O ex-protagonista de Superman e The Witcher, Henry Cavill, ven de se unir por sorpresa ao elenco do filme de acción real Voltron nos estudos MGM da Amazon.
A película está baseada no popular anime “mecha”, e conta con Rawson Marshall Thurber (Red Notice, Skyscraper) coma director. Cavill une deste xeito o seu nome ao do debutante Daniel Quinn-Toye, quen foi anunciado a semana pasada coma protagonista.
O clásico dos debuxos animados dos anos 80 centraba-se en cinco rapaces pilotos espaciais dun batallón chamado os Robot Lions, uns vehículos capaces de se uniren para formar o mega robot coñecido coma Voltron.
Thurber e Ellen Shanman son os coguionistas, mentres que Todd Lieberman, Bob Koplar e David Hoberman encargan-se da produción. A rodaxe ten previsto comezar este outono en Austrália.
Os dous ultimos proxectos de Cavill non tiveron o éxito agardado: Argylle e The Ministry of Ungentlemanly Warfare acadaron moi malas críticas, mentres que o seu recente cameo en Deadpool & Wolverine pasou maiormente desapercibido, o mesmo co resto do filme.
