25. Nov 2024
Aínda que ideia orixinal da Marvel Studios era facer unha película dos Young Avengers, o proxecto dista moito de ser anunciado. De feito, o rumor é que podería pasar a ser unha série da Disney+ titulada Champions. A razón é moi sinxela: os actores que interpretan aos Novos Vingadores xa non son tan novos. Hailee Steinfeld ten 27 anos, Kathryn Newton tamén 27, Iman Vellani 22, Joe Locke 21 e Xochitl Gomez é a mais nova, con 18 anos. Nos cómics son todos adolescentes.
22. Nov 2024
Os rumores sobre o filme que axuntaría a Venom e Spider-Man continúan a dar de si e o último é a posibilidade que ambos formen equipa para loitar contra Knull, o Deus dos Simbiotas que aparece brevemente en Venom: The Last Dance. Con todo, as novas aínda son unha pura especulación e non hai sinais de que vaian a mais, pero o pasado día 8 nun comunicado da Sony Pictures de Xapón, indicou-se inadvertidamente que hai plans para que Tom Holland e Tom Hardy aparezan xuntos nas pantallas. A Sony polo de agora asegura que é un erro de tradución.
01. Nov 2024
Nunha entrevista publicada onte, o director inglés de 86 anos Ridley Scott revelou que está a desenvolver unha nova película da franquía de Alien, que el mesmo comezou en 1979, para a 20th Century Studios, pero non aclarou se este proxecto se tratará da recentemente anunciada Alien: Romulus 2, na que participará só coma produtor, ou de algo totalmente diferente.
