara a história de amor do superheroe cunha muller casada. Este papel feminino está ainda por decidir, pero Charlize Theron é a favorita para se levar o posto.
Un novo Hellboy á TV
[23:31 19/10/2006] Hellboy: Sword of Storms, unha nova longametraxe baseada na série de novelas gráficas de Mike Mignola, continuará a saga de cómics e filmes cando debute axiña na televisión, o vindeiro 28 de aoutubro nos Estados Unidos.
Neste novo filme de debuxos animados, un profesor universitário abre un manuscrito prohibido e é posuído polos demos xemelgos do trono e o relostro, que están procurando regresar ao mundo para así acordar aos seus irmáns, os dragóns. Hellboy, xunto cun experto en folklore e un médium, viaxará a Xapón para investigar e atopa a espada dos trebóns, a única arma que pode derrotar aos demos.
Ademáis de Ron Perlman, que dobrará na versión orixinal ao protagonista, haberá outros actores dos que deron vida aos persoaxes do filme que dirixiu en 2004 Guillermo del Toro. Mike Mignola coescribiu o guión desta película, que dirixiron Phil Weinstein e Tad Stones.
Eddie Murphy en Starship Dave
[23:30 19/10/2006] O director Brian Robbins e Eddie Murphy volverán a se axuntar na comédia de ciéncia-ficción Starship Dave, o vindeiro proxecto de Murphy que xa está en preprodución na 20th Century Fox. Deep River Productions producirá xunto con Guy Walks Into a Bar. A rodaxe comezará en marzo.
Robbins dirixiu recentemente a Murphy na comédia da DreamWorks Norbit, que se estreará en febreiro. Baseado na súa relación en Norbit, Murphy deu a Robbins o guión para o novo filme, que ía dirixir Pete Segal, pero por mor dun conflito de axendas (axiña há facer O Superaxente 86 para a Warner Brothers).
Starship Dave é a história dunha tripulación de seres humáns alieníxenas en miniatura que están á procura dun xeito de salvar o seu mundo condeado. Murphy será a "nave" na que viaxan, un ser humán de tamaño normal, e ademáis o capitán dos áliens.
A néboa de King
[23:30 19/10/2006] A Dimension Films convertirá a novela curta de Stephen King The Mist (A Brétema) nun filme de terror, que Frank Darabont dirixirá a partir dun guión de seu. Thomas Jane está en conversas para formar parte do reparto.
Darabont, cuxos meirandes éxitos foron sempre adaptacións de novelas de King, coma A Milla Verde e Cadea Perpétua, leva moito tempo querendo facer The Mist. King cedeu-lle os dereitos hai vários anos, cando Darabont asinara por primeira vez coa Paramount.
Agárda-se que a rodaxe poida comezar en primavera, coa produción nas mans de Darabont e a compañía Castle Rock de Martin Shafer e Liz Glotzer.
Publicado en 1985 como parte dunha colección de contos de Stephen King titulada Skeleton Crew (en España publicou-se en dous tomos, para lle quitar máis cartos aos lectores), A Brétema ten lugar nunha pequena vila onde unha espesa brétema vai engulindo a zona, matando a todos os que atrapa dentro dela. Os aterrorizados supervivintes se refúxian nun supermercado, mentres un enxambre de voraces criaturas tenta entrar.
As guerras Clon
[21:51 12/10/2006] A batalla non rematou para o creador da Guerra das Galáxias. George Lucas ven de anunciar a estrea para o ano vindeiro dunha série de animación para a televisión de As guerras clon. A série, cuxos detalles están a se rematar, verá á República en plea guerra civil contra os separatistas liderados polo malvado Conde Dooku.
A etapa das guerras clon, un período que só é mencionado de pasada na trilogía orixinal, pareceu-lle a Lucas un bó punto de partida para se lanzar á televisión: "é un bó lugar ao que ir", sinalou o director ao respeito da elección do tema para a sua nova série.
"Básicamente estarán todos os personaxes principais", confirmou Lucas. Entre eles, Anakin Skywalker e Obi-Wan Kenobi, que nombergantes non serán dobrados polos seus alter ego de carne e óso. "Non hai ninguén famoso", precisou o cineasta a propósito do reparto vocal da série de debuxos animados.
A série será unha continuación da anterior Clone Wars, que se emitiu en 25 episódios na canle Cartoon Network entre 2003 e 2005 (e está a se repetir arestora en Galiza). A diferéncia da série original, de animación limitada, a nova versión de Clone Wars será animada enteiramente en 3D.
A anterior Clone Wars, gañadora de tres Emmys, foi dirixida por Genndy Tartakovsky, creador de séries coma As Supernenas ou O laboratório de Dexter.
A nova série de Star Wars é ún dos moitos proxectos na axenda de Lucas, que actualmente prepara tamén xunto a Steven Spielberg a cuarta entrega de Indiana Jones: "Estamos traballando nelo. Ainda non nos puxemos de acordo en canto ao guión", asegura Lucas a propósito do novo filme do arqueólogo máis famoso da história do cinema.
O cineasta tamén foi notícia recente pola doazón que hai pouco realizou á universidade na que estudou, a Universiade de Sul de Califórnia, coa intención de revitalizar o estudio do cinema.
"No mundo académico, o cinema non figura demasiado alto no escalafón. (O cinema) está moi abaixo, coma un subgrupo dentro das artes", dixo Lucas após de anunciar a cantidade, máis de 137 millóns e médio de euros, que destiñará á Universidade.
"Quería enviar un sinal a todas as universidades que contan con escolas de cinema", engadiu o cineasta. "(As escolas de cinema) deben ser coma as escolas de dereito, de xornalismo ou de arquitectura. É unha parte importante da nosa sociedade e debe tomar-se en sério. Con sorte isto chamará a sua atención", rematou Lucas.
O xogo de Gerald se deixa xogar
[23:52 02/11/2006] O director Craig R. Baxley, que xa dirixiu várias adaptación de libros de Stephen King nos últimos anos, dixo nunha recente entrevista que está disposto para facer unha versión da novela de King de 1992 O xogo de Gerald, adaptada polo mesmo King. O xogo de Gerald é un thriller que vai sobre unha muller, Jessie Burlingame, que remata esposada á cama nunha cabana perdida no bosque, e co seu home Gerald morto por mor dun ataque ao corazón enriba dela mentres practicaban xogos sexuais.
Baxley dirixiu previamente telefilmes e miniséries baseadas nas obras do mestre do terror, tales coma Kingdom Hospital, The Diary of Ellen Rimbauer, Rose Red ou O trebón do século. Sobre este libro, dixo: "Obviamente, escribiu-se hai 15 ou 16 anos, e [King] fixo unha obra contemporánea. O que eu quero salientar sobre Stephen é o aspecto psicolóxico dos seus thrillers. Non me interesa cando os gatos estoupan e o sangue voa e todo iso. Coido que iso é o que intriga a Frank Darabont tamén. Lin que el vai facer "A Brétema" para Stephen, unha versión actualziada. Pero Stephen é un escritor marabilloso cando chega ao persoaxe. Estou-lle moi agradecido, obviamente, e temos unha moi boa relación de traballo. Xa veremos o que pasa".
Sobre a adaptación de King, Baxley dixo: "Fixo unha estupenda adaptación, e ten a Nicole Kidman, que estaba interesada o ano pasado. É unha novaconvención do Xogo de Gerald, poñámolo así".
O novo proxecto de Baxley é a série de ciéncia-ficción para o SCI FI Channel The Lost Room, con Peter Krause, Julianna Margulies e Elle Fanning.
James Cameron en 3D
[23:52 02/11/2006] James Cameron producirá un thriller de aventuras en 3D ainda sen nome para a Rogue Pictures, segundo anunciaron o pasado día 30 fontes da devandita compañía.
A história ten lugar no mundo da espeleoloxía e vai sobre un pai e mais seu fillo que se ven atrapados e loitan por sobreviver nalgures moi por baixo da superfície da terra.
A Rogue ten os dereitos mundiais para a distribución deste filme, que producirá xunto coa compañía de Cameron, a Earthship Productions. Esta empresa foi fundada por Cameron para avanzar coas súas grandes expedicións submariñas e o seu traballo documental ao longo da última década.
O nominado ao Emmy Gary Johnstone (Expedition: Bismarck) dirixirá a partir dun guión de John Garvin. Andrew Wight, produtor e líder das expedicións da Earthship, producirá o filme xunto co mesmo James Cameron.
Rogue e Cameron escomezarán a producra do reparto de actores para este filme, que se rodará en covas reais de México e Papua Nova Guinea. A película será rodada co sistema 3D Fusion, desenvolvido por Cameron e Vince Pace.
Schwentke viaxa no tempo
[23:52 02/11/2006] Robert Schwentke está en conversas finais para dirixir unha versión para a pantalla grande da novela supervendas de ciéncia-ficción The Time Traveler's Wife para a New Line Cinema.
O libro, de Audrey Niffenegger, vai sobre unha parella na que o home ten un desorde xenético coñecido coma "crono-deterioro", unha condición que lle produce viaxar no tempo de xeito involuntário. Jeremy Leven escribiu a adaptación.
O filme, producido por Brad Pitt, Dede Gardner e Nick Wechsler, ven atraindo a moitos cineastas dende hai tempo. Steven Spielberg e David Fincher chegaron a estar interesados, e Gus Van Sant estivo en negociacións para dirixila o ano pasado. Ainda non hai ningunha estrela asociada a este proxecto, que xa se prevé dos de grande orzamento.
Schwentke, un director de orixe alemá, fixo o seu debut en Hollywood o ano pasado co filme de Jodie Foster Flightplan.
Castlevania, do videoxogo ao cinema
[23:52 02/11/2006] O selo da Universal Pictures adicado ao fantástico, Rogue, ven de contratar a Paul W.S. Anderson para o seu proxecto de Drácula Castlevania, unha adaptación cun orzamento de 50 millóns de dólares do videoxogo do mesmo nome, producido e cofinanciado pola Crystal Sky Entertainment. A Rogue distribuirá o filme en América e no Reino Unido, España e mais os países de fala alemá. Crystal Sky manexará os dereitos para o resto do mundo.
O guión de Anderson abarca moitos periodos, pero principalmente ten lugar na Transilvánia do século XV. Representa unha ollada fresca na tantas veces versioneada novela e lenda de Drácula, regresando á súa xénese coma o príncipe romeno Vlad o Empalador.
Castlevania é unha franquía dos videoxogos que leva moitos anos e foi creada pola compañía xaponesa Konami. Céntra-se no duelo a través dos séculos entre Drácula e a família de cazavampiros Belmont, dentro e fóra do xigantesco castelo labiríntico do conde Drácula.
Anderson e o seu sócio na produción Jeremy Bolt están á procura de localizacións en Hungría e Roménia, coa vista posta na vindeira primavera para escomezar a rodaxe. Os interiores do castelo serán construidos en Budapest.
Samaín en Navia (Vigo)
[22:26 28/10/2006] Seguindo a tradición de crenza nos mortos e do xogo infantil que consiste en converter cabazos en caveiras que se colocaban nos caminos máis escuros da aldea, coa intención de asustar as vellas que volvían do rosário ou aos vellos que viñan de beber na taberna, en 2005 os veciños de Návia decidiron recoller a proposta de recuperación lanzada desde Cedeira e sumar-se á celebración do Samaín galego.
Hoxe, que xa sabemos que este xogo ten raíces profundas na nosa prehistória celta, a asociación de veciños deste popular barrio vigués anúncia o seu programa de actos e festexos, que terán lugar na tarde-noite do 31 de outubro a partir das 17:30 cun Obradoiro de caveiras, ao que se poderán achegar todos os rapaces/as que queiran para aprenderen a facer una caveira dun cabazo. Tamén poden vir os adultos/as que saiban ou queiran facer as caveiras para lles aprederen aos máis cativos.
E a partir das 19:30 do serán apagará-se a iluminación pública e acenderán-se as caveiras colocadas por toda a Devesa. A partir de entón comezará a foliada, cun magosto, contos de medo, teatro, poción máxica de Amerghín, música de gaitas, zanfonas e pandereiteiras e por suposto, unha queimada.
Volve ArtFutura a Vigo
[22:38 26/10/2006] ArtFutura, o festival de referencia en creación dixital e novos medios, chega neste mes de outubro de 2006 á súa decimoséptima edición. O MARCO de Vigo ofrece o programa audiovisual completo, que se presenta simultaneamente noutras oito cidades de España.
Baixo o título Estética de Dados/Data Aesthetics, o festival achégase este ano a terreos coma a visualización de dados, a média-arquitectura, que pretende integrar os fluxos de datos nos espazos urbáns, e a introdución nos espazos escénicos das dinámicas da representación da información. Nun momento no que – após o auxe das tecnoloxías sociais, dos blogs e de novos paradigmas como o da Web 2.0 – os usuarios da Rede cada vez xeran e canalizan de distintas formas maiores volumes de información; artistas, deseñadores e tecnólogos estan-se a interesar por deseñar novas maneiras de representar e visualizar o movemento constante de dados que nos rodea.
Como novidade, este ano amplía-se o número de sesións para ofrecer dúas pola tarde –ás 17.00 e 19.00– todos os días das proxeccións, e unha sesión matutina –ás 12.00– os sábados e domingos. Así mesmo, o prezo acomódase a tarifa xenérica de 1 euro por sesión (tamén canxeabel pola entrada do MARCO dese día).
Ademais da exhibición do programa audiovisual de ArtFutura 2006 no salón de actos, na Biblioteca-Mediateca do MARCO están dispoñibeis todos os programas de ArtFutura e Resfest das edicións 2003, 2004 e 2005, en formato DVD. Tanto o acceso á Biblioteca-Mediateca coma a consulta de materiais audiovisuais son libres e gratuítos.
ArtFutura Show 2006 I
Todo un clásico do festival dende os seus inicios, ArtFutura Show é unha selección imprescindibel que recompila as mellores producións internacionais de animación por ordenador e efectos visuais. Dende as pezas máis espectaculares producidas polas grandes compañías de Hollywood, até as pequenas marabillas creadas por artistas independentes repartidos por todo o mundo. Nesta edición, por primeira vez, o programa dobra a súa duración habitual. Inclúe traballos coma Hitchhiker’s Guide to the Galaxy, Doll Face ou Do Robots Dream of Bunnies?.
Renaissance
Algúns críticos teñen definido Renaissance coma "o que tería pasado se Frank Miller e H.R.Giger se uniran para facer un remake de Blade Runner". E é certo que a cinta recupera moitos dos motivos recurrentes do cyberpunk: unha escura e degradada visión da cidade do futuro –neste caso o París do ano 2054–, perversas multinacionais da biotecnoloxía, científicos con problemas, e unha caracterización e ton narrativo herdados do modelo do cinema negro. Pero o seu realizador, Christian Volckman, non se limitou a reciclar os lugares comúns do xénero. O seu obxectivo foi facturar un auténtico "film noir" dixital. O programa presenta un documental da realización desta produción europea, como un dos proxectos especialmente salientabeis dentro de ArtFutura 2006.
ArtFutura Show 2006 - II
Segunda parte da selección internacional de animación 3D, con traballos que salientan pola súa longa duración e ambiente atmosférico. Unha perfecta demostración de que a animación por ordenador ten aínda amplos campos por descubrir, e que é unha parte elemental da creatividade dos nosos días. Inclúe, entre outros, Monster Farm 5 Circus Caravan, Rama ou Fall of Antioch.
A Scanner Darkly
Non hai un nome que excite tanto a imaxinación dos amantes da ciéncia-ficción coma o do novelista Philip K. Dick. Unha nova adaptación ao cine dunha das súas obras é sempre recibida cunha mestura de expectación e temor. Se ademais se trata dun dos seus textos máis difíciles e o seu director é un dos realizadores menos convencionais da indústria americana, o resultado é unha aposta chea de risco. Todas estas circunstancias combínanse en A Scanner Darkly, unha das producións máis esperadas polos afeccionados á animación nos últimos anos. O filme pretende demostrar que é posible realizar outra clase de animación dixital, alonxada esteticamente do modelo establecido por Pixar, Dreamworks e outros xigantes do 3D, e pensada para un público adulto e cinéfilo. O programa exhibe un documental sobre este filme.
Full Motion Theater 2006
As intros son o espazo de cruce entre o mundo interactivo dos videoxogos e a narrativa cinematográfica. Estas secuencias non interactivas que forman parte das narracións dos títulos máis populares no mundo do lecer electrónico tórnanse cada ano máis sofisticadas e innovadoras visualmente. Full Motion Theatre selecciona o máis interesante da produción audiovisual vencellada ao videoxogo. A edición 2006 está marcada polos títulos para a próxima xeración de consolas, e inclúe mostras de proxectos como Lego Star Wars 2, Alone in the Dark, Warhammer ou Sam and Max, entre moitos outros.
Retrospectiva Moebius
Todos os anos ArtFutura adica unha ampla retrospectiva a un artista de especial importáncia. Nesta edición o protagonista é Jean Giraud, máis coñecido coma Moebius, un dos participantes asiduos do festival ao longo da súa historia. Da banda deseñada ao cine, a obra de Moebius representa un dos fitos da creatividade do noso tempo. Este ano prestámoslle unha homenaxe coa primeira parte da súa retrospectiva, centrada no seu traballo no terreo da animación.
3D en España 2006
O premio 3D en España é a convocatoria máis antiga no noso país veciño destinada aos mellores traballos de animación 3D e efectos especiais producidos ao longo do último ano por compañías, estudantes e artistas independentes. O programa recolle os traballos finalistas que optan ao prémio, que será decidido polos votos do público asistente. 3D en España ofrece unha mirada exhaustiva ao estado da animación digital e o 3D estatal. A edición deste ano inclúe pezas coma Perpetuum Mobile, Karma Hunters ou Niebla.
Avance Resfest
Un avance da décima edición de Resfest, o festival adicado exclusivamente a amosar o traballo da primeira xeración de cineastas dixitais: curtametraxes, publicidade, videoclips, títulos de crédito, documentais, animación... Resfest comezará a súa xira mundial en Chicago en outubro, e chegará a España a principios de decembro. ArtFutura ofrece un pequeno adianto do que poderemos ver na edición 2006 do festival de cine dixital por exceléncia.
Finou a nai de Spock
[22:38 26/10/2006] Jane Wyatt, que gañou tres Emmys interpretando a unha nai nunha famosa comédia da tele, finou o venres por mor de causas naturais na súa casa de Bel-Air, en Califórnia, aos 96 anos. Nada en New Jersey, Wyatt embarcouse nunha carreira como actriz após de recebir unha educación bastante formal, e traballou tanto en Broadway coma no Berkshire Playhouse en Massachusetts. En 1934 lle ofreceron un contrato pola Universal Picturese foi a Hollywood, onde fixo o papel da etérnamente moza beleza de Shangri-La no filme de Frank Capra Horizonte Perdido (1937). Tamén actuou xunto a Cary Grant e Gregory Peck, pero nunca cun papel de protagonista.
Cando naceu a televisión nos anos 50, Wyatt atopou alí un médio perfecto, e en 1954 comezou a traballar na série que a fixo popular, Father Knows Best. Axudou a moldear un papel sempre eterno de nai serea, capaz de repartir a sabiduría e a cea con igual tino. A série rematou en 1960 e Wyatt traballou na tele o rest5o da súa vida, facendo papeis memorábeis para os afeccionados ao fantástico, coma o da nai do señor Spock na série orixinal de Star Trek e na cuarta entrega da saga no cinema: Star Trek IV: A viaxe a casa.
Barker escribirá un remake de Hellraiser
[22:38 26/10/2006] O mestre da literatura de terror Clive Barker ven de anunciar no seu sítio web oficial que The Weinstein Co. pediu-lle que escriba o guión para facer un remake do seu filme de 1987 Hellraiser, pero que desta volta xa non está interesado en ser o director: "Van facer un remake de "Hellraiser" cunha manchea de cartos e Bob Weinstein convidou-me a escribir o guión, e vouno facer porque se non-o fago, faráo outro e seguramente non me gustaría!".
O primeiro Hellraiser é o único filme da popular saga cinematográfica de terror que Barker guionizou e tamén dirixiu. Barker engadiu: "estou emocionado con isto, realmente será moi guai revisitalo e ver se hai cousas que podemos facerlle que o fagan sinificativamente millor... Non me gustaría dirixir, só quero escribir e ser parte da equipa de produción. Non gostaría revisitar algo que fixen coma director, algo que xa fixen hai anos". A primeira parte desta saga de filmes contara cun orzamento de só 900.000 dólares.
The Keep á pantalla grande
[23:52 02/11/2006] A StillKing Films ven de adquirir os dereitos sobre a novela sobrenatural de Jennifer Egan The Keep, con Ehren Kruger (The Ring) disposto para adapta-la á pantalla grande.
The Keep, unha novela recén publicada, é un thriller sobrenatural ambientado nun castelo enmeigado no que unha muller é seducida por un misterioso prisoneiro.
StillKing é unha produtora checa que xa traballou no mercado americano, co-producindo ou finanzando por exemplo partes do filme de James Bond Casino Royale, así coma The Illusionist, Van Helsing e outras películas.
Kruger e Daniel Bobker producirán o proxecto, xunto con Matthew Stillman e David Minkowski.
Singer fará unha supersecuela
[23:52 02/11/2006] Tal e coma vos adiantamos hai uns días, Bryan Singer ven de asinar o contrato coa Warner Brothers para dirixir e producir unha secuela de Superman Returns, coa Legendary Pictures ecofinanzando o proxecto.
A secuela aparecerá probabelmente nos cinemas contra o verán de 2009, ainda que o estudo xa dixo que non hai nin un guión nin un orzamento dispostos ainda. A secuela está asemade nas súas primeiras fases de desenvolvemento, e coma en calqueroutro filme, hai ainda moitos factores que deben ser ben dirixidos antes de que se lle dea a luz verde.
Superman Returns acadou máis de 390 millóns de dólares de recadación en todo o mundo, que é moito pero nin de lonxe o que os estudos agardaban.
No que respecta ao reparto, a Warner ten os dereitos sobre Brandon Routh, quen xa protagonizara a primeira parte de Superman Returns.
Michael Dougherty e Dan Harris foran os autores do guión do filme orixinal, baseándo-se nunha história que eles mesmos fixeran con Singer, pero non está nada claro que Dougherty ou Harris regresen para esta secuela.
Regresa ao Índice do Arquivo de NOVAFANTASIA.COM