A terceira Volta de Rosca chegará axiña

Xa son tres as adaptacións actualizadas da clásica novela de terror gótico de 1898 de Henry James The Turn of the Screw que teñen previsto chegar á pantalla nos vindeiros meses.

Quibi, o servizo de streaming de Jeffrey Katzenberg que se lanzará o 6 de abril de 2020, ven de comezar o desenvolvemento dunha série de WebTV cunha visión contemporánea da obra orixinal, que producirán Alexandra McNally (Under the Dome), Josh Berman (Drop Dead Diva) e mais a Sony Pictures Television.

Esta versión terá toques de folletín gótico e vai sobre unha neneira mexicana que é contratada para cuidar de dous nenos na súa casa de verán nunha idílica illa no noroeste do Pacífico. As cousas porán-se mais ben sinistras cando a neneira comece a ver pantasmas e a súa conexión coa realidade comece a facer augas.

Esta nova chega pouco tempo despois de que soubéramos do filme de terror de Mackenzie Davis e Finn Wolfhard The Turning que se estreará nos cinemas en xaneiro, e tamén despois de que a Netflix anunciase a secuela de The Haunting of Hill House, que se titulará The Haunting of Bly Manor e que probábelmente estea lista ao redor do Samaín do ano que ven. A versión con mais sona de todos os xeitos continúa a ser The Innocents, dirixida en 1961 por Jack Clayton.