O realizador Ruben Fleischer está a negociar para dirixir a comédia de zombies Zombieland para os estudos Columbia Pictures da Sony. Gavin Polone será o produtor, a través da súa compañía Pariah Films.
O guión de Rhett Reese e Paul Wernick céntra-se no tipo máis asustadizo da Terra, que lidera un variado grupo de supervivintes nun mundo dominado polos zombies. O título refíre-se a unvello fogar funerário reconvertido nunha mórbida atracción de feira chamada Zombieland.
A Sony quere poñer este proxecto en marcha canto antes, para evitar as consecuéncias de que os actores ou os directores se poñan en folga, tal e coma xa se comeza a anunciar dende hai días en Hollywood, se non se resolver a folga dos guionistas.
Fleischer, un director que até de agora só fixo anúncios e videoclips, tamén ten na súa axenda o filme da Paramount Pictures Psycho Funky Chimp para o produtor Todd Phillips.
