A Marvel Studios ven de se decidir por fin por comezar a pór en marcha a súa agardada nova versión dos X-Men en acción real. O guionista de The Hunger Games: The Ballad Of Songbirds & Snakes Michael Lesslie está a negociar cos estudos para escribir o filme. Polo de agora o proxecto está aínda nos seus primeiros pasos e non conta nin con director, nin elenco nin data de estrea. O único certo é que Kevin Feige en persoa, o presidente da Marvel Studios, será o seu produtor.
