Os actores Kodi Smit-McPhee, Chloe Moretz e Richard Jenkins serán os protagonistas de Let Me In, a adaptación de Matt Reeves do filme sueco Låt den rätte komma in para a Hammer Films e mais a Overture Films.
Baseada na novela supervendas do escritor sueco John Ajvide Lindqvist, Let Me In é un conto de vampiros contemporáneo sobre un neno que se fai amigo dunha rapaza recén chegada ao bárrio e que resulta ser unha vampira.
Smit-McPhee (The Road) e Moretz ((500) Days of Summer) interpretarán aos dous protagonistas, que nesta versión non serán tan nenos, senón adolescentes, chamados Owen e Abby, mentres que Jenkins fará o papel do persoaxe adulto principal, coñecido coma Hakan no filme orixinal. Ademáis, a acción xa non transcurrirá nos fríos paisaxes do inverno sueco, senón nos Estados Unidos.
A novela foi adaptada no filme sueco de 2008 Låt den rätte komma in, que acadou un grande éxito en todo o mundo. A fotografía principal escomeza este outono baixo a dirección de Reeves (Cloverfield) en New Mexico.
