O director de Jurassic World, Colin Trevorrow, traballará coa guionista e coprodutora executiva de House of the Dragon, Charmaine DeGrate, para faceren a película Atlantis na Skydance.
O proxecto atopaba-se en fase de desenvolvemento na Universal, que o devolveu a Trevorrow. A Skydance aproveitou a oportunidade para adquirir os dereitos do filme, que contaba xa cun borrador prévio escrito por Dante Harper (Edge of Tomorrow, Alien: Covenant). A Skydance pechou o acordo con Trevorrow para que este dirixa e produza mentres que DeGrate escribirá o guión. Trevorrow, David Ellison, Dana Goldberg e Don Granger serán os produtores.
Agora, DeGrate e Trevorrow están a reescribir o guión de aventuras fantásticas de Harper baseado na lendária civilización avanzada que se afundiu baixo as augas.
A diferenza doutras versións da mítica cidade perdida coma un reino submariño no Atlántico, esta vez o argumento a situará coma un continente perdido no Océano Índico entre África, Índia e Oceanía, una civilización multicultural cunha tecnoloxía avanzada de seu. Así a todo, non está claro se esta versión será a que se mantén ao final porque o guión aínda non é definitivo.
DeGrate traballou anteriormente coma guionista e produtora no sinistro drama pos-apocalíptico da canle The CW The 100, e é a co-produtora executiva e guionista de Star Wars: The Acolyte, actualmente en desenvolvemento.
