John Ridley (12 Years a Slave) será o director e guionista do filme de viaxes polo tempo A Needle in a Timestack para a Miramax. Baseado nun conto de Robert Silverberg, o filme vai sobre un marido que non se detén ante nada para salvar o seu matrimónio cando é destruído por un viaxeiro temporal rival. Vince Gerardis e Matt Kennedy serán os produtores executivos.
Benedict Cumberbatch será o protagonista da adaptación á pantalla grande para a SunnyMarch e a Studiocanal de How to stop Time, a vindeira novela de Matt Haig. Cumberbatch interpretará a Tom Hazard, un home que aparenta ter 41 anos pero que por mor dunha rara enfermidade, leva vivo moitos séculos. A história de amor ocupa vários séculos e vários continentes.
A Polygon Pictures e mais a xaponesa Toho veñen de anunciar que chegaron a un acordo para produciren conxuntamente o filme de debuxos animados Godzilla, que chegará ás pantallas da Netflix a finais deste ano. A versión de Gen Urobuchi, Kobun Shizuno e Hiroyuki Seshita do clásico monstro xigante é a primeira en debuxos animados que se realiza en Xapón, onde se estreará nas salas de cinema este ano.
