Ken Watanabe e mais Tom Hardy veñen de se unir ao reparto do vindeiro filme de ciéncia-ficción de Christopher Nolan Inception. A história, que escribiu o mesmo Nolan, está ambientada na arquitectura da mente, e o protagonista será Leonardo DiCaprio interpretando ao xefe dunha empresa.
Watanabe interpretará ao malvado do filme, un home que tenta chantaxear ao persoaxe de DiCaprio. Hardy será un membro da equipa de DiCaprio. Os dous actores únen-se a un reparto no que xa figuran Joseph Gordon-Levitt, Cillian Murphy, Ellen Page e Marion Cotillard.
Watanabe volve deste xeito a facer un filme con Nolan, despois de que ambos traballasen xuntos en Batman Begins (2005).
Nolan e mais os estudos pretenden escomezar a rodaxe este verán e estrear o filme en 2010.
