Michael Bay prepára-se para dirixir “Lobo”

0
72

A Warner Bros. e mais a DC Entertainment queren que Michael Bay se encargue de dirixir a adaptación ao cinema de Lobo, unha franquía dos cómics que leva moito tempo en desenvolvemento pero que non acaba de despegar.

Seica Bay mantivo unha xuntanza cos responsábeis dos estudos e ofreceu algunhas notas que o guionista Jason Fuchs (Wonder Woman) incorporará a un novo esbozo de guión que presentarán a Bay coa esperanza de que este acepte asinar o contrato. Pero polo de agora non hai nada oficial. O principal problema é o orzamento, xa que o actual guión o elevaría por riba dos 200 millóns de dólares, unha cifra que os estudos non queren alcanzar e que nin o mesmo Bay contempla.

A Warners quere que Lobo sexa a súa resposta ao éxito de Deadpool na Fox, coa que se racha o cuarto muro nun filme de superheroes, ou neste caso, de antiheroes. Lobo é un cazarrecompensas do planeta Czarn, é case indestrutíbel e conduce unha motocicleta espacial a través do cosmos, sempre na busca da súa seguinte présa. O persoaxe fíxo-se moi popular nos anos 90, pero pouco a pouco foi esquecido polos leitores dos cómics.

Bay pola súa banda está libre nestes intres xa que non ten ningún proxecto previsto.

Deixar unha resposta

Please enter your comment!
Please enter your name here