Scott Grimes, o actor que que interpreta ao temoneiro da nave Orville, o tenente Gordon Malloy, apareceu na convención Trek to Vegas esta fin de semana en Las Vegas para actuar coa súa banda, e no decurso do seu concerto, revelou aos asistentes que a cuarta tempada da série The Orville seica está en marcha e a produción ten previsto comezar en xaneiro.
A série, creada por Seth MacFarlane, nunca rematou oficialmente nin foi cancelada, pero despois da súa terceira tempada, cuxo derradeiro episódio foi emitido na Hulu o 4 de agosto de 2022, non houbo mais novas nin se deu a coñecer a data de rodaxe da seguinte tempada, polo que o elenco de actores ficou libre de contrato.
Grimes leva moitos anos traballando con MacFarlane en várias series, incluída Ted, da Peacock, que xa foi renovada para unha segunda tempada.
Con todo, os seus comentários son até agora a única indicación de que a cuarta quenda de capítulos de The Orville poida entrar en produción, porque non hai ningunha confirmación oficial sobre a suposta data de comezo por parte da Disney, da Hulu, de MacFarlane ou dos outros co-protagonistas.
Agárda-se que a vindeira fin de semana, no decurso da D23, chegue unha confirmación, xa sexa positiva ou negativa.
