A Grande Heroína Americana

Hannah Simone (New Girl) ven de se facer co papel protagonista de episódio piloto da nova comédia da canle ABC, un programa que se filmará cunha soa cámara e que será unha nova versión da clásica série de culto dos anos 80 The Greatest American Hero.

A nova versión chega da man da parella responsábel da comédia Fresh Off the Boat, Rachna Fruchbom e Nahnatchka Khan e supón un cámbio de xénero do protagonista, que na série orixinal foi interpretado por William Katt, un home branco americano, mentres que na nova versión a heroína é unha muller americana de ascendéncia índia.

Simone interpretará a Meera, unha muller duns trinta e tantos anos á que lle encanta o tequila e o karaoke e que pasou a súa vida á procura de sentido, para o desgusto da súa família tradicional índia.

Un acontecemento inexplicábel mudará o decurso da súa vida para sempre: ela será a portadora dun super-traxe que lle dá poderes e co que deberá defender ao planeta. Meera pode que atopara por fin o seu propósito, pero o mundo nunca estivo nas mans dalguén tan pouco de fiar.

Fruchbom, Khan, Tawnia McKiernan e Mandy Summers serán as produtoras executivas.