EN BREVE 14. Nov 2024 Game of Thrones Sophie Turner está a negociar coa Amazon para interpretar a Lara Croft na nova série de acción real Tomb Raider . O proxecto, da creadora de Fleabag e gañadora dun Emmy Phoebe Waller-Bridge , comezaría a se rodar a comezos de 2025 coa mesma Waller-Bridge de guionista e produtora executiva. Os detalles do argumento polo de agora non están claros, pero esta série é en todo caso independente do anime Tomb Raider na Netflix.
09. Nov 2024 Ice Age . Ray Romano , John Leguizamo , Queen Latifah , Denis Leary e Simon Pegg regresarán para encabezar o elenco da franquía, que recadou 408 millóns de dólares co seu anterior episódio, Ice Age: Collision Course . Porén, o spin-off mais recente foi The Ice Age Adventures of Buck Wild en 2022. A estrea de Ice Age 6 deberá agardar até 2026 coma moi cedo.
09. Nov 2024 Tony Todd morreu o pasado 6 de novembro na súa casa de Los Angeles aos 69 anos. Dende que en 1986 debutou no filme Platoon acumulou mais de 240 créditos en cinema e televisión, pero entre os fans acadou sona grazas ao seu papel do asasino de Candyman , así coma na franquía Final Destination , en Night of the Living Dead , The Crow , Wishmaster e Transformers . Na tele apareceu decote en Star Trek: The Next Generation , Star Trek: Voyager e Star Trek: Deep Space Nine , e foi convidado en 24 , Xena: Warrior Princess , The X-Files , Stargate: SG-1 , Smallville , Angel , Charmed , Chuck , Riverdale e The Orville .
A MGM ven de asinar ao director de City of Ember e Monster House, Gil Kenan, para que se encargue do remake do clásico filme sobrenatural de Tobe Hooper de 1982 Poltergeist. O orixinal, e o remake tamén, van sobre unha família que se muda a unha casa que se convirte nun pesadelo por mor dos espíritos que a enmeigan.
