Diablo Cody e Mason Novick asociarán-se coa Wattpad Webtoon Studios para produciren unha adaptación ao cinema do popular webcomic Death of a Pop Star. A guionista e produtora Isa Mazzei (Faces of Death) escribirá o filme, baseado na obra orixinal de Violet Karim.
O webcomic sobrenatural conta xa con mais de 33 millóns de visualizacións e ten coma protagonista a Sophie, unha cantante pop de sona mundial que despois dun desafortunado accidente, morre e esperta no inferno.
Pero resulta que a Morte é a súa fan número un, e nun intento desesperado por salvar ao seu ídolo, dá-lle unha segunda oportunidade para regresar viva á Terra. Porén isto non pode saír coma se agardaba e Sophie verá-se constantemente ameazada de regresar ao inferno.
Aron Levitz, David Madden e Jason Goldberg serán os produtores executivos.
