O barco de Piratas do Caribe, saqueado

415

Un dos barcos utilizados na triloxíaUns ladróns saquearon un veleiro de época que sulcou os mares en dous filmes da famosa triloxía Piratas do Caribe. O HMS Bounty, atracado en Greenock (Escócia), onde facía escala dentro dunha rota por portos británicos, foi abordado o pasado sábado polos delincuentes, que subtrairon entre 50 e 100 libras (entre 57 euros e 114 euros), así como a insígnia do barco.

Os ladróns, que non dubidaron en emular aos corsários da triloxía cinematográfica, tamén levaron un salvavidas, un libro, un aboiador e unha bandeira americana, ainda que estes obxectos foron recuperados nos aledaños do porto.

A Policia pediu a colaboración cidadá para recuperar o botín do HMS Bounty, que é unha réplica da nave orixinal, famosa pola sua desafortunada singradura a Tahití en 1789. Durante aquela expedición, o buque viviu un motin a bordo que deixou ao capitán William Bligh e a dezaoito tripulantes á deriva.

O HMS Bounty ancorado en Escócia foi construído en 1962 para o filme Rebelión a bordo (Mutiny on the Bounty, no seu título orixinal), en cuxo reparto brillaba Marlon Brando.

Dende aquela, o veleiro utilizou-se nas aventuras das dúas últimas entregas de Piratas do Caribe, que protagoniza Johnny Depp no papel do Capitán Jack Sparrow.