13. Apr 2021
Após de se converter na película mais vista das últimas dúas semanas, Godzilla vs. Kong podería acadar algo que ningún outro filme acadou dende que comezou a pandémia: ser rendíbel. Cos seus 358 millóns de dólares recadados en todo o mundo, provintes especialmente do mercado asiático, a longametraxe de Adam Wingard está moi preto de obtér de volta os cartos investidos na súa produción e márketing, e iso sen contar os ingresos que a HBO Max está a facer en forma de novas suscripcións.
26. Mar 2021
Após de que se dera a coñecer que Michael Keaton repetiría o seu emblemático papel de Batman na vindeira película The Flash, o mesmo Keaton ven de poñer un freo ás esperanzas, e nunha recente entrevista dixo que tiña medo de morrer co covid, que prefire ficar no seu prédio e que non lle apetece rodar nestes intres. A rodaxe de feito aínda non comezou, pero ten previsto face-lo a partir do 26 de abril en Inglaterra.
01. Mar 2021
Henry Cavill (Man of Steel) posteou o outro día unha foto que seica é unha referéncia a un novo proxecto. Nela aparece sentado nunha cadeira durante a rodaxe de The Witcher mentres lé un guión coa portada borrosa e coa lenda: "Proxecto secreto? Ou só un facho de papel con palabras aleatórias... coido que ides ter que agardar para ver. Feliz mércores a todos". No texto borroso póde-se lér "Cerberus", "Reaper", "Geth" e "Tali’Zorah", que é texto do terceiro xogo da saga Mass Effect.
