NEON / The Monkey. Despois do seu éxito con Longlegs a primeiros de ano, coa produción de James Wan e baseado nun conto orixinal de Stephen King, chega o novo filme do cineasta Osgood Perkins. Protagonizada por Theo James, esta história de terror comeza cando dous irmáns atopan no ático o vello mono de xoguete de seu pai. Unha série de arrepiantes mortes comeza a acontecer ao seu redor, polo que deciden desfacer-se do mono. Pero cando as mortes comecen de novo uns anos despois, os irmáns deberán atopar un xeito de destruír o xoguete dunha vez para sempre antes de que se leve por diante as vidas de todos os seus seres queridos. Tatiana Maslany, Elijah Wood, Christian Convery, Colin O’Brien, Rohan Campbell e Sarah Levy completan o elenco dun filme que chegará ás pantallas de cinema a partir do 21 de febreiro de 2025.
