Puertas

0
221

Título Orixinal: There are doors
Autor: Gene Wolfe
Editorial: Martínez Roca, 1994
Idioma: Español

Gene Wolfe é un deses monstros da ciéncia ficción e tamén da fantasía ó que pouco ou nada se lle pode apoñer na súa contra, e coa pubricación desta novela deu un novo paso na súa xa máis ca longa carreira, esta vez no eido nebuloso que debe haber entre ámbolos dous mundos, a fantasía e a ciéncia ficción.

E nada millor que falar de dous mundos porque a novela trata precisamente diso, de cómo Green, despóis de pasar unha feliz velada con Lara, pérdea dun xeito misterioso: ela marcha decíndolle que hai portas que levan a outros sítios, e que non deben ser cruzadas. Claro que Green non lle fai moito caso, e así comeza unha extraña odisea entre dous universos paralelos: o noso, e o de Lara, onde os homes morren despóis de mantér relacións sexuais coas mulleres, e por iso son elas as que case sempre mandan.

Nese outro mundo, nebuloso por canto non sabemos se existe e verdade ou só é o produto do maxín de Green, coma lle din os seus médicos e psiquiatras, Lara non só é unha muller, senón que é unha deusa que se aparece a algunhas persoas, ó tolos.

Se cadra Wolfe escribíu este Puertas nun intre equivocado. Nos anos sesenta iríalle moito millor e se cadra tería acadado o facer dela unha novela lendária, pero agora que xa o temos visto de todo na tele, é ben difícil sorprendernos. Inda así, trátase dunha desas obras que cadaquén pode interpretar coma millor goste, xa que logo é ben difícil saber qué foi o que acontecéu realmente, a liña argumental non é doada de seguir e pérdese o fío con moita facilidade, atopándoo unhas páxinas adiante, cando xa non sabemos cómo chegamos alí.

Xusto o que desexaba Wolfe… ¿ou non? Se a resposta é sí, esta novela é moi boa. Se a resposta é que non, Puertas será unha obra para esquecer. Pero así son as cousas case sempre.

Total
Calificación
COMPARTIR
Artigo anteriorO centro do labirinto
Seguinte artigoLa memoria de la Tierra