13. Jan 2025
Hai cousa dun ano se soubo que Drew Goddard (o guionista de The Martian) debutaría coma director ao cargo dunha nova entrega da franquía de The Matrix, a primeira sen ningunha das irmás Wachowski ao temón. Agora xurde o rumor de que a cantante e actriz Ariana Grande podería ter un papel protagonista no devandito filme. Após do seu éxito co musical Wicked, Grande daría deste xeito o chimpo ao cinema de acción e ciéncia-ficción, seguindo os pasos de Jennifer López.
13. Jan 2025
O éxito de 2020 da Netflix The Old Guard sobre unha equipa de mercenários inmortais prometeu unha secuela, que de feito se rodou en 2022 coa protagonista orixinal (Charlize Theron) e mais Uma Thurman. Con todo, o filme aínda non foi estreado e non hai datas fixadas na grella. Aínda que moitos atrasos poden deber-se ás folgas e mais á pandémia, seica a Netflix non está totalmente satisfeita cos resultados e ten previsto volver a rodar novas escenas este verán. O orzamento mentres tanto xa se disparou por riba dos 140 millóns de dólares.
09. Jan 2025
Seica a Marvel Studios está a considerar a posibilidade de lle dar o papel de T’Challa a un novo actor para a terceira entrega de Black Panther. Chadwick Boseman interpretou ao superheroe até a súa morte hai cinco anos, polo que o guión do segundo filme xa foi modificado drasticamente, pasando o facho a Shuri (Letitia Wright). Agora, coa chegada do Multiverso, a opción dun novo T’Challa cobra forza. En todo caso, a terceira parte aínda non entrou en produción nin ten datas de comezo fixadas.
