Sam Raimi fala da posesión

0
208

Sam Raimi está vencellado a unha chea de proxectos estes días, coa nova versión de The Evil Dead de Fede Alvarez coma o mais salientábel. Pero antes de que chegue ese filme, está a promocionar The Posession, dirixido polo danés Ole Bornedal, e tivo ocasión de contar á prensa o que lle atraiu deste conto de medo supostamente baseado en feitos reais.

O meu parceiro, Nathan Kahane, trouxo á oficina un artigo do Los Angeles Times, escrito por Leslie Gornstein“, explica Raimi, “e titulába-se Jinx in a Box. Ía sobre esa terríbel caixa Dibbuk, e o artigo falaba sobre a história de todas esas persoas que entraron en contacto con ela e as cousas terríbeis que lles aconteceron, e realmente metía moito medo“.

No filme, a pequena Natasha Calis merca unha desas caixas e é posuída por un espírito malvado. Raimi sempre foi un fan das posesións nos seus filmes, seica porque o considera un fenómeno que o público pode entender.

É moi doado, de tres xeitos distintos, ver que a posesión existe no noso mundo“, dixo Raimi. “O primeiro é cando ves a unha persoa moi dominante que ten a alguén baixo o seu control psicolóxico. Sabemos que iso existe, dese xeito. A dominación do própio espírito e mente non é unha cousa agradábel, pero coido que acontece“.

O segundo tipo de posesión que vemos é unha posesión por computador. Ti podes ir e hackear o computador dalguén e apoderar-te do seu cerebro. Non é unha cousa viva, senón unha mera posición matemática. Podes dicir ao seu computador que faga calquera cousa que queiras que faga. Así que existe dese xeito no noso mundo“.

E finalmente están os virus, que son un pequeno anaco de ARN que se replica dentro do noso ADN e lle di ao noso corpo ‘Replíca-me até a morte, tolearemos e tomaremos o control’. Realmente está a controlar o teu corpo. Está aí en segredo, até que un día se dá a coñecer. Esa é a clase de posesión física que ten lugar. Así que xa hai moitas clases de posesión no noso mundo, é realmente un pequeno paso para min acreditar que este tipo de posesión pode ser real“.

O filme The Posession, protagonizada por Jeffrey Dean Morgan e Kyra Sedgwick, estréa-se mañán nos Estados Unidos e o 20 de setembro en toda Europa, pero a Galiza non chegará coma moi cedo até o 21 de decembro.