04. Sep 2024
O cineasta italiano Luca Guadagnino (Suspiria) podería estar a mantér negociacións para dirixir unha adaptación ao cinema do clásico título da DC Comics Sgt. Rock para a Warner Bros. Pictures. O filme estará ambientado na Segunda Guerra Mundial e conta cun guión de Justin Kuritzkes (Challengers). O seu persoaxe protagonista é o sarxento Franklin Rock, un heroico oficial americano que loita en Europa contra os nazis, e que aínda que posúe grandes habilidades de combate, non é un superheroe.
04. Sep 2024
Algúns médios informaron hai un par de días que a HBO ofrecera o papel de Lanterna Verde a Josh Brolin para que fixera de Hal Jordan na série da DC Lanterns, a estrear en 2026. Agora, as novas amplían eses rumores a outros dous nomes: Ewan McGregor e Matthew McConaughey foron citados coma candidatos para o caso de que Brolin decline a oferta. A série tentará ser unha espécie de True Detective, na que o vello Lanterna (Hal Jordan) e mais o novo (John Stewart) tentan resolver un misterioso asasinato.
17. Aug 2024
O veterán Harrison Ford podería formar parte da próxima película de J.J. Abrams, que polo de agora conta xa con Jenna Ortega e Glen Powell coma protagonistas. O argumento seica vai sobre un xove matrimónio que loita por sobrevivir contra unha entidade sobrenatural, aínda que outros apuntan a que se asemellaría mais ao clásico Last Starfighter. En todo caso, este será o regreso á dirección de Abrams dende Star Wars: The Rise of Skywalker.
