Santiago Eximeno

1 NOVAS 0 Comentários

Santiago Eximeno (Madrid, 1973) publicou novelas coma Cazador de Mentiras (Ediciones Jaguar, 2007, a catro mans con David Jasso) ou Asura (Grupo AJEC, 2004), libros de relatos coma Bebés jugando con cuchillos (Grupo AJEC, 2008) ou Obituario Privado (23 Escalones, 2010), e numerosos relatos en diferentes antoloxías e revistas. Foi traducido a vários idiomas e gañou vários prémios, entre eles catro veces o Prémio Ignotus, concedido pola Asociación Española de Fantasía, Ciéncia-Ficción e Terror (AEFCFT), polos seus relatos e antoloxías. Coordina a colección Microbio, orientada á ficción mínima, da editorial Viaje a Bizancio. En 2011 aparecerá o seu xogo de mesa Invasión (Edge, 2011), creado xunto a Pedro Belushi e, entre outros libros, Umbría (Viaje a Bizancio, 2011).

Relatos

As Colunas

Santiago Eximeno - 12. Dec 2004

BOATOS E AZUEIRAS

18. Jan 2025

A longamente agardada série da Marvel Studios TV baseada no persoaxe de Nova semella ir gañando metros, aínda que moi amodiño. O mes pasado soubo-se que Edward Allen Bernero podería ser o showrunner. Agora, novos informes aseguran que a Marvel pediu-lles aos guionistas que poñan a Annihilus coma o principal vilán, e que o tón da série sería coma Starship Troopers, a clásica sátira do fascismo de Paul Verhoeven. Calquera que sexa a decisión final, non se espera que o resultado estea en antena até polo menos dentro de tres anos.

13. Jan 2025

Hai cousa dun ano se soubo que Drew Goddard (o guionista de The Martian) debutaría coma director ao cargo dunha nova entrega da franquía de The Matrix, a primeira sen ningunha das irmás Wachowski ao temón. Agora xurde o rumor de que a cantante e actriz Ariana Grande podería ter un papel protagonista no devandito filme. Após do seu éxito co musical Wicked, Grande daría deste xeito o chimpo ao cinema de acción e ciéncia-ficción, seguindo os pasos de Jennifer López.

13. Jan 2025

O éxito de 2020 da Netflix The Old Guard sobre unha equipa de mercenários inmortais prometeu unha secuela, que de feito se rodou en 2022 coa protagonista orixinal (Charlize Theron) e mais Uma Thurman. Con todo, o filme aínda non foi estreado e non hai datas fixadas na grella. Aínda que moitos atrasos poden deber-se ás folgas e mais á pandémia, seica a Netflix non está totalmente satisfeita cos resultados e ten previsto volver a rodar novas escenas este verán. O orzamento mentres tanto xa se disparou por riba dos 140 millóns de dólares.

As Colunas

O QUE VAI VIR

The Monkey

Daredevil: Born Again

The Woman in the Yard

The Witcher: Sirens of the Deep

Presence