EN BREVE 15. Jan 2025 Screamboat , o filme de terror inspirado por Steamboat Willie , o primeiro debuxo animado de Mickey Mouse de 1928 e que entrou no domínio público en xaneiro de 2023, ven de ser adiada até o mes de abril. Ao mesmo tempo, a produtora revelou a primeira imaxe do filme, cun rato asasino que desata o pánico a bordo dun ferry. David Howard Thornton é o protagonista desta película que mesturará terror e comédia a partes iguais.
11. Jan 2025 Superman será principalmente un filme de cans, que se anunciará en concursos e exhibicións caninas na canle Animal Planet, todo coa presenza de James Gunn , cuxo can foi o modelo para crear a Krypto.
10. Jan 2025 Danny Boyle ven de revelar que volverá á franquía de 28 Days Later e que dirixirá a terceira parte da nova triloxía, 28 Years Later Part III . Boyle xa dirixiu a primeira, que chega este ano, mentres que Nina DaCosta encargou-se da segunda, 28 Years Later Part II , que xa se rodou e que se estreará o ano que ven. Mentres, o guionista Alex Garland confirmou que Cillian Murphy non está no primeiro filme, que ten lugar en Holy Island, e que os zombis só afectaron a Inglaterra pero non ao resto do mundo.
Miguel Sapochnik, o showrunner de House of the Dragon, ven de abandoar a série tan só dous capítulos despois da súa estrea. Aínda que a nova colleu por sorpresa a todo o mundo, a súa decisión seica débe-se ao seu desexo de facer outros proxectos na HBO. En todo caso, agora Ryan Condal será o único showrunner e seguirá traballando co autor e co-creador George R.R. Martin.
