Goyer escribirá o guión de Viaxe Alucinante

0
223

David Goyer (Man of Steel, Batman Begins) ven de ser contratado para escribir un primeiro esbozo de guión para facer un remake do clásico filme de ciéncia-ficción de 1966 Fantastic Voyage pola Lightstorm Entertainment (propiedade de James Cameron) e mais pola 20th Century Fox.

Goyer é o último dunha listaxe de guionistas que tentaron previamente facer o mesmo traballo, pero sen o éxito necesário, ao longo dos últimos dez anos. Nesa listaxe habería que incluír a nomes coma os de Shane Salerno, Cormac, Marianne Wibberly e Laeta Kalogridis.

A história vai sobre unha equipa de científicos que son miniaturizados até un tamaño atómico e enviados nun submariño ao interior do corpo dunha persoa, á que deberán salvar a vida.

O proxecto levaba no repouso xa uns anos, pero a contratación de Goyer dá a entender que isto podería ser un filme de alto orzamento e se cadra poderiá-mo-lo ver axiña en produción. Cameron, Jon Landau e mais Rae Sanchini son os produtores, mentres ca Goyer sería o produtor executivo.