EN BREVE 05. Dec 2024 Philippa Boyens , unha das responsábeis da triloxía orixinal de The Lord of the Rings xunto a Peter Jackson e Fran Walsh , concedeu unha longa entrevista na que falou sobre os plans de futuro da franquía. Entre outras cousas, mencionou a posibilidade de rodar mais anime e mesmo unha nova triloxía, dependendo da acollida do público das vindeiras The Lord of the Rings: The War of the Rohirrim e de Hunt for Gollum . E tamén dixo que Viggo Mortensen podería regresar ao papel de Aragon, se el quere.
14. Nov 2024 Game of Thrones Sophie Turner está a negociar coa Amazon para interpretar a Lara Croft na nova série de acción real Tomb Raider . O proxecto, da creadora de Fleabag e gañadora dun Emmy Phoebe Waller-Bridge , comezaría a se rodar a comezos de 2025 coa mesma Waller-Bridge de guionista e produtora executiva. Os detalles do argumento polo de agora non están claros, pero esta série é en todo caso independente do anime Tomb Raider na Netflix.
09. Nov 2024 Ice Age . Ray Romano , John Leguizamo , Queen Latifah , Denis Leary e Simon Pegg regresarán para encabezar o elenco da franquía, que recadou 408 millóns de dólares co seu anterior episódio, Ice Age: Collision Course . Porén, o spin-off mais recente foi The Ice Age Adventures of Buck Wild en 2022. A estrea de Ice Age 6 deberá agardar até 2026 coma moi cedo.
Idris Elba será o sustituto de Will Smith para o papel de Deadshot na secuela de Suicide Squad da Warner Bros. Pictures. Smith tivo que abandoar o proxecto por problemas de axenda e os estudos querían contar con outra figura de primeiro orde para non teren que se desfacer do persoaxe. A rodaxe do filme comezará en setembro baixo a dirección de James Gunn.
