A Marvel Studios arrincou a súa mesa redonda na Comic Con de San Diego coa nova de que Michelle Pfeiffer será Janet Van Dyne, a Véspora orixinal en Ant-Man and the Wasp. Asemade Pfeiffer úne-se a Walton Goggins (Sonny Burch), Laurence Fishburne (Dr. Bill Foster) e Hannah John-Kamen (Ghost) neste filme dirixido por Peyton Reed.
A gañadora do Emmy Sarah Paulson (American Crime Story: The People vs. O.J. Simpson) unirá-se ao reparto do thriller de M. Night Shyamalan Glass, a vindeira secuela de Split e Unbreakable. No elenco de actores figuran xa James McAvoy, Anya Taylor-Joy, Bruce Willis e Samuel L. Jackson. O filme será producido pola Universal Pictures e polo de agora non se deron a coñecer mais detalles do seu argumento. A data de estrea será o 18 de xaneiro de 2019.
O actor Kevin Bacon confirmou que non só se vai facer un episódio piloto para levar á pequena pantalla a franquía cinematográfica de Tremors, senón que ademais xa atoparon unha canle disposta a emitir o episódio, a Syfy. Bacon confirmou asemade que repetirá o seu papel de Valentine McKee e que será o produtor executivo da série.
