A Netflix quere facer un grande filme de debuxos animados de seu e para esta tarefa decediu-se por contratar ao realizador Chris Williams (Moana, Big Hero 6) para que dirixa Jacob and The Sea Beast. A história seica vai sobre un mariñeiro que atopa unha serea, a quen deberá defender de antigos cazadores. Polo de agora non hai moitos mais detalles, pero a Netflix conta con estrear o filme en 2022.
O realizador Ryan Coogler ven de confirmar que repetirá coma director da secuela de Black Panther, regresando asemade coma guionista deste filme da Marvel Studios que resultou ser ún dos grandes trunfadores de 2018, con 1.300 millóns de dólares recadados en todo o mundo. A produción comezará a finais de 2019 ou princípios de 2020. Coogler está ademais ocupado na secuela de Space Jam.
Jamie Foxx e Joseph Gordon-Levitt serán os protagonistas dun filme de ciéncia-ficción que producirá a Netflix e que polo de agora non ten título. Henry Joost e Ariel Schulman dirixirán o proxecto a partir dun guión de Mattson Tomlin. Gordon-Levitt será un policía de barrio que vai alén do deber e Foxx interpretará a un pai de família que sofre unha grande pérdida. Eric Newman (Children of Men) e Bryan Unkeless (I, Tonya) serán os produtores.
