EN BREVE 28. Mar 2023 The Incredible Hulk , na Marvel Studios, Liv Tyler regresará ao seu papel de Betty Ross en Captain America: New World Order . Á filla do xeneral Thaddeus "Thunderbolt" Ross non se lle ve dende o filme de 2008, pero para esta ocasión volverá xunto a Tim Blake Nelson , Carl Lumbly , Danny Ramirez e por suposto, Anthony Mackie , o novo Capitán América. Julius Onah dirixe a longametraxe que se estreará o 3 de maio de 2024.
21. Mar 2023 Star Trek: Strange New Worlds semella que está xa por entrar en rodaxe, mesmo antes de que se aprobe a súa produción. O produtor executivo Akiva Goldsman confirmou que a terceira tempada "ven de comezar a rodaxe ", e que a data de estrea da segunda dará-se a coñecer decontado, con dez novos episódios protagonizados por Anson Mount , Ethan Peck e Rebecca Romijn . A rodaxe da segunda tempada rematara no pasado mes de xullo.
21. Mar 2023 Victoria Alonso ven de abandoar a Marvel Studios por sorpresa. Alonso traballara para a Marvel dende a primeira película de Iron Man e foi produtora executiva de todos os seus filmes dende a primeira entrega dos Vingadores. Os motivos desta saída non están claros pero poderían estar relacionados coa mala recepción de Ant-Man and the Wasp: Quantumania , que non só decepcionou no despacho de billetes, senón que ergueu moitas críticas pola súa realización técnica, o departamento do que Alonso era a xefa.
