Hai mais de dez anos que se comezou a desenvolver un filme de acción real baseado na franquía de debuxos animados de Ben 10 da Cartoon Network. Agora o proxecto está oficialmente morto. Os produtores Joel Silver e Steve Richards tiñan previsto producir o filme en 2011 para a Warner Bros. Pictures, pero o proxecto ficou en suspenso un ano despois, e agora Richards confirmou por fin que xa non sigue vivo: “Teño que admitir que debería actualizar o meu IMDb. Non. Cando traballaba con Joel Silver, tiñamos os dereitos e, si, caducaron“.
