As novas de NOVAFANTASIA.COM

Xullo - Novembro de 2005

Entrega dos prémios Locus

[22:13 03/07/2005] Onte á noite entregaron-se no decurso dunha gala os prestixiosos prémios da revista Locus. E estes foron os gañadores:

O Antoloblogue, en marcha

[13:45 03/07/2005] As máis salientabeis figuras da CF portuguesa, Jorge Candeias e Luís Filipe Silva, veñen de anunciar que arrancou oficialmente un proxecto editorial da literatura fantástica en língua portuguesa, que pretende orixinar unha primeira antoloxía de contos e novelas orixinais e despois, no caso de que a primeira teña éxito, toda unha série doutras antoloxías a editar no futuro.

Para centralizaren as informacións sobre o proxecto, os promotores optaron por abrir un blog que titularon "Antoloblogue" e que pode ser atopado en http://antoloblogue.blogspot.com. Preténde-se que este blog sirva para divulgar todo canto haxa que dicir respeito ás antoloxias e tamén como vehículo promocional da iniciativa. Xa contén un primeiro post prévio e un longo texto onde está explicado todo o que poden dicir sobre o que se pretende, as condicións de submisión e os seus prazos. Co tempo, nel poderedes tamén atopar dados e novas sobre histórias e autores seleccionados para a primeira antoloxía, entre outras novidades.

Esta oportunidade fica aberta a todos os autores de língua portuguesa, sen excepcións nin obstáculos de xénero, credos ou nacionalidades.

Gravísima crise na Ibercon

Unha imaxe de Luis Filipe Silva[21:54 27/06/2005] Tal e coma vos anunciamos hai unhas semanas nesta sección e en rigorosa exclusiva mundial, importantes sectores da ciéncia-ficción portuguesa que non están de acordo con seren representados pola Simetria (organismo luso que pretende englobar ao fans do fantástico en Portugal) anunciaron de xeito xa definitivo que non van participar na Ibercon, e entre eles, Luis Filipe Silva e Jorge Candeias.

O primeiro deu a coñecer un comunicado no que comenta que "por discordâncias profundas com a forma como a associação representante da participação portuguesa na Ibercon pretende efectuar a dita participação, anúncio que, ao contrário do indicado na acta enviada pela Simetria, não irei mais fazer parte de nenhum evento na Ibercon que esteja directamente ligado à dita associação".

Ainda que algúns membros do fandom español tentaron de convencer a Luis Filipe, está claro que a división é moi profunda e que non hai xa esperanzas de vermos un conxunto moi importante de entusiastas da ciéncia-ficción do noso país veciño na vindeira Ibercon. Segundo dixo Jorge Candeias, "infelizmente, já ultrapassámos o ponto em que ainda seria possível conversar com aquela gente da Simetria. Precisamente devido à ausência de uma quantidade mínima de respeito deles quer por nós quer, inclusivamente, pela própria ideia da ficção científica portuguesa. A Simetria é um grupo pequeno de pessoas que só se preocupa em defender os seus próprios interesses e nada mais. NÃO é a FC portuguesa. NÃO é a contrapartida portuguesa à AEFCFT. E já nem sequer é a única associação que nós temos".

Pola súa banda, Luis Filipe Silva comentou que "foi uma questão de democracia (ou falta dela) que motivou esta atitude. A Simetria mostrou-se, para connosco, não estar disposta a escutar conselhos, ouvir ideias novas, e a ser sincera. Aceito um bom debate, mas não aceito autoritarismos". Segundo Silva, este debate "há anos que tem acontecido no interior da FC portuguesa".

Polo tanto, a crise que estaba a sobrevoar este histórico acontecemento ibérico estoupa con todas as súas consecuéncias. Non sabemos ainda se a organización vai tomar algunha medida, e caso de o facer, cal sería. O certo é que dende un primeiro intre apoiaron sen reservas á Simetria coma representante única dos fans portugueses, mália as dúbidas que isto prantexou non só en Portugal senón tamén en Galiza. Para Jorge Candeias, "o mais provável é que esta Ibercon acabe por não o ser".

Gañadores dos prémios Bram Stoker

[21:54 27/06/2005] Os gañadores dos prémios Bram Stoker deste ano, cos que se recoñecen ás millores obras no eido do terror, foron anunciadas onte á noite nunha gala celebrada en Burbank, Califórnia, organizada pola Horror Writers Association. Esta é a listaxe dos gañadores:

  • [23:52 14/07/2005] Seica ao actual Papa Bieito XVI non lle gostan os libros de Harry Potter. No novo libro de Gabriele Kuby, Harry Potter — Good or Evil, a escritora publica extractos de cartas que lle enviou o Papa cando ainda non fora elixido para o seu cargo, nas que ataca duramente aos libros de J.K. Rowling, porque segundo di, conteñen "sutiles seduccións" que "distorsionan a cristiandade no alma". O único certo é que cando a igrexa católica ataca un libro, de contado convírte-se en best-seller.

  • [23:52 14/07/2005] Donald Trump ven de contratar a George Lucas para que apareza como convidado na vindeira cuarta tempada da série de televisión O Aprendiz. Lucas terá que decidir que equipo ten a millor estratéxia pata promocionar o DVD da súa película A Vinganza do Sith. O Aprendiz é un "reality show" no que dous aspirantes a ser contratados polo magnate Donald Trump deben amosar as súas cualidades como futuros ases dos negócios.

    IberCon: pobre resposta da organización

    [17:51 04/07/2005] Metidos de cheio na voráxine informativa que está a ocasionar a irreversíbel crise da IberCon, temos que falar das últimas novidades ao respecto, que proveñen finalmente da organización, que até agora non dixera "esta boca é miña", seica porque o seu máximo responsábel estivo fóra. Nacho Agulló, presidente do Colectivo Nemo de Fantasia e Ciéncia-Ficción, e coordenador da IberCon, publicou unha mensaxe coa que tenta curar as feridas abertas.

    Agulló afirma que a ideia é que a IberCon sexa a casa de todos, polo que "acudiu-se ás asociacións responsábeis [dos Encontros e da Hispacon] que son Simetria e a Asociación Española de Fantasia, Ciéncia-Ficción e Terror (AEFCFT)". Na súa mensaxe, o presidente do Colectivo Nemo indica que "como organizador do evento, o Colectivo Nemo é o único responsábel do resultado do mesmo".

    En resposta ás dúbidas prantexadas por fans portugueses alleos á Simetria, Agulló insiste en que "a IberCon fica aberta á participación de máis entidades colaboradoras, que á data actual suman cinco e esperamos que continúen aumentando. O Colectivo Nemo quere invitar a participar a toda asociación portuguesa de fantástico, e máis ainda, a toda asociación portuguesa falante, pois estamos descobrendo que pola internacionalidade das línguas portuguesa e española o evento disfruta dunha trascendéncia que traspasa océanos. Se houbese algunha asociación coa que non estivéramos en contacto, con certeza sería por descoñecemento".

    Por último, a organización da IberCon solicita "toda a colaboración posíbel para asegurar de maneira consistente a presenza portuguesa na Ibercon. Os organizadores desexamos que o resultado sexa óptimo, que esta IberCon sexa a primeira de muitas, e que próximamente se organice unha II IberCon en Portugal".

    Mália este comunicado, polo de agora, nin Luis Filipe Silva nin Jorge Candeias rectificaron públicamente a súa postura de non asistir á IberCon, motivada por diferéncias coa organización portuguesa Simetria. Hai que dicir que por parte da organización do evento, o seu máximo responsábel Nacho Agulló estivo moi por baixo do que calquera agardaría, e perante as nosas preguntas, limitou-se a contestar que todo é un "bulo", que somos uns "sensacionalistas" e a tildarnos de "cómicos". A verdade é que con posturas coma estas, dignas dun Julián Muñoz da vida, a IberCon non vai poder contar con moitos apoios, e por suposto co noso dende agora xa non.

    Kathleen Kennedy fala sobre Indy 4

    [1:14 11/07/2005] A produtora Kathleen Kennedy fixo recentemente unhas interesantes declaracións verbo da cuarta e agardadísima entrega da saga de Indiana Jones, e seica a cousa vai ben.

    Kennedy dixo que "estamos a traballar no guión. Xa sei que isto soa igual que o que levamos dicindo quince anos, pero espero que poidamos ver algo nun par de meses. Jeff Nathanson está a traballar co guión xusto agora... e direi isto: se chega e estamos contentos con el, será máis que probabelmente a vindeira cousa que fagamos".

    Tamén confirmou que o filme estará ambientado na década de 1940 e que os informes que dicían que o guión de Nathanson foi preaprobado por Lucas e Spielberg son certos, pero "unha cousa é aprobar algo e outra dar-lle a luz verde para rodala. Así que estamos xusto nesa fase intermédia".

    Ao respeito da idade de Harrison Ford e que impacto podería ter iso, Kennedy afirmou que "non estamos a escribir o guión como se el tivese vinte anos. Xa sabes, Sean Connery pasou unha cheia detempo no papel de James Bond e por que non. Coido que é estupendo que poidamos facer outra película de Indiana Jones e Indy pode ser un pouco maior. Coido que xogar con iso é bó".

  • [13:16 19/07/2005] A compañia Blues Sphere Games asinou un acordo con Terry Pratchett para desenvolver vários xogos para móbil baseados na série de Mundodisco durante os próximos tres anos. O primeiro xogo estará protagonizado por Ricewind e Twoflower e baseará-se na novela A cor da máxia e prevé-se o seu lanzamento para o próximo mes de outubro. Mais detalles na páxina web da compañia que desenvolverá os xogos.

  • [13:16 19/07/2005] Charlie e a Fábrica de Chocolate, o filme protagonizado por Johnny Depp, abriu co número ún nos Estados Unidos, acadando unha recadación de 55,4 millóns de dólares, mália que moitos din que o persoaxe protagonista, Willy Wonka, é cuspidiño a Michael Jackson.

  • [13:16 19/07/2005] En tan só 24 horas, o sexto libro da saga de Harry Potter, Harry Potter e o príncipe mestizo, acadou vender 6,9 millóns de exemplares en todo o mundo, é dicir, uns 250.000 libros por hora. Ainda que os críticos, coma é habitual, non deixan en moi bó lugar a obra de J.K. Rowling, o certo é que a escritora inglesa é agora mesmo 36 millóns de dólares máis rica ca onte.

  • [13:16 19/07/2005] Bryan Singer, director da vindeira Superman Returns, fixo unha aparición estelar na Comic-Con International o pasado 16 de xullo en San Diego, co debut do tráiler do filme e obtendo unha pechada ovación dos máis de 6.000 espectadores que acodiron. Entre as sorpresas no tráiler hai que destacar que o persoaxe de Lois Lane (Kate Bosworth) semella ter un bebé cun persoaxe chamado Richard White, a voz de Marlon Brando no papel de Jor-El e Susannah York como Lara, "ripeados" da película orixinal de 1978 Superman, e a banda sonora que incorpora o tema de John Williams da mesma película. O tráiler foi tan ben recibido que Singer tivo que repetilo dúas veces.

  • [13:16 19/07/2005] O produtor Joel Silver revelou nunha entrevista que está a considerar rodar o seu previsto remake de A Fuga de Logan en Berlín, tan pronto coma Bryan Singer remate o seu actual traballo coa película de Superman. Singer e outros escritores están rematando o guión para A Fuga de Logan, un remake do filme de 1976 baseado na novela de William F. Nolan sobre unha sociedade futura na que a xente nova morre antes dos trinta anos.

  • [15:04 17/07/2005] Ainda que a edición en español tardará uns seis meses en estar nas librarías e a edición en galego entre tres e catro anos, a versión inglesa de Harry Potter e o príncipe mestizo foi acollida tamén con entusiasmo en Galiza, onde várias librarías tiñan reservas dende hai días: "Algunhas persoas nolo pediran hai xa dous meses. Hoxe chegaron-nos 60 exemplares do libro e pola mañán vendímolos todos, ainda que esta semana virán máis", comentou un voceiro da Casa do Libro de Vigo. Tamén en "El Corte Inglés" de Vigo venderon case o total do centear de exemplares que colocaron nos seus andeis.

    Os prémios Sturgeon e Campbell

    [1:32 13/07/2005] O gañador do prémio John W. Campbell ao mellor romance de ciéncia ficción de 2004 foi Richard Morgan con Market Forces, mentres que Bradley Denton recebiu o prémio Theodore Sturgeon Memorial ao millor relato de ciéncia-ficción de 2004 por Sergeant Chip. O xurado anunciou o resultado o pasado 8 de xullo na Universidade de Kansas.

    O segundo e terceiro posto do prémio Sturgeon foron para The Voluntary State de Christopher Rowe e Mere de Robert Reed. O segundo e terceiro lugar do prémio Campell recaiu en The Time Traveler´s Wife de Audrey Niffenegger e Air de Geoff Ryman.

  • [18:44 22/07/2005] Outra triste despedida para un xénio do cómic: o debuxante Jim Aparo (1933-2005) finou o pasado día 19. Aparo foi considerado ún dos artistas que acadaron erguer definitivamente ao persoaxe de Batman cando se atopaba nos seus peores momentos nos anos 70, e tamén debuxou a Aquaman e mais a Phantom Stranger. Comezou debuxando nunha editora menor, a Charlton, nos anos 60, pero foi contratado pola DC da man doutro xénio, Dick Giordano.

  • [18:44 22/07/2005] Menos de 24 horas após da súa publicación mundial, unha web chinesa xa está a ofrecer pirateado o novo libro da saga de Hary Potter, de 672 páxinas e convertido en libro electrónico. Non se ten notícia de que haxa ningún detido nesta "república popular", por suposto.

  • [23:44 20/07/2005] John Moore (O vóo do Fénix) dirixirá The Omen 666, un remake do clásico do terror de 1976 sobre a chegada do Anticristo no seo dunha família aparentemente normal. Moore será o realizador deste filme, que escribirá Dan McDermott e producirá a 20th Century Fox.

  • [23:44 20/07/2005] O escritor de novelas de vampiros Fred Saberhagen, convidado de honra na convención CascadiaCon deste ano ven de anunciar que non poderá participar no evento porque foi diagnosticado con cancro de próstata xa moi avanzado. Saberhagen tentará estabilizar a súa enfermidade para poder participar en convencións futuras.

  • [0:04 20/07/2005] A Paramount ven de adquirir os dereitos para desenvolver unha película baseada nos populares persoaxes dos Pitufos, e ten pensado facer unha versión en 3D producida por Jordan Kerner e mais a Nickelodeon Movies. Os produtores pretenden facer unha triloxía coa vista posta nunha primeira parte que aparecería en 2008, cando os pequenos trasnos azuis cumpran 50 anos.

  • [13:16 19/07/2005] A Universal Pictures está a preparar algo que sen dúbida gostará aos afeizoados á obra do creador de Conan, Robert E. Howard: un filme sobre Bran Mak Morn, o rei picto, un dos personaxes bárbaros mais interesantes do autor texano. Dirixirá Peter Berg e John Romano é o encarregado do guión, mentres que Michael Mann será o produtor executivo. Unha equipa prometedora para o que poderia ser o vindeiro grande pelotazo cinematográfico da literatura fantástica pasada ao cinema.

  • [18:44 22/07/2005] Joe Harnell (1924-2005), o compositor de clásicos da televisión coma O incribel Hulk, V ou A muller biónica, finou o pasado xoves 14 de xullo dunha doenza cardíaca aos 80 anos de idade. Ademáis dos mencionados, tamén é autor das melodías de Alien Nación e séries coma Drácula'79 ou Santa Barbara, así coma a opertura do logo da United Artists.

  • [23:15 23/07/2005] O guionista Paul Hernandez revelou que está a preparar o seu debut como realizador con Star Date, un filme sobre uns friquis que asisten a unha festa de "Star Trek" coa ideia de atopar mozas. Seica está baseado nunha história real.

  • [23:15 23/07/2005] Deus xa pode respirar aliviado: Mel Gibson ven de anunciar o seu vindeiro proxecto como director, e non ten ren que ver con A Paixón de Cristo. Gibson escribiu e dirixirá Apocalypto, que seica é unha película de acción pero sen temas relixiosos. Gibson non quixo revelar máis detalles.

  • [18:44 22/07/2005] Lynda Carter, quen interpretou á protagonista da série de TV dos anos 70 Wonder Woman, dixo nunha entrevista que lle encantaría ter a oportunidade de aparecer na versión que deste persoaxe dos cómics se fará para a pantalla grande, escrita e dirixida por Joss Whedon. Carter anima aos seus fans a participar na campaña de sinaturas que se están a xuntar na Internet para que a veterana actriz teña alomenos un "cameo" no cinema.

  • [18:44 22/07/2005] O guionista de Batman Begins David S. Goyer dixo que está a producir unha série de televisión con episódios dunha hora de duración baseada nas súas películas da franquía de Blade para a Spike TV, e que comezará a se emitir o vindeiro xuño. Goyer afirma que a canle pediu-lle 13 episódios, centrados no popular cazador de vampiros das películas que Goyer tamén escribiu (e dirixiu a terceira entrega).

  • [23:15 23/07/2005] Guy Pearce será o meigo Houdini na vindeira Death Defying Acts, con Rachel Weisz probabelmente de coprotagonista. Baseada nos acontecementos reais do mestre das fugas, este filme será un drama que narre a história de amor entre Houdini e mais unha muller que atopa en Escócia. Gillian Armstrong dirixirá o filme, escrito por Tony Grisoni e Brian Ward. A rodaxe comezará a princípios de 2006.

  • [23:15 23/07/2005] Os gañadores do segundo concurso internacional Clarke-Bradbury de ciéncia-ficción patrocinado pola Axéncia Espacial Europea co tema de "O ascensor espacial" veñen de ser anunciados: Christian Doan na categoría de millor história e Frank Lewecke na categoría de millor debuxo.

  • [1:18 29/07/2005] A Universal ven de se asegurar os dereitos para facer unha película baseada no videoxogo God of War creado pola Sony Computer Entertainment. Charles Roven e Alex Gartner producirán a película, ambientada na antiga Grécia, e na que interveñen deuses, heroes e guerreiros co fin de atopar a caixa de Pandora e destroir a Ares, deus da guerra.

  • [1:18 29/07/2005] Chris Sayour, un dobre de Tom Welling na série Smallville, tivo un grave accidente durante unha escena perigosa o martes e atópase arestora loitando entre a vida e a morte nun hospital de Vancouver, Canadá. Sayour, de 35 anos, foi levado en helicóptero ao hospital con fracturas múltiples e feridas internas. A Policía dixo que non sospeita de que o accidente fose provocado.

  • [16:17 26/07/2005] O xuiz do caso de Tom Sizemore ven de ordear que o actor continúe detido no centro de rehabilitación até setembro por fallar unha vez máis nos controis de proba de drogas. Sizemore confesou que falsificara as súas probas de ouriños en oito ocasións. O actor ten problemas coa xustiza dende que en 2003 fora condeado por bater na súa compañeira Heidi Fleiss, polo que fora condeado a 17 meses de cárcere.

  • [16:17 26/07/2005] Charlie e a Fábrica de Chocolate, o controvertido filme de Tim Burton, continúa unha semana máis no alto da listaxe de películas máis vistas nos Estados Unidos, engadindo outros 23,45 millóns de euros ao seu botín. No terceiro posto segue a estar Os Catro Fantásticos, mentres que A Guerra dos Mundos cae até o 6º lugar.

  • [16:17 26/07/2005] Temos que facer unha rectificación: non é certo, como informamos hai un par de días, que o novo filme de Mel Gibson non teña ren que ver co seu anterior e moi polémico A Paixón de Cristo, porque o actor e director australiano ten previsto facer un novo filme épico histórico, e rodado nunha língua extraña: un escuro dialecto máia. O filme Apocalypto estará ambientado hai uns 500 anos en América Central, e estará feito por actores nativos descoñecidos do área de México.

  • [23:15 23/07/2005] As cinzas de James Doohan serán enviadas ao espazo após do seu funeral. O popular actor da série "Star Trek" finou hai uns días aos 85 anos e a súa muller e mais o seu axente desexan enviar as súas cinzas ao espazo a bordo dun foguete, unha vontade que Doohan amosara antes de morrer. Este desexo de Doohan é o mesmo que o do creador da série, Gene Roddenberry, cuxas cinzas xa están orbitando a Terra dende 1997. Agárda-se que este desexo sexa cumprido en setembro a bordo da nave Falcon 1, que será lanzada dende a base aérea Vanderberg en Califórnia.

    O sexto libro de Harry Potter, á venda por erro

    [1:33 13/07/2005] O vindeiro 16 de xullo é a data mais que agardada para que todo o público coñeza o grande segredo que agocha o sexto libro da saga de Harry Potter. Nombergantes, unha libraria preto de Vancouver adiantou-se aos desexos da autora, J.K. Rowling, e puxo á venda por erro unha pequena cantidade de exemplares da aprezada obra.

    Raincoast Books, distribuidora dos libros de Harry Potter en Canadá, sinalou que se vendeu unha pequena cantidade de exemplares nunha libraria preto de Vancouver. A raiz de se coñecer o despiste dos vendedores, un tribunal determinou que aquilos que mercaran o último libro de Rowling titulado Harry Potter e o príncipe mestizo non poderían revelar a trama.

    O tribunal tamén ordeou que todas as cópias sexan devoltas á Raincoast. Para que os compradores non se sintan estafados e garden o grande segredo, a distribuidora lles prometeu exemplares co autógrafo de Rowling unha vez que se erguese o embargo.

    Harry Potter e o príncipe mestizo será apresentada a todo o mundo o próximo 16 de xullo nun castelo de Edinburg. A sexta obra de J.K. Rowling comezará a sua venda exactamente a meia noite, o que provocará que milleiros de libreiras fagan horas extras para ver incrementado o seu negócio.

    Será nese momento cando as persoas que coñecían o segredo de Harry Potter dende dias antes podan comentá-lo abertamente sen que un xuiz llo prohiba. Pero ainda non se sabe se aturarán a espera en silenzo.

  • [1:18 29/07/2005] Finou o actor George Wallace aos 88 anos por mor de complicacións derivadas dunha caída que sofriu durante unhas vacacións en Pisa (Itália). A súa carreira comezou nos anos 50 co filme Radar Men from the Moon, e interpretou ao rei Artur na obra de teatro Camelot e a Don Quixote en The Man of La Mancha. Últimamente interviñera en filmes coma O Home do Bicenteário ou Minority Report.

  • [20:47 31/07/2005] Dark Castle, a produtora de películas de terror de Joel Silver (Gótica, 13 Fantasmas e, noutra orde de cousas, a triloxía Matrix ou as sagas de acción Xungla de Cristal e Arma Letal) dispón-se a rodar unha nova versión do clásico da ciéncia-ficción e do terror A Invasión dos Ultracorpos, protagonizada por Nicole Kidman. A película será a estrea hollywoodense de Olivier Hirchbiegel, o realizador alemán de O Afundimento.

  • [20:47 31/07/2005] Doraemon e os seus amigos embarcan-se nunha nova aventura titulada Doraemon e os deuses do vento. A quinta película do gato cósmico estreará-se o 2 de setembro, pero ainda non está claro se na Galiza terémola nas salas de cinema en versión galega, coma as tres anteriores entregas.

  • [1:18 29/07/2005] Un voceiro da igrexa da Ciencioloxía ven de declarar que a súa seita non é responsábel das feridas que tiña Katie Holmes na boca en maio. Só unha semana despóis de que ela e mais Tom Cruise comezasen a sair, a actriz foi fotografada con sinais preto dos beizos, que os críticos consideraron que proviñan dun proceso que fan os cienciólogos chamado "a purificación" e que consiste en tomar doses masivas de vitamina B3 co suposto fin de baixar o colesterol.

  • [1:58 03/08/2005] Ellen Page (Hard Candy) foi contratada para o papel de Kitty Pryde na vindeira entrega mutante X-Men 3, segundo informaron as nosas fontes en Hollywood. Hai uns días informára-se incorrectamente que a protagonista de Perdidos Maggie Grace acadara o papel.

  • [1:58 03/08/2005] O veterano actor Burt Reynolds revelou que nos anos 70 lle ofreceron o papel de James Bond e que el rexeitouno por considerar que un americano non podería interpretalo ben. Agora Burt di que esperta polas noites con pesadelos e berrando "Bond, James Bond!".

  • [1:58 03/08/2005] A Sobini Films ven de presentar unha demanda contra a Sony Pictures Entertainment, alegando de que compaña tenta bloquear unha versión cinematográfica de "El Zorro" porque din que teñen os dereitos exclusivos sobre o popular heroe mexicano. Sobini Films mercou os dereitos de The Curse of Capistrano, unha novela de 1919 que foi a primeira na que apareceu o persoaxe do Zorro, e agora queren comezar a produción de Zorro 2110 pero non atopan ningunha compaña quelles asegure porque seica a Sony está presionando para que esta versión futurista nunca vexa a luz.

  • [1:58 03/08/2005] A espada láser usada polo actor Mark Hamill no papel de Luke Skywalker na película orixinal da saga da Guerra das Galáxias foi vendida por 200.000 dólares a un poxante anónimo nunha poxa de artigos de películas levada a cabo en Beverly Hills, Califórnia, o 29 de xullo. O sabre usado por David Prowse (Darth Vader) só acadou os 118.000 dólares.

    Os candidatos aos Emmys

    [23:50 14/07/2005] Mulleres desesperadas, a série emitida por FoxTV e mais por TVE1, levou nada menos que 15 nominacións aos prémios Emmy. A série, na que unha muller morta narra as aventuras do seu grupo de amigas, só ten ese toque fantástico, pero é abondo como para considerar que por fin unha série de xénero vai ter sérias opcións de gañar algo, porque ademáis tres das súas protagonistas están tamén nominadas; Marcia Cross, Teri Hatcher e Felicity Huffman.

    Outra série tamén parcialmente pertencente ao xénero fantástico, neste caso á ciéncia-ficción, Perdidos, levou 12 candidaturas, entre as que se inclúe a de millor série dramática.

    Outros candidatos que poden ser do noso interese on Jennifer Garner, pola série Alias na categoría de millor actriz, e Patricia Arquette pola série Medium ainda non estreada en Galiza.

    A gala da 57ª Edición dos Prémios Emmy será emitida o vindeiro 18 de setembro dende Los Angeles.

  • [20:13 03/08/2005] As Edições ArcosOnline.com venhen de lançar dende o dia 23 de Julho a novela Sobras de Deus, do escritor brasileiro Floriano Martins. A obra será disponibilizada gratuitamente em formato digital na página da editora. A Vida Extrema, poemário de Mário Herrero Valeiro, e As sete fontes, romance de Concha Rousia, são outras obras de autores galegos que oferece a editora. Sobras de Deus é uma novela que reúne elementos de géneros literários tão diversos como o drama ou o conto fantástico.

  • [1:58 03/08/2005] As belezas hollywoodenses Catherine Zeta-Jones e Sandra Bullock non están na carreira para interpretar á superheroina Wonder Woman na nova versión cinematográfica da série detelevisión dos anos 70. Lynda Carter, que protagonizou o programa orixinal, dixo que preferiría que o director do filme e tamén creador da série Buffy Cazavampiros Joss Whedon contratase a unha actriz máis nova para o papel principal no canto de chamar a algunha actriz xa consagrada: "Debería ser unha actriz descoñecida que teña sobre vinte anos". As candidatas serían a intérprete de O.C. Mischa Barton e a moza de Tom Cruise Katie Holmes.

  • [1:58 03/08/2005] Nada menos ca Lauren Bacall é a última (polo de agora) famosa que entra ao trapo no tema de Tom Cruise, e non precisamente a favor do recoñecido cienciólogo: "O seu enteiro comportamento é chocante", dixo a veterana actriz. "É inapropiado e vulgar e absolutamente inaceptabel usar a túa vida privada para vender algo comercialmente". E engadiu: "É máis, a palabra grande ainda está aí, e cando se fala dun grande actor, non se fala de Tom Cruise".

  • [1:58 03/08/2005] A actriz Charlize Theron forzou aos produtores a cambiar o seu uniforme para a vindeira película Aeon Flux porque considerou que o traxe orixinal deixaba ver demasiadas cousas. Cando Theron viu o deseño, que era pouco máis ca un biquini, decediu incorporar uns pantalóns ao uniforme. A actriz, de 29 anos, admite que "cando estás xogando con aspectos da sexualidade, certas cousas hai que agochalas. Iso é o que a miña nai dicíame. Quero semellar tan auténtica coma o persoaxe orixinal, pero non sinto a necesidade de ir tan lonxe co traxe". A película de ciéncia-ficción, baseada nun persoaxe dos cómics, será estreada en outono.

  • [1:58 03/08/2005] O director Mike Newell usará o seu vindeiro filme Harry Potter e o Cáliz de Fogo para airear a súa particular visión sobre os nenos. O realizador, de 63 anos de idade, quere borrar calquera senso de falsa inocéncia nos contos máxicos, e insiste que os nenos deben ser descritos dun xeito máis realista, coma maníacos sedentos de sangue: "considero que os nenos son anarquistas violentos, suxos e corruptos". Que forte!

  • [22:41 04/08/2005] De mal en peor: os novos tempos semellan ter afectado gravemente a James Bond, quen conducirá un Fiat Panda na súa vindeira película, Casino Royale, segundo informaron fontes italianas.

  • [10:53 09/08/2005] No decurso da Worldcon que está a ter lugar en Glasgow (Escócia) veñen de se dar a coñecer os gañadores dos Prémios Sidewise para Historias Alternativas: O millor relato foi para The Ministry of Space de Warren Ellis (novela gráfica) e a novela de Historia Alternativa foi para The Plot Against America, de Philip Roth. Os Prémios Sidewise entregan-se desde 1996 a traballos publicados o ano anterior. Denominan-se así na honra ao relato de Murray Leinter Sidewise in time no que extensas zonas da Terra trócan-se con outra Terra alternativa por mor dunha treboada.

  • [10:53 09/08/2005] A rodaxe de Superman Returns sofriu unha demora cando dous ladróns roubaron uns walkie-talkies e se fixeron pasar por membros da equipa de produción. A semana pasada, os bromistas comnezaron a berrar "Corten!" e "Acción!" polas rádios, forzando a paralización da película que roda Bryan Singer baseada no popular persoaxe dos cómics. A brincadeira puido ser moi perigosa porque neses intres rodába-se unha escena de acción cun coche voando sobre a cabeza dun grupo de extras.

  • [13:36 05/08/2005] Dende o pasado 7 de xullo até o vindeiro 1 de outurno o Museo Municipal de Vigo "Quiñones de León" apresenta a exposición "Para o deus Berobreo" de arqueoloxía sobre a súa colección de aras procedentes do santuario galaico-romano do Facho de Donón. Estas aras constitúen a primeira evidéncia da existéncia deste importante santuário de características únicas na Hispánia romana. Nun ámbito máis xeral o museo desenvolve esta exposición como unha medida de revalorización, divulgación e documentación da súa colección de arqueoloxía.

    Os Transformers, en 2007

    [23:50 14/07/2005] A película de acción real Transformers xa ten unha data de estrea, ainda que moi afastada: o 4 de xullo de 2007, segundo anunciaron hoxe conxuntamente DreamWorks Pictures, Hasbro, Inc. e mais a Paramount Pictures.

    O filme, baseado na popular liña de xoguetes, será dirixida por Michael Bay (A Illa, Armageddon) cun guión de Alex Kurtzman e Roberto Orci (A Illa). Steven Spielberg será o produtor executivo, con Lorenzo di Bonaventura, Tom DeSanto e Don Murphy de coprodutores executivos.

    A DreamWorks distribuirá o filme nos Estados Unidos e a Paramount no resto do mundo. A Hasbro, a compañía de xoguetes que ten os dereitos sobre estas figuras, traballará coa equipa de produción e mais a DreamWorks en todos os aspectos do desenvolvemento creativo, o márketing e mais a promoción. Esta mesma semana, a DreamWorks ven de abrir un novo sítio web (www.transformers.com) anunciado na Comic-Con International, en San Diego, Califórnia.

    Aparecidos en 1984, os Transformers son uns xoguetes que consisten básicamente en camións transformábeis en robots, e hai dous tipos: os Autobots e mais os Decepticons. Após dos xoguetes, apareceron os cómics, un programa de televisión e unha película de debuxos animados.

  • [10:53 09/08/2005] Harry Potter e o Cáliz de Fogo, actualmente en postprodución e agardando pola súa estrea o vindeiro 18 de novembro, foi recebido pola censura americana cunha calificación de "Para Maiores de 14 anos", a primeira deste tipo que reciben as películas da saga de Potter, por mor das súas secuéncias de violéncia e polas imaxes que meten medo, ademáis dunha referéncia a "ese horrible, fodido fillo de puta, Voldemort". As tres primeiras películas foron todas calificadas como "para todos os públicos".

  • [10:53 09/08/2005] O autor de O Código da Vinci, Dan Brown, trunfou o venres nun tribunal de New York, cando un xuiz determinou que a súa coñecida novela non é un pláxio da obra doutro escritor. Lewis Perdue afirmaba que Brown usara partes de dúas das súas novelas, The Da Vinci Legacy (1983) e Daughter Of God (2000) en O Código da Vinci, e pedía 150 millóns de dólares en danos así como a paralización da película que está a se rodar arestora. O xuiz George Daniels dictou que calquera semellanza entre as obras de ficción está baseada en "ideas non protexíbeis". Perdue insistiu en que ía apelar contra esta decisión.

    A nova entrega de Harry Potter xa enfeitiza

    [21:23 16/07/2005] Após dous anos de anceiosa espera, a versión en inglés de Harry Potter e o príncipe mestizo, a sexta e penúltima entrega da saga, fixo a sua aparición na medianoite do sábado nos comércios de 15 paises do mundo. Mentres, a sua autora, a inglesa J.K. Rowling, invocaba a atenzón dos seus fieis no castelo de Edinburg (Escócia), dende onde leu algunhas liñas do tomo de 607 páxinas.

    Entretanto, nas librarias inglesas, milleiros de entusiastas puñan fin a un dia de longas ringleiras, nervos e excitación, para se lanzar sobre os exemplares, até agora almacenados baixo estritas medidas de seguranza e protexidos como se se tratase dun segredo de Estado. "Sinto-me un 99,99 por cento emocionado", confesaba un mozo británico, cun sorriso de orella a orella, nunha libraria da céntrica rúa de Oxford de Londres, que recebiu a 2.500 persoas tras abrir as suas portas a meianoite.

    Convertido en "best-seller" antes de sair á venda, cun volume de pedidos de mais de 350.000 exemplares tan só no Reino Unido, Harry Potter e o príncipe mestizo está chamado a facer história e a bater novos récords. A sua editorial, Bloomsbury, espera que o feitizo da primeira xornada lle subpoña dous millóns de vendas en chan británico e dez millóns no total de 15 paises nos que xa desembarcou a sexta entrega da saga, coma Estados Unidos, Brasil ou Filipinas.

    A cadea británica WHS Smith calculou que cada trece segundos, un exemplar "voou" dos andeis dos seus estabelecementos que abriron un minuto despois das doce. As estritas normas da editorial, que obrigou a todos os distribuidores a asinar un compromiso de embargo, contribuiron a aumentar o desacougo dos leitores, impacentes por coñecer as respostas aos enigmas que envolven o novo episódio.

    A J.K. Rowling fica-lle por escreber o sétimo e derradeiro libro, no que se bisbillota que Harry podería morrer, quizais tras de se enfrontar a Voldemort, quen asasinou aos seus pais cando el era un bebé. Convertido nun fenómeno literário sen precedentes, as cinco primeiras obras do intrépido meigo, traducidas a mais de 50 idiomas, rexistaron unhas vendas de mais de 200 millóns de exemplares en todo o mundo.

    A tradución galega da cuarta parte, Harry Potter e o cáliz de ouro, está xa practicamente lista pero Galaxia non a colocará nas librarías até outubro. O secretismo sobre os contidos é máximo.

    Tampouco está claro cal vai ser a tradución en galego do título deste sexto volume. A editorial brasileira, Rocco, dubida entre a versión literal "príncipe meio-sangue", ou os termos "mestiço", "bastardo" ou mesmo "morganático". A tradutora galega da serie, Eva Almazán, di que aínda é cedo para escoller un título no noso idioma e que ademais de razóns lingüísticas concorren criterios empresariais e de protección da imaxe de marca. "Half-blood fai referenza á mestura entre muggles e magos, e quizais por iso sexa importante manter a relación co sangue; pero en galego ese termo non existe e por iso pódese propoñer o de "mestizo"", sinalou a tradutora.

  • [10:54 09/08/2005] Déron-se a coñcer os gañadores dos prémios Prometheus que outorga a Sociedade Libertária Futurista na Convención Mundial de CF en Glasgow. Estes foron Neal Stephenson por The System of the World for Best Novel e a entrada no Salón da Fama foi para A.E. van Vogt por The Weapon Shops of Isher. Houbo mencións especiais para The Probability Broach: The Graphic Novel, escrita por L. Neil Smith e ilustrada por Scott Bieser, e para as antoloxías editadas por Mark Tier e Martin H. Greenberg Give Me Liberty e Visions of Liberty.

    George Orwell, espiado por Scotland Yard

    [13:14 19/07/2005] O clásico escritor de ciéncia-ficción George Orwell, autor da novela 1984 e do persoaxe do Grande Irmán, non podía estar mais relacionado coa sua própria realidade, porque durante 12 anos Scotland Yard estivo a investigar ao escritor inglés.

    En 1936, Eric Blair, verdadeiro nome do escritor, fixo unha viaxe ao norde de Inglaterra para estudar as condicións de vida da clase traballadora e poder escreber a sua obra O camiño a Wigan Pier. Isto ergueu as suspeitas dos servizos de seguranza. O xefe de policia de Wigan, Thomas Pey, informou a Scotland Yard de que Orwell se hospedaba nun apartamento nun distrito da clase obreira relacionado co Partido Comunista.

    Segundo publicou o xornal inglés "The Guardian", durante a sua estáncia alá, a Policía adicou-se a redactar informes nos que se lle relacionaba con coñecidos comunistas e organizacións de esquerdas. Mesmo chegaron a informar de que o partido comunista local lle proporcionara o seu aloxamento: "Poderia semellar, pola sua forma de vida, que se trata dun escritor. Fixo acópio dunha morea de dados sobre a localidade. O número de igrexas, secretarías públicas, povoazón, etc. Ademais, recebeu unha cantidade inusual de correspondéncia. Tamén estivo a perguntar sobre as minas e as factorías da zona", di ún dos informes que falaban sobre Orwell.

    Segundo os documentos secretos agora desclasificados, Orwell era un home prácticamente arruinado cando empezou a traballar na sección índia da cadea BBC en 1942, e "vestía cun xeito bohemio tanto na oficina coma nas suas horas de lecer". O informe concluía que Blair tiña unha avanzada "visión comunista".

    Orwell, autor da novela 1984, na que imaxinaba unha sociedade intercomunicada e vixiada por un Grande Irmán que controlaba o pensamento, foi vítima, sen o saber, da sua própria antiutopía.

    "O Soño" de Dygra estréa-se en Portugal

    [21:23 16/07/2005] O Soño dunha noite de Sanxoán, a segunda longametraxe de animación en 3D da produtora galega Dygra Films, estreará-se hoxe en Portugal avaliada polo éxito obtido en España, onde se situou á cabeza das producións españolas con 100.000 espectadores e 500.000 euros de despacho de billetes dende a sua estrea o pasado día 1.

    O Fórum Lisboa, na capital portuguesa, acollerá esta noite o primeiro pase portugués de O Soño dunha noite de Sanxoán, que se estreará comercialmente o vindeiro día 21 nunha vintena de cinemas de todo o país.

    O acto desta noite xuntará ao redor de 1.500 persoas, entre as que se conta unha nutrida representación do mundo da cultura, a política e a vida social de Portugal. Segundo informou onte Dygra nun comunicado, está prevista a asistencia de Isabel Pires de Lima, ministra de Cultura do noso país irmao.

  • [15:17 11/08/2005] O 21 de setembro a canle "Calle 13", emitida en Galiza a través da plataforma "R", traerá a minisérie Battlestar Galactica, que emitirá en dúas partes, servindo de limiar para estrear a série regular no mes de outubro. Battlestar Galactica está a emitir a súa segunda tempada nos Estados Unidos.

  • [15:17 11/08/2005] O director de 12 Monos, Terry Gilliam, está furioso cos produtores Harvey Weinstein e Bob Weinstein por desbotar as súas ideias e minar a súa autoridade durante a filmación do seu novo filme Os irmáns Grimm. A parella de produtores cinematográficos rexeitou os plans de Gilliam de recrutar a Samantha Morton no papel protagonista e poñer no seu lugar a Lena Headey, e logo despediron ao seu axudante Nicola Pecorini por traballar amodo de máis. Os Weinstein dixeron que "calquera filme conleva a toma de 10.000 decisións. Se só te concentras nas poucas nas que temos problemas, ignorarás as 9.997 que deixamos tomalmente para Terry".

  • [15:17 11/08/2005] O actor Ian McKellen criticou aos líderes da igrexa católica por pedir á xente que non lea O Código da Vinci. Ainda que o libro é tremendamente popular en todo o mundo, a reacción do Vaticano foi moi negativa co libro de Dan Brown. Pero McKellen, quen ven de rematar a rodaxe do seu papel na vindeira película baseada no libro e protagonizada por Tom Hanks, tildou a reacción da igrexa contra o libro coma "patética".

  • [10:54 09/08/2005] Os gañadores dos Prémios Chesley que outorga a Association of Science Fiction & Fantasy Artists (ASFA) foron dados a coñecer onte en Glasgow no decurso da Convención Mundial. Entre eses gañadores están Rick Berry, Tony DiTerlizzi e Donato Giancola cun triple empate no apartado de millor ilustración nun libro de tapas duras; John Picacio polo mesmo, pero en libro de tapas brandas e Omar Rayyan levou o prémio aos Méritos Artísticos.

    Os finalistas dos World Fantasy

    [1:56 03/08/2005] Veñen de se anunciar os candidatos aos Prémios Mundiais da Fantasía 2005, cuxos gañadores serán dados a coñecer no decurso do congreso mundial de Fantasía que terá lugar en Wisconsis, EE.UU., do 3 ao 6 de novembro próximos. A listaxe completa é esta:

    • Novela:
      • Susanna Clarke, con Jonathan Strange & Mr Norrell
      • Stephen R. Donaldson, con The Runes Of the Earth
      • China Miéville, con Iron Council
      • Sean Stewart, con Perfect Circle
      • Gene Wolfe, con The Wizard Knight

    • Novela curta:
      • Leena Krohn, con Tainaron: Mail from Another City
      • Kim Newman, con Soho Golem
      • Michael Shea, con The Growlimb
      • Lisa Tuttle, con My Death
      • Gene Wolfe, con Golden City Far

    • Conto:
      • Theodora Goss, con The Wings of Meister Wilhelm
      • Margo Lanagan, con Singing My Sister Down
      • Kelly Link, con The Faery Handbag
      • China Miéville, con Reports of Certain Events in London
      • Barbara Roden, con Northwest Passage

    • Antoloxía:
      • The Faery Reel: Tales from the Twilight Realm, por Ellen Datlow e Terri Windling
      • Polyphony 4, por Deborah Layne e Jay Lake
      • Acquainted With The Night, por Barbara e Christopher Roden
      • Dark Matter: Reading The Bones, por Sheree R. Thomas
      • The First Heroes: New Tales of the Bronze Age, por Harry Turtledove e Noreen Doyle

    • Escolma de relatos:
      • Peter Crowther, por Songs Of Leaving
      • John M. Ford, por Heat Of Fusion and Other Stories
      • Eileen Gunn, por Stable Strategies And Others
      • Margo Lanagan, por Black Juice
      • Joe R. Lansdale, por Mad Dog Summer and Other Stories
      • Ian R. MacLeod, por Breathmoss and Other Exhalations
      • Lucius Shepard, por Trujillo

    • Artista:
      • Caniglia
      • Kinuko Craft
      • John Jude Palencar
      • John Picacio
      • Charles Vess

    Finou James Doohan, "Scotty" en Star Trek

    [23:43 20/07/2005] A equipa da nave Enterprise, da popular série de ciéncia-ficción Star Trek perdeu hoxe a un dos sus tripulantes máis veteranos coa morte de James Doohan, o actor que interpretaba o papel do enxeñeiro espacial (posteriormente chegou ser capitán) Scotty.

    Doohan, de 85 anos, finou na sua casa de Redmond (Washington, EE.UU.) víctima dunha pulmonía após de pasar anos aqueixado do mal de Alzheimer, segundo informou hoxe o seu axente e amigo, Steve Stevens.

    Canadiano de orixe, o mesmo que o seu compañeiro de reparto William Shatner, a figura de Doohan forma parte da cultura popular após de se integrar en 1966 no reparto deste clásico da televisión. De feito, ainda que Shatner, no papel do capitán Kirk, e Leonard Nimoy, no de Mr. Spock, eran os protagonistas da série, logo convertida en saga cinematográfica, Doohan ficou asociado a unha das frases más relembradas da série: "Beam me up, Scotty" [Teletranspórtame, Scotty], unha frase sempre dirixida ao seu persoaxe e repetida en todos os capítulos antes de que os tripulantes se disolveran no aire para logo reaparecer na nave espacial.

    Ainda que a série concluiu e as versións de cinema empezaron a atraer menos interés, Doohan, ao igual que o resto dos compoñentes desta franquícia, ficaron encadrados nos seus papeis da série. Segundo recoñecera nunha antiga entrevista, Doohan seguiu o consello que un día lle deu o seu dentista e asumió que sería Scotty até despóis da súa morte.

    Doohan, un veterano da Segunda Guerra Mundial que chegou participar no desembarco de Normandía, deixa viúva á súa muller, Wende, pero sempre será relembrado por todos os fans, trekkies e non-trekkies, que camiñen polo Paseo da Fama de Hollywood e miren para a súa estrela.

    O salón do cómic de Cangas, co fantástico

    [13:14 19/07/2005] A novena edición do Salón do Cómic de Cangas abriu onte venres as suas portas no auditório municipal da vila mariñeira ás oito da tarde coa proxección do filme Constantine e unha charla-coloquio con Horacio Altuna.

    Durante a semana que dura este certame combinarán-se os clásicos obradoiros de caricaturas e cómic coas proxeccións das últimas superproducións do cinema americano do xénero fantático, consideradas verdadeiras obras de arte encanto á sua execución. Tamén haberá tempo para que vários dos mellores debuxantes e guionistas do momento, como Horacio Altuna, Fran Bueno, Marcos Calo ou Pulido ofrezan os seus coñecementos aos interesados por meio de charlas-colóquio.

    Todos os dias, con horário de doce da mañá a dúas da tarde e desde os seis e méia até as nove e méia, estarán abertos os talleres de caricatura. O martes, ás seis e meia da tarde proxectará-se o filme Hellboy, dirixido por Guillermo del Toro. Na xornada do mércores, tocará-lle a quenda a Spiderman 2, de Sam Reimi. Ás oito e meia apresentará-se o número 3 da revista "O Tebeo". O xoves, tamén ás seis e méia, será a quenda do filme de Pixar Os Incríbeis. Ás sete da tarde Dani Montero fará caricaturas aos visitantes do salón.

    A entrega de prémios do sétimo certame do cómic cadrará coa clausura do salón, prevista para o sábado ás nove e meia da noite.

  • [15:18 11/08/2005] Dana Reeve, de 44 anos, a viúva do actor que dera vida a Superman na grande pantalla, Christopher Reeve, anunciou o pasado día 9 que foi diagnosticada con cancro de pulmón: "Teño un excelente equipo de médicos e somos optimistas sobre o meu tratamento", dixo Dana, quen non fuma e optou por facer pública a súa condición antes de que a prensa amarela poida facer o mesmo: "A miña família e mais eu aprezamos profundamente os coidados e a preocupación dos nosos amigos e da xente que nos apóia e confiamos en que todo o mundo entenda a nosa necesidade e desexo de privacidade durante este tempo".

  • [15:18 11/08/2005] O director de A Paixón de Cristo, Mel Gibson, está considereando a ideia de recrear a crucifixión de Xesús Cristo nas rúas de Sydney, Austrália, sempre que a cidade gañe a candidatura para albergar unha importante xuntanza católica. Os organizadores están desesperados por conseguir a participación do protagonista da saga de Mad Max porque coidan que iso inclinaría a balanza ao seu favor na batalla para que Sydney sexa a cidade que albergue o "Día Mundial da Xuventude" en 2008. Os plans inclúen tamén unha "Derradeira Cea" no edifício da Ópera de Sydney e unha crucifixión na Catedral de Santa María. O Arcebispo de Sydney, George Pell, dixo que "Gibson podería estar atraído. Coido que a súa devoción por Cristo é real". O resultado desta candidatura será anunciado polo papa Bieito XVI o 21 de agosto.

  • [15:18 11/08/2005] Elijah Wood teme ser relembrado sempre coma Frodo, o hobbit de O Señor dos Aneis, sen importar en cantas outras películas interviñera. O xove actor xa interpretou a un psicópata mudo, a un sinistro pervertido e a un "hooligan" de fútbol despóis de facer de Frodo, pero os fans só lle recoñecen por Frodo. Wood di que agradece o empurrón á súa carreira que lle deu O Señor dos Aneis pero afirma que xa non pode ir a ningunha parte sen que os fans lle chemen "Frodo" pola rúa.

  • [23:44 12/08/2005] Os xigantes do cinema DreamWorks e a Warner Bros foron demandados polos produtores dunha película realizada en 1979, que afirman que o novo filme de Ewan McGregor A Illa está baseado na súa película. A demanda foi presentada o luns, alegando unha chea de semellanzas entre A Illa e Parts: The Clonus Horror, e seica un bó feixe de críticos cinematográficos están de acordo. Ambos os dous filmes van sobre unha colónia secreta de clons mantidos para proporcionar partes dos seus corpos aos humanos. A demanda tamén alega que os produtores de Parts: The Clonus Horror mostraran a súa película ao cofundador da DreamWorks Jeffrey Katzenberg, quen daquela estaba na Paramount, tentando asegurar-se un contrato de distribución. Os produtores, Myrl A. Schreibman e Robert S. Fiveson, piden danos e prexuizos e parte dos benefícios da Warner Bros e da DreamWorks e tamén pediron ao xuiz que impida a distribución de A Illa.

  • [13:29 14/08/2005] Ainda que o proxecto foi arquivado cando Arnold Schwarzenegger foi elixido governador de Califórnia, o remake do produtor da Warner Brothers Jerry Weintraub de Westworld xa está en marcha de novo, co director Tarsem (A Cela) na realización. Os representantes de Schwarzenegger din que o actor-político non está implicado neste proxecto, pero moitos insisten en que se non se presenta para a reelección ou perde as eleccións en xaneiro de 2007 podería entrar na película.

  • [13:29 14/08/2005] O director Terry Gilliam dixo que ainda podería resucitar o seu vello proxecto O home que matou a Don Quixote, unha película que tivo que paralisar após de máis dunha década de esforzos. As treboadas, os accidentes e os recurtes no orzamento impediron a Gillian rematar a súa película hai xa moitos anos (como recolle o seu documental Perdidos na Mancha), pero agora podería ter unha segunda oportunidade: "Será o vindeiro que faga", dixo Gilliam. "Realmente quero facelo. O guión é bó de mais". A película estaba protagonizada por Johnny Depp e polo francés Jean Rochefort.

  • [13:29 14/08/2005] O xornal coruñés "La Voz de Galicia" ofrecerá unha escolma da millor literatura mundial de todos os tempos traducida ao galego. O periódico entregará unha colección de 41 volumes ao prezo dun euro cada un. Entre os libros ofrecidos están Un feliz mundo novo, de Aldous Huxley, Frankenstein, de Mary Shelley, Contos, de Edgar Allan Poe, A guerra dos mundos, de H.G. Wells, A metamorfose, de Franz Kafka, A venus de Ille, de Prosper Mérimée, 20.000 leguas baixo dos mares, de Jules Verne e O principiño, de Antoine de Saint Exupéry.

  • [0:18 20/08/2005] Daniel Craig será o coprotagonista xunto a Nicole Kidman de Invasion, un thriller de ciéncia-ficción producido por Joel Silver para a Warner Brothers e a Village Roadshow. A rodaxe comezará o mes vindeiro baixo a dirección do alemán Oliver Hirschbiegel. Craig será o médico que axude ao persoaxe de Kidman a salvar ao seu fillo de dez anos para que non sexa capturado polos áliens. Polo que sabemos, Invasion foi descrita orixinalmente como un remake de A invasión dos ultracorpos, pero o guión de David Kajganich está a converter a película nalgo moi diferente do orixinal.

  • [0:18 20/08/2005] O ex-actor Skylar Deleon, coñecido por ser ún dos extras na série dos 90 Power Rangers, ven de ser acusado de asasinar brutalmente a unha parella en Califórnia, atándoos nun áncora e guindándoos dende un iate ao mar. Deleon, actualmente de 26 anos, e mais a súa muller Jennifer, de 24 foron detidos e serán xulgados polo asasinato de Thomas Hawks e mais a súa muller Jackie o pasado novembro, nun intento de lles roubar o seu iate de luxo de 16 metros. Seica foron trizoados polo seu cómplice, un hispano chamado Alonso Machín.

  • [0:18 20/08/2005] Os gañadores dos prémios Mythopoeic, concedidos anualmente aos millores traballos de investigación relacionados co mundo de Tolkien, foron anunciados o luns en Birmingham, e son Susanna Clarke por Jonathan Strange & Mr Norrell, Terry Pratchett por A Hat Full of Sky, Janet Brennan Croft por War and the Works of J.R.R. Tolkien e Stephen Thomas Knight por Robin Hood: A Mythic Biography.

  • [1:16 16/08/2005] Xa temos tres novos nomes para o elenco de actores que dará vida aos persoaxes da terceira entrega da saga mutante, X-Men 3, actualmente baixo produción con Brett Ratner ao mando. Primeiramente, a noiva do Profesor X, a Dra. Moira McTaggert, será interpretada por Olivia Williams (Below, O Sexto Sentido, Peter Pan). Bill Duke (Predator) interpretará a un político do gabinete do Presidente, e Michael Murphy será o pai de Anxo, Warren Worthington, Sr.

  • [17:55 15/08/2005] Hugh Jackman ven de rexeitar a oportunidade de interpretar ao axente secreto James Bond en tres películas, segundo informaron médios ingleses. A razón concreta desta negativa é inda un enigma: os amigos de Jackman insisten en que está moi ocupado, e outros din que o papel é para un actor ainda por descubrir e non para un consagrado coma el. Outros xornais engaden que Jackman rexeitou o ofrecemento após de falar con sua muller Deborah Lee-Furness. Pola nosa parte engadiremos que se cadra, as uvas estaban demasiado verdes para Jackman.

  • [13:29 14/08/2005] Os produtores da película A Illa acusaron aos seus protagonistas, Scarlett Johansson e Ewan McGregor polas pésimas críticas recebidas. O produtor Walter Parkes e mais a súa muller Laurie usaron o seu sítio web para lanzar un tremendo ataque contra Johansson e McGregor, afirmando que os seus escasos esforzos resultaron nunha pobre recepción do filme nos despachos de billetes. E o talento de Johansson levou a pior parte, porque os produtores afirmaron que unha actriz de televisión podería ter feito un traballo máis profesional: "son superestrelas do futuro, non superestrelas do presente. Mesmo actrices de televisión menos coñecidas poderían conectar máis honradamente coa audiéncia".

  • [0:18 20/08/2005] A adaptación cinematográfica do comic V for Vendetta demora-se, segundo diversas fontes, até marzo do próximo ano 2006. Se ben a sua estrea se atopaba fixado no mes de novembro deste 2005, os responsábeis do filme anunciaron que o filme non estará listo para a data prevista. Haberá que esperar para desfrutar nos cinemas co cómic de David Lloyd e Alan Moore, adaptado polo director James McTeige.

  • [0:18 20/08/2005] Angelina Jolie, moi de actualidade recentemente pola sua relazón con Brad Pitt e a estrea de Sr. e Sra. Smith, asinou contrato para traballar ao servizo do director Robert Zemeckis na nova adaptación cinematográfica de Beowulf. A actriz dará vida á Raíña da Escuridade, quen tentará distraer a Beowulf no seu camiño por se converter en Rei. Xunto a ela atoparán-se outros intérpretes de alto nível como Anthony Hopkins, Robin Wright Penn, Ray Winstone ou Brendan Gleeson. Asimesmo, Crispin Glover dará vida ao monstro Grëndel.

  • [0:18 20/08/2005] Os fans do home de aceiro xa podemos desfrutar coas primeiras secuéncias en movemento do seu novo filme, entre as que destacarán momentos coma a conversa entre Superman e Perry White, a entrevista de Lois Lane ao heroe, ou a volta de Clark Kent á Terra. Podedes acceder á web onde se atopa o arquivo facendo clic nesta ligazón.

    Kidman prepara unha invasión

    [1:56 03/08/2005] Para botar máis leña ao lume da polémica, a ex de Tom Cruise, Nicole Kidman, interpretará a unha psiquiatra de Washington, D.C. na nova versión de A invasión dos Ultracorpos.

    Ainda que a versión orixinal estaba ambientada nunha vila de pailáns, a nova versión centrará-se no persoaxe de Kidman, unha psiquiatra que comeza a sospeitar que a nova epidémia que afecta á cidade ten orixes extra-terrestres e debe protexer ao seu fillo, o que podería ter a chave para deter a maléfica invasión álien. Como xa vos informáramos, segundo a seita da Ciencioloxía á que pertence Cruise, os psiquiatras son enviados dos extra-terrestres.

    O filme está producido por Joel Silver e mais a Vertigo Entertainment, a compaña que xa produciu The Grudge, e estará dirixida por Oliver Hirschbiegel, o realizador alemán autor de O afundimento, a película que narra os derradeiros días de Adolf Hitler.

    Ao contrário que A Guerra dos Mundos de Cruise, a invasión de Kidman estará máis cercana ao tón da versión orixinal, un filme dirixido por Don Siegel en 1966 e que realmente ía sobre a invasión comunista e os temores da Guerra Fría. Aquel filme estaba protagonizado por un médico de aldea que descubre que os seus pacientes están a ser sustituidos por clons feitos polos áliens.

    Phillip Kaufman dirixiu un remake en 1978 que trasladou a acción a San Francisco e estaba protagonizado por Donald Sutherland. O segundo remake, de 1993, foi dirixido por Abel Ferrara e ambientou a história nunha base militar.

    A nova invasión dos ultracorpos comezará a se rodar a finais de setembro en Baltimore, New York e Washington D.C. O seu lanzamento será en 2006 para coincidir co 50º aninversário do orixinal.

  • [19:42 22/08/2005] Un guionista de Los Angeles ven de demandar á canle ABC e mais á Touchstone Television por lle roubar supostamente a súa ideia orixinal sobre a série de televisión Perdidos, que di que inventou en 1977. Anthony Spinner presentou a demanda o pasado día 19 de agosto no Tribunal Superior de Los Angeles, pedindo resarcimento por danos non especificados, ruptura de contrato e fraude. Spinner di que foi contratado por Sid and Marty Krofft Productions en 1977 para escribir, producir e desenvolver un guión para un programa de TV que se titularía Perdidos e iría sobre un grupo de supervivintes dun accidente de avión e que loitaban por sobrevivir nunha xungla.

    Rumores para Indy IV

    [22:40 04/08/2005] Vários sítios web están a difundir algúns rumores ainda por confirmar pola Internet, todo sobre a cuarta entrega da saga de Indiana Jones, incluindo a nova de que o director Steven Spielberg aceptou o guión do escritor Jeff Nathanson. Segundo unha fonte que prefire manter o seu anonimato pero que está moi vencellada a Spielberg, o realizador está a deixar a súa axenda aberta para despóis de rematar o seu actual traballo sobre as Olimpiadas de Múnich.

    Ademáis, as mesmas fontes afirmaron que o produtor executivo George Lucas e mais Nathanson están xa pechando os últimos detalles do guión, que estará rematado en outono e será enviado aos estudos para a súa aprobación. As devanditas fontes insisten en que Harrison Ford tamén deu o seu visto bó ao guión, e que a Paramount desexa estrear o filme o dia 2 de febreiro de 2007.

  • [1:35 25/08/2005] O actor Brock Peters, coñecido sobre todo polo seu papel do negro falsamente acusado de violación no clásico Matar a un reiseñor, finou o martes en Los Angeles de cancro de páncreas aos 78 anos. Para os fans ao fantástico debemos lembrar as súas aparicións en séries de TV coma A Muller Biónica e por interpretar vários persoaxes en Star Trek: o almirante Cartwright en Star Trek IV e Star Trek VI e mesmo en Star Trek: Deep Space Nine no papel de Joseph Sisko.

  • [1:35 25/08/2005] Xa foron dados a coñecer os finalistas dos Prémios Mundiais da Fantasía 2005, cuxos gañadores coñeceran-se no decurso do congreso mundial da Fantasía que terá lugar en Wisconsin, EE.UU, do 3 ao 6 de novembro. Para ler a listaxe completa dos nominados podedes acceder a este enderezo web.

    A fraga das Sombras

    [22:40 04/08/2005] O pasado 1 de agosto iniciou-se a rodaxe de El Bosque de las Sombras, a primeira longametraxe dirixida por Koldo Serra. A película, producida por Monfort Producciones, Filmax Entertainment e Videntia Frames Producciones en España, The Holy Cow en Inglaterra e Divine Productions en Franza, rodará-se en diferentes localizacións do País Basco durante oito semanas.

    Koldo Serra, que gañou numerosos prémios coa sua curtametraxe El tren de la bruja (Amsterdam Fantastic Film Festival, Sitges – Festival Internacional de cinema de Cataluña, Festival de Terror de San Sebastián) conta para a súa ópera prima con actores de prestíxio internacional entre os que destacan Paddy Considine (24 Hour Party People), Virginie Ledoyen (A praia), Gary Oldman (Batman Begins, Drácula de Bram Stoker) e Aitana Sánchez-Gijón (O maquinista).

    No vrao de 1978 Lucy e Norman, unha parella inglesa cuxa relación non atravesa un bó momento, deciden pasar as vacacións na casa que os seus amigos Paul e a sua muller Isabel compraron no norte de España. A casa, situada no médio do bosque e de difícil acceso, semella deparar-lles unhas tranquilas vacacións. Pero a tranquilidade ve-se interrumpida cando descubren a unha nena coas mans horribelmente deformadas recluida nunha cabana no bosque. Os seus intentos por leva-la á policía ven-se truncados pola abrupta natureza do bosque e por un grupo de lugareños encargados de mantér á niña en semellantes condicións.

    A película será distribuida internacionalmente co título de The Backwoods.

  • [14:44 29/08/2005] Mary Lambert, coñecida por dirixir as películas da saga de Pet Sematary (Cemitério de animais), ven de asinar para facer un western de vampiros que se titulará High Midnight. A história, escrita por Denis Faye, vai sobre un sheriff que é obrigado a unirse a un cazador de vampiros victoriano e xuntos deter á ameaza dos vampiros que chegan de New Mexico en 1892.

  • [14:39 27/08/2005] O actor Tom Cruise tivo que desmentir a autenticidade dunha entrevista na que supostamente dixo que el é a reencarnación de William Shakespeare. Un sítio web na Internet afirmaba ter feito unha entrevista a Cruise na que este dicía que "fun moito máis feliz nas existenzas anteriores, cando escribín obras de teatro, compuxen música, conquistei nacións, descobrín continentes e desenvolvín curas para enfermidades".

  • [14:39 27/08/2005] Natalie Portman e Dustin Hoffman protagonizarán o filme fantástico da Mandate Pictures Mr. Magorium's Wonder Emporium, dirixido por Zach Helm. Hoffman será un excéntrico dono dunha tenda de xoguetes que quere sacar a Portman da súa depresión deixándolle a tenda. A Mandate é unha compañía de Sam Raimi e Rob Tapert e tamén ten proxectado un thriller sobrenatural titulado Passengers.

  • [14:39 27/08/2005] Os rumores apuntan agora cara a Goran Visnjic (Elektra) para o cobizado papel do axente secreto 007. O actor, de orixe croata e de forte acento daquela nacionalidade, non parece ser dende logo unha boa opción, de non ser que os que escoiten a versión orixinal do filme queran oir a James Bond dicindo "son serro-serro-ssete". Visnjic é coñecido en Galiza sobre todo pola súa interpretación do doutor Luka Kovac na série Urxéncias.

  • [14:39 27/08/2005] O colaborador ocasional de NOVAFANTASIA.COM Santiago Eximeno xa ten tradución tamén ao xaponés. O seu relato Origami (prémio Ignotus de 2003) foi publicado no número 24 do fanzine "Lunatic", decano da ciéncia-ficción xaponesa, grazas á tradución de Nakazima Yasutoshi.

  • [1:35 25/08/2005] O Concello de Sevilla (España) invitará ao autor de best-sellers Dan Brown a coñecer a cidade, da que fai un retrato moi pouco favorecedor na sua novela Fortaleza Dixital, que se publicará en España en 2006. Esta é a primeira novela de Dan Brown e foi publicada en 1996. Este é o único título de Brown que se desenvolve, en parte, en España, un escenário de suxedade, corrupción e atraso tecnolóxico onde os hospitais feden a ouriños, as cabinas funcionan "coma unha ruleta" e as forzas de seguridade son doadamente sobornabeis. En fin, que se alguén quere, pode considerar todo isto como ficción.

    Jackson en Afrosamurai

    [22:40 04/08/2005] Samuel L. Jackson protagonizará e coproducirá un filme que tentará adaptar o cómic xaponés Afrosamurai, creado por Takashi Okazaki.

    A película é unha produción conxunta dos estudos de animación xaponeses GDH K.K. Gonzo, a Fuji TV e mais a Mosaic Media en Los Angeles. Jackson (A Vinganza do Sith) xa asinou para emprestar a súa voz a un persoaxe na série de debuxos animados Afrosamurai que será estreada na canle americana Spike TV o ano que ven.

    Afrosamurai é a história dun guerreiro no Xapón feudal que percorre o país tentando vingar a morte de seu pai, a quen viu asasinar. O seu meirande inimigo é un pistoleiro con tres brazos.

    A produción comezará en 2006, mentres que a súa estrea nos Estados Unidos estña prevista para 2007. A série de televisión, da Gonzo e a Fuji TV, sería estreada no Xapón despóis de facer o próprio en América. Charles Roven e Alex Gartner, da Mosaic Media, producirán a película xunto co presidente da GDH K.K. Shinichiro Ishikawa e o xefe do departamento cinematográfico da Fuji TV, Chihiro Kameyama.

    Rowling e King, nominados aos Quills

    [22:40 04/08/2005] J.K. Rowling, Bob Dylan e Stephen King están entre os nominados para os primeiros prémios Quill, un galardón que será concedido por votación popular entre o público en xeral.

    Organizado pola Reed Business Information, a editora da revista "Variety", o "Library Journal" e mais o "Publishers Weekly", e pola canle de televisión NBC, os prémios Quill teñen 19 categorías, con cinco finalistas en cada unha. Os gañadores serán anunciados o 11 de outubro nunha cerimónia televisada pola NBC 11 días despóis.

    O público poderá votar dende o 15 de agosto até o 15 de setembro neste sítio web e o prémio será publicitado nas librarías e na rede de televisión da NBC.

    Os prémios non conlevan ningunha bolsa en metálico, ainda que as editoriais agardan que sexan abondo coñecidos como para axudar a incrementar as vendas.

    Os nominados van dende o best-seller Harry Potter e o príncipe mestizo na categoría de narrativa infantil é tradución de Gilgamesh, nominada na categoría de millor poema. Os votantes tamén poderán elixir un "Libro do Ano" seleccionando un finalista en cada categoría.

    Outras categorías inclúen novela gráfica, mistério, humor e fantasía e ciéncia-ficción. Os finalistas foron escollidos por un grupo de milleiros de libreiros e bibliotecários entre os libros aparecidos nas listas de máis vendidos da revista "Publishers Weekly", da libraría Barnes & Noble e na Book Sense.

  • [14:44 29/08/2005] Após do éxito de A Guerra dos Mundos, a Paramount quere que Steven Spielberg faga outra película de ciéncia-ficción, nesta ocasión o remake de Cando os mundos baten (When worlds collide, en versión orixinal). Spielberg, quen ainda non ten ren decedido, sustituiría asemade a Stephen Sommers, quen decediu deixar o proxecto para dirixir A Night at the Museum coa Fox. A versión orixinal de When Worlds Collide foi dirixida por Rudolph Mate en 1951 e serviu como inspiración para facer filmes coma Deep Impact e Armageddon.

    As portas do Hades

    [21:07 05/08/2005] A concellería de Xuventude de Vigo, dentro da súa programación "Verán Xove" organiza estas xornadas en colaboración coa Asociación Xuvenil Cancerbero e que inclúe actividades como torneos de Warhammer, Magic e rol en vivo.

    Dentro da programación de verán da Concellería de Xuventude "Verán Xove", terán lugar dende hoxe mesmo e até o 7 de agosto, no Pavillón do Berbés, as III Xornadas de rol, cartas e estratexia "As portas do Hades".

    Organizadas pola Asociación Xuvenil Cancerbero, estas xornadas pretenden dar a coñecer e divulgar este tipo de xogos como unha actividade de ocio que fomenta hábitos positivos e contribúen a desenvolver aspectos como memorización, capacidade de abstracción e de planificación a curto e medio prazo, constancia, responsabilidade, traballo en equipo, fomento da lectura... Tamén pretenden ser un punto de encontro e referéncia para os afeccionados a este tipo de xogos a nivel estatal.

    Entre as actividades que se levarán a cabo, sinalar: torneos de Warhammer, Magic, pintura de miniaturas, concurso de relatos, rol en vivo, xogos de rol de mesa e de cartas, etc.

    As III Xornadas "As portas do Hades" están enmarcadas dentro do Plan Nexus, proxecto cofinanciado pola Concellería de Xuventude e a Comisión Europea co fin de dinamizar a participación xuvenil en Vigo.

  • [16:56 31/08/2005] O guionista Paul Haggis (Million Dollar Baby) foi contratado para reescribir o libreto de Casino Royale, a vindeira película da franquícia de James Bond. Os produtores Barbara Broccoli e Michael Wilson contrataron a Martin Campbell (GoldenEye) pra dirixir este filme, pero a procura do protagonista, que há sustituir a Pierce Brosnan no papel de 007, está por rematar. O guión está baseado no primeiro libro de Ian Fleming, escrito en 1953 e que se considera máis escuro e violento que o resto.

  • [22:25 29/08/2005] A protagonista da antiga série Wonder Woman, Lynda Carter, confesou que pasou moitos anos loitando en segredo contra a súa adición ao alcool após de que rematara o éxito mundial da súa série. A actriz, de 54 anos, estaba tan consumida pola súa dependenza que mesmo chegou rezar para morrer: "seguín coidando que podía controlalo e manexalo, pero o alcoolismo é unha enfermidade. Medra dentro de ti. Nunca me mataría, pero coidaba que se morría nun accidente, sería o millor".

  • [14:44 29/08/2005] Veñen de se faceren públicos os candidatos aos prémios ingleses do xénero fantástico, os British Fantasy 2005. Dado que a listaxe é grande de máis, podedes consultala completa neste enderezo web. Algunhas categorías teñen máis de cinco candidatos por mor dos empates producidos na votación. Anunciarán-se os gañadores no Congreso Británico de Fantasía que terá lugar o 2 de outubro no Quality Hotel de Walsall.

  • [14:44 29/08/2005] Comeza a colección de libros editados en soporte papel do popular portal de ciéncia ficción na Internet "El Sitio de Ciencia Ficción", que coordina Francisco José Suñer Iglesias. O elixido para o número un foi Extremaunción, de José María Boto Bravo, unha novela que ten certos toques que a asemellan a O Código da Vinci.

  • [14:44 29/08/2005] A Sony Pictures lanzará o vindeiro 13 de nadal un curioso documental de 97 minutos sobre a influenza de O Señor dos Aneis na cultura occidental dos últimos cincuenta anos, titulado Ringers: Lord of the Fans. Nel participarán tanto diferentes persoalidades, afeccionados e eruditos da obra de J.R.R. Tolkien. Dirixido, escrito e producido por Carlene Cordova, cuxo traballo durou dos anos e médio, foi patrocinado por TheOneRing.net, a páxina máis importante sobre as películas da saga. A narración corre a cargo de Dominic Monaghan, o actor que interpretou ao hobbit Merry na triloxía. Aparecen no documental Peter Jackson, Elijah Wood, Ian McKellen, Clive Barker, Cameron Crowe, Terry Pratchett e David Carradine. A banda sonora corre a cargo de músicos influenciados por Tolkien.

    Gañadores dos Prémios Hugo

    [10:51 09/08/2005] Os gañadores dos prémios Hugo 2005 foron anunciado no decurso dunha cerimónia que tivo lugar onte na InterAction, a 63ª Convención Mundial de Ciéncia Ficción que está a ter lugar en Glasgow, e a lista completa vai deseguido:

    • Millor novela: Jonathan Strange & Mr Norrell, de Susanna Clarke
    • Millor novela curta: The Concrete Jungle, de Charles Stross
    • Millor relato longo: The Faery Handbag, de Kelly Link
    • Millor conto: Travels with My Cats, de Mike Resnick
    • Millor obra de non-ficción: The Cambridge Companion to Science Fiction, de Edward James e Farah Mendlesohn
    • Millor película: Os Incríbeis
    • Millor série de TV: Battlestar Galactica (Capítulo 33)
    • Millor editor profesional: Ellen Datlow
    • Millor artista profesional: Jim Burns
    • Millor revista semiprofesional: "Ansible", editada por David Langford
    • Millor fanzine: "Plokta", editado por Alison Scott, Steve Davies e Mike Scott
    • Millor escritor afeccionado: Dave Langford
    • Millor artista afeccionado: Sue Mason
    • Millor sítio web: Sci Fiction

    Ademáis, ainda que non é unha categoría dos Hugos, foi outorgado o prémio John W. Campbell ao millor escritor primeirizo a Elizabeth Bear.

    E dentro das novas referidas aos Hugo, hai que comentar que foi realizada unha proposta para que o ano que ven o prémio de Millor Editor sexa dividido en dúas categorías diferentes para os editores de revistas e os editores de libros. Se esta proposta é ratificada na convención do ano que ven en Anaheim, os prémios de 2007 xa contarán con este novo prémio Hugo.

  • [0:16 07/09/2005] No decurso da WorldCon fixéron-se entrega os prémios europeos de ciéncia-ficción que este ano recairon en: Nature, do Reino Unido, Marina e Sergei Dyachenko, de Ucraina, Sergei Poyarkov, de Ucraina, a revista "Galaktika" de Hungría, Alain Le Bussy de Bélxica e Kees van Toorn, de Holanda.

  • [16:42 03/09/2005] Os libros de Ursula K. LeGuin, convertidos en serie televisiva co nome de A lenda de Terramar estrea-se hoxe sábado 3 de setembro en Antena 3 ás 22:15. Baseada na série de novelas da escritora americana Ursula K. LeGuin, a minisérie está protagonizada por Shawn Ashmore, Kristin Kreuk, Isabella Rossellini, Danny Glover e Sebastian Roché.

  • [18:09 01/09/2005] Finou o actor Michael Sheard (1940-2005). Sheard interpretou ao Almirante Ozzel en O Império contraataca e mais a Adolf Hitler en Indiana Jones e a Derradeira Cruzada. A súa carreira como actor comezara en 1964 e ao ano seguinte fixo unha aparición nunha adaptación televisiva da novela 1984. Sheard interpretara a Hitler alomenos en cinco películas e ao segundo do ditador nazi, Heinrich Himmler, dúas veces. Ademáis, Sheard fixo várias aparicións coo estrela convidada en Doutor Who e era un fixo nas convencións inglesas de ciéncia-ficción.

  • [18:09 01/09/2005] O director Andrew Adamson está decidido a que a súa versión cinematográfica de As Crónicas de Nárnia sexa o máis semellante posíbel ao orixinal das novelas de C.S. Lewis, xa que segundo dixo, el medrou lendo eses libros. O realizador de Shrek temía que os produtores de Walden Media e da Disney tiveran unha ideia radicalmente distinta sobre a fantástica saga, pero afortunadamente tiñan as mesmas ideias: "os libros foron moi importantes para min cando neno. Estaba preocupado porque tentasen modernizalos. Cando finalmente aceptei ver-me con eles, dixeron que querían ser realmente fieis tamén".

  • [16:56 31/08/2005] A protagonista de Xena: A Princesa Guerreira, Lucy Lawless, foi unha das damnificadas polo recente paso do furacán Katrina en New Orleans. A actriz tivo que fuxir da cidade, onde estaba a rodar a nova película Vampire Bats e ficou atrapada nun atasco na autoestrada, ainda que finalmente puido escapar.

  • [16:56 31/08/2005] Terry Gilliam está abraiado porque o proxecto para a súa nova película, que protagonizarán Johnny Depp e Robin Williams, ainda está arquivado porque os produtores americáns non lle queren emprestar os 15 millóns de dólares que precisa. Os produtores internacionais xa lle deron 45 millóns para facer Good Omens, con Depp no papel dun demo e Williams no dun anxo, pero seica os americáns non teñen a mesma fe neste filme e non lle deron os cartos que lle faltaban. A película é unha adaptación dun libro de Terry Pratchett e Neil Gaiman. Se cadra, nos Estados Unidos ainda lembran o que aconteceu co último proxecto de Gilliam, a súa película sobre o Quixote.

    Secuela de Batman Begins

    [15:15 11/08/2005] O produtor de Batman Begins Charles Roven confirmou que o reparto xa asinou para facer unha secuela, que o guión está a se facer, que están a discutir que novos persoaxes tomarán parte nesta entrega, e que só agardan polo visto bó do director Christopher Nolan, de quen teñen a esperanza de que tamén participe.

    O protagonista de Batman Begins, Christian Bale, repetirá o seu papel como Bruce Wayne/Batman, Michael Caine como o mordomo, Katie Holmes no rol de Rachel Dawes e Gary Oldman como detective Jim Gordon.

    Pero Roven engadiu que ainda é cedo para falar sobre os novos persoaxes para esta segunda entrega, rexeitando os rumores que apuntaban a Steve Carrell no papel do Joker. Roven está a traballar con Carrell nunha adaptación para a pantalla grande da série de TV O Superaxente 86 e non quere falar sobre novos actores para Batman.

    Finalmente, dixo que ainda que non é obrigatório que Chris Nolan sexa o directorm, gostarían de contar con el, pero que son os estudos quen teñen os dereitos sobre a franquícia e que eles "poden facer calquera cousa sen contar con ningún de todos nós".

  • [0:16 07/09/2005] Terry Gilliam está convencido de que a súa película Os irmáns Grimm foi atacada pola crítica porque a audiéncia adulta é moi estreita de mente para apreciar o seu traballo fantástico. O director insiste en que o seu filme foi un "intento desesperado" para esmagar o cisnismo e sacar o neno que hai dentro de cada espectador.

  • [0:16 07/09/2005] A Marvel, a compañía de comics creadora de clásicos coma Spiderman ou a Patrulla X, ten un novo nome e dez novas películas en carteira. A compañía anunciou que veñen de pechar un trato coa Merrill Lynch por valor de 525 millóns de dólares para producir novos filmes e que ademáis o nome da empresa mudará de Marvel Enterprises a Marvel Entertainment, reflectindo o seu novo interese. Segundo dixeron, os novos persoaxes que sairán do cómic para a pantalla grande serán o Captitán América, os Vingadores, Nick Fúria, Panteira Negra, Ant-Man, Capa e Puñal, o Dr. Strange, Hawkeye, Power Pack e Shang-Chi.

  • [0:16 07/09/2005] O protagonista da série orixinal de Star Trek, William Shatner, será ún dos convidados á gala dos Emmys que terá lugar o vindeiro 18 de setembro, e ademáis, cantará xunto a Frederica von Stade o tema orixinal da série (pero terían que lle poñer letra antes!).

  • [1:21 15/09/2005] Morreu esta tarde Robert Wise (1914-2005), director de películas coma Sorrisos e bágoas ou West Side Story, aos 91 anos de idade. Precisamente este ano o cineasta ía ser homenaxeado no Festival de Donosti. Para os afeccionados ao xénero fantástico, Wise foi o realizador de filmes coma O regreso da muller panteira, O ladrón de cadáveres, Ultimato á Terra, Helena de Troia, The Haunting (1963), A ameaza de Andrómeda e Star Trek: a película.

  • [21:54 13/09/2005] The Exorcism of Emily Rose bateu aos seus rivais no despacho de billetes desta fin de semana nos Estados Unidos, obtendo o primeiro posto con 30,2 millóns de dólares de recadación. A película, supostamente baseada en feitos reais, vai sobre un cura católico que practica un exorcismo que remata coa morte da rapaza de 19 anos exorcizada.

  • [21:54 13/09/2005] Johnny Depp, o camaleónico actor que leva anos interpretando a todo tipo de persoaxes na pantalla grande, dixo nunha recente entrevista durante a apresentación da súe recente Corpse Bride en Toronto (Canadá) que xa atopou un papel no que quere ficar: o capitán bucaneiro Jack Sparrow, de Piratas do Caribe.

  • [21:54 13/09/2005] A revista BD Banda ven de acadar o Prémio Ourense de Banda Deseñada na sua 15ª edición. A publicación está coordinada por Kiko da Silva e ven editándose dende 2001 para dar saida a moitos produtores galegos de cómic, ainda que o proxecto estivo sempre aberto tamén a autores non galegos. O Prémio Ourense será entregado dentro das xornadas sobre cómic que se celebrarán na cidade das Burgas do 1 ao 15 de outubro e está dotado cunha estatuiña de Manolo Figueras.

  • [11:40 11/09/2005] O vindeiro 14 de outubro estreará-se Somne, unha coprodución de Vaca Films-Lotus Films e mais a TVG, na que participan Goya Toledo, Óscar Jaenada e Nancho Novo, entre outros. O filme é un thriller de ciéncia-ficción, no que abundan elementos de terror, e contará cun pase especial no marco do Festival de Cinema Fantástico de Sitges. Nestes días están a se levar a cabo os traballos de postprodución da película.

  • [23:30 08/09/2005] Corre o rumor malicioso de que o protagonista da saga cinematográfica de Harry Potter, Daniel Radcliffe, podería interpretar ao axente secreto James Bond nas súas aventuras xuvenís na escola inglesa de Eton, arestora en preparación. Outro dos candidatos é o protagonista de Billy Elliot, Jamie Bell.

  • [23:30 08/09/2005] Un sítio web na Internet está a difundir o rumor de que os tres falcatruáns de Spiderman 3 serán Venom, Sandman e o Hobgoblin, interpretados respectivamente por por Topher Grace, Thomas Haden Church e James Franco.

  • [23:26 08/09/2005] Os dereitos sobre as histórias de Eragon de Christopher Paolini veñen de ser adquiridos pola 20th Century Fox, que seica prepara un filme para o ano que ven, cun orzamento fixado en 100 millóns de dólares. Nomes coma o alicaído Jeremy Irons, o xenial John Malkovich, Robert Carlyle ou Djimon Honsou estarán no reparto deste filme.

    Carrey e Stiller, clons

    [18:08 01/09/2005] Comentan os nosos enviados especiais en Hollywood que Jim Carrey está en conversas para protagonizar xunto a Ben Stiller un papel que lles convertería en clons de pracer obsoletos en Used Guys ["Tíos usados"], unha comédia de ciéncia-ficción que sería dirixida por Jay Roach para a Fox. O filme comezaría a se rodar a vindeira primavera.

    Stiller e Roach, que traballaron recentemente xuntos en Meet the Fockers [titulada en España "Os pais de el"], levan preparando esta película hai anos. Agora que Stiller estaría libre para interpretar o papel xunto a Carrey, a este último seica lle entraron as presas por comezar.

    Esta sería a primeira comédia de Carrey dende hai un tempo, xa que a secuela de Coma Deus! será interpretada por Steve Carell.

    Cun guión de David Guion e Michael Handelman a partir dun boceto orixinal de Mickey Birnbaum, a futurista Used Guys está ambientada nun mundo onde as mulleres governan a Terra. Os homes extinguíron-se porque beberon unha pócima que lles sentou fatal. Carrey e Stiller serían clons que ficaron obsoletos cando xurdiron modelos superiores, que saben escoitar millor e teñen superiores capacidades amatórias. E agora os dous clons, feridos no seu orgullo, andan por aí tentando atopar un lugar utópico ao que chaman Mantopia [probabelmente sexa traducido por "Hometopía" ou algo semellante].

    Unha nova precuela para Star Trek

    [14:42 29/08/2005] O guionista Erik Jendresen dixo nunha recente entrevista que está embarcado nun proxecto para facer unha película precuela da saga de Star Trek para a Paramount.

    "Estou emocionado con este proxecto, e coido que as posibilidades de facelo son boas", dixo Jendresen. "Todo depende de que opinen os estudos, e na Paramount houbo trocos significativos ultimamente. Peo a xente que toma as decisións é xente moi responsábel con moito traballo ás súas costas. Así que xa veremos. Agora mesmo son optimista".

    Jendresen dixo que polo de agora o nome do proxecto é Star Trek: The Beginning, producido por Rick Berman, Kerry McCluggage e Jordan Kerner. Berman xa dixera que a película non usará ningún persoaxe de Star Trek que xa exista e que será unha precuela da série orixinal.

    E Jendresen di máis: "Isto podería ter lugar só un par de anos após do final dos sucesos de [a série] "Enterprise", pero xusto antes da série orixinal, e investigaría o incidente que fixo comezar todo. A história é grande e épica, e non tan aséptica coma adoitan ser as histórias na televisión".

    Jendresen engadiu que a película non estará centrada nunha nave. "Estamos procurando un grupo moi pequeno de homes e mulleres, enfocados particularmente nun persoaxe", dixo. "Hai un par de naves, incluindo unha principal, pero esta non é a história tradicional de capitán e tripulación".

    Como converter-se nun zombi

    [0:20 20/08/2005] A asociación californiana First Amendment Project, en colaboración con vários escritores de renome, entre eles Stephen King, Michael Chabon, John Grisham, Amy Tan, Rick Moody e Neil Gaiman, sacará a poxa en eBay a partir de setembro, o nome dos personaxes das suas novas obras.

    Stephen King oferece, por exemplo, o nome dun personaxe de Cell, unha novela que será publicada en 2006 ou 2007: "O mercador debe saber que ésta é unha obra violenta, con zombis que se activan por un sinal de teléfone defectuosa que destrúe o cerebro dos humanos", o mesmo có whisky barato, dí o escritor na sua páxina web, e continúa: "é algo brutal, pero á vez satisfatório", aclarando que lle dá igual se o mercador é home ou muller, pero, iso si: "se o mercador quere que a sua personaxe morra, debe de ser unha muller".

    Igualmente, o novelista e debuxante de cómic Neil Gaiman prefire gravar o nome do afortunado mercador nunha lápida. Pola sua parte, John Grisham opta por descreber á sua personaxe "nun dia bonito e favorábel".

    Michael Chabon (Os mistérios de Pittsburgh) promete utilizar o nome do gañador alomenos unha vez no desenvolvemento do romance. Ao autor, membro activo do departamento de vixiláncia de First Amendment Project, veu-lle a idea de realizar a poxa e mobilizar aos seus colegas, despois de que Neil Gainman vendese o nome dun barco que aparecía nun dos seus libros por 3.500 dólares.

    David Greene, membro desta asociación, adicada a proporcionar asistenza legal en temas de liberdade de expresión, afirma que os fans comezaron a amosar un interese moi grande por esta operación. "Debo ser prudente nas miñas previsións, pero esperamos recadar entre 40.000 e 50.000 dólares grazas a estes 16 autores".

    A poxa terá lugar no portal eBay.com a partir do 1 de setembro.

  • [22:15 15/09/2005] A editorial Planeta DeAgostini ven de lanzado nos quiosques unha colección de literatura fantástica en español na que se publicarán algunhas das séries máis populares do xénero. Na primeira entrega e ao prezo de 2,99 € publica-se O retorno dos dragóns, a primeira parte da triloxia Crónicas da Dragonlance de Margaret Weiss e Tracy Hickman. O resto de libros costarán 6,99 euros e incluirán títulos coma O trono de ósos de dragón e A tumba de Huma.

  • [22:15 15/09/2005] Se algún de vós ten oportuidade de se achegar até Donosti, este ano no festival de cinema poderán-se ver, entre outras, películas de xénero coma Tideland de Terry Gilliam, Wallace & Gromit: The curse of the Were-Rabit, The curse of the cat people, The body snatcher, The day the Earth stood still, The haunting, The Andromeda strain, Star Trek: The motion picture, todas eas do recentemente finado Robert Wise, e ademáis unha retrspectiva adicada a Abel Ferrara, con estes filmes: Body snatchers, The addiction e New Rose Hotel. E todo isto por non falar do filme que inaugurará o Festival, Obaba, do director español Montxo Armendariz.

  • [1:22 15/09/2005] O actor inglés Daniel Craig reentrou na carreira de especulacións para interpretar o papel de 007 após de ser atopado nunha libraría de Londres preguntando por unha rara edición da novela orixinal na que está baseada a vindeira película de James Bond, Casino Royale. O libreiro díxo-lle que ese exemplar podería custar 20.000 libras, así que Craig non- mercou. Craig está nunha listaxe de favoritos para interpretar ao superaxente secreto, entre os que se atopan Clive Owen, Ewan McGregor, Julian McMahon e Hugh Jackman.

  • [1:22 15/09/2005] O director Ron Howard foi obrigado a disimular o nome da súa versión cinematográfica de O Código da Vinci para evitar ser localizado polos milleiros de fans que asulagan os estudos de rodaxe. Howard optou por usar o nome falso de The Rose Line para rotular o seu proxecto, pero non acadou enganar a todos porque ese nome tamén aparece na novela de Dan Brown.

  • [1:21 15/09/2005] A Warner Brothers ven de se facer cos servizos de Francis Lawrence (Constantine) para dirixir I Am Legend, a adaptación da novela de ciéncia-ficción de Richard Matheson. Este filme, que leva case unha década rodando polos estudos, vai sobre unha guerra biolóxica que deixa un só sobrevivinte en Los Angeles, onde deberá loitar contra os mutantes noiturnos. Esta é a terceira versión que se fai da novela. As dúas anteriores foran The Last Man on Earth (1964), con Vincent Price e The Omega Man con Charlton Heston.

  • [1:21 15/09/2005] Os autores españois Andrés Manuel Cardiel Martínez e Sergio Parra Castillo resultaron ser os gañadores dos Prémios Andrómeda de ficción especulativa nas categorias de relato e novela, coas obras Dudas de hielo e BITIS TM respectivamente.

  • [1:21 15/09/2005] Dean Cain, o Superman da série de TV Lois & Clark, terá unha aparición xunto a Teri Garr na série Lei e orde. E o actor que deu vida a Frodo Bulsón na triloxía de O Señor dos Aneis, Elijah Wood, rodará Everything is Illuminated, unha película sobre a invasión nazi de Ukraina.

    As candidaturas dos Ignotus

    [16:41 03/09/2005] A Asociación Española de Fantasía e Ciéncia-Ficción, que outorga cada ano os Prémios Ignotus, ven de facer públicos os nominados para este ano. Estes galardóns conceden-se mediante votación dos sócios da AEFCFT así como doutras entidades afíns e dos asistentes á Hispacon que así o desexen, durante a celebración da devandita convención (que este ano será entre o 28 de outubro e o 1 de novembro en Vigo).

    A listaxe completa dos candidatos é a seguinte:

    • Millor novela:
      • Asura, de Santiago Eximeno
      • Buscando a los antiguos dioses, de Eduardo Gallego e Guillem Sánchez
      • El sueño del rey rojo, de Rodolfo Martínez
      • Máscaras de matar, de León Arsenal
      • Umma, de Juan Antonio Fernández Madrigal

    • Millor novela curta:
      • Amanecer, de José Antonio Cotrina
      • Imágenes, de Santiago Eximeno
      • Reciclador, de Victor M. Ánchel
      • Sueños de interfaz, de Vladimir Hernández
      • Traficantes de leyendas, de Jordi Font-Agustí

    • Millor conto:
      • El hombre que se burlaba del tiempo, de José Carlos Canalda
      • La niña muerta, de José Antonio Cotrina
      • Los hijos de nuestros hijos, de José Antonio del Valle
      • Pájaro en mano, de Eduardo Gallego e Guillem Sánchez
      • Punto de entrega, de Vladimir Hernández

    • Millor antoloxía:
      • ¡China ha despertado!
      • ¿Escasez de petróleo?
      • Imágenes, de Santiago Eximeno
      • Paura - volumen 1
      • Premios UPC 2003

    • Millor ensáio:
      • Ciencia y Apocalipsis, de Rafael Alemañ
      • Espectra, de Pilar Pedraza
      • Gadir 2K4
      • George H. White

    • Millor artigo:
      • Historia alternativa en la literatura española I, de Alfonso Merelo
      • La hispacón, la lengua de los elfos y los palatales serbocroatas, de César Mallorquí
      • Los cien mejores relatos de ciencia-ficción, de Julián Díez
      • PulpEdiciones: ¿piratería o descuido?, de Alberto Cairo
      • Vida, sexo y ciencia-ficción, de Eduardo Gallego e Guillem Sánchez

    • Millor ilustración:
      • Portada de Buscando a los antiguos dioses, por Guillermo Romano
      • Portada de Gigamesh nº38, por Juan Miguel Aguilera e Rafa Fonteriz
      • Portada de Sherlock Holmes y la sabiduría de los muertos, de Alejandro Terán
      • Portada de UMMA, por Manuel Calderón

    • Millor Produción audiovisual:
      • El enigma del chico croqueta, de Pablo Llorens
      • El maquinista, de Brad Anderson
      • Hipnos, de David Carreras
      • Las naves de la Saga de los Aznar, de Alfonso Seijas
      • Romasanta, la caza de la bestia, de Paco Plaza

    • Millor cómic:
      • La legión del espacio, de Alfredo Álamo-Fedde
      • Piel de Dragón, de Jordi Bayarri

    • Millor obra poética:
      • Barad-dur, de Juan Emilio Ríos Vera
      • De un deja-vú. Eterno retorno, de Gabriella Campbell
      • Digital Amarilla, de Santiago Eximeno
      • Romance de los exiliados, de Miguel González Peña
      • Quiero ser como Lugosi, de Alfredo Álamo

    • Millor revista:
      • Artifex Segunda Época
      • Asimov Ciencia Ficción
      • Galaxia
      • Gigamesh
      • Solaris

    • Millor novela estranxeira:
      • Ciudad Maldita, de Arkadi y Boris Strugatski
      • En la estación Basilisco, de David Weber
      • Excensión, de Iain M. Banks
      • Illión: El asedio, de Dan Simmons
      • Los tejedores de cabellos, de Andreas Eschbach

    • Millor conto estranxeiro:
      • 16 de junio en Anna´s, de Kristine Kathryn Rusch
      • Caer en Marte, de Geoffrey A. Landis
      • Camino de Dragón, de George R.R. Martin
      • Como las que solíamos conocer, de Connie Willis
      • El infierno es la ausencia de Dios, de Ted Chiang

    • Millor sítio Web:
      • BEM On Line
      • Bibliópolis. Crítica en la red
      • NGC 3660
      • Sitio de Ciencia Ficción
      • Stardust

  • [22:15 15/09/2005] Os produtores de cinema Harvey Weinstein e Bob Weinstein decidiron non adiar o lanzamento dunha película de terror ambientada en Louisiana esta mesma semana, mália que a rexión foi devastada polos efectos do Katrina e mais da administración Bush. Os Weinsteins están obrigados por contrato a lanzar o filme Venom antes do 30 de setembro, pero a película só será vista en 800 salas de cinema dos Estados Unidos, un número relativamente baixo para estas cousas. Un voceiro de Dimension Films, a compañía produtora, dixo que "Venom é unha película de terror fictícia. O argumento non ten ren que ver co desastre de New Orleans".

    Anne Rice critica a resposta ao Katrina

    [1:34 06/09/2005] A novelista Anne Rice criticou duramente a resposta ás consecuéncias do furacán Katrina na sua vella vila natal en New Orleans: "Por que América pide a unha cidade (...) que loite pola súa própria vida durante tanto tempo? Esa é a miña pregunta", escribiu Rice nun artigo no New York Times o domingo.

    Rice, autora da saga de As crónicas do vampiro, que inclúen Entrevista co campiro, dixo que a xente lle preguntou como é que tantas persoas ficaron atrás cando sabían que o furacán estaba a chegar: "non tiñan ningún lugar ao que iren", escribiu. "Son os pobres, negros e brancos, que moran en calquera cidade en grandes cantidades; e fixeron o que sentiron que podían facer — axuntáron-se nas casas máis fortes que puideron atopar. Non podían erguerse, sair e rexistraren-se no Ramada Inn [unha cadea de hoteis luxosos] máis cercano".

    Milleiros máis ficaron na cidade para axudar aos seus concidadáns, e loitaron por salvar vidas mentres a nación miraba, dixo Rice, quen agora vive no área de San Diego. Ela coida que New Orleans será reconstruida e que a xente seguirá vivindo alí porque é onde as súas famílias viviron ao longo de xeracións. "Pero ao meu país querolle dicir isto: durante esta crise, fallastes-nos. Ollastes-nos por riba do ombreiro; rexeitastes ás nosas vítimas; rexeitastes-nos".

    "Queriades o noso festival de jazz, queriades o noso Entroido, queriades a nosa cociña e a nosa música", continuou a escritora. "Daquela, cando nos vistes en verdadeiros problemas, cando vistes a unha pequena minoría aproveitándo-se dos débiles entre nós, chamástes-nos 'cidade do pecado' e voltades-nos as costas".

    Os Grimm en Venécia

    [1:34 06/09/2005] O director inglés Terry Gilliam arrincou onte discretos aplausos da prensa co seu filme O segredo dos irmáns Grimm, un filme que fixo evocar ao Lido o ambiente infantil dos contos e as fadas. Envolta con acción rápida e efeitos especiais que poñen os pelos de ponta, a producción tivo un orzamento de 65 millóns de euros. O segredo dos irmáns Grimm é un dos 20 filmes que competen polo cobizado León de Ouro no certame cinematográfico mais antigo do mundo.

    Gilliam conta a história da verdadeira vida dos irmáns Grimm, convertendo-os nun par de estafadores que deambulan na Alemaña ao redor de 1796 ocupada polas tropas napoleónicas embelecando con supersticións aos supersticiosos aldeáns que caen nos seus trucos e enganos. Os dous irmáns (interpretados por Matt Damon e o ubícuo Heath Ledger, protagonista doutros dous filmes na Mostra) topan finalmente coa bruxería auténtica e por un tempo viven dentro dos seus futuros libros, en combate cunha raíña moi pérfida (Monica Bellucci en versión dobre, como múmia de 500 anos e como sex symbol decimonónico) e cun xeneral francés non menos malvado. Por certo que a Bellucci foi unha das caras coñecidas que onte pasearon por Venécia. Segundo dixo, o filme é unha metáfora sobre "como se pode ser vítima da vaidade".

    O segredo dos irmáns Grimm é o primeiro filme en sete anos de Gilliam, pero para o realizador, considerado de culto após filmes como Brazil e Doce Monos, foi un retorno infeliz porque moitos críticos americanos carregaron en contra do filme e fixeron que a recadación no despacho de billetes fose moi baixa.

    Como espectáculo visual, custa atopar-lle defeitos ao pesadelo fantástico do antigo membro dos Monty Python. O segredo dos irmáns Grimm destaca en Venécia cun filme de grande orzamento cando a maioria das candidatas americanas son de baixo orzamento e independente, que tratan temas controvertidos.

    Gilliam, célebre pola exitosa série televisiva Monty Python, é un apaixoado dos contos e a máxia, mistura no filme humor, terror, antigas supersticións e efeitos especiais para narrar unha fábula dentro da fábula. Non é fácil entender o que fai un filme como O segredo dos irmáns Grimm, unha superproducción de horror-humor entre os aspirantes ao León de Ouro. O caso é que está aí, como unha rareza mais da Mostra.

  • [1:48 19/09/2005] Confirmado: a política arrebáta-nos a ese grande actor que é Arnold Schwarzenegger, quen desvelou aos seus enfervorizados seguidores que se presentará ás eleccións para Governador de Califórnia o ano que ven, procurando un segundo mandato: "Vou seguir adiante con isto. Non cheguei para tres anos. Orixinalmente collín isto para rematar o traballo. Estarei sete anos", dixo no decurso dunha cea celebrada na súa honra perante uns 200 convidados en San Francisco (Califórnia).

  • [22:21 22/09/2005] Jim Carrey e mais o director Joel Schumacher están a negociar volver a traballar xuntos en The Number 23, unha película fantástica con guión de Fernley Phillips para a New Line. O filme comezará a se rodar en novemebro, e nel Carrey interpretaría a un home obsesionado cun libro que seica vai sobre a súa vida, pero que remata cun asasinato. A última vez que Carrey e Schumacher traballaron xuntos foi en Batman Forever.

  • [22:21 22/09/2005] Despois de Os sen nome e Darkness, Jaume Balaguerò volve para nos facer tremer de medo co telefilme Para entrar a vivir. Xa comezou en Esplugues a rodaxe do filme, que protagonizan os actores Macarena Gómez, Núria González, Adriá Collado, Ruth Díaz, David Saldaña e Roberto Romero. A fita, coproducida por Telecinco e mais a Filmax, forma parte dunha série de filmes de terror que se emitirán durante os vindeiros meses na devandita canle.

  • [22:21 22/09/2005] O ultraconservador escritor americano Michael Crichton asegurou nunha conferéncia en Barcelona que a sociedade mundial necesita unha "comprensión millorada" do meio ambiente e dixo que o pensamento ecoloxista "fai dano porque se basea en dados incorrectos". Na sua última novela, Estado de medo, Crichton aborda o "ecoterrorismo". Crichton, amigo persoal do Presidente George W. Bush, dixo que a povoación concede "unha credibilidade excesiva á ciéncia".

  • [22:39 20/09/2005] A Lucasfilm está procurando guionistas para a súa vindeira série baseada na saga da Guerra das Galáxias de George Lucas. O guión deberá ser escrito para mantér o segredo no Rancho Skywalker, propiedade de Lucas, e o traballo comezará en xaneiro. A série durará 50 horas e será unha mistura de acción real e gráficos xerados por ordenador.

  • [22:39 20/09/2005] Ven de se apresentar unha candidatura granadina para presidir a Asociación Española de Fantasía, Ciéncia-Ficción e Terror (AEFCFT), con Víctor Miguel Gallardo Barragán e Francisco Fernández Miser como nomes máis salientábeis. O seu programa eleitoral inclúe intentar aumentar o número de sócios até o máximo posíbel e insistir no fomento de relacións con outras asociacións afíns dentro do território do Estado Español. Tamén desexan renovar o sistema para os Prémios Ignotus, que segundo din demostrou, por activa e por pasiva, ser insuficiente para que se consoliden e teñan a importáncia debida. Un dato de interese, e do que tomamos nota, é que tamén pretenden unha maior implicación da Asociación na organización das convencións anuais (Hispacóns). A ver se así evitan a desfeita deste ano.

    Novas do Festival de Sitges

    [23:24 08/09/2005] O cine fantástico volverá a Sitges da man da 38ª edición dun dos festivais mais esperados do outono. Entre o 9 e o 16 de outubro apresentarán-se algúns dos títulos que mais espectación están a criar no círculo cinéfilo coma Corpse Bride de Tim Burton, A history of violence de David Cronenberg e Flightplan, dirixida por Robert Schwentke e protagonizada por Jodie Foster.

    Algúns dos títulos destacados que entrarán dentro da competición son Mirror Mask de Dave McKean (con guión de Neil Gaiman), Fragile de Jaume Balaguerò, Yokai Daisenso de Takashi Miike e The Dark de John Fawcett.

    Nesta ocasión, o festival homenaxeará ao director de cinema Álex de la Iglesia, quen ademais apresentará alá o seu telefilme O cuarto do fillo, primeiro título da série colectiva Historias para non dormir que está a producir Telecinco. Ademais, renderá-se homenaxe ao mítico Tiburón de Steven Spielberg con ocasión do seu 30 aniversário.

    O reparto dos Emmys

    [22:38 20/09/2005] Perdidos gañou o prémio á millor série dramática na cerimónia dos Emmys que tivo lugar o día 18 en Los Angeles. A actriz Felicity Huffman, de Mulleres desesperadas e Patricia Arquette, pola série Medium, acadaron os seus primeiros prémios Emmy á millor actriz.

    Perdidos tamén gañou o prémio á millor dirección dunha série dramática na persoa do seu creador J.J. Abrams, e Mulleres desesperadas gañou o prémio á millor dirección nunha comédia.

    No decurso da cerimónia, ademáis das inevitábeis relembranzas aos afectados polo desastre do Katrina, o máis salientábel estivo coa curiosa interpretación que fixo William Shatner da sintonía orixinal de Star Trek, ou máis ben, de como ficou mirando para a cantante de ópera mentres berraba "Oooooh-ahhh, ooh-wah-wah-wah-wooo", o que seica din que fixo aumentar a audiéncia até un 35%, o máximo dende 2002.

    Velaquí a listaxe completa dos prémios que teñen relación co xénero fantástico:

    • Millor Dirección nunha série dramática: Perdidos, dirixido por J. J. Abrams
    • Millor Actor principal nunha minisérie ou telefilme: Geoffrey Rush no papel de Peter Sellers en The Life and Death of Peter Sellers
    • Millor Dirección nunha minisérie, telefilme ou un especial: Stephen Hopkins por The Life and Death of Peter Sellers
    • Millor guión nunha minisérie, telefilme ou un especial: The Life and Death of Peter Sellers, por Christopher Markus e Stephen McFeely
    • Millor Actriz principal nunha série dramática: Patricia Arquette no papel de Allison Dubois en Medium
    • Millor Série dramática: Perdidos
    • Millor reparto nunha série dramática: Perdidos
    • Millor edición de cámara nunha série dramática: Mary Jo Markey en Perdidos
    • Millor banda sonora nunha série: Michael Giacchino por Perdidos
    • Millor série de debuxos animados (dunha hora ou máis): Star Wars: Clone Wars Volume 2, episódios 21 ao 25.
    • Millor Logro Individual en Animación: Justin Thompson, deseñador xefe de decorados en Star Wars: Clone Wars Volume 2, episódios 21 ao 25.
    • Millor edición de cámara nunha minisérie ou telefilme: John Smith por The Life and Death of Peter Sellers
    • Millor edición de són nunha minisérie, telefilme ou especial: The Life and Death of Peter Sellers
    • Millores efectos visuais nunha série: Perdidos
    • Millores efectos visuais nunha minisérie, telefilme ou especial: The Life and Death of Peter Sellers
    • Millor maquillaxe nunha minisérie, telefilme ou especial: The Life and Death of Peter Sellers
    • Millor maquillaxe nunha minisérie, telefilme ou especial (Non-protésico): Frankenstein
    • Millor perruquería nunha minisérie, telefilme ou especial: The Life and Death of Peter Sellers
    • Millor Cinematografía nunha minisérie, telefilme ou especial: The Life and Death of Peter Sellers

    O mundo mítico de Cunqueiro

    [10:47 16/09/2005] Tal e coma vos adiantáramos hai meses en NOVAFANTASIA.COM, a editorial Galaxia, co apóio da Consellaría de Cultura da Xunta, inaugurou no Museo do Povo Galego unha exposición adicada a conmemorar o 50 aniversario da publicación de Merlín e familia, o clásico de Álvaro Cunqueiro. A mostra "50 Anos con Merlín" compleménta-se tamén cunha serie de conferéncias e mesas redondas sobre o autor mindoniense e a súa obra. A exposición ficará aberta até o vindeiro 30 de novembro.

    A primeira parte da mostra é de caracter escenográfico, na que o visitante pode entrar fisicamente na novela atravesando a selva de Esmelle e a fraga de Eirís até chegar á Terra de Miranda. Felipe de Amancia, Dona Xenebra ou Dona Simona poden acompañar-nos neste percorrido.

    Asemade, haberá unha segunda parte biográfica, que conta os fitos máis salientabeis da vida de Cunqueiro. Non sabemos se incluirán nesta biografía a súa afiliación ao partido feixista Falange Española ou os seus artigos laudatórios no ABC para o ditador Franco, pero na devandita exposición poderan-se atopar as primeiras edicións das obras do escritor galego, algunhas cartas da súa correspondéncia con Francisco del Riego e outros obxectos persoais.

    A terceira sección adíca-se ao mito de Merlín, as súas orixes e a súa influenza na literatura occidental, incluindo a galega. Nesta parte podemos atopar a versión máis antiga que se coñece, en galego-portugués, dun texto de Merlín e que esta datado de princípios do século XIV.

    A noiva de Tim Burton

    [23:24 08/09/2005] O director Tim Burton apresentou na Mostra de Venécia Corpse Bride, unha romántica, escura e extraordinária longametraxe de animación. O filme, dirixido tamén por Mike Johnson, basea-se nunha antiga lenda rusa e conta a história dun xove que a véspera do seu matrimónio atravesa unha fraga. Inseguro sobre se coñece as fórmulas nupciais que terá que recitar ao dia seguinte, as repete fronte a unha árbore e coloca o anelo de casamento nunha póla, que resulta ser en realidade o dedo dunha muller morta e sepultada co vestido nupcial que, tras ouvir a proposizón, a aceita e volta a unha apariéncia de vida.

    Os protagonistas deste filme de debuxos animados non son simples nen chas e revelan un carácter complexo e ambíguo que fai que esta fita sexa unha pequena e rara xoia nun panorama dominado pola uniformidade e o estereotipo. O mundo dos mortos, por exemplo, é moito mais vital e colorido có dos vivos. Encanto á banda sonora, é sensacional.

    Finalmente, o xeito das figuriñas de plastilina, a estética e os efeitos especiais son espetaculares. As voces dos personaxes son de grandes estrelas, como Johnny Depp, Helena Bonham Carter, Emily Watson, Albert Finney e Christopher Lee, entre outros.

    A película foi recebida cun estrondos aplauso no festival, tanto na súa apresentación perante a prensa e a crítica coma diante do público onte día 7, pero non entra na competición oficial. O filme Corpse Bride ("A noiva cadáver") será estreada o vindeiro 23 de setembro.

    Perdidos poderia acabar no cine

    [23:24 08/09/2005] A série de televisión Perdidos poderia concluir a sua história nun filme nas pantallas grandes. Segundo informou a prensa americana, os produtores da série atopan-se planeando dar final á série cunha grande superprodución cinematográfica que deixaria encantados aos protagonistas da mesma, quen desde hai unhas semanas non están moi contentos co seu soldo.

    A história comezou cando Matthew Fox (Jack), Evangeline Lilly (Kate) e Dominic Monaghan (Charlie) descobriron que o reparto protagonista de Mulleres Desesperadas, a série rival de Perdidos nos Estados Unidos, cobran cinco veces mais ca eles. Tras plasmar a sua queixa e amosar o seu enfado aos produtores, estes viron-se obrigados a revelar o que quizais xa era unha estratéxia planeada anteriormente: o seu paso á pantalla grande.

    Esta adaptación cinematográfica realizaria-se xusto despois de acabar a segunda tempada, que está actualmente en rodaxe en Hawaii. Se a segunda tempada tivese unha grande aceitación en todo o mundo, gravaria-se a terceira, tras a cal si se traballaria no devandito filme. Os principais estudos de Hollywood atopan-se loitando para ver quen se segura os direitos da adaptación.

  • [22:21 22/09/2005] Hoxe celebrou-se en Valéncia o xuízo polos dereitos do personaxe "O Guerreiro do Antifaz". Manuel Gago Quesada, fillo do debuxante Manuel Gago García, está a preitear para ver se consegue que os dereitos do personaxe volvan ao seu dono. Os dereitos foran rexistados a nome do proprietário da Editorial Valenciana, que publicou as historietas.

  • [22:21 22/09/2005] A actriz Anne Heche dixo que non é certo que deixara de ser lesbiana porque a súa nai rezara moito por ela, mália que Nancy Heche, nai de Anne, está a organizar unha campaña cristiana para fomentar o uso da oración entre os pais, que deste xeito poderían evitar que os seus fillos sexan homosexuais.

  • [21:02 25/09/2005] A Universidade de Glasgow ven de pechar o arquivo da publicación electrónica Ansible, que edita David Langford dende hai alomenos 14 anos, por mor dun problema legal relativo ao número de agosto de 2002, segundo ven de anunciar o mesmo David Langford. Pero non desacouguedes, porque o editor ten outro sitio web (http://news.ansible.co.uk/) onde se pode seguir obtendo o seu boletín de novas.

  • [22:21 22/09/2005] Após dar vida á triloxia de Matrix confirmando que atoparon en Ghost in the Shell parte da inspirazón para crea-la, os irmáns Wachowski voltaron a pór os seus ollos no mercado nipón. Seica os Wachowskis enviaron unha oferta á produtora xaponesa Shochiku para se facer cos dereitos do remake americano de Shinobi, adaptación cinematográfica dunha novela escrita por Futaroh Yamada que vai de ninjas.

    Terry Gilliam apresenta Tideland en Donostia

    [22:38 20/09/2005] O director americano Terry Gilliam, que onte apresentou na sección oficial do Festival de Cinema de San Sebastián o seu último filme, Tideland, dixo que con todos os seus filmes trata de "espertar ao neno que o público leva dentro".

    Tideland, que non tivo unha acollida unánime entre a crítica por narrar unha história difícil e surrealista, narra a peripécia dunha nena, filla dun matrimónio de ionquis, que vive nunha casa destartalada e que para escapar desta difícil realidade recorre á sua imaxinación.

    Na rolda de prensa, Gilliam chamou "estúpidos" a aquilos que non aturaron o seu filme "por non ter unha mente esperta". O director de Doce monos comentou que sempre trata de "fomentar a soidade, o aillamento do público, que se sintan sentados sós nun bosque".

    O certo é que o realizador non defraudou aos que adoran o seu cinema tan particular. Cun orzamento de quince millóns de dólares, Tideland é a adaptación dunha novela de Mitch Cullin, "un libro marabilloso, máxico", do que, ao seu xuízo, fixo "unha versión honesta e verídica".

  • [0:42 27/09/2005] Agora din que o remake do clásico cinematográfico Evil Dead podería estar cancelado, o que subpón unha boa nova para algúns fans da triloxía, posto que a película non tiña previsto contar con Bruce Campbell (gordo e vello de máis na actualdiade). Ted Raimi, o irmán de Sam, declarou que polo de agora, e até onde el sabe, non hai plans de se realizar o remake.

  • [0:42 27/09/2005] Lance Henriksen, o protagonista da série Millennium, dixo nunha recente entrevista que gostaría regresar ao seu papel de axente do FBI Frank Black para unha versión cinematográfica da série de TV. Henriksen dixo que mesmo falou con Chris Carter, o creador desta série (e tamén de Expediente X). Agora, segundodixo, só agarda que os fans deste show televisivo se axunten para apoiar a ideia da película.

  • [0:42 27/09/2005] Don Adams, gañador tres veces do Emmy polo seu papel de axente Maxwell Smart na série O Superaxente 86, finou o domingo por mor dunha infección de pulmón aos 82 anos. Nacido co nome de Donald James Yarmy, Adams deixou a escola para se unir aos Marines en 1941. Após de contraer malária na batalla de Guadalcanal, regresou aos Estados Unidos como instructor militar, onde adquiriu o seu peculiar xeito de falar (o que xamais escoitamos en Galiza por mor da dobraxe). Ademáis do seu papel de axente secreto na tele, fixo unha adaptación ao cinema (The Nude Bomb) e dobrou a persoaxes coma Tennessee Tuxedo, o reno Rudolph e mais o Inspector Gadget.

    Whedon dirixirá Goner

    [21:01 25/09/2005] A Universal Pictures ven de pagar un cheque con sete cifras por Goner, o guión dun thriller sobrenatural que escribiu Joss Whedon (o creador de Buffy Cazavampiros) e que el mesmo dirixirá.

    Mary Parent e Scott Stuber serán os produtores. A Universal foi a patrocinadora do debut de Whedon na dirección con Serenity o pasado 22 de setembro, e a película será estreada o vindeiro día 30.

    Whedon foi críptico para describir o seu novo proxecto: "É a história da viaxe dunha rapaza na que hai moito terror e algo de heroísmo. É certamente máis escuro que "Serenity", e hai unha cheia de xiros no argumento. É algo que tiña en mente dende hai tempo, e xurdiu xusto cando rematei a película".

    Nestes intres, Whedon está a escribir e será o director de Wonder Woman, a adaptación deste persoaxe do cómic na pantalla grande para a Warner Brothers.

    O Fórum Fantástico 2005

    [11:42 23/09/2005] Ven de arrincar a contaxe final para o Fórum Fantástico 2005, evento que terá lugar do 10 ao 13 de novembro, na Biblioteca Municipal Orlando Ribeiro, en Lisboa. A organización está a cabo de Rogério Ribeiro, Safaa Dib e da Épica – Associação Portuguesa do Fantástico nas Artes. Para saber mais sobre o FF2005 abonda con aceder ao site oficial do evento. Alí poderedes tamén atopar alguns dos convidados, nacionais e estranxeiros, cuxa presenza está xa confirmada.

    Se os prémios serven dalgunha indicación, o FF2005 será um auténtico tesouro: entre os convidados haberá vencedores dos Prémios Hugo, World Fantasy, Philip K. Dick, Arthur C. Clarke, Pilgrim, Sidewise, British Fantasy, etc. E a millor parte é que ainda están a ultimar os pormenores de mais algúns convites.

    Talvez sinal do crecente interese que o FF2005 está a provocar, contan xa co apóio de instituicións como a Fundação Calouste Gulbenkian, o British Council, várias faculdades e editoras. E, a semellanza dos convidados, esperan axuntar ainda máis apóios até o evento.

    E non esquezades que este sábado 24 de setembro, comezan as iniciativas conducidas pola Épica, nomeadamente a conferéncia "A Guerra dos Mundos – Há 107 anos em conflito com Marte", a partir das 14:30, na BMOR. Unha semana depois, mesma hora mesmo lugar, ocorrerá a conferéncia "O Fantástico no Feminino".

  • [0:42 27/09/2005] O actor Thomas Ross Bond finou nun hospital de Northridge, Califórnia o pasado sábado aos 79 anos por mor de complicacións nunha enfermidade do corazón que tiña, segundo dixo o seu axente Frank Marks. Bond era coñecido dende os anos 30 por aparecer nas séries Our Gang e The Little Rascals, e para os afeccionados ao fantástico foi o fotógrafo do Daily Planet Jimmy Olsen en The Adventures Of Superman e Atom Man Vs Superman en 1948 e 1950 respectivamente. Bond deixou de actuar en 1951 para dirixir e producir na televisión, antes de se retirar definitivamente en 1991. Sobrevíve-lle a súa esposa de 52 anos Pauline e o seu fillo Thomas Ross Bond II.

  • [0:42 27/09/2005] Un xurado de máis de 500 artistas, compositores, músicos, críticos e historiadores de cinema escolleron a listaxe das 100 bandas sonoras máis memorábeis da história por encargo da American Film Institute (AFI), en cooperación coa Los Angeles Philharmonic Association. E entre as primeiras 25 hai unha moi boa representación da música do cinema fantástico: A Guerra das Galáxias no número 1, King-Kong no posto 13, E.T. o Extra-Terrestre no 14 e O Planeta dos Símios no 18.

  • [12:31 29/09/2005] Axentes da Policía federal americana detiveron o martes a oito persoas acusadas de ser os responsábeis do roubo das fitas de A Vinganza do Sith que foron distribuidas ilegalmente pola Internet mesmo antes da súa estrea oficial nos cinemas de todo o mundo. O autor do roubo, Albert Valente, de 28 anos, declarou-se culpábel, outros seis foron acusados de cargos menores, e Marc Hoaglin, de 36 anos, foi acusado de poñer a película na Web. Este último deberá enfrontar-se a unha petición de tres anos de cárcere.

    Unha paródia de Star Trek bate récords na Internet

    [0:35 07/10/2005] Con mais de 450.000 espectadores en menos dunha semana, a longametraxe finlandesa Star Wreck: In the Pirkinning, arremedo do clásico de ciéncia-ficción Star Trek, bateu todos os récords de distribución libre pola Internet. Até a data, nengun filme lograra tal cantidade de espectadores distribuindo-se só pola Rede.

    A longametraxe está gravada en finlandés e inclúe subtítulos en inglés. A sua produción durou mais de sete anos e foi dirixida por un grupo de estudantes e directores afeizoados, cun baixo orzamento pero efeitos especiais de alta calidade.

    Sen embargo, a idea de Star Wreck non é nova. O finlandés Samuli Torssonen iniciou a saga en 1992 cun pequeno filme en 3D de personaxes animados, e desde entón produciron-se sete filmes.

    O director Timo Vuorensola declarou que esperan "acadar o millón de descargas a final de ano" e que coidan que "mediante a Internet e o DVD probabelmente consiga a maior difusión posíbel" grazas, entre outras cousas, á sua licenza Creative Commons.

    Este tipo de remisturas ou arremedos caseiros está-se a converter en algo habitual na Internet grazas ao software barato e ás novas licenzas de distribución. Ademais, a facilidade de distribución grazas a sistemas P2P como e-Mule ou BitTorrent permite-lles conseguir grande releváncia. Mentres este fenómeno medra, Hollywood ainda estuda como pór en marcha un servizo de distribución de pago na Rede.

    Novo fanzine fantástico

    [0:35 07/10/2005] Assinalamos aqui o nascimento de mais um fanzine português na área do Fantástico: Phantastes, da responsabilidade de Tiago Gama.

    Nesta primeira edição estão incluídos quatro mini-contos: dois de João Ventura, um de Telmo Pinto e um de Tiago Gama; uma vinheta de Telmo Marçal; um conto curto de Gediminas Kulikauskas; uma crítica ao último filme de Steven Spielberg da autoria de Manuel Freire e uma curta biografia de Fritz Leiber, que assim estreia o lugar reservado a personalidades de relevo dentro do género.

    A capa, baseada no conto curto de Gediminas Kulikauskas, é da autoria do holandês Frank Koster.

    O fanzine custa 0,80 euros e os interessados em adquiri-lo podem contactar os editores em phantastes@gmail.com; se estiver localizado na zona norte do país, pode obtê-lo na Mundo Fantasma (Shopping Center Brasilia, Rua Luis Veiga Leitão, 98/120, 1º. Andar - Loja 203; Porto).

    Para se manterem informados sobre o Phantastes, poderão também aceder ao seu blog: phanted.blogspot.com.

    Astérix e Obélix non queren falar galego

    [21:06 30/09/2005] O próximo día 14 de outubro sairá á rúa en 27 países o novo álbum de Astérix e Obélix, en 25 idiomas. Entre estes 25 non estará o galego, mais si o castelán e o catalán. A Mocidade pola Normalización Lingüística (sección xuvenil da Mesa) está a facer xestións nos últimos días tanto para conseguir a colaboración da Xunta de Galiza para este tema, como para coñecer a disposición da editora que posúe os dereitos desta obra para o Estado á hora de publicar a tradución para a nosa lingua.

    En canto ao primeiro, o Director Xeral de Cultura, Luís Bará, xa mostrou o seu interese nesta tradución e adiantou que pola súa parte fará as xestións precisas para conseguila. No que se refire á editora, Salvat-Bruño, de momento comunicaron a esta asociación xuvenil que non teñen previsto editar o novo álbum de Astérix en galego. Polo menos non o farán no momento do lanzamento mundial, o que Mocidade pola Normalización Lingüística considera unha discriminación inexplicábel. O feito de que a nova entrega de Astérix en galego apareza nunha data posterior á versión en castelán implica que moitos destes seguidores, potenciais compradores da versión en galego, van optar por comprar a que saia á venda en primeiro lugar.

    Para que a editora teña constancia de que existe unha demanda en Galiza de que esta estrea da banda deseñada saíse tamén na nosa lingua, desde as Mocidades da Mesa estase a facer un chamamento para que a poboación se dirixa a Salvat–Bruño, ben a través do correo electrónico (acliente@editorial-bruno.es, pedidos@editorial-bruno.es ou informacion@editorial-bruno.es) ou ben a través do correo postal á rúa Maestro Alonso, 21, código 28028 de Madrid (España).

    Obaba nos Oscars

    [12:29 29/09/2005] A Academia das Artes e as Ciéncias Cinematográficas de España ven de elixir a película Obaba, de Montxo Armendáriz, para representar ao seu país nos Oscar na categoría de mellor filme de fala non inglesa. A Académia de Hollywood deberá agora decidir se a fita española entra entre as cinco finalistas. O anuncio fará-se o vindeiro 31 de xaneiro.

    Obaba impúxo-se a Princesas, de Fernando León de Aranoa e Ninette, do ubícuo José Luis Garci, que tamén foran preseleccionadas pola Académia española como posibeis candidatas para representar a España na 78ª edición dos Oscar.

    A nova película de Armendáriz, que inaugurou oficialmente o último Festival Internacional de Cinema de San Sebastián, é unha libre adaptación do libro de relatos de Bernardo Atxaga Obabakoak. A história narra a viaxe que Lourdes realiza aos territórios de Obaba, onde pretende gravar coa sua cámara a realidade, o mundo e as xentes do lugar. Pero Obaba non é tal e como Lourdes imaxinou e axiña descubre que quen viven alí están ancorados nun pasado do que non poden, ou non queren, escapar.

    Novo escándalo na IberCon

    [22:09 25/09/2005] Os organizadores da IberCon que se vai celebrar dentro duns días en Vigo non puideron evitar que a nosa Redacción tivese coñecemento do último escándalo xurdido ao redor desta dubidosa organización.

    A recente nova da organización do Forum Fantástico do 10 ao 13 de novembro, na Biblioteca Municipal Orlando Ribeiro, en Lisboa, por parte da Épica (Associação Portuguesa do Fantástico nas Artes), caiu coma unha bomba sobre os organizadores da IberCon, quen seica non tiñan nin ideia do acontecemento que se estaba a preparar na capital veciña.

    Deixando á parte que a organización da IberCon non é nin de lonxe tan eficiente coma a do Forum Fantástico, a proximidade das datas de ambos os dous acontecementos semella un síntoma moi claro de que hai algo que non vai ben e sinala a falla de diálogo entre os afeccionados portugueses e españois. Para Rogério Ribeiro, Presidente da Épica, "se o que pretende a IberCon é crear un evento que represente a unión dos afeccionados dos dous países, para divulgar a uns e outros o que se fai na Penínsua, desculpen-me, pero é unha proba de descoñecemento do que é o panorama ACTUAL da Fantasía e Ciéncia-Ficción en Portugal. E iso é falla de diálogo entre os afeccionados dos dous países. Diálogo que debería ter acontecido antes da creación dun evento ibérico".

    A crise é cada vez máis e máis grave e a organización da IberCon é xa claramente incapaz de lle facer fronte, querendo pechar os ollos perante os feitos, probabelmente porque pretenden facer crér aos asistentes españois que veñan de fóra de Galiza que os únicos afeccionados ao fantástico en Portugal son os membros da Simetria, o organismo que coa súa teima foi o causante primeiro da catástrofe ibérica que se aveciña.

    Como lembraredes, a organización da IberCon decediu censurar a NOVAFANTASIA.COM, o único médio de comunicación galego, porque non lles gustou o noso xeito de dar as novas ao respeito da súa incapacidade para conciliar a todos os sectores do fantástico en Portugal, e do conseguinte boicot á IberCon que farán case todas as organizacións portuguesas.

  • [21:07 30/09/2005] O problemático actor Tom Sizemore dixo nunha recente entrevista que considerou a ideia do suicidio cando mesmo chegou esquecer onde vivía por mor da súa adición ás drogas. O protagonista de The Relic e Red Planet está a cumprir unha condea de 17 meses por consumo de sustáncias tóxicas.

  • [21:07 30/09/2005] O mítico escritor de ciéncia-ficción Orson Scott Card (O xogo de Ender) dixo nunha recente entrevista que axiña vai lanzar unha nova revista que será distribuida pola Internet, "Orson Scott Card's Intergalactic Medicine Show". Na súa revista haberá audio-libros en formato MP3, e o prezo será de 2,50 dólares (menos de dous euros). Agárda-se que a tirada sexa bimensual, e o seu debut está previsto para o vindeiro 15 de outubro.

  • [12:31 29/09/2005] O governador de Califórnia Arnold Schwarzenegger abraiou aos fans no decurso da gala dos prémios Taurus para os millores actores especialistas en Hollywood o pasado domingo cando apareceu por sorpresa para apresentar ao seu amigo Vic Armstrong e entregar-lle o prémio aos Méritos dunha Vida. Armstrong participou en películas coma Na procura do Arca Perdida ou A Guerra dos Mundos e chegou dos platós onde roda Misión Imposibel 3. Outros que tamén participaron nesta gala foron Sylvester Stallone e Quentin Tarantino.

  • [12:31 29/09/2005] Seica a mítica série de animación xaponesa Cabaleiros do Zodíaco voltará ás pantallas de televisión, concretamente ás de Telecinco a partir do 26 de outubro. Esta reemisión virá acompañada do lanzamento dos capítulos da série en DVD por entregas, a reedición das figuriñas e o merchandising dos Cabaleiros por parte de Bandai, e publicidade do videoxogo que saiu este vrao.

  • [12:31 29/09/2005] O protagonista de Daredevil, Ben Affleck, ven de ser tentado polo Partido Demócrata americano para facer un novo papel: o de Senador dos Estados Unidos. A prensa daquel país informa de que os demócratas do Estado de Virxínia planean que o famoso actor compita contra o actual Senador republicano George Allen nas eleccións do ano que ven. Affleck e mais a súa muller Jennifer Garner son coñecidos demócratas e participaron activamente na campaña do ano pasado para apoiar ao candidato John Kerry.

  • [12:31 29/09/2005] A Warner Independent Pictures ven de contratar ao escritor Greg Widen (Os inmortais) para adaptar o thriller de ciéncia-ficción de Kelley Eskridge Solitaire nun proxecto que producirá a Cherry Road Films. A película está ambientada nun futuro onde o software e a indústria farmacéutica están unidos e forman unha poderosa compañía. O guión céntrase nunha enxeñeira informática que éenviada a unha prisión experimental por erro.

  • [12:31 29/09/2005] A poxa na que se habían vender os dereitos de lle dar o nome a un personaxe nas vindeiras novelas de famosos escritores coma David Brin, ou Stephen King rematou o pasado 25 de setembro recadando máis de 90.000 dólares (72.000 euros), que irán parar a unha organización benéfica. Como era de prever, Stephen King foi quen obtivo máis cartos, xa que Pam Alexander, de Fort Lauderdale, Florida, gastou 25.100 dólares para que o nome de seu irmán, Ray Huizenga, apareza na vindeira novela de terror de King, Cell.

  • [21:07 30/09/2005] O protagonista de Misión Imposibel 3, Tom Cruise, está moi alporizado após de saber por meio da prensa que tiña previsto dar unha série de conferéncias nas que atacaría duramente á Psicoloxía e mais á Psiquiatría. O famoso cienciólogo negou que fora dar ningunha charla sobre ningún tema. Pola súa banda, a ex-muller de Cruise, Nicole Kidman, continúa na súa defensa da Psicoloxía e mais a Psiquiatría, non se sabe ben se é por amolar ao seu ex-home ou por publicitar a súa vindeira película, The Visiting, ou se cadra por ambas as dúas cousas.

    Jackson en Halo

    [0:35 07/10/2005] Peter Jackson, que dirixiu a triloxía do Señor dos Aneis e mais o vindeiro remake de King Kong, será o produtor executivo de Halo, un filme baseado no exitoso videoxogo de Microsoft. A muller e sócia de Jackson, Fran Walsh, que fo ia coguionista dos seus anteriores filmes, será a coprodutora executiva xunto ás compañías WingNut e Weta.

    A Universal Pictures e mais a 20th Century Fox agardan comezar a produción en primavera coa vista posta nun lanzamento en vrao de 2007. Antes de entrar Jackson neste proxecto, Microsoft contratara a Alex Garland (28 Días despóis) para que escribira o guión e terá os seus próprios asesores durante a rodaxe, xunto ao creador do xogo, a Bungie Studios. Agárda-se que axiña sexa dado a coñecer o nome do director do filme.

    "Como afeccionado aos xogos, estou emocionado por traer a filosofía, a acción e o ambiente de "Halo" á pantalla grande con todos os compoñentes e a realidade que a tecnoloxía actual poden proporcionar," dixo Jackson. "Fran e mais eu estamos intrigados polos desafíos únicos que ofrece este proxecto, e estamos encantados de traballar cos nosos amigos da Universal, e cos nosos novos amigos da Fox e Microsoft".

    A película rodará-se íntegramente na capital de Nova Celándia, Wellington, cun orzamento de máis de 100 millóns de dólares (ao redor de 78 millóns de euros).

  • [0:34 07/10/2005] Un clérigo británico que se convertera en líder de vendas de novelas sobre nenos con poderes sobrenaturais foi despedido dunha escola tras decir aos seus alumnos nunha clase que Harry Potter é gai. O reverendo Graham Taylor, autor da novela Shadowmancer, que a semellanza da creada por J.K. Rowling, céntra-se en temas de bruxería e rifas contra demos, tivo que abandoar o centro despóis de que os demáis profesores o acusaran de homofóbia.

  • [12:47 04/10/2005] Renee Zellweger foi contratada para facer un remake do thriller psicolóxico dos irmáns Pang The Eye. O filme orixinal honconés, do ano 2002, titulába-se Jian Gui, e ía sobre unha muller que podía ver cousas misteriosas e pantasmas após de lle ser transplantada a córnea. Tom Cruise, que xa protagonizou canda Zellweger o filme Jerry Maguire, producirá o proxecto, e Hideo Nakata, o director do xaponés Ringu e máis das súas secuelas americanas, será o realizador deste remake, previsto para estrear-se en 2006.

  • [12:46 04/10/2005] O creador de Mulleres desesperadas, Marc Cherry, ven de se aliar con Don Mancini (o creador da saga de Chucky) para desenvover un filme de suspense titulado Kill/Switch. Seica conterá elementos sobrenaturais e unha protagonista feminina que está morta.

  • [12:46 04/10/2005] A viguesa Asociación de rol Cancerbero está a desenvolver estes días polas rúas da nosa cidade un xogo de rol en vivo baseado no xogo de rol Vampiro e na imaxinária vaga de crimes que sufriu Vigo entre o 2000 e o 2004. Os afeccionados ao rol en vivo axuntan-se os sábados na praza da Independéncia cos dados e mesmo con disfraces. A partida empezou en febreiro, suspendeu-se na época de exames e rematará axiña.

  • [12:46 04/10/2005] Os astrónomos dixeron que o novo planeta do sistema solar, Xena, podería ter un satélite, que sería chamado Gabrielle na honra dos dous persoaxes da série de televisión Xena a Princesa Guerreira. O único problema, ademáis do feito de que é pouco recomendábel chamar "planeta" a unha rocha tan pequena coma Xena, é que este non é o primeiro descobremento dun suposto décimo planeta. En 2000, descobriu-se o 2000 EB173 no observatório de Mérida, Venezuela.

  • [12:46 04/10/2005] A Hemeroteca Municipal de Lisboa inaugurou dia 3 de outubro, uma exposição do seu acervo relacionado com o Fantástico. Esta exposição estará patente ao público de 3 a 28 de Outubro, nas instalações da Hemeroteca Municipal de Lisboa (Rua São Pedro de Alcântara, 3; ao Bairro Alto, perto da Igreja de S. Roque).

  • [12:46 04/10/2005] As fazañas sexuais do superespía inglés James Bond non impresionan moito á clase médica, que o considera un campión do sexo inseguro. O "Journal of the Royal Society of Medicine" acusou ao filme de 2002 Morre outro día polas súas prácticas sexuais sen preservativos e acusa asimesmo a Hollywood polo aumento das enfermidades de transmisión sexual e dos embarazos non desexados.

  • [12:46 04/10/2005] Pode semellar unha brincadeira pero xa o temos confirmado por diversos médios: o recén nacido (o luns) fillo do actor Nicolas Cage e máis da súa esposa Alice será chamado Kal-El Coppola Cage, como homenaxe ao nome kryptoniano de Superman, un persoaxe ao que Cage admira dende que era neno.

  • [12:46 04/10/2005] O governador Arnold Schwarzenegger ven de asinar unha nova lei polémica no seu Estado de Califórnia: a nova lei penalizará duramente aos paparazzis que persigan aos famosos na procura de fotografías. A lei entrará en vigor o vindeiro 1 de xaneiro. Recentemente, actrices coma Lindsay Lohan, Reese Witherspoon e Scarlett Johansson foron obxecto de ataques por parte de fotógrafos da prensa do corazón.

    As fichaxes da Marvel

    [10:16 07/10/2005] Ao rematar a Comic-Con deste ano, Joe Quesada prantexaba unha adiviña. Pois ben, xa ten solución: o editor xefe da casa das ideias anunciou que ian fichar a un escritor de fóra do mundo do cómic e completou o xeroglífico cunha imaxe da palabra King baixo unha coroa. Pois xa está confirmado que Stephen King escribirá unha mini-série de terror para a Marvel que estará debuxada por Jae Lee. Seica King declarou que estivo escribindo para a Marvel após de ver a película A history of violence. Non está a pensar en se adicar ao mundo do cómic, pero nunha entrevista dixo que vendera recentemente unha novela gráfica.

    Ademáis, Damon Lindelof, co-creador da série de TV Perdidos, dixo nunha recente entrevista que a súa tarefa como guionista para a série da Marvel Wolverine vs. Hulk aconteceu por casualidade: "estaba a xogar ao póquer cun grupo de colegas, incluindo a Sam Simon [ún dos produtores executivos de "Os Simpsons"] e, durante a partida, mencionei canto gostaría escribir un cómic. Sam díxo-me 'Xa tes ese éxito na tele, así que quen non te querería para escribirlle un guión de cómic?' Eu non sabía que as cousas funcionaban así. Sam dixo, 'Déixa-me que chame ao meu amigo Joe' [Quesada]. Ao día seguinte, tiña un e-mail de Joe que dicía 'Quero que escribas un cómic'. Eu dixen que si e tivemos unha série de conversas telefónicas".

    Programa de actos da IberCon

    [14:41 09/10/2005] A IberCon, que se celebrará no Centro Cultural Caixanova de Vigo dende o venres 28 de outubro ás 16:30 até o martes 1 de novembro ás 14:00 xa ten por fin, e á penas a dúas semanas do seu comezo, un programa de actos, que incluirá unha cea de gala o sábado 29 de outubro, e posteriormente toda un feixe de actividades coma conferéncias-coloquios, a apresentación do novo libro de Laura Gallego, e tamén outra série de actos aos que se prevé asistan maioritáriamente os convidados portugueses por ser organizados polas súas asociacións. Entre eles destacará a festa de Samaín o luns 31 de outubro.

    Tamén haberá proxección de audiovisuais, en colabouración co cineclube Lumière e actos organizados en colaboración co "Escuadrón Delta", como a VII AznarCon. Inclúe-se asimesmo unha visita ao planetário do Instituto Marítimo Pesqueiro o 31 de outubro e outra série de actos organizados xunto a Asociación Xuvenil "Cancerbero", como xogos de rol en vivo e estratéxia.

    A información completa estará dentro duns días dispoñíbel na páxina web da Ibercon.

    Steven Spielberg dirixirá tres videoxogos

    [0:45 15/10/2005] A compañía Electronic Arts apostou decididamente polas influenzas cinematográficas nos seus videoxogos. Podemos lembrar a saga de James Bond ou o videoxogo sobre O Padriño, pero a última bomba de EA é a fichaxe de Steven Spielberg, produtor e director de éxitos incontestabeis de despacho de billetes, desde Tiburón ou E.T. até A guerra dos mundos.

    Spielberg colaborará directamente coas equipas de desenvolvemento que EA ten en Los Angeles en tres novos videoxogos e aportará os seus coñecementos e experienza na conceizón, o deseño, a história e a representación artística dos proxectos. Os dereitos das tres criacións ficarán en mans de EA.

    O director comentou: "estiven a xogar aos xogos de EA durante anos e vin-os dominar o formato interactivo. Após contemplar o medre da indústria dos xogos desde un recuncho do mercado até ser unha importante forza criativa do entretemento, teño moito respeito polo coñecemento de EA neste formato. Estou a desexar colaborar coa equipa de Los Angeles".

    O conselleiro delegado de EA, Larry Probst, desfixo-se en elóxios: "Steven Spielberg é o mellor narrador. Ademais do seu don para satisfacer ao público do cinema, ten unha comprensión innata dos xogos e sobre como mergullar aos xogadores nun mundo fantástico de acción e personaxes".

    Jodie Foster, en Sitges 2005

    [0:45 15/10/2005] A actriz americana Jodie Foster recebiu anoite o galardón en recoñecemento á sua traxectória artística, que inclue filmes como O silenzo dos años.

    A actriz Jodie Foster recolleu o Prémio acompañada polo director alemán Robert Schwentke. Ambos apresentan ademais na sección "Premiere" do festival o seu filme Flightplan (Plano de voo: Desaparecida).

    Na sección oficial de hoxe en Sitges, o director Luis de la Madrid e os actores Cristina Piaget, Manu Fullola, Lola Marcell e Paulina Gálvez apresentarán o filme español A monxa, dentro da sección oficial.

    Ademais, hoxe coñeceu-se que o cineasta americano Quentin Tarantino voltará nas próximas semanas a rodar un novo filme xunto co tamén director Robert Rodríguez. Este dato anunciou-se na apresentación do filme Hostel, de Eli Roth.

    Novidades no Forum Fantástico 2005

    [14:42 09/10/2005] Recibimos novas ao respeito de importantes novidades na organización do Fórum Fantástico 2005. Tornándose un evento transatlántico, temos a confirmación do apoio da Fundación Luso-Americana e da editora Presença para a visita do autor americano Nick Sagan ao FF2005. Nick Sagan traballa en Hollywood e escribiu películas, séries de TV (como Star Trek: Next Generation e Star Trek: Voyager) e videoxogos (como Zork Nemesis). Tamén formou parte da equipa de Space.com. É o autor dos libros de ciéncia-ficción Idlewild e Edenborn, e si, é o fillo de Carl Sagan.

    Temos tamén tres novos convidados portugueses: António de Macedo, realizador de películas, escritor e profesor universitário, director dalgunha das máis emblemáticas películas do Fantástico en Portugal, David Soares, debuxante e argumentista de BD e ensaista premiado, e Inês Botelho, ún dos maiores novos talentos da literatura de fantasía portuguesa.

    A organización, perante algunhas preguntas recibidas por e-mail dende España e Reino Unido, aproveita para aclarar que non hai un hotel preferido pola organización, mais poderán aconsellar por e-mail se o hotel pretendido polo asistente está ben localizado ou non. Ademáis, non é necesário facer unha inscripción para o FF2005. E o FF2005 é de entrada libre, é dicir, que ao contrário que a IberCon, non hai que pagar ren.

    Serenity inaugurará o festival de Sitges

    [14:42 09/10/2005] O director Joss Whedon e os actores Nathan Fillion e Summer Glau inauguran Sitges'05 coa película Serenity este domingo 9 de outubro. Whedon, con candidaturas aos prémios Oscar e Emmy como guionista, creador da popular série de televisión Buffy cazavampiros e coguionista de Toy Story, debuta na realitzación con esta película de ciéncia-ficción baseada na série televisiva de culto Firefly, también nacida da sua pluma.

    Sitges 2005 conmemora o 30 Aniversário da estrea mundial de Tiburón, de Steven Spielberg, a película que mudou as formas e o concepto de cinema fantástico nos anos 70. O festival celebrará esta efeméride con pases especiales de toda a saga Tiburón, documentais sobre a película e proxeccións sobre todo o universo que se foi desenvolvendo ao longo das tres últimas décadas ao redor do filme de Spielberg. Haberá, tamén, unha exposición con material relacionado coa película.

    Quentin Tarantino volve ao festival, esta vez como productor da película Hostel. Jodie Foster recollerá o Grande Prémio Honorífico do Festival, o más importante do mesmo, en recoñecemento a toda a sua traxectória. O acto terá lugar o día 13 de outubro durante a première oficial da película Flightplan, da que é unha das protagonistas.

    O director español Álex de la Iglesia e mais o realizador e produtor honconés Johnnie To recebirán o prémio "Màquina del Temps". Viggo Mortensen e o director de A History of Violence, David Cronenberg, asistirán ao Festival o 17 de outubro para apresentar a estreia oficial que clausurará Sitges 2005.

    Craig, Daniel Craig

    [0:46 15/10/2005] O actor inglés Daniel Craig, de 37 anos, será o mais famoso axente secreto da história, James Bond, con licenza para matar. Asi o anunciou hoxe a produtora cinematográfica Sony Pictures. Craig, que sucede ao actor irlandés Pierce Brosnan, converterá-se no axente 007 mais loiro da saga, ao que dará vida en Casino Royal, a próxima e 21ª aventura de James Bond.

    A apresentación oficial de Craig fixo-se no barco "HMS President", no rio Thames (Londres), após de que a prensa de-se por segura a sua eleizón para encarnar ao famoso espia tras as revelacións da sua nai, Carol Blond.

    "Estamos encantados. Isto chega-lle [a Craig] nun bó intre da súa carreira. Coido que aportará algo moi interesante ao papel", declarara Blond ao diário "The Sun". Entre os actores que soaban para acontecer a Brosnan figuraban Clive Owen, Jude Law, Colin Farrell e Dougray Scott, pero Daniel Craig, nado en Cheshire (ao noroeste de Inglaterra), foi o eleito polos produtores, segundo a prensa británica. Loiro e de ollos azuis, Craig fixo-se famoso no Reino Unido por unha série de televisión titulada Our friends in the north [Os nosos amigos do norte].

    Remata o festival de Sitges

    [0:31 18/10/2005] Hard Candy, unha reflexión sobre a paidofília dirixida polo americano David Slade, obtivo o galardón ao millor guión e o millor filme do Festival de Cinema de Sitges, asi como o prémio do público. Outra das grandes favoritas, O sabor da sandia, conseguiu o recoñecemento ao millor actor (Lee Kang Sheng) e o prémio especial do xurado.

    O argumento de Hard candy non pode ser mais actual: une na sua trama dous temas de constante utilidade: os ligues por Internet con descoñecidos/as e a utilizazón desta vidrosa canle por parte de paidófilos para perpetrar as suas tropelías. O filme, que non abandoa as catro paredes dunha casa, é un perfeito, implacabel duelo interpretativo entre unha adolescente de 14 anos e un atractivo fotógrafo de 32 que pretende seducí-la. Pero as cousas pronto torcen-se e, como ocorre nos bos filmes contemporáneos do xénero, nada é aqui o que aparenta. Non se aforra o seu director, David Slade, especialista en videoclips e que debuta no cinema con este filme, unha enérxica denúncia dos procedementos escabrosos que abundan na Rede. E fai-no apoiado no traballo de dous espléndidos actores, a novísima Ellen Page e Patrick Wilson.

    Ambos eran candidatos ao galardón aos millores intérpretes, que ao final levaron o mencionado Lee Kang Sheng e a actriz Lee Yeong Ae, por Sympathy for lady vengeance. O veredicto do xurado (integrado por Blanca Li, Bill Plympton, Nieve de Medina, Elvis Mitchell e Ángel Quintana) confirmou a opinión dos críticos, que consideraban o cinema oriental como o millor do festival; asi, o prémio ao millor director foi para un chinés, Johnnie To (que xa o gañou o ano pasado por Breaking News), polo filme Election. O cinema español (na sección oficial competian A Monxa e Oculto) foi-se coas mans valeiras.

    Respecto ao resto do palmarés, Mirrormask mereceu o prémio aos mellores efeitos de maquillaxe e á dirección artística; polos seus efeitos especiais foi galardoado The piano tuner of earthquakes; e pola banda sonora, A bittersweet life.

    O director do festival, Ángel Salga, anunciou que o ano que ven o tema do festival será monográfico: o XX aniversario de Veludo azul, de David Lynch. Salga mostrou-se "satisfeito" pola resposta do público ao seu troco de data (a volta a outubro, como era tradicional neste festival); a cifra oficial de espectadores anunciada por Sala é de 43.502, un 27% mais que en 2004; a recadación ascendeu a 243.000 euros (fronte aos 218.000 do ano anterior).

    Gañadores dos prémios Quill

    [0:46 15/10/2005] Veñen-se de anunciar os gañadores dos prémios Quill que este ano celebran a sua primeira edición e que teñen mas de 15 categorias, entre elas a de ciéncia-ficción, fantasia ou terror. Os candidatos foron selecionados por un xurado de editores, librarías e gañadores de anos anteriores. Os gañadores escolleron-se polos leitores a través dunha votación online en librarias. Os gañadores nas principais categorias foron:

    • Libro do ano: Harry Potter and the Half-Blood Prince (J.K. Rowling)
    • Libro de debut: O historiador (Elizabeth Kostova)
    • Novela gráfica: Marvel 1602 Volume I (Neil Gaiman, Andy Kubert e Richard Isanove)
    • Ciéncia Ficción/Fantasia/Terror: The Stupidest Angel: A Heartwarming Tale of Christmas Terror (Christopher Moore)

    Se queredes coñecer a listaxe completa de premiados, podéde-lo facer no seu sítio web.

  • [0:35 07/10/2005] Orson Scott Card, autor de O xogo de Ender, ven de publicar na súa web unha eloxiosa crítica da película Serenity, recentemente estreada nos Estados Unidos e baseada na série de televisión Firefly. Esta série fora cancelada após de só 13 episódios, pero Card afirma ao respeito da película que "esta é a millor película de ciéncia-ficción da história".

  • [0:35 07/10/2005] O actor Hamilton Camp (1934-2005) finou o pasado 2 de outubro. Camp proporcionara a voz na versión orixinalde numerosaspelículas de ciéncia-ficción e en moitos videoxogos. Tamén apareceu en Star Trek: Voyager e Star Trek Deep Space, no papel de Leck. Camp representou a H.G. Wells en dous episódios de Lois e Clark.

  • [0:35 07/10/2005] Os gañadores dos British Fantasy Awards, os prémios ingleses do fantástico, foron anunciados na pasada edición da Fantasycon o 2 de outubro: Nigel Kneale, creador de Quatermass levou un prémio especial, e a millor novela foi A Torre Escura 7: A Torre Escura, de Stephen King.

    Workshop de Escrita Fantástica

    [11:42 20/10/2005] Inserido na programação do Fórum Fantástico 2005, a Épica – Associação Portuguesa do Fantástico nas Artes pretende promover um workshop especialmente direccionado a todos os que já se lançaram na aventura da escrita de literatura fantástica, ou que sentem uma forte atracção nesse sentido.

    O workshop decorrerá de 10 a 13 de Novembro, das 10:00 às 12:30 (período da manhã), na sala multiusos da Biblioteca Municipal Orlando Ribeiro. Serão tutores os escritores João Barreiros e Luís Filipe Silva.

    Para além dos tutores, destinados a fornecer orientações técnicas e apoio na criação de pequenos contos durante o workshop, o mesmo será constituído por palestras informais de alguns dos convidados, nacionais e estrangeiros, do Fórum Fantástico 2005, assim como de representantes de editoras nacionais, que fornecerão aos participantes uma perspectiva do mercado que "enfrentam".

    A inscrição no workshop poderá ser feita por email para: forumfantastico@gmail.com. O programa será divulgado nos próximos dias. A taxa normal de inscrição será de 15 euros, sendo de 10 euros para associados da Épica.

    A lotação é de 15 participantes. A Épica reserva-se o direito de não realizar o workshop caso o nº de inscrições seja inferior a 6 (do que dará o necessário aviso, antes dos inscritos efectuarem qualquer pagamento). Se os inscritos superarem as vagas, um dos critérios de selecção será a ordem de inscrição. A organização poderá também utilizar outros critérios, que, caso usados, serão devidamente anunciados. Nesse caso, será criada uma lista de espera, a utilizar se ocorrerem desistências.

    XVI Semana de cinema fantástico e de terror de Donosti

    [23:00 22/10/2005] Donostia acolle cada ano a Semana de cinema Fantástico e de Terror, onde, con menos cartos e glamour pero con máis sangue que en Sitges, apresentan-se un bó feixe de películas que poden facer as delícias de máis dun afeccionado.

    Este ano celebrará-se do día 29 de outubro ao 5 novembro e son 18 as películas que compiten na sección oficial polo prémio do público, entre as que podemos atopar sorpresas coma 2001 maniacs, unha espécie de continuación da clásica e delirante 2000 maniacs, onde Robert Englund (o famoso Freddy Krueger) é o novo alcalde da macabra poboación sureña onde acontecen os feitos da sua antecesora. Outra sorpresa é a estrea en España de Evil Aliens, de Jake West, onde uns alieníxenas alporizados queren conquistar a Terra comezando pola campiña inglesa. Hai máis curiosidades sanguentas con Os renegados do diaño, película protagonizada por Rob Zombie e con música de White Zombie e vários grupos de rock sureño coma The Allman Brothers ou Lynyrd Skynyrd.

    Tamén se poderá ver a chinasa Sete Espadas, de Tsui Hark. Interesante tamén o pase fóra de concurso da francesa O império dos lobos, unha adaptación da novela homónima de Jean-Cristophe Grangé con Jean Reno de protagonista.

    Oito fotógrafos recrean a Verne no Verbum

    [11:42 20/10/2005] Baixo o título 80 fotos ao redor de Verne, o Verbum inaugurou antonte un percorrido en imaxes realizadas por oito fotógrafos que exhiben a sua visión particular da obra literária de Jules Verne. Alguns deles inspiraron-se en Vigo para desenvolver este proxecto, outros empregaron a ironía e outros basearon o seu traballo en obras concretas do autor de Vinte mil légoas de viaxe submariña. O Concello de Vigo, a través do Arquivo Pacheco e o Verbum, organiza a mostra dentro das actividades previstas para homenaxear ao escritor. As fotografías que integran a exposición son de diferentes tamaños, en cór, formando "collage", ou en branco e negro.

    Os oito fotógrafos, todos eles estreitamente vencellados a Vigo, teñen entre os 28 e os 41 anos de idade. Mália a xoventude dalguns deleos, os seus currículums están cargados de traballos para publicacións internacionais. Os auutores son Ramón Vaquero, Javier Albertos, Emilio Cendón, Alexandre Santorio, Jorge Ventosa (Xurxo Ventos), Miguel Calvo (Misha Bies Golas), Emilio Curra e Pablo Fontenla. Entre os temas que plasman hai pequenos barcos de madeira que van dentro de botellas que non son reais, estrelas de mar relucentes que agochan tesouros, fotos de barcos que viaxan dentro de cadros ou estátuas urbáns que queren ir da Tierra á Lúa.

    A mostra fotográfica estará acompañada de sesións de contacontos para adultos e nenos baixo o título Historias de viaxe, tamén no Verbum. Os que porán voz a estas histórias serán Pepo Suevos (venres 21) con relatos para adultos; Paula Carballeira (sábado 22 e domingo 23) con histórias para nenos; Cándido Pazó (sábado 23) e Carlos Blanco (domingo 23), que retomarán o público adulto.

  • [0:35 07/10/2005] O actor de Bollywood Gulshan Grover ven de confirmar que será o vindeiro "malo" do filme de 007, Casino Royale. O protagonista de The My Bollywood Bride revelou os detalles a un xornal índio, pero insistiu en que, como o resto do mundo, non ten nin ideia de quen vai sero vindeiro James Bond nesta película que há comezar a se rodar axiña, en Chéquia en xaneiro.

  • [0:35 07/10/2005] Kurt Sutter será o guionista do filme de ciéncia-ficción Species X para a Warner Brothers, sobre un policía que se decata de que podería ser doutro mundo. David Goyer (Blade, Batman Begins) será o produtor executivo deste filme xunto a Basil Iwanyk. A película seica será lanzada xunto a un videoxogo que se titulará The Condemned: Criminal Origins.

    Samaín e magosto, património inmaterial

    [23:00 22/10/2005] Segundo informan os nosos compañeiros de Vieiros, representantes de tres dúcias de escolas integradas en "Ponte nas Ondas" tiveron xuntanza este xoves para preparar as próximas actividades conxuntas da Candidatura do Patrimonio Inmaterial Galego-Portugués. Así, acordaron mandarlle convite a todos os coléxios galegos para celebraren cara a fin de mes a festa do Samaín e mais o magosto.

    Asociada ao ciclo anual que reinvindica a candidatura galegoportuguesa, a vella festa celta do Samaín renace e os fachos para esconxurar perigos alumearán outra vez en distintas localidades. Igualmente, os promotores da candidatura van-lle pedir aos centros escolares que lles expliquen aos rapaces tamén o lugar que a tradición do magosto tén no património inmaterial galego-portugués.

    O 31 de outubro Ourense acollerá o Samaín cun obradoiro de tallado de cabazas que concluirá cun desfile polas rúas da zona vella e para o día 11 haberá un festival con repaso de moitos elementos patrimoniais ourensáns coma as máscaras de Entroido ou os elementos da vendima.

    Ademais, acordou-se incorporar a proposta da Rede de Xogo Tradicional, "Brinquedia", bautizada "Tres mil peóns no camiño", que propón para ese día que se boten as buxainas en escolas e rúas para facer-lle homenaxe ao refraneiro: "polo San Martiño peóns ao camiño". Ao tempo informan que a comezos de novembro vai-se apresentar oficialmente a candidatura en Lisboa, Porto e Vigo.

    Escolares composteláns acoderon este venres ao Museo do Povo Galego para unha xornada adicada aos xogos tradicionais comúns ás dúas beiras do Miño, coordinada polos especialistas Xosé López González e Manuel García, da rede "Brinquedia". Para o sábado hai previsto un acto aberto no Auditório do Museo do Povo Galego ás 12h. presentado polo actor Avelino González e no que actuarán algúns dos Portadores do Patrimonio Oral e a cantante Uxía Senlle.

    Guillermo del Toro remata a rodaxe de O labirinto do Fauno

    [23:00 22/10/2005] O realizador mexicano Guillermo del Toro ven de rematar a rodaxe de O labirinto do Fauno, unha película que estreará no segundo semestre do vindeiro ano e na que mistura realidade e fantasía para relatar a história de Ofelia, unha nena de 13 años.

    Guillermo del Toro rodou durante quince semanas en bosques de El Espinar (Segóvia) e en localizacións de Madrid este filme, no que participan os actores Sergi López, Maribel Verdú, Ivana Baquero, Álex Angulo, Ariadna Gil e Doug Jones.

    No seu novo traballo cinematográfico, Guillermo del Toro conta a viaxe de Ofelia, unha nena de 13 años, que se traslada con sua nai (Ariadna Gil), convaleciente por mor do seu embarazo, até unha pequena vila en cuxo bosque habita o novo home de ésta, Vidal (Sergi López), un militar franquista obsesionado con rematar cos vestíxios do exército republicano agochos no bosque.

    Neste lugar tamén habita un fauno (Doug Jones), que agarda a Ofelia para lle facer unha incríbel revelación: ela é unha princesa, a derradeira da sua caste, que debe enfrentarse a tres probas para regresar ao seu reino máxico.

    Festival de BD da Amadora

    [23:00 22/10/2005] O 16º Festival de Banda Desenhada da Amadora 2005 abriu hoje as suas portas ao público, com uma diversidade de oferta que vai desde lançamento de novos álbuns, sessões de autógrafos, debates até exposições , concursos e feira do livro. Nos últimos anos, o certame tem-se revelado como o evento mais destacado da sua área, a nivel nacional, e um dos mais conceituados a nível internacional.

    Este ano, foi escolhido como tema central O Sonho, em homenagem ao centenário da 1ª edição de Little Nemo in Slumberland de Winsor McCay, série que revolucionou a Nona Arte. Um dos pontos altos do evento consiste precisamente na exposição inédita de três originais da série Little Nemo, desenhos realizados entre 1905 e 1908, pertencentes a um coleccionador privado parisiense.

    Vinte e três autores já têm presença confirmada, nomes como o americano Rick Veitch, o argentino Leonel Fernandez, o belga Stassen e o croata Esad Ribic. A presença portuguesa será representada por autores como Álvaro Santos, Ricardo Ferrand e ainda estará patente uma exposição de trabalhos de autores portugueses sobre a temática do sonho, com as participações de Luís Louro, António Jorge Gonçalves, David Soares, José Carlos Fernandes e Rui Lacas.

    Este ano, o certame realiza-se na Galeria Municipal Artur Bual, Casa Roque Gameiro, Recreios da Amadora e Centro Nacional de Banda Desenhada e Imagem, sendo o centro do Festival a estação de metro de Falagueira (Amadora Este).

  • [10:18 07/10/2005] Jon Favreau será o director da vindeira adaptación cinematográfica dunha história do persoaxe de Edgar Rice Burroughs John Carter de Marte para a Paramount. A história vai sobre un veterán da guerra civil americana que se agocha nunha cova fuxindo duns índios e descobre un portal dimensional cara outro planeta, onde é feito prisioneiro por uns homes verdes de 6 metros. Esta história forma parte dunha saga de Burroughs ambientada nun Marte imaxinário e protagonizada polo seu persoaxe John Carter.

    O Mastigar dos mortos, seleccionado en vários festivais

    Unha imaxe do filme[19:11 26/10/2005] O filme vigués O Mastigar dos mortos nas súas tumbas participou na sección "Europa Mediometraggio" do Santena Film Festival da cidade de Turín (Itália) que se celebrou a princípio de outubro.

    A mediametraxe de terror tamén foi selecionada a concurso no Festival Internacional de Cinema Fantástico e de Terror de Buenos Aires, que se celebrará na capital arxentina do 27 de outubro ao 2 de novembro. Competirá na sección internacional con outros 14 traballos de países coma Estados Unidos, Macedónia, Uruguai, Chile, Brasil, Arxentina, Reino Unido, Canadá ou Irlanda.

    O mastigar das mortos nas suas tumbas é un filme de terror que narra o conflito existente entre dous médicos que loitan contra unha terríbel enfermidade nunha devastada aldea galega. O guión, escrito polos vigueses Óscar Suárez e Ángel Regueiro e polo lalinense Emilio Fernández, gañou o primeiros prémio no certame de guións do Festival de cinema de Alcobendas do ano 2003, competindo con outros 108 traballos de toda España.

    Está producida por KortosQ3 e Produtora Faro S.A. e dirixida por Óscar Suárez, coñecido curtometraxista vigués que xa realizou outros traballos coma The Last Patrol, Amazonas 2000 e As bágoas da raíña.

    A Coruña acolleu a preestrea española de Sonme

    [23:00 22/10/2005] Os cinemas Filmax da Coruña acolleron onte a preestrea estatal de Somne, a primeira longametraxe da produtora coruñesa Vaca Films.

    Dirixida por Isidro Ortiz e protagonizada por Goya Toledo, conta tamén coa participación de Óscar Jaenada, Nancho Nuevo, Chete Lera, Uxía Blanco, Chema Blasco e Gary Piquer e foi rodada en español ao longo de oito semanas en localizacións de Santiago de Compostela, Noia e O Grove.

    Además, o filme foi exhibido en pase especial no recente Festival de Cinema Fantástico de Sitges e na súa coproducción participaron a Xunta de Galiza, TVE e Canal+.

  • [14:44 09/10/2005] A parella de cienciólogos composta por John Travolta e Kelly Preston veñen de lle recomendar a Katie Holmes que teña un parto silenzoso cando dea a luz ao fillo de Tom Cruise, para así cumprir as estritas doutriñas da súa igrexa, que prohibe os comentários, as expresións de dór ou calquera comentário por parte da nai que está a dar a luz, así como de calquera ao seu redor. Preston explicou que "é porque en intres de dór todo fica relembrado e o parto debe ser pacífico e limpo de toda clase de suxestións que podan afectar aos bebés no seu futuro".

    Artfutura no Marco de Vigo

    [10:50 28/10/2005] ArtFutura, o festival de referéncia en criación dixital e novos médios, comezou onte a sua décimosexta edición en várias cidades españolas, entre elas, Vigo, cuxo Museo de Arte Contemporánea (Marco) oferece o programa audiovisual completo deste certame que se celebra simultáneamente en Barcelona (Mercat de les Flores), Granada (Parque das Ciéncias), León (MUSAC), Madrid (A Casa Encendida), Múrcia (Portas de Castela), Palma de Mallorca (Centre de Cultura Sa Nostra), Tenerife (Centro de Arte A Recova) e Vitória (Artium).

    Se na edición anterior ArtFutura tratou sobre a superposición virtual e o físico, este ano, baixo o título xenérico "Obxectos vivos + Espazos sensíbeis", explora o futuro dos obxectos e os contornos na era dos fluxos de dados.

    As proxeccións do festival agrupan-se en tres sesións diferenciadas. No programa A está o mellor do 3D en España e ArtFutura Show, que recolle anualmente os mellores traballos de animación en 3D criados internacionalmente. A edición do 2005 ven marcada pola presenza de dous que obtiveron os Prémios á Mellor Animación na última edición do Siggraph en Los Angeles. Trata-se de Fallen Art, de Platige Image e 9, de Shane Acker.

    No programa B, Full Motion Theater adica-se ás manifestacións visuais xeradas polo mundo do lecer dixital (novas intros para PlayStation 3 e Xbox 360). Tamén inclúe un avance do Festival de Cinema Dixital Resfest, no que se poderá ver como se fixo a última película de Tim Burton, A noiva cadáver. No programa C, a retrospectiva Experimental Futura apresenta unha selección dos mellores traballos experimentais de animación dixital apresentados no festival ArtFutura ao longo dos seus primeiros 15 anos.

    Cadrando co terceiro aniversario do Marco (que abriu as suas portas ao público o 13 de novembro do 2002), e coa saída oficial da Volta ao Mundo de Vela (a Volvo Ocean Race) dende o porto de Vigo o 12 de novembro, o museo organiza as Xornadas de Portas Abertas 3 x Marco durante os dias 11, 12 e 13 de novembro. Durante eses dias oferecen-se no salón de actos dous pases gratuitos de cada un dos tres programas.

    Sulu sae do armário

    George Takei[1:25 29/10/2005] George Takei, coñecido polos fans de todo o mundo por ser o capitán Hikaru Sulu na série da televisión e na saga cinematográfica de Star Trek, ven de declarar á revista gai de Los Angeles "Frontiers" que é homosexual. Takei, un actor residente en Los Angeles e ben coñecido activista polos dereitos das minorías, fixo a revelación nunha entrevista publicada esta semana.

    "En realidade non estou a sair [do armário], o que suxire abrir unha porta e atravesa-la", comentou Takei, de 68 anos. "é máis coma unha longa, longa camiñada que comezou nun estreito corredor que se foi ensanchando. Daquela, algunhas portas ábren-se e a luz entra, hai luz do ceo, e despéxa-se".

    Takei dixo que mantivo unha relación cun home ao que non quixo identificar e que chamou "Brad" durante 18 anos, pero que esta é a primeira vez que fala abertamente sobre a súa condición sexual. Tamén admitiu que continúa a ter problemas coa súa família polo feito de ser gai.

    "Non tiven unha boa experiéncia cun irmán", dixo Takei. "E non vou ser máis concreto, porque ainda é un problema. A miña nai, inicialmente, tivo que facer algúns axustes, pero Brad acabou gostándo-lle moito. Ela ten Alzheimer, e é moi difícil para ela, así que levámo-la a vivir connosco. Brad foi estupendo. Foi un santo. É moi difícil cando tes que tratar con alguén que ten Alzheimer. E algunhas das etapas foron... terríbeis. E Brad axudou moito. Ela estivo connosco durante os últimos catro anos da súa vida. E débo-lle moito a el".

    Está claro que Takei foi a onde ningún home chegara antes. Ningún home dos de Star Trek, por suposto, pero agora xa temos un novo motivo para lle admirar e aprezar máis se cabe.

    Os prémios Ignotus

    [1:34 31/10/2005] Nun acto que tivo lugar no decurso dunha cea celebrada na Ibercón, veñen de se fallar os Prémios Ignotus 2005, cuxa listaxe completa reproducimos de seguido:

    • Millor novela: El sueño del rey rojo, de Rodolfo Martínez
    • Millor novela curta: Amanecer, de José Antonio Cotrina
    • Millor conto: La niña muerta, de José Antonio Cotrina
    • Millor antoloxía: Paura - volumen 1
    • Millor libro de ensáio: Espectra, de Pilar Pedraza
    • Millor artigo: Historia alternativa en la literatura española I, de Alfonso Merelo
    • Millor ilustración: Portada de Sherlock Holmes y la sabiduría de los muertos, de Alejandro Terán
    • Millor produción audiovisual: O maquinista, de Brad Anderson
    • Millor cómic: La legión del espacio, por Alfredo Álamo-Fedde
    • Millor obra poética: Quiero ser como Lugosi, de Alfredo Álamo
    • Millor revista: Asimov Ciencia Ficción
    • Millor novela estranxeira: Os tecedores de cabelos, de Andreas Eschbach
    • Millor conto estranxeiro: Camiño de Dragón, por George R.R. Martin
    • Millor sítio web: "Sitio de Ciencia Ficción", de Francisco José Suñer Iglesias

  • [0:46 15/10/2005] O compositor Guettel e o escritor e guionista William Goldman colaboraron na adaptación ao musical da novela A princesa prometida, unhapelícula que cativara á audiencia coa sua mistura de máxia medieval e arremedo dos filmes de espadachíns. O filme foi protagonizado por Cary Elwes e Robin Wright como a parella de namorados de amor verdadeiro, mentres que Chris Sarandon encarnou ao malvado príncipe que tentaba separá-los.

  • [1:43 12/10/2005] O creador da saga da Guerra das Galáxias, George Lucas, está no centro dunha disputa após de presentar unha queixa por mala praxe sindical contra os empregados de edición de són que traballan para el. Lucas e os produtores da LucasFilm no norte de Califórnia afirman que os delegados sindicais paralizaron as conversas para negociar un novo contrato, cancelando as xuntanzas e non respondendo ás peticións deinformación. Howard Roffman, a man dereita de Lucas, dixo: "levamos catro meses moi frustrantes e non puidemos conseguir que o sindicato se sente á mesa a negociar". Roffman afirma que lle parece moi raro que alguén non queira traballar para Lucas.

  • [1:43 12/10/2005] Marcia Gay Harden uniuse ao reparto da vindeira película de David Goyer, o filme sobrenatural Invisible para a Touchstone Pictures e a Spyglass Entertainment. Deste xeito, xúnta-se con Justin Chatwin, Margarita Levieva e Chris Marquette. Goyer dirixirá o filme, basado nun thriller sueco sobre un xove que é atacado e deixado por morto. O rapaz atópa-se no limbo e deberá atopar o seu corpo nunha carreira contrarreloxo para non morrer.

  • [1:43 12/10/2005] Os produtores dos filmes de Austin Powers prepáran-se para rodar unha cuarta entrega coincidindo co lanzamento en 2006 da nova película de James Bond, Casino Royale. O novo proxecto centraría-se nun Powers máis novo e só Seth Green regresaría, para facer o papel dunha versión máis nova do Doutor Evil. Michael York, outro habitual desta saga, peroque non participará na vindeira entrega, asegurou que non sabe se Mike Myers formará parte deste novo proxecto.

  • [1:43 12/10/2005] Mia Farrow regresará ao terror clásico após de case 40 anos de facer o papel protagonista en A semente do demo [Rosemary's Baby] porque xa asinou para facer un remake de A Profecía [The Omen]. Farrow fará o papel da sinistra neneira Mrs. Blaylock neste proxecto, que tamén conta coa participación de Liev Shreiber e Julia Stiles coma os pais do neno diabólico. Seica John Moore será o realizador deste remake do clásico de 1976.

  • [1:43 12/10/2005] A nova película da saga de "Os Inmortais" comezará a se rodar a vindeira semana en Lituánia, tendo a Adrian Paul como protagonista. Deste xeito, Highlanders: The Source seguirá o fío argumental da saga, que continúa os acontecementos de Os Inmortais: Xogo Final. Se ben non está confirmado, é moi posíbel que este filme saia directamente ao mercado de vídeo e DVD, así coma a rodaxe futura doutras dúas novas entregas.

  • [0:32 18/10/2005] Os produtores da vindeira película da saga de James Bond, Casino Royale, eliminarán á lendária señorita Moneypenny e mais ao inventor Q da nova película, na que o actor inglés Daniel Craig interpretará a 007 por primeira vez. Esta nova indica que o vindeiro filme vai-se desviar moito do espíritu da aventuras prévias de James Bond.

  • [1:11 15/10/2005] O actor da Guerra das Galáxias Peter Mayhew, máis coñecido polo seu papel de Chewbacca, vai-se converter axiña en cidadán americano, abandoando a súa nacionalidade inglesa. O actor, de 60 anos, está entre as 441 persoas de 77 países que adquirirán a súa nacionalidade xurando fidelidade á bandeira das barras e estrelas nunha cerimónia que terá lugar en Arlington, Texas, onde vive coa súa esposa Angelique. Deste xeito úne-se a un clube formado por actores coma Anthony Hopkins, Pierce Brosnan ou Jane Seymour.

  • [1:11 15/10/2005] O actor de Star trek James "Scotty" Doohan tomará a frase "teletranspórta-me, Scotty" ao pé da verba, porque os seus restos mortais convertidos en cinzas serán transportados ao espazo seguindo os seus derradeiros desexos. A compañía de vóos espaciais comerciais Space Services Inc. lanzará os restos do actor xunto cos de dúcias de persoas máis o vindeiro 6 de nadal.

  • [0:46 15/10/2005] O sábado é o dia da apresentación mundial de Harry Potter e o príncipe misterioso, a tradución portuguesa de Harry Potter and the Half-Blood prince, a sexta entrega do neno meigo. Aínda non está confirmado cando aparecerá traducido ao portugués de Brasil (unha versión non moi distinta, por moito que doa aos nosos benqueridos leitores brasileiros). En galego aínda agárda-se a publicazón do cuarto volume, Harry Potter e o cáliz de fogo para finais de ano.

  • [0:32 18/10/2005] Os xardins de Montero Rios en Vigo acollen desde hoxe unha escultura de Jules Verne que servirá para render homenaxe ao escritor francés no centeário da sua morte. O escritor adicou á ria de Vigo o capítulo VII da segunda parte dun dos seus mais famosos libros, Vinte mil légoas de viaxe submariña e nel recrea a batalla de Rande. A estátua, doazón da Asociación de Mulleres Empresárias de Pontevedra, foi esculpida polo vigués José Molares. O conxunto de bronce ten catro metros de largo, dous de fondo e un metro setenta e cinco centímetros de altura.

    Rouban o coche voador de Harry Potter

    [1:34 31/10/2005] O Ford Anglia voador que se utilizou nos filmes do famoso meigo Harry Potter foi roubado duns estudos cinematográficos no condado de Cornwell (ao sul de Inglaterra), segundo informou a Policía daquel país. "Para quen non visen os filmes de Harry Potter, éste é o automóvil que voa nos filmes e é moi coñecido", afirmou un voceiro policial.

    Fabricado en 1962 e de cor azul, o veículo, que non pode ser conducido por falta dalgunhas pezas mecánicas, foi substraído o pasado mércores pola noite dos estudos South West Film, na localidade de Saint Agns. A Policia suspeita que, ben un fiel seguidor do meigo, ben un afeizoado aos coches clásicos, irrompeu no almacén de South West Film cun camión e levou o Ford Anglia.

    Nos libros de Potter, creados pola autora británica J.K. Rowling, o coche conta con poderes máxicos incorporados por Arthur Weasley e é usado polos seus fillos, Ron e Harry, compañeiros na academia de bruxería de Hogwarts.

    O cuarto filme do coñecido meigo, Harry Potter e o cáliz de fogo, chegará aos cinemas do Reino Unido o vindeiro 18 de novembro e espera-se que sexa unha das fitas mais recadadoras do próximo Nadal.

  • [23:02 22/10/2005] O protagonista da série O coche fantástico, David Hasselhoff, comentou nunha rolda de prensa en Austrália que ven de adquirir os dereitos para facer unha película baseada na popular série de televisión e que ten ideia de convertela nunha longametraxe algún día. Ademáis, seica quere facer unha secuela da série, ainda que agra o protagonista sería o fillo de Michael Knight, pero tendo dous coches, ún para o pai e outro para o fillo.

  • [11:29 21/10/2005] A estátua de Jules Verne que foi inaugurada antonte nos xardíns de Montero Ríos en Vigo adolece dun erro que a convirte nunha enorme desfeita: segundo denúncia o noso correspondente Pablo González dende a súa bitácora, o nome do escritor francés que consta na placa está escrito en rigoroso español de Castela, mentres que o resto da placa está en galego. Como moitas veces temos dito dende estas páxinas de NOVA, Verne non naceu en Cuenca, por moito que se emperren as "damas da caridade" da Asociación de Mulleres Empresárias.

  • [14:15 20/10/2005] A revista de ciéncia-ficción en español "Asimov" que publicaba Edicións Robel, ven de pechar as suas portas após de publicar o seu número 21. Nun comunicado que ainda non foi feito público pero ao que xa tivo acceso a Redacción de NOVAFANTASIA.COM, a Editorial pide excusas aos seus leitores e suscriptores, e anúncia o seu peche definitivo por mor da escasez de afeccionados ao xénero en España, o que fai imposíbel o pago dos dereitos de autor.

  • [11:44 20/10/2005] O realizador McG dixo que non puido aceptar ser o director do vindeiro filme de Superman, Superman Returns, por mor do seu medo a voar. O claustrofóbico director fora o primeiro escollido polos produtores para facer a película na que o Home de Aceiro regresará ás pantallas grandes, pero rexeitou porque non podía voar a Sydney, Austrália, para comezar a traballar, así que foi sustituido polo actual encargado do proxecto, Bryan Singer. Actualmente, Joseph Nichol, que é o verdedeiro nome de McG, está a tomar leccións para superar o seu medo aos avións.

  • [0:32 18/10/2005] O director neocelandés Peter Jackson prescindiu de Howard Shore como compositor da banda sonora da nova versión cinematográfica de King Kong, cando só faltan sete semanas para a estrea da millonária produción. A ruptura do tándem que tan brillantes resultados conseguiu na triloxia de O Señor dos Aneis, pola que Shore gañou tres Oscars, ficou rota por diferenzas criativas entre os dous artistas. A parte musical do proxecto recairá agora no compositor James Newton Howard, responsábel da música de acompañamento de O Sexto Sentido.

    Stephen King traballará para a Marvel Comics

    Stephen King[1:34 31/10/2005] Contra a primavera de 2006, Stephen King e a Marvel Comics unirán as súas forzas para lanzar un novo cómic baseado na obra do "rei do terror", A Torre Escura. A famosa saga de novelas de Stephen King non só será adaptada, senón que incorporará novas histórias coa infáncia do pistoleiro Roland.

    "Como fan de toda a vida dos cómics Marvel, e como lector adulto que está a ver a madurez do cómic e como ocupan o seu lugar correcto no mundo da fantasía e da ciéncia-ficción", dixo Stephen King, "estou emocionado por ser unha parte da nova encarnación de Roland".

    A série será ilustrada polo gañador dun prémio Eisner Jae Lee: "A miña vida mudou da noite á mañán cando souben que traballaría con Stephen King!", dixo Lee. "Sei o especial que é a série da Torre Escura para el. Estou incribelmente honrado de que me permitira ser un convidado no seu mundo".

    Schwarzenegger, contra a violéncia virtual

    [1:34 31/10/2005] Ao governador de California, Arnold Schwarzenegger, non lle tremeu a man ao asinar a lei AB1179, que pon contra as cordas os videoxogos violentos. As tendas que non etiqueten correctamente os títulos destinados a maiores de 18 anos ou non comproben a idade dos seus mercadores enfrontan-se a multas de até 1.000 dólares (uns 880 euros). O promotor desta lei, Leland Yee, non está totalmente satisfeito xa que a sua proposta incluía a proibición total de determinados títulos.

    Nos Estados Unidos, a Electronic Software Rating Board (ESRB) é o organismo que clasifica os lanzamentos por idades, e as compañas someten-se voluntáriamente a esta regulación. España utiliza un sistema semellante chamado Pan European Game Information (PEGI).

    Schwarzenegger, protagonista de filmes non precisamente para nenos, coma a saga de Terminator, asegura ter feito o correcto asinando unha lei que "involucra aos pais á hora de decidir que videoxogos son apropiados para os seus fillos".

    A Asociación de Comerciantes de Vídeo (VSDA) e a Asociación de Aplicacións de Entretemento (ESA), que representan á indústria do videoxogo, que move 10.000 millóns de dólares anuais, demandaron ao governador de Califórnia pola aprobación da lei, segundo anunciou o seu presidente, Doug Lowenstein, quen confia en repetir a vitória que tivo contra leis similares en Indianapolis, Missouri e Washington. A IEMA, que agrupa a vendedores de videoxogos, láia-se da politizazón do debate e de que o Governo californiano non colaborase coa indústria para facer pedagoxía cos pais.

    Neste conflitivo ambiente, o presidente de Rockstar Games, Sam Houser, recibiu 369 asinaturas de persoas que lle piden que reconsidere lanzar ao mercado Bully, un título sobre pandillas universitárias. Do xogo á penas sabe-se ren e só se viron algunhas capturas de pantalla, pero foi abondo para que a nai dun xove que se suicidou após de sofrir acoso escolar reclamase que non se venda o xogo.

    O avogado Jack Thompson, decidido detractor dos títulos violentos, prefire crear un xogo onde o protagonista, armado até os dentes, iría matando aos directivos das empresas que editan xogos violentos: "É só un xogo, pura e inofensiva fantasia", argumenta Thompson. "Apontade contra vós como apontades contra os outros".

  • [23:02 22/10/2005] Rose McGowan, unha das protagonistas da série de TV Embruxadas, foi esposada e expulsada dunha festa patrocinada polos teléfones móbiles da marca americana T-Mobile o pasado 18 de outubro en Hollywood, após de mantér unha rifa cun axente de seguranza. McGowan estaba a bailar no clube Vanguard cando seica algo que estaba a facer coas súas chaves atraiu a atención dos gardas, quen a rodearon, procurando no seu bolso e posteriormente botárona da discoteca.

  • [23:02 22/10/2005] Máis dun ano despóis de anunciar a súa creación, a Lucasfilm Animation Co. de Singapur comezará as súas actividades o vindeiro 27 de outubro. Gail Currey, o seu vicepresidente, estará na cidade asiática para a cerimónia de inauguración. Agárda-se que os estudos singapureños se encarguen de grande parte dos traballos de animación dos filmes e séries de TV de George Lucas.

  • [23:02 22/10/2005] Hoxe deu comenzo no Hotel Alay Benalmádena de Málaga (España) o VIII Congreso Estatal de Star Trek ou ESPATREK 2005 que nesta edición ten coma convidados a Robert O'Really (o Chanceler Gowron) e a J.G. Hertzler (o Xeneral Martok). Ademáis sorteará-se, grazas ao patrocínio de Paramount España, unha das réplicas do comunicador da série orixinal, asinada por William Shatner. Este comunicador forma parte dunha série limitada e numerada. Ven nunha caixa de metacrilato, coa sua placa identificativa e unha foto do actor.

  • [23:02 22/10/2005] As primeiras críticas para o novo filme de Antonio Banderas, O regreso do Zorro, non son nada boas. Segundo din os especialistas nisto, a película é demasiado familiar e semella máis unha repetición de Spy Kids! no canto de A lenda do Zorro.

  • [23:02 22/10/2005] A nova estrela do cinema de animación índio é... o seu deus-mono Hanuman. A indústria de Bollywood, fiel ao seu costume de facer películas adicadas aos heroes e deuses da relixión hindú, ven de ofrecer agora a un novo super-heroe para os nenos nunha película de 90 minutos de duración que segundo os seus autores, pretende "ir alén de Supermán".

    O portal dos elfos, en galego

    O portal dos elfos[12:52 01/11/2005] Entre as novidades de Edicións Xerais para este mes salientamos O portal dos elfos, do irlandés Herbie Brennan, quen xa leva vendidos cincuenta millóns de exemplares dos seus libros en cincuenta países. Brennan estudou periodismo e traballou como editor nun xornal, mais dende mozo se interesou pola psicoloxía e polas liñas de investigación non ortodoxas. Vencellado, tamén, ao mundo da física e da tecnoloxía, é membro da Sociedade Investigadora de Física de Londres. Ademais da literatura, adíca-se a deseñar xogos de mesa e programas informáticos.

    En O portal dos elfos, Pyrgus Malvae é o príncipe herdeiro do reino dos elfos, onde está a piques de se declarar unha guerra terríbel. Uns sinistros personaxes, os terribles elfos da noite e os demos do príncipe Beleth, están dispostos a matar para se faceren co control do reino. Diante da ameaza, Pyrgus ve-se obrigado a fuxir ao mundo dos humanos para salvar a vida. Mais os seus malvados inimigos sabotean o portal máxico que debía traslada-lo e non aparece onde estaba previsto senón no xardín do señor Fogarty, un vello excéntrico e tronado. Cando os dous mundos se atopan, o universo enteiro se transformará. Coa axuda da súa irmá, a princesa Holly Blue, e do seu xove amigo humano, Henry, Pyrgus deberá volver a casa para liberar o seu reino das forzas do mal.

    O portal dos elfos é unha trepidante novela que propón vivir unha aventura excitante, chea de acción, máxia, intriga, ciéncia e fantasía. Elixido nos Estados Unidos en 2004 como o "mellor libro para xoves" e xa traducido a vinte línguas, O portal dos elfos é a primeira parte dunha triloxía, á que segue The purple emperor, que publicará Edicións Xerais dentro desta mesma colección para rapaces "Fóra de Xogo".

  • [10:42 28/10/2005] Para conmemorar o 25º aniversário de Pac-Man, a Namco Hometek anunciou que dará ao popular persoaxe dos videoxogos unha voz de seu na súa vindeira aparición en Pac-Man World 3, un videoxogo previsto para novembro nas plataformas PlayStation 2, Xbox, GameCube, PSP, Nintendo DS e PC.

  • [10:42 28/10/2005] Don Coscarelli, director da série de películas de terror de Phantasm dixo nunha recente entrevista que a rumoreada nova triloxía de películas nunca será rodada. Segundo manifestou, a triloxía foi un rumor demasiado prematuro e os estudos non van permitir esta rodaxe, e ainda que Coscarelli quere facelas, non hai cartos para financialas.

  • [11:13 26/10/2005] Os ataques "losantistas" contra a diversidade lingüística dentro do Estado Español afectan tamén ao escaso cinema que se fai en Galiza e por riba cando é cinema fantástico. Durante a presentación do filme Somne, dobrado ao galego, o actor español pero de orixe galega Nancho Novo declarou que a dobraxe ao catalán é "unha parvada" e, se ben "hai que defender a língua", "hai mellores maneiras de face-lo". Somne coproducida pola TVG e con achegas da Xunta de Galiza estreou-se en todo o estado: en Galiza entrou con cinco copias, dúas delas en galego.

  • [10:43 28/10/2005] Começa a contagem decrescente para o Fórum Fantástico 2005. Dentro de duas semanas, o evento irá tomar lugar na Biblioteca de Telheiras em Lisboa, mas antes disso, poderão consultar a página oficial do evento, onde já se encontra disponível a programação. Nos próximos dias serão ainda adicionadas algumas componentes relacionadas com esta iniciativa da Épica. Recomendamos aos interessados que visitem a página regularmente nos próximos dias, uma vez que irá sofrer constantes actualizações.

  • [10:43 28/10/2005] Ainda quedan uns dous meses para a estreia mundial do novo filme de Peter Jackson, o remake de King Kong, e os estudos Universal xa decediron lanzar unha "versión do director" que dura tres horas e que inchará o orzamento até os 207 millóns de dólares. O mesmo jackson pagará este aumento de 32 millóns sobre o orzamento orixinalmente previsto para poder editar a súa versión do gorila xigante.

  • [10:42 28/10/2005] Mália os temores dos traballadores ingleses de que a vindeira película de Harry Potter seguise os pasos da de James Bond e marchase a rodar á República Checa, a Warner Brothers decediu facer a rodaxe do filme do neno meigo Harry Potter e a Orde do Fénix nos estudos Leavesden ao norde de Londres, o mesmo cás súas predecesoras.

    Jules Verne, noutra exposición en Vigo

    [12:52 01/11/2005] O Museu do Mar de Galiza en Alcabre (Vigo) acollerá desde mañá unha exposición titulada Xulio Verne. Unha viaxe pola Galiza extraordinária, na que se reflicte a relazón o escritor e pensador francés coa cidade olívica e con Galiza.

    A mostra, que conta con mais de 130 pezas e várias montaxes expositivas, divide-se en cinco apartados. Por un lado, fai-se unha introducción na que se apresenta a Jules Verne e lembra-se a sua estáncia en Vigo -en 1878 e 1884-; noutro dos módulos analisa-se a relazón entre o home e o mar, a través de várias histórias de náufragos, piratas ou cazadores de baleas.

    Outro dos apartados da exposición centra-se na conquista do océano que lembra os trocos provocados pola aparición da máquina de vapor e ten como elemento estrela o mergullabel "Sanjurjo", mentres que o seguinte módulo repasa a criación das sociedades xeográficas, gabinetes científicos, comisions, Universidades, etc.

    No último apartado da mostra, centrado na figura de Jules Verne, recolle-se o ideario político e social do escritor, o transformazón da sua ideoloxía e a sua conceizón da Revolución Industrial.

    A exposición, cuxo comisário é Alejandro de Arce, permanecerá aberta no Museu do Mar até o próximo 12 de febreiro, e o prezo da entrada á mesma é de tres euros.

  • [10:43 28/10/2005] A Paramount está en negociacións co realizador inglés Matthew Vaughn para que dirixa e produza a súa adaptación do conto de fadas para adultos de Neil Gaiman Stardust. Vaughn escribira o guión xunto a Jane Goldman. A novela de Gaiman, publicada e n1997 como Stardust: Being a Romance Within the Realms of Faerie, está ambientada nunha vila da campiña inglesa onde se misturan os reinos das fadas e dos mortais. Esta novela gañara o prémio Mythopoeic de novelas para adultos en 1999.

  • [10:43 28/10/2005] A Dimension Films ven de contratar ao realizador Mikael Hafstrom e ao produtor Lorenzo di Bonaventura parafacer unha película de terror baseada no relato de Stephen King 1408. O guión de Matt Greenberg está a ser reescrito por Scott Alexander e Larry Karaszewski. A história vai sobre un escéptico que se adica a desmitificar aos falsos cazadores de mistérios, pero que atopa un feito real na habitación 1408 dun hotel. Alexander e Karaszewski xa escribiran xuntos os guións de filmes coma Larry Flynt e Ed Wood.

  • [10:43 28/10/2005] A Asociación Veciñal de Návia (Vigo) realizará o vindeiro 31 de outubro unha festa que deron enen denominar Noite do Samaín. Esta festa marcaba o fin do ano no calendário celta, e con tal motivo, a asociación crea esta festa participativa co obxectivo de que sexa emblemática no futuro de Vigo. A partir das cutro do serán, na devesa de Návia, terá lugar un taller de caliveiras realizadas con cabazas. Xa dende as sete e média haberá un magosto, a actuación de Cándido Pazó e moita festa rachada.

    Aparece Bang!, unha revista do fantástico

    A capa da nova revista BANG[12:52 01/11/2005] A Saída de Emergência, editora que nos últimos meses se tem vindo a destacar no panorama fantástico em Portugal, acaba de anunciar o lançamento de uma nova revista "Bang!", dedicada a literatura de aventura e fantástico.

    A publicação trimestral, que irá ter distribuição nacional, revela um conteúdo constituído por contos, escritos originalmente em português ou traduzidos, ensaios, resenhas, entrevistas, pré-publicações, entre outros artigos. É objectivo da revista contribuir para a divulgação do que se faz de melhor lá fora em ficção especulativa e incentivar a produção em língua portuguesa, focando nomeadamente a qualidade.

    Do alinhamento já apresentado por Luís Corte Real e Rogério Ribeiro, respectivamente, director e editor, o destaque vai para o artigo José Saramago: Nobel da Ficção Científica da autoria de Jorge Candeias e a pré-publicação de um dos contos de Salomão Kane - A Mão Direita do Destino - por Robert E. Howard.

    Os leitores poderão também ler entrevistas a David Soares, José Manuel Lopes e Fernando Ribeiro, vocalista dos Moonspell.

    A apresentação do n.º 0 irá ser realizada no Fórum Fantástico, dia 10 de Novembro, pelas 15:30, pelo editor Rogério Ribeiro, estando nessa altura já disponível para venda, no local do evento.

  • [20:59 01/11/2005] Así é como trata a prensa á Ibercón. Supoñemos que despóis dun titular tan "ben intencionado" coma este, aínda haberá quen diga que o gabinete de relacións públicas establecido polos organizadores (?) fixo un traballo espléndido... o que hai que ver!

  • [10:43 28/10/2005] William Shatner, o actor de 74 anos que deu vida ao capitán Kirk na mítica série Star Trek, foi ingresado no hospital por mor dunha pedra nun ril. Shatner afirma que a dór foi tan espantosa que lle tiveron que dar morfina. Pois en fin, seica na série da tele aturaba millor os malos intres...

    Saramago declara á morte en folga

    [17:29 06/11/2005] José Saramago apresentou o venres a sua última novela, na que a Morte deixa de cumprir a sua función. Un libro no que o Nobel de Literatura desenvolve unha narrativa de grande fecundidade literária, social e filosófica que sitúa no centro a perplexidade do home ante a impostergábel finitude da existéncia. Parábola da curta distáncia que separa o efímero e o eterno, As intermiténcias da morte ben poderia rematar tal como comeza: "Ao dia seguinte non morreu ninguén".

    Nun país cuxo nome non será mencionado, produce-se algo nunca visto desde o princípio do mundo: a morte decide suspender o seu traballo letal, a xente deixa de morrer. A eufória colectiva desáta-se, pero axiña dará paso á desesperación e ao caos. Sobran os motivos. Se é certo que as persoas xa non morren, iso non sinifica que o tempo parase. O destino dos humanos será unha vellez eterna.

    Buscarán-se maneiras de forzar á morte a matar ainda que non o queira, corromperán-se as conciéncias nos "acordos de cabaleiros" explícitos ou tácitos entre o poder político, as máfias e as famílias, os ancianos serán detestados por se teren convertido en estorvos irremovíbeis. Até o dia en que a morte decide voltar...

    Unha obra crítica, irónica, pero tamén comprensiva e compasiva; unha reflexión sobre a condición humana que ven a dicir ao leitor que a capacidade de tenrura do home, o seu poder de creación, a sua vontade de se volcar nun camiño de perfeizón, pode transcender á morte.

    Ignotus: escándalo sen precedentes!

    [0:07 05/11/2005] Os escándalos ao redor da recentemente rematada Ibercón e mais dos prémios Ignotus non rematan, mália que haxa quen dun xeito vergoñento tente facelos desaparecer en mensaxes de correio electrónico privadas. Dende NOVAFANTASIA.COM non imos deixar de facer público o que ten carácter público, e este escándalo é dunha gravidade sen precedentes.

    Francisco José Súñer Iglesias, o director e administrador do sitio web "El sítio de ciencia ficción", recente gañador do prémio Ignoutus ao millor sítio web, ven de facer chegar á xunta directiva da AEFCFT o seguinte comunicado expresando a súa indignación ao respecto aos recentes e moi desagradabeis sucesos que rodearon aos prémios Ignotus:

    "Rodolfo Martínez, gañador do prémio Ignotus 2005 á Millor Novela, fixo afirmacións moi graves respecto á preselección e concesión dos Ignotus deste mesmo ano: baixo o paraugas do regulamento, acusou de manipulación a un grupo de afeizoados sen, polo demáis, precisar quen son exactamente, pero identificando-os pola sua afeizón á Saga dos Aznar. Menosprezou aos candidatos á categoria de Mellor Novela, particularmente a Eduardo Gallego e Guillem Sánchez e ninguneou aos demáis.

    Por extensión, ainda que sen o mencionar, esta acusación verteu dúvidas sobre a posibilidade de que candidatos doutras categorias, afíns ao grupo de afeizoados á Saga dos Aznar, entre os que o Sítio de Ciéncia-Ficción se atopa indubidábelmente, foran preseleccionados sen mediar manipulación, cuestionando sériamente os prémios obtidos por parte de éstes.

    Isto vai ficar impune? Vai a Asociación tomar algunha postura ao respecto?

    Pido á Asociación que, polo momento, non me faga chegar o trofeo conmemorativo do Ignotus que se me concedeu na categoria de Páxina Web, pido á Asociación que redacte á maior brevidade un comunicado público no que aclare todo este nauseabundo asunto e se nun prazo razoabel, digamos antes do dez de novembro, non se produce unha reacción firme e clara que afaste calquera sombra de dúvida respecto a candidatos e gañadores, renunciarei formalmente ao Ignotus e anunciarei a retirada do Sítio de Ciéncia-Ficción de calquera futura convocatória destes prémios sexa cal sexa o seu formato.

    Non teño nengun interese en que o prémio fique marcado pola suspeita de concesión grazas a manipulacións interesadas ou conxuras de guardarropía, non teño nengun interese en participar nun prémio no que os seus participantes non sexan capaces de manter o debido respecto polos seus competidores, e se quixese poder estar orgulloso dun prémio no que imperou a educación e as boas maneiras e estea prestixiado polo acordo amplo dos afeizoados ao xénero".

  • [0:39 11/11/2005] A Faculdade de Ciéncia e Tecnoloxía da Universidade do País Basco (EHU) ven de anunciar ao gañador do XVII Certame Literério Alberto Magno de Ciéncia-Ficción, que é o decano do xénero no Estado español e o certame de relatos de ciéncia-ficción millor dotado, con 3.500 euros. O gañador foi José Antonio Cotrina, de Vitória-Gasteiz, pola obra Argos, unha história ambientada nun mundo futuro onde as redes informáticas multiplicaron a sua complexidade grazas á nanotecnoloxía e á realidade virtual. Neste concurso participaron 39 relatos, ningún deles procedente de Galiza.

  • [0:39 11/11/2005] O novo canle estatal que sustituiu a Canal+ emitindo en aberto, Cuatro TV, arrinca pisando forte. Tirando de moitas séries clásicas, Cuatro ofrece unha programación que inclúe Máis alá do límite (a versión moderna de The twilight zone), Comando G (a mítica série de debuxos animados), Twin Peaks, Buffy Cazavampiros, Tan mortos coma min... e a estrela: Ghost in the shell, ainda que a unhas horas prohibitivas para os que temos que traballar. Rumorea-se tamén que emitirán O grande heroe americano, ainda que non está polo de agora na grella.

  • [18:45 09/11/2005] O actor William Shatner, intérprete do Capitán Kirk na série Star Trek, ten a esperanza de resucitar a vella série de televisión e está a reescribir o guión dun episódio piloto ambientado antes dos feitos da série orixinal. Segundo dixo, "estou a escribir un par de libros sobre os adolescentes Kirk e Spock como precuela. Tamén é unha idea para que a usemos como a vindeira série de Star Trek".

  • [17:30 06/11/2005] Durante a Hispacón que tivo lugar en Vigo o pasado fin de semana fíxo-se entrega do Prémio Domingo Santos de relato. O gañador do Prémio 2005 foi Jose Manuel Sánchez Gómez, "Yoss", polo relato Morfeo Verdugo. Os finalistas do prémio foron Ezequiel Dellutri (Arxentina), Luis Felipe Saavedra Varga (Chile), e Santiago García Soláns (España).

  • [17:30 06/11/2005] Tom Cruise está metendo medo aos produtores nos platós onde se roda Misión Imposíbel 3 porque insiste en facer el mesmo as escenas arriscadas. O actor rexeitou ter un dobre para rodar as partes nas que hai acción ao redor dunha perigosa fervenza, e o seu desexo de se facer o "machito" está alporizando mesmo ao lendário coordinador de dobres Vic Armstrong, que traballa neste filme con el. Armstrong dixo a unha revista que "[Tom] fixo unha caída dende 21 metros a pasada semana. Mesmo fixo sete tomas. Isto atérra-me absolutamente. Xa podo ver os titulares! Que forma de rematar unha carreira".

  • [1:12 04/11/2005] A Asociación Xuvenil Cancerbero ultima a posta en marcha do seu próximo xogo de rol en vivo, que estará baseado nos filmes de cine. Forma parte da programazón Noites Vivas do Concello de Vigo e comezará o venres dia 11 no instituto do Castro. O meio centenar de sócios e os demáis interesados poderán apontar-se a esta forma de teatro alternativo que terá como temática filmes fantásticos ou de aventuras.

  • [1:12 04/11/2005] O Libro Guinness dos Records ven de declarar que o creador da seita da ciencioloxía, o escritor de ciéncia-ficción L. Ron Hubbard, é o autor traducido a máis idiomas do mundo. Hubbard, cuxa obra foi xa traducida a 65 idiomas, sobrepasa doadamente ao anterior posuidor do récord, Sydney Sheldon, cuxas obras só foron traducidas a 51 línguas. Anne Frank e mais J.K. Rowling teñen xa traducións a 64 e 63 idiomas respectivamente, pero o Libro Guinness ainda non confirmou ningún dos dous números.

  • [1:12 04/11/2005] A compañía de videoxogos 2K Games ven de anunciar un acordo coa Sony para publicar e distribuir videoxogos baseados na vindeira película O Código da Vinci. O filme, do director Ron Howard, está baseado na novela homónima de Dan Brown. Os xogos para ordenador serán programados por "The Collective", unha división de Foundation 9 Entertainment e por un creador de títulos de acción. Os xogos poderían aparecer contra o mes de maio de 2006, a tempo para a estrea da película.

    Anne Rice volve a Xesús

    A capa do polémico libro de Anne Rice[17:58 06/11/2005] A escritora Anne Rice di que a súa novela sobre Xesús non foi escrita por mor de cálculos comerciais, senón polo seu regreso á fe. De feito, expresou o seu desacougo por como reaccionarán os seus fans, acostumados ás súas novelas de vampiros.

    Despóis de obter grandes vendas cos seus contos de vampiros, meigas e luxúria, a novelista ven de publicar Christ the Lord: Out of Egypt [Cristo o Señor: saída de Exipto] retrata ao deus dos cristiáns como un rapaz de sete anos, falando en primeira persoa mentres a súa família múda-se dende o exílio en Exipto até Nazareth.

    "Como se sentiu Deus como home e como neno?", preguntou-se Rice. Pois seica a pregunta ten reminiscéncias do seu primeiro thriller sobrenatural, escrito hai 30 anos, e no que un vampiro relataba en primeira persoa a súa vida: foi Entrevista co Vampiro, continuada despóis por Lestat o Vampiro, convertidos respectivamente en película e en musical, este último da man de Elton John.

    Rice asegura agora que a súa novela de vampiros de 2003, Blood Canticle, foi a derradeira, e que agora só desexa escribir para Xesús Cristo. Así, esta novela será a primeira dunha série adicada ao histórico persoeiro. Rice afirma que "Deus está a interesar outra vez".

    A volta á fe de Anne Rice vai da man do Catolicismo Román, a igrexa máis difundida entre os cristiáns do mundo. Deste xeito, abandoa a orientación das súas primeiras novelas, mesmo algunhas moi eróticas escritas baixo seudónimo, por mor das cales abandonou a súa fe cando era unha adolescente. O seu home, quen finou hai uns anos, era ateo, e o seu fillo é un activista gai.

    Segundo afirma, a súa conversión aconteceu en 1998 en New Orleans e é obra dun sacerdote cristián chamado Dennis Hayes. Esta conversión foi difícil porque nun primeiro intre ela ainda tiña dúbidas acerca de por que a igrexa católica non acepta o sexo homosexual nin o sacerdócio feminino, pero Rice está segura de que finalmente aceptará as ordes da súa nova igrexa e de que as súas dúbidas se esvaecerán.

  • [0:39 11/11/2005] Carmen Electra, Leslie Nielsen e Simon Rex veñen de asinar para protagonizar Scary Movie 4, a cuarta entrega da popular saga que mistura terror, ciéncia-ficción e moita comédia para a Dimension Films.

    Gala Benéfica con Chicken Little

    [18:44 09/11/2005] Dentro da programación de animación que organiza o Concello de Vigo con motivo da saída da Volvo Ocean Race, o xoves, día 10 de novembro, ás 19 horas, nos Cinemas Yelmo terá lugar, en primícia, a estrea da nova película de Walt Disney Chicken Little a favor da ONG "Cooperación Internacional" e do seu proxecto "Un Sorriso por Nadal" que cada ano mobiliza a máis de 4.000 xoves voluntarios en Vigo e outras 20 cidades.

    O Banco Santander Central Hispano é o patrocinador deste evento, e doará a cantidade de 9.000 euros a Cooperación Internacional. A apresentación do acto correrá a cargo de Paul Cayard, patrón do veleiro da Disney "Piratas do Caribe" que participa na Volvo Ocean Race, a volta ao mundo a vela que sae este venres 12 de novembro do porto de Vigo.

    A alcaldesa de Vigo asistirá ao acto e tamén confirmaron a súa asistencia as actrices Camila Bossa e María Castro, o atleta paraolímpico Chano Rodríguez, os ex xogadores do Celta Vladimir Gudelj, Miroslav Ratkovic, Javier Maté e Atilano Vecino, así como vários membros da Corporación de Vigo e da Xunta de Galiza.

    Prémios International Horror Guild 2005

    [18:44 09/11/2005] Segundo informan os nosos colegas da revista Locus, o xoves pasado anunciaron-se os gañadores dos Prémios International Horror Guild no decurso do congreso mundial da Fantasía, que tivo lugar en Madison (Wisconsin, EE.UU.) e que corresponden a obras publicadas durante o pasado 2004. Estes son os gañadores nas diferentes categorías destes salientábeis galardóns do terror:

    • Millor Novela: Ramsey Campbell, por The Overnight
    • Millor Primeira novela: John Harwood por The Ghost Writer
    • Millor Ficción Longa: Lucius Shepard por Viator
    • Millor Ficción: Daniel Abraham por Flat Diane
    • Millor Ficción curta: Don Tumasonis por A Pace of Change
    • Millor Coleción Brian Evenson por The Wavering Knife
    • Millor Antoloxía: Acquainted with the night, recopilada por Barbara e Christopher Roden
    • Millor obra de non-ficción: DM Mitchell por A Serious Life
    • Millor Artista: Darrel Anderson e Rick Berry
    • Millor Película: Shaun of the Dead, de Edgar Wright
    • Millor programa de TV: Perdidos, creado por J.J. Abrams
    • Millor Cómic: The Bug Boy, de Hideshi Hino
    • Millor xornal ou revista: "The Third Alternative"

    Prémios Mundiais da Fantasía

    [18:44 09/11/2005] Este pasado fin de semana celebrou-se a convención mundial da fantasía na cidade de Madison, Wisconsin. Nela fíxo-se entrega dos prémios Mundiais da Fantasía, elixidos por un xurado composto por Kate Elliot, Jeffrey Ford, Tim Lebbon, Patrick Nielsen Hayden e Jessica Amanda Salmonson. Os gañadores foron:

    • Prémio especial, amateur: Robert Morgan
    • Prémio especial, profesional: S.T. Joshi
    • Millor ilustrador: John Picaccio
    • Millor Coleccion: Margo Lanagan por Black Juice
    • Millor Antoloxía: Empate entre Acquainted with the Night (Barbara e Christopher Roden) e Dark Matter (Sheree R. Thomas)
    • Millor relato curto: Margo Lanagan, Singing My Sister Down
    • Novela curta: Michael Shea por The Growlimb
    • Novela: Susanna Clarke por Jonathan Strange & Mr. Norrell
    • Prémios a toda unha vida: Carol Emshwiller e Tom Doherty

  • [0:39 11/11/2005] O actor de Arrested Development Will Arnett protagonizará a vindeira comédia sobrenatural da New Line Jeff the Demon, con James Bobin na dirección. Jeff the Demon, escrita por Tom Scharpling e Joe Ventura, céntra-se nunha parella de perdedores dun instituto que atopan un libro que lles permite invocar a un demo.

  • [0:39 11/11/2005] O sítio web SciFi.com, gañador dos prémios Hugo, Nebula e Mundial da Fantasía, ven de anunciar a súa decisión de deixar de publicarse após de permanecer seis anos on-line. Esta é a terceira ocasión na que un proxecto dirixido pola editora Ellen Datlow remata en traxédia.

    Regresa ao Índice do Arquivo de NOVAFANTASIA.COM