NETFLIX / The Electric State. O novo dos irmáns Russo (Avengers: Endgame) é un western de ciéncia-ficción retro-futurista ambientado nuns anos 90 alternativos. Cun elenco de luxo composto por Millie Bobbie Brown, Chris Pratt, Ke Huy Quan, Giancarlo Esposito, Anthony Mackie, Stanley Tucci, Jason Alexander, Brian Cox e Jenny Slate, e baseado na novela gráfica homónima de Simon Stalenhag, rodou-se entre outubro de 2022 e abril de 2023. Brown interpreta a unha adolescente orfa que atravesa o Oeste americano co seu amigo robótico e con Keats (Pratt), un excéntrico vagabundo e veterán da guerra entre robots e humanos na procura do seu irmán cativo. O disparatado orzamento (320 millóns de dólares) custou-lle o posto ao presidente da Netflix Films, Scott Stuber, pero con todo a estrea está prevista para o 14 de marzo do ano que ven.
