NETFLIX / Orion and the Dark. O guionista de clásicos coma Being John Malkovich e Eternal Sunshine of the Spotless Mind, Charlie Kaufman, escribiu a adaptación dun libro orixinal de Emma Yarlett que nos sitúa ás afóras de Philadelphia nos anos 90, onde Orion (Jacob Tremblay), un ansioso rapaz que ten medo da escuridade, recibe a visita do seu peor pesadelo, a Escuridade mesma (Paul Walter Hauser) para lle amosar que non hai ren que temer da noite. Dispoñíbel na plataforma de streaming a partir do 2 de febreiro de 2024.
