Terceira adaptación do Símbolo Perdido

0
164

Danny Strong (Recount) ven de ser contratado para que se encargue do novo guión da adaptación ao cinema da terceira novela do escritor Dan Brown que ten coma protagonista a Robert Langdon, The Lost Symbol, para a Sony Pictures.

A história está ambientada ao redor de Washington D.C. onde o director do Instituto Smithsonián foi secuestrado e Langdon fica vencellado a un complot que inclúe aos masóns, a ciéncia Noética e un asasino que ten todo o corpo tatuado.

Mark Romanek (Never Let Me Go) semella polo de agora que segue a ser o director, sustituíndo neste posto a Ron Howard, encargado das dúas anteriroes entregas, O Código Da Vinci e Anxos e Demos. Agárda-se que Howard e Brian Grazer sexan os produtores.

Strong é xa o terceiro guionista que chega a bordo do proxecto, após de que Steven Knight e mais o mesmo Brown entregaran bocetos que non foron do gusto da produtora. Agárda-se que Tom Hanks repita o seu papel de Langdon, pero non hai ningún compromiso pola súa parte.